Кабул. Акс аз бойгонӣ

ВАО: истеъфои раиси Кумитаи амнияти Афғонистон дар пайи интиқоди Ғанӣ

19
Раҳматуллоҳ Набил дирӯз дар саҳифаи Фейсбуки худ аз сафари раисҷумҳури Афғонистон Ашраф Ғанӣ Аҳмад ба Покистон шадидан интиқод карда буд.

Душанбе, 10 дек — Sputnik. Раиси Кумитаи амнияти миллии Афғонистон Раҳматуллоҳ Набил аз мақоми худ истеъфо додааст, иттилоъ медиҳад хабаргузории "Pajhwok Afghan News".

Хабари истеъфои ҷаноби Набил дар ҳолест, ки Хадамоти матбуотии ҳукумати Афғонистон чанд соати қабл эълон кард, ба таҳқиқи изҳороти ахири раиси ҳамакнун собиқи Кумитаи давлатии амнияти миллии ин кишвар дар бораи сафаи Ашраф Ғанӣ Аҳмад ба Покистон шуруъ кардааст.

"Суханҳои ҷаноби Набил воқеан тааҷҷубовар мебошанд ва ҳеч кас ҳам тасаввур намекунад, ки ин суханҳо аз сӯи Набил гуфта шудаанд. Зеро ҳеч кадоме аз раҳбарони органҳои амниятӣ тавони гуфтани ин суханҳо ва интиқоди ҷасуронаи раисҷумҳури худро надоранд", — иқтибос овардааст хабаргузорӣ аз манбаи худ дар ҳукумати Афғонистон.

Раҳматуллоҳ Набил дирӯз дар саҳифаи Фейсбуки худ аз сафари раисҷумҳури Афғонистон Ашраф Ғанӣ Аҳмад ба Покистон шадидан интиқод карда буд.

"Ҳамон лаҳзае, ки Навоз Шариф дар конфронс бори дигар эълон кард, ки душмани Афғонистон душмани Покистон аст, ҳамон лаҳзае, ки 21 тӯпи Покистон ба зери қудуми раисҷумҳури мо оташ кушод. Ҳамон лаҳза ҳамватанони бегуноҳи мо аз тири ҷангиёни Толибон, ки пуштибонаш Покистон аст, дар фурудгоҳи Қандаҳору Ҳилманд, Тахор ва Бадахшон ҷон медоданду кушта мешуданд", — навиштааст Набил.

Ӯ инчунин аз неруҳои амнияти миллии Афғонистон ҳам ба шиддат интиқод кардааст, ки алайҳи Мулло Фазлуллоҳ, раҳбари Толибони Покистон барои хурсанд кардани мақомоти ин кишвар бо дархости Исломобод амалиётеро анҷом додааст.

"Чӣ шуд он таърихи 500 солаи мо, ки дар муоқбили таърихи 60-сола ба зону зад?", — илова кардааст ӯ.

Рӯзи 9 декабри соли равон дар фурудгоҳи Қандаҳори Афғонистон задухурди мусаллаҳона миёни ҷангиён ва неруҳои миллии ин кишвар ба миён омада буд.

Ба гузориши телевизиони TOLONEWS, ин даргирӣ замоне сурат гирифтааст, ки 14 ҷангҷӯйи мусаллаҳ дар тан либоси низомии артиши миллии Афғонистон ба яке аз мактабҳои наздик ба фурудгоҳи Қандаҳор ворид шуда, ба неруҳои ҳукуматӣ ҳамла кардаанд.

Фармондеҳи урдуи "205"-уми Афғонситон Довудшоҳ Вафодор гуфт, дар натиҷаи ин задухурд як сарбози  артиши милии ин кишвар кушта шуда, се тани дигар захм бардоштаанд.

Манбаъ афзуд, ки ин задухурди мусаллаҳона дар фурудгоҳи Қандаҳор 20 соат идома карда, далели ба дарозо кашидани он ҷилавгирӣ аз ҳалокати сокинони осоишта арзёбӣ мешавад.

Телевизиони TOLONEWS таъкид кард, ки миёни қурбониёни ҳодиса дар баробари низомиёну ҷангиён кӯдакон низ ҳастанд. Аммо дар бораи теъдоди онҳо чизе нагуфтааст.

19
Барчаспҳо:
Фейсбук, кишвар, ҷон додан, амалиёт, истеъфо, интиқод, фурудгоҳ, ҳукумат, мақом, раис, истеъфо додан, хабаргузории "Pajhwok Afghan News", Кумитаи амнияти миллии Афғонистон, Толибон, Мулло Фазлуллоҳ, Раҳматуллоҳ Набил, Ашраф Ғанӣ Аҳмад, Навоз Шарифов, Қандаҳор, Исломобод, Покистон, Афғонистон
Мавзуъ
Задухурд дар фурудгоҳи Қандаҳор: миёни қурбониён кӯдакон низ ҳастанд

Толибон пешниҳоди оташбаси давлати Афғонистонро рад кард

557
(Таҷдидшуда 02:02 18.09.2020)
Сухангӯи дафтари сиёсии гурӯҳи Толибон дар Қатар дархости давлати Афғонистонро барои барқарории оташбас рад кард

ДУШАНБЕ, 18 сен — Sputnik.  Ба нақл аз хабаргузории Садо ва Симои Эрон, Муҳаммаднаим Вардак, сухангӯи дафтари сиёсии гурӯҳи Толибон гуфт, ки ин маъқул нест, ки ҷанги бистсоларо дар як соат ба поён бирасонем.

“Ба назари мо, бояд иллати ин ҷанг мавриди баҳс қарор гирад ва сипас оташбаси ниҳоӣ барқарор шавад”, - таъкид дошт Сухангӯи дафтари сиёсии гурӯҳи Толибон.

 Муҳаммаднаим Вардак дар Қатар зимни таъкид бар ҳалли ихтилофот бо давлати Афғонистон афзуд:Толибон хостори барқарории ҳукумати исломӣ дар кишвар аст.

 Ин дар ҳоле аст, ки Нодир Нодирӣ, сухангӯи ҳайати музокиракунандаи давлати Афғонистон бо ҳайати гурӯҳи Толибон рӯзи чаҳоршанбе дар панҷумин рӯзи ин музокирот дар Давҳаи Қатар гуфт,ки дастури кори музокирот дар ҳоли ниҳоӣ шудан аст ва ду ҳайат дар бештари мавридҳо тавофуқ доранд.

 Нодирӣ гуфт, ки музокироти Давҳа то расидан ба натиҷаи матлуб идома дорад.

 Давлати Афғонистон ва Толибон қарор аст дар ин музокирот дар бораи барқарории оташбас, низоми сиёсии ояндаи Афғонистон, тақсими қудрат ва шеваи  пайвастани Толибон ба нируҳои амниятии ин кишвар музокира кунанд.

557
Барчаспҳо:
дархост, Қатар, оташбас, Толибон, Афғонистон
Экс-президент президент Кыргызстана Алмазбек Атамбаев, архивное фото

Отамбоев 64 - сола шуд: ҳамсару ҷонибдоронаш ба муборакбодии ӯ рафтанд - навор

658
(Таҷдидшуда 14:40 17.09.2020)
Собиқ раисҷумҳури Қирғизистон Алмосбек Отамбоев соли дуюм солрӯзашро дар зиндон қайд мекунад. Ҳамсару пайвандон ва ҷонибдорони ӯ ҳарчанд ба муборакбодияш рафтанд, аммо ба ягон нафаре аз онҳо иҷозати мулоқот намудан ба Отамбоевро надоданд

ДУШАНБЕ, 17 сен — Sputnik. Раиса Отамбоева ҳамроҳ бо ҷонибдорони ҳамсараш - собиқ кишвардори Қирғизистон Алмосбек Отамбоев назди бинои КДАМ омаданд, то ӯро бо солрӯзаш табрик намоянд.

Отамбоев имрӯз 64 - сола шуд ва аллакай соли дуюм аст, ки мавлуди худро на дар ҳалқаи пайвандон, балки пушти панҷара қайд мекунад.

Ба изҳори Қундуз Жолдубоев собиқ мушовири Отамбоев, ба хонаводаи ӯ иҷозати мулоқот ва вохӯрӣ намуданро фароҳат наоварданд.

Талаби 15 соли зиндон ба собиқ президенти Қирғизистон Алмосбек Отамбоев

"Ҳамсари Отамбоев хост ба ҳайси ҳадя ба ӯ китоб ва хӯроки идона диҳад, вале ба ӯ имкон надоданд, то бевосита ҳамроҳи шавҳари худ вохӯрӣ кунад", - афзудааст Жолдубоев.

Аз ин рӯ, ҷонибдорони собиқ кишвардор дар назди бинои КДАМ бо овезаҳо Алмосбек Отамбоевро дастаҷамъона табрик намуданд.

Ёдовар мешавем, Отамбоев ҳанӯз соли 2019 пас аз задухӯрди шадиди низомиёни давлатӣ ва ҷонибдорони ӯ боздошт шуд.

Отамбоев барои мусоидат кардан дар парвандаи Азиз Батукаев ва ба озодӣ баромадани ӯ, ба 11 соли зиндон маҳкум шуд.

Гузашта аз ин, собиқ президентро дар ошӯби Кой - Тош низ муттаҳам медонанд.

658
Барчаспҳо:
рӯзи мавлуд, Алмосбек Отамбоев
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон