Маҳсулот дар мағоза (гипермаркет). Акс аз бойгонӣ

Қазоқистон шарики сеюми тиҷоратии Тоҷикистон. Баъди Чину ФР

59
Вазири рушди иқтисод ва савдои Тоҷикистон Неъматулло Ҳикматуллозода изҳор дошт, ки содироти маҳсулоти кишоварзии Тоҷикистон ба Қазоқистон тамоюли афзоишро касб мекунад.

ДУШАНБЕ, 18 фев — Sputnik. Вазири рушди иқтисод ва савдои Тоҷикистон Неъматулло Ҳикматуллозода бо сафири Қазоқистон Агибой Смагулов масоили ҳамкориҳои дуҷониба дар бахши иқтисодро муҳокима намуданд.

Смагулов дар нишаст изҳор дошт, ки дар манотиқи мухталифи Қазоқистон анборҳои махсус барои нигоҳдории маҳсулоти кишоварзӣ, сабзавоту меваҷот,ки аз Тоҷикистон ба Қазоқистон интиқол дода мешавад, бунёд мегарданд. Номбурда мӯътақид аст, ки ин омил боиси рушди содироти Тоҷикистон  хоҳад шуд.

Содироти маҳсулоти кишоварзӣ, қайд кард Ҳикматуллозода, тамоюли афзоиши гардиши савдои хориҷии кишварро бо Қазоқистон дорад.

Ҳамин тавр, Қазоқитсон шарики сеюми иқтисодии Тоҷикистон баъди Чину ФР ба шумор меравад.

Дар ҳамин ҳол, Маскав, шарики аслии тиҷоратии Тоҷикистон мақоми худро оҳиста-оҳиста ба Пекин медиҳад.

Душанбе асосан ба Остона маҳсулоти кишоварзӣ интиқол медиҳад вадар навбати худ аз он ҷо гандум, гази моеъ, равғани растанӣ ва дигар маҳсулотро ворид менамояд.

Соли 2014 Тоҷикистон қариби 180 ҳазор тонн мева, сабзавот ва маҳсулоти полезӣ ба Қазоқистон содир кард. Инчунин, аз Тоҷикистон маҳсулоти дар боло зикршударо ба Покистон, Туркманистон, Афғонистон, Ироқ, Туркия, Беларус, Украина, Чин, Эрон, Қирғизистон, Узбакистон, Олмон, Латвия, АМА ва дигар кишварҳо интиқол меёбад.

Соли 2014 Тоҷикистон асосан ба бозори содиротӣ меваи хушк (тақрибан 88 ҳазор тонн) ва пиёз (наздик ба 76 ҳазор тонн)-ро баровард.

59
Барчаспҳо:
гардиши амвол, сабзавот, маҳсулоти полезӣ, орди қазоқӣ, маҳсулоти тоҷикӣ, воридот, содирот, афзоиши тамоюли гардиши амвол, Вазорати рушди иқтисод ва савдои Тоҷикистон, Сафири Қазоқистон дар Душанбе, Агибай Смагулов, Неъматулло Ҳикматуллозода, Маскав, ФР, Қазоқистон, Остона, Душанбе, Тоҷикистон
Мавзуъ
Қазоқистон узви 162-уми СҶТ гардид

Назарбоев аз COVID - 19 шифо ёфт: акси тозаи ӯ нашр шуд

37
(Таҷдидшуда 17:53 02.07.2020)
Рӯзи 18 июн дар бораи сироят шудани нахустин президенти Қазоқистон Нурсултон Назарбоев ба маризии COVID - 19 хабар дода шуд

ДУШАНБЕ, 2 июл — Sputnik. Тести аввалин кишвардори Қазоқистон Нурсултон Назарбоев барои муайян кардани COVID - 19 манфӣ баромад, хабар дод сухангӯи Назарбоев Айдос Укибой дар Twitter.


Рӯзи 18 июн дар бораи сироят шудани нахустин президенти Қазоқистон Нурсултон Назарбоев ба маризии COVID - 19 хабар дода шуд. Пас аз ин хабар Назарбоев танҳонишинӣ мекард.

"Ман хабарҳои хуш дорам. Тести имрӯзаи президент барои муайян кардани коронавиус манфӣ баромад. Тибқи дастурҳои пизишкон Назарбоев ҳамоно хонанишинӣ карда, дуркор мешавад ва бештар дар ҳавои тоза сайру гашт мекунад", - навиштааст сухангӯи Назарбоев.

"Мактуби президентҳоро худаш мехонад": сухангӯи Назарбоев вазъи саломатияшро шарҳ дод

Дар давоми шабонарӯзи охир дар Қазоқистон 528 ҳолати нави сироятшавӣ аз коронавирус ба қайд гирифта шудааст. Дар умум дар кишвар 42 574 кас гирифтори COVID - 19 шудааст. Шумораи беморони бидуни нишонаҳо ба ин омор дохил намешавад.

37
Барчаспҳо:
сиҳатӣ, беморӣ, Нурсултон Назарбоев, Қазоқистон
Акция в память о погибших при взрывах в Брюсселе у посольства Бельгии в Москве

Даргузашти келини хонаводаи Назарбоев

366
(Таҷдидшуда 15:41 02.07.2020)
Ҳамсари Болат Назарбоев - бародари Нурсултон Назарбоев - Гульҷонро дар паҳлуи волидони Назарбоевҳо ба хок супурданд

ДУШАНБЕ, 2 июл — Sputnik. Ҳамсари Болат Назарбоев - бародари Нурсултон Назарбоев - Гулҷон аз дунё даргузашт. Ин хабарро директори хазинаи иҷтимоии "Оиша" Оиша Оразбой ба Sputnik Қазоқистон тасдиқ кард.

Гулҷон Назарбоева рӯзи 29 июн даргузашт. Ӯро 30 июн дар оромгоҳ дар паҳлуи волидони Назарбоевҳо ба хок супурданд.

"Дили ӯ аз дер боз дард мекард. Сабаби даргузашташ ҳам ҳамин аст, на дигар беморӣ", - гуфт Оиша дар суҳбат бо Sputnik Қазоқистон.

Бино ба иттилои манбаъ Гулҷон Назарбоеваро дар гӯристони Шубарот дуртар аз қишлоқи Шамалган хок карданд.

Даргузашти собиқ ноиби вазири мудофиа ва мушовири дастгоҳи Президент

"Он ҷо волидони президенти нахустин ба хок супорида шуданд. Ба сабаби карантин дар маросими дафн касеро роҳ надоданд", - афзуд манбаъ.

Болат Назарбоев – бародари Нурсултон Назарбоев мебошад. Бино ба гузориши манбаъҳои озод ӯ асосгузори хазинаи хайрияи "Салиқалы Ұрпақ" ва раҳбари холдинги BN Invest мебошад.

366
Барчаспҳо:
келин, даргузашт, Қазоқистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

0
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

0
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон