Сооронбай Жээнбеков. Акс аз бойгонӣ

Парлумони Қирғизистон Жээнбековро ба ҳайси инахуствазир интихоб кард

27
(Таҷдидшуда 11:54 14.04.2016)
Нахуствазири ҷадиди Қирғизистон Сооронбой Жээнбеков изҳор дошт, ки намехоҳад сохтор ва ҳайати ҳукуматро, сӯи собиқ сарвазир ташкил шудаанд, дигар кунад.

ДУШАНБЕ, 14 апр — Sputnik. Парлумони Қирғизистон рӯзи чаҳоршанбе Сооронбой Жээнбековро ба мақоми сарвазири кишвар интихоб намуд. Ин пешниҳод аз ҷониби аксари вакилони Жогорку Кенеш ҷонибдорӣ ёфт, иттилоъ медиҳад РИА Новости.

Рӯзи душанбе собиқ сарвазири кишвар Темир Сариев изҳор дошт, ки бо сабаби муноқишаҳои тендери таҷдиди роҳи соҳили Иссикӯл ба истеъфо меравад. Худи ҳамон рӯз президент фармон дар бораи ба истеъфо рафтани Сариевро ба имзо расонд.

Зимнан, аксари вакилони Қирғизистон муовини роҳбари дастгоҳи иҷроияи президент Сооронбой Жээнбековро ба мақоми нахуствазири ҷумҳурӣ (ки қаблан ба вазифаи роҳбари ҷиноҳи ҳизби президентӣ СДПД пешниҳод гардида буд) пешбарӣ карданд. Дар пайи ин қарор бародараш Асилбек Жээнбеков аз вазифаи худ- раиси парлумон даст кашид.

Сооронбой Жээнбекови 58 —сола зодаи вилояти Ӯш мебошад. Соли 1983 донишкадаи кишоварзиро аз рӯи ихтисоси муҳандис- байтор хатм намуда, ба ҳайси муаллим, зоотехник ва директори совхоз фаъолият кардааст. Шурӯъ аз соли 1996 ба парлумони кишвар ворид шуда, се маротиба  вакил интихоб гардид. Дар давраи собиқ раиси ҷумҳур Қурмонбек Боқиев дар вазифаи роҳбари вазоратҳои кишоварзӣ, об, захираҳо ва коркарди саноат адои вазифа намудааст. Баъд аз табаддулоти давлатӣ ва сарнагун гардидани низоми Боқиев, ӯ ҳокими вилояти Ӯш таъин гардида, соли 2015 роҳбарии хадамоти давлатии кадрҳои ҷумҳуриро бар дӯш дошт. 23 марти соли 2016 бошад, Сооронбой Жээнбеков муовини аввали роҳбари дастгоҳи иҷроияи президент Алмосбек Отамбоев таъин гардид.

Пас аз интихоб шуданаш нахуствазири ҷадиди Қирғизистон изҳор дошт, ки намехоҳад сохтор ва ҳайати вазиронро ба пуррагӣ иваз намояд. Ҳамин тавр, қисми зиёди роҳбарони кор вазороту идораҳо дар симматашон боқӣ хоҳанд монд.

27
Барчаспҳо:
парлумон, ҷадид, интихоб, сарвазир, нахуствазир, Жогорку Кенеш, ҳукумати Қирғизистон, СДПД, Алмосбек Отамбоев, Қурманбек Боқиев, Сооронбой Жээнбеков, Темир Сариев, Ӯш, Бишкек, Қирғизистон
Мавзуъ
Нахуствазири Қирғизистон ба истеъфо рафт
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

569
(Таҷдидшуда 11:44 28.10.2020)
Парвозҳо миёни Тоҷикистон ва Ӯзбекистон аз рўзи 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

569
Новоизбранный премьер-министр Садыр Жапаров

Танҳо бо роҳи осоишта ҳал мекунем: роҳбари нави Қирғизистон ба қазияи марзӣ вокуниш кард

765
(Таҷдидшуда 16:47 26.10.2020)
Дирӯз КДАМ Тоҷикистон изҳор дошт, ки марзбонони қирғиз сокинони ноҳияи Исфараро зери ҳадафи тирашон қарор доданд

ДУШАНБЕ, 26 октября — Sputnik. Иҷрокунандаи вазифаи президенти Қирғизистон Содир Ҷапаров дастур додааст, ки ҳалли масоили марзӣ бо Тоҷикистон тезонида шавад, хабар медиҳад дафтари матбуоти роҳбари кишвар.

Ҷапаров рӯзи душанбе бо роҳбари Хадамоти марзбонии кишвар Улуғбек Шаршеев мулоқот карда, масоили ба эътидол овардани вазъро дар марзи давлатии Тоҷикистону Қирғизистон баррасӣ кардааст.

"Содир Ҷапаров таъкид кард, ки бояд масоили мавҷудаи марзиро бо кишварҳои ҳамсоя ҳарчи бештар ҳал кард. Вай таъкид кард, ки ба наздикӣ бо сафари чандрӯза ба вилоятҳои Бодканд, Ӯш ва Ҷалилобод меравад, то дар ҷойи қазия бо мушкилии мавҷуда ошно шавад", - гуфтааст намояндаи котиботи роҳбари кишвар.

Раиси хадамоти марзбонӣ ба иҷрокунандаи вазифаи раёсати ҷумҳурӣ гуфтааст, ки дирӯз дар вилояти Ботканд қазияи дигаре бо истифодаи яроқи оташфишон рух дод.

Раҳбари ВУХ Қирғизистон бо сафири тоҷик масъалаи марзро баррасӣ кард

Ба гуфтаи вай, шаҳрвандони Тоҷикистон дар мавзеи баҳснок бо таъмири қубури обгузар машғул буданд ва ба талаби марзбонони қирғиз вокуниш накарданд ва бо ҳамин далел ду тир ба ҳаво кушода шудааст.

Пештар дафтари матбуоти Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд. 

КДАМ таъкид кардааст, ки ин қитъа қаламрави Ҷумҳурии Тоҷикистон буда, марзбонон ба ҷониби сокинон тир кушодаанд, ки иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Ҷапаров аҳамияти ҳалли масъалаи муайянсозӣ ва аломатгузории марзро танҳо бо роҳи гуфтушуниди осоишта қайд кардааст.

"Мушкилие нест, ки ҳал нашавад. Ҳамагуна масъаларо метавон бо роҳи гуфтушуниди осоишта ҳал кард", - таъкид кардаст Ҷапаров.

Ба гуфтаи вай, "ҳалли ин гуна масъалаҳоро бояд тӯл накашид, то дар оянда аз ин гуна қазияҳо пешгирӣ шавад, сокинони минтақаҳои марзӣ бояд дар фазои осоишта ба сар баранд".

Ҳодисаи 25-уми октябор дар марзи Тоҷикистону Қирғизистон нахустин нест. Пештар низ танишҳои марзӣ буданд ва дар натиҷа чанд нафар қурбон низ гаштанд.

Сабаби асосии ин ҳодисаҳо - ин минтақаи муайянношудаи марзист. Тӯли марзи Тоҷикистону Қирғизистон 980 километрро ташкил медиҳад, ки аз он 450 километраш муайян ношуда аст.

 

765
Маҳмудҷон Дадобоев, рӯзноманигори тоҷик даргузашт

Мотам дар журналистика: “илтиҳоби шуш” Маҳмудҷон Дадобоевро бурд

0
Маҳмудҷон Дадобоев, рӯзноманигор ва бунёдгузори чандин шабакаи телевизиони мустақил, собиқ сухангӯи раиси шаҳри Хуҷанд дар синни 52 -солагӣ аз олам даргузашт

ДУШАНБЕ, 30 окт – Sputnik. Дар тайиди ин хабар, яке аз ҳамкорони марҳум дар суҳбат ба Sputnik Тоҷикистон гуфт, Дадобоев ҳамагӣ чанд рӯз пеш барои табобат ба Бемористони касалиҳои сироятии Суғд интиқол ёфта буд, вале бегоҳии дирӯз ҷон ба Ҷонофарин супурд.

“Рӯзи 26 октябр дар суҳбати телефонӣ гуфтанд, ки хуруҷи беморӣ монанд ба “илтиҳоби шуш” як каме вазъашонро хароб кардааст. Аммо дирӯз 29 октябр фаҳмидем, ки бандагӣ кардаанд. Худованд раҳмат кунад, ба пайвандонашон сабри ҷамил мехоҳем”, зикр кард ҳамкори Дадобоев.

Бемористони сироятии Суғд, ба ҳисоби Бемористони клиникавии Суғд аз ду бемористон дар шаҳри Хуҷанд маҳсуб мешавад, ки дар айни ҳол барои табобати бемориҳои ҳамагири COVID-19 ва илтиҳоби шадиди шуш пешбинӣ шудааст.

Ҳамкасбон шогирдон ва дӯстони рӯзноманигор дар шабакаҳои иҷтимоӣ даргузашти ӯро мотам дар журналиста номида, "дод аз дасти "корона" мегӯянд, ки Маҳмудҷон Дадобоевро низ бурд". 

Маҳмудҷон Дадобоев, аз поягузорони журналистикаи электронӣ дар вилояти Суғд гуфта мешавад, ки бо кӯшишҳои пайвастаи вай чандин шабакаҳои телевизионии мустақил аз ҷумла ТВ “Ҷаҳоноро”, ТВ “СМ-1”, ТВ “7 ситора” ва рӯзномаи мустақили “Суғд” дар шаҳрҳои Хуҷанд ва Бӯстон таъсис дода шудаанд.

Маҳмудҷон Дадобоев 27 ноябри соли 1968 дар ҷамоати Ёваи ноҳияи Бобоҷон Ғафуров таваллуд шудааст. Пас аз анҷоми хизмати сарбозӣ дар соли 1989 фаъолияти меҳнатиашро дар коргоҳи шоҳибофии “Хуҷандатлас” оғоз кардааст.

Ӯ аз соли 1993 то 1995, муассис ва хабарнигори ТВ "Ҷаҳоноро" ва дар солҳои 1997 - 2003 мудири кулли шабакаи телевизион ва радиои “Симои мустақили якум (СМ-1)” буд. Соли 2001 факултаи филологияи Донишгоҳи давлатии Хуҷанд ба номи академик Бобоҷон Ғафуровро хатм намудааст.

Як муддат ӯ, омӯзгори кафедраи рӯзноманигорӣ ва назарияи тарҷумаи донишгоҳи мазкур ба донишомӯзон дар боби махсусиятҳои роҳбарӣ дар ВАО дарс мегуфт. Солҳои 2006 - 2007 намояндаи Анҷумани миллии расонаҳои мустақили Тоҷикистонро дар вилояти Суғд бар уҳда дошт.

Муассиси ҳафтаномаи мустақили “Суғд” ва инчунин аз моҳи августи 2008 то моҳи октябри соли 2012 мудири кулли шабакаи телевизюниву радиоии "Ҷаҳоноро" буд. Маҳмудҷон Дадобоев сухангӯи раиси шаҳри Хуҷанд низ буд ва соли 2017 бо хоҳиши худ ин вазифа канор рафт.

Вақтҳои охир Дадобоев ба сифати менеҷер дар коргоҳи таъминоти сӯзишвории нақлиёти “Роҳи Сомон” фаъолият мекард. Бисёриҳо ҳоло даргузашти ӯро як талафоти бузург дар ҷомеаи журналистӣ арзёбӣ мекунанд.

Даргузашти Сироҷиддин Бобоев, олими фолклоршиноси Донишгоҳи Хуҷанд аз “илтиҳоби шуш”

 

 

0