Тазоҳурот дар Кобул дар робита ба марги Фархунда. 24 марти соли 2015

Расонаҳо: тоҷикони Афғонистон алайҳи поксозии қавмӣ

28
(Таҷдидшуда 13:35 02.12.2015)
Дар пойтахти Афғонистон намоиши эътирозӣ дар робита ба хушунати қавмӣ (қавмгаройӣ) дар яке аз мавзеъоти марказии ин кишвар баргузор шуд. Ширкатдорон талабу дархости худро ба ҳукумат ба таври расмӣ ироа доштанд.

ДУШАНБЕ, 2 дек — Sputnik. Тоҷикони Афғонистон аснои як тазоҳуроти густурда дар пойтахти ин кишвар- шаҳри Кобул нигаронии хешро аз қавгаройӣ дар вулусволии Бомиён иброз доштанд, менависанд расонаҳои маҳаллӣ.

"Тоҷикони бумӣ- сокинони вулусволии Бомиён, ки асрҳои аср дар ин ҷо сукунат доштанд, мавриди тазйиқ ва фишор қарор гирифта, ба таври оммавӣ ин қаламравро тарк мекунанд",- омадааст дар баёния.

Ба иттилоъи ВАО, ширкатдорони раҳпаймоӣ аз мақомоти давлатӣ вокуниши сареъро талаб дошта, хостори қатъи ҳама гуна фишору таҳдидҳо дар қиболи тоҷикони минтақа мебошанд.

"Эътирозгарон изҳоротеро паҳн карданд, ки дар он сухан дар мавриди ширкати баробари аққалияти миллӣ дар ҳаёти сиёсии кишвар меравад",- меафзояд манбаъ.

Ҳамзамон, онҳо аз Кобули расмӣ талаби додани кафолати ҳуқуқиро барои ширкати аққалиятҳои миллӣ дар сохтори давлатӣ кардаанд.

Ба гуфти тазоҳуротгарон, ҳарчанд дар вулусволии Бомиён теъдоди тоҷикон 40% бошад ҳам, онҳо нақше дар ҳаёти сиёсии минтақа надоштаанд. Таври мисол аз 2 ҳазор мағоза, ки дар вулусволӣ вуҷуд дорад, ягонтои он ба тоҷикон таалуқ надорад.

Бомиён- мавзеъе дар маркази Афғонистон буда, дар ин ҷо ҳайкали буддо ва ёдгориҳои зиёди таърихӣ мавҷуд мебошанд. Чанд сол қабл "Толибон" дар минтақа ёдгории қадимӣ- ҳайкали калонтарини буддоро нобуд сохтанд. Водии Бомиён ба феҳрасти осори таърихӣ ва мероси ниёкон (ЮНЕСКО), ки хатари нобудӣ ба онҳо таҳдид дорад, шомил гардидааст.  

28
Барчаспҳо:
эътироз алайҳи поксозии қавмӣ дар Бомиён, роҳпаймоии тоҷикони Афғонистон, тазоҳурот дар Кобул, ҷанг дар Афғонистон, мақомоти давлатӣ, ЮНЕСКО, Кобул, Бомиён, Афғонистон
Мигранты в аэропорту

161 ҳолат дар як рӯз: бад шудани вазъи коронавирус дар Қирғизистон

16
(Таҷдидшуда 14:31 27.09.2020)
Дар Қирғизистон пас аз як моҳи ба эътидол омадани вазъи коронавирус, боз мавориди олуда шудани сокинон ба ин маризӣ афзоиш ёфта истодааст

ДУШАНБЕ, 27 сен — Sputnik. Танҳо дар як шабонарӯзи ахир дар ин кишвар дасти кам 161 нафар тоза дардманди коронавирус шуданд.

Ситоди ҷумҳуриявӣ оиди мубориза бо коронавирус хабар дод, ки аз ҳама беш шумораи гирифторон дар вилояти Ботканд ба қайд гирифта шудааст.

Шабонарӯзи ахир дар ин вилоят 45 ҳолати ҷадиди гирифторшавӣ ба маризии коронавирус сабт гардид. Ҳамчунин дар шаҳри Бишкек 29 ҳолат, Ҷалолобод 23 ва Ош 33 мавриди тоза мубтало шудани сокинон ба қайд гирифта шуд.

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

Дар минтақаҳои дигари ин ҷумҳурӣ, сатҳи сироятёбии сокинон нисбатан камтар сурат гирифтааст.

Ба ҳамин минвол, дар Қирғизистон шумораи умумии гирифторони коронавирус 46 251 нафар буда, ҳамчунин 1063 нафар аз замони авҷ гирифани ин маризӣ то ҳол ҷон аз даст доданд.

16
Барчаспҳо:
омор, маризӣ, Қирғизистон
Президент Узбекистана Шавкат Мирзиёев

Раисҷумҳур: ҳоқимони шаҳру вилоятҳоро бояд халқ интихоб кунад

806
(Таҷдидшуда 21:03 26.09.2020)
Шавкат Мирзиёев, раисҷумҳури Ӯзбекистон пешниҳод кард, ки ҳоқимони шаҳру вилоятҳоро халқ интихоб кунад

ДУШАНБЕ, 26 сен - Sputnik. Шавкат Мирзиёев, президенти Ӯзбекистон бори дигар хостори он шуд, ки ҳоқимони шаҳру вилоятҳоро халқ интихоб кунад, хабар медиҳанд расонаҳои ин кишвар.

“Ҳокимонро бояд халқ интихоб кунад. Мо ҳатман ин корро мекунем”, — таъкид дошт раисҷумҳури Ӯзбекистон.

Манбаъ қайд кард, ки Шавкат Мирзиёев ҳануз моҳи декабри соли 2016 пешниҳод карда буд, ки ҳокимон дар кишвар бояд интихобӣ шаванд.

“Агар ҳар минтақа роҳбари худро интихоб кунад, афзоиши якбораи масъулияти роҳбарон дар назди мардум ва ҷомеаро чашмдор шудан мумкин аст”, — гуфт президенти Ӯзбекистон.

Бояд қайд кард, ки айни замон, ҳокимони вилоятҳо ва шаҳри Тошкандро президент таъйин ва озод мекунад.

Номзадҳои ҳоким барои тасдиқ аз ҷониби маҷлисҳои вакилони халқи вилоят ва шаҳри Тошканд пас аз машварат бо ҳар кадоме аз гурӯҳҳои ҳизбии маҷлиси дахлдор пешниҳод карда мешаванд.

 Дар айни замон, ҳокими ноҳия ва шаҳрҳоро ҳокимони вилоятҳо, ҳокими шаҳри Тошканд таъйин ва озод мекунанд ва аз ҷониби кенгаши (маҷлис) дахлдор тасдиқ карда мешаванд.

806
Барчаспҳо:
Раисҷумҳур, шаҳр, интихоб, вилоят, Шавкат Мирзиёев, Ӯзбекистон
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

0
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буд, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бемуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидори зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

0
Барчаспҳо:
истеҳсол, бозор, нарх, картошка, Тоҷикистон