Актоб. Акс аз бойгонӣ

Қазоқистон ба оилаҳои қурбониёни Актоб $15 ҳазор пардохт мекунад

24
(Таҷдидшуда 11:32 09.06.2016)
Ба чор оила, ки бар асари ҳамлаи террористии рӯзи 5-уми июн хешу пайвандони худро аз даст доданд, аз ҷониби мақомоти вилояти Актоб 5 миллион танга ҷудо мешавад.

ДУШАНБЕ, 9 июн — Sputnik. Роҳбарияти вилояти Актоби Қазоқистон қарор дар бораи зиёд кардани кӯмаки молиявӣ ба оилаҳое, ки дар пайи ҳамлаи террористӣ дар Актоб хешу ақрабои худро аз даст доданд қабул кард, иттилоъ медиҳад РИА Новости бо такя ба маъмурияти минтақавӣ.

Рӯзи якшанбеи гузашта гурӯҳи ҷинояткорон ба мағозаи фурӯши аслиҳаи оташфишон ва таҷҳизоти низомии вилояти Актоб  ҳуҷуми мусаллаҳона анҷом доданд. Дар шаҳр низоми амалиёти зиддитеррористӣ эълон гардида, фаъолияти корхонаҳо ва нақлиёти ҷамъиятӣ манъ карда шуд. Тибқи маълумоти ВКД 13 ҷангӣ нобуд карда шуданд. Мувофиқи маълумоти охир ҳафт нафар дар пайи ҳамлаи террористӣ ба ҳалокат расид. Бино ба маълумоти ВКД ҷинояткорон пайравони ҳаракатҳои радикалии динӣ будаанд. Ҳафт ҷинояткори дигар дар кофтукови мақомоти дахлдор қарор доранд.

"Ба онҳо ба қадри 5 миллион танга (15 ҳазор доллар) кӯмаки молиявӣ расонида мешавад",-омадааст дар иттилоия.

Қаблан хабар дода шуд, ки ҳукумати минтақавӣ ба ҳар як оилае, ки  бар асари ҳамлаи террористӣ хешу пайвандони худро аз даст додаанд, 1 миллион тенга (3 ҳазор доллар) ҷудо мекунад.

Дар қатори кушташудагон-фурӯшандаи 44 солаи мағозаи силоҳи "Паллада"-Андрей Максименко, Николай Онишенко нафақахӯри 69-сола ва Михаил Матросови 35-сола мебошанд. Онҳо қурбониёни тасодуфии ҳамла ҳастанд. Мирхон Тоҷибоеви 33 сола, корманди амнияти "Кузет" ҳамгоми адои вазифа ба ҳалокат расид.

Дар бастагӣ бо ин 9 июн дар Ҷумҳурии Қазоқистон Рӯзи мотами миллӣ эълон гардида буд. Дар тамоми қаламрави ҷумҳурӣ байрақҳо овехта шудаанд. Баргузории чорабиниҳои фарҳангӣ-фароғатӣ манъ карда шуд. Фаъолияти телевизион ва радиоҳои фарҳангӣ фароғатӣ ва ҳамчунин пахши реклама боздошта шуд.

24
Барчаспҳо:
5 миллион танга, қурбониёни ҳамлаи террористӣ, Актоб, Қазоқистон
Мавзуҳо:
Ҳукумати Қазоқистон қонунҳои диниро пурзӯр мекунад (7)
Мавзуъ
Қувваҳои низомӣ боз панҷ эсктремистро дар Қазоқистон нобуд сохтанд
Қазоқистон: боздошти беш аз 20 дигарандеш дар манотиқи мухталиф
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

574
(Таҷдидшуда 11:44 28.10.2020)
Парвозҳо миёни Тоҷикистон ва Ӯзбекистон аз рўзи 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

574
Новоизбранный премьер-министр Садыр Жапаров

Танҳо бо роҳи осоишта ҳал мекунем: роҳбари нави Қирғизистон ба қазияи марзӣ вокуниш кард

765
(Таҷдидшуда 16:47 26.10.2020)
Дирӯз КДАМ Тоҷикистон изҳор дошт, ки марзбонони қирғиз сокинони ноҳияи Исфараро зери ҳадафи тирашон қарор доданд

ДУШАНБЕ, 26 октября — Sputnik. Иҷрокунандаи вазифаи президенти Қирғизистон Содир Ҷапаров дастур додааст, ки ҳалли масоили марзӣ бо Тоҷикистон тезонида шавад, хабар медиҳад дафтари матбуоти роҳбари кишвар.

Ҷапаров рӯзи душанбе бо роҳбари Хадамоти марзбонии кишвар Улуғбек Шаршеев мулоқот карда, масоили ба эътидол овардани вазъро дар марзи давлатии Тоҷикистону Қирғизистон баррасӣ кардааст.

"Содир Ҷапаров таъкид кард, ки бояд масоили мавҷудаи марзиро бо кишварҳои ҳамсоя ҳарчи бештар ҳал кард. Вай таъкид кард, ки ба наздикӣ бо сафари чандрӯза ба вилоятҳои Бодканд, Ӯш ва Ҷалилобод меравад, то дар ҷойи қазия бо мушкилии мавҷуда ошно шавад", - гуфтааст намояндаи котиботи роҳбари кишвар.

Раиси хадамоти марзбонӣ ба иҷрокунандаи вазифаи раёсати ҷумҳурӣ гуфтааст, ки дирӯз дар вилояти Ботканд қазияи дигаре бо истифодаи яроқи оташфишон рух дод.

Раҳбари ВУХ Қирғизистон бо сафири тоҷик масъалаи марзро баррасӣ кард

Ба гуфтаи вай, шаҳрвандони Тоҷикистон дар мавзеи баҳснок бо таъмири қубури обгузар машғул буданд ва ба талаби марзбонони қирғиз вокуниш накарданд ва бо ҳамин далел ду тир ба ҳаво кушода шудааст.

Пештар дафтари матбуоти Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд. 

КДАМ таъкид кардааст, ки ин қитъа қаламрави Ҷумҳурии Тоҷикистон буда, марзбонон ба ҷониби сокинон тир кушодаанд, ки иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Ҷапаров аҳамияти ҳалли масъалаи муайянсозӣ ва аломатгузории марзро танҳо бо роҳи гуфтушуниди осоишта қайд кардааст.

"Мушкилие нест, ки ҳал нашавад. Ҳамагуна масъаларо метавон бо роҳи гуфтушуниди осоишта ҳал кард", - таъкид кардаст Ҷапаров.

Ба гуфтаи вай, "ҳалли ин гуна масъалаҳоро бояд тӯл накашид, то дар оянда аз ин гуна қазияҳо пешгирӣ шавад, сокинони минтақаҳои марзӣ бояд дар фазои осоишта ба сар баранд".

Ҳодисаи 25-уми октябор дар марзи Тоҷикистону Қирғизистон нахустин нест. Пештар низ танишҳои марзӣ буданд ва дар натиҷа чанд нафар қурбон низ гаштанд.

Сабаби асосии ин ҳодисаҳо - ин минтақаи муайянношудаи марзист. Тӯли марзи Тоҷикистону Қирғизистон 980 километрро ташкил медиҳад, ки аз он 450 километраш муайян ношуда аст.

 

765

Ҳабиб амали Макронро маҳкум кард: "мо пайғамбарамонро беш аз ҳама дӯст медорем"

0
Ҳабиб Нурмуҳаммадов қаҳрамони ҷаҳон оид ба вазни сабук дар муҳорибаҳои омехта рафтори президенти Фаронса Эманнуэл Макронро нисбати пайғамбари ислом Муҳаммад (с) шарҳ дод

ДУШАНБЕ, 30 окт — Sputnik. Ҳабиб нурмуҳаммадов дар саҳифааш дар Instagram президенти Фаронса Эммануэл Макронро аз бадтарин инсони ҷаҳон хонд.

"Бигзор Худои Таъоло чеҳраи ин махлуқ ва тамоми пайравони ӯро, ки зери шиори озодии сухан, эҳсоси беш аз якуним миллиард мусалмонро таҳқир мекунанд. Бигзор Худо онҳоро дар ҳаёт ва дар охират хор созад. Худо дар ҳисобот зуд аст ва шумо инро хоҳед дид", - навиштааст Ҳабиб.

Ӯ афзуда, ки мусалмонем пайғамбарашон Муҳаммад (с) беш аз ҳар касе дӯст медоранд.

Посмотреть эту публикацию в Instagram

Да обезобразит Всевышний лицо этой твари и всех его последователей, которые под лозунгом свободы слова оскорбляют чувства более полутора миллиарда верующих мусульман. Да унизит их Всевышний в этой жизни, и в следующей. Аллах скор в расчёте и вы это увидите. Мы - мусульмане, любим нашего Пророка Мухаммада (да благословит его Аллах и приветствует) больше, чем наших матерей, отцов, детей, жён и всех остальных близких нашему сердцу людей. Поверьте мне, эти провокации им выйдут боком, конец всегда за Богобоязненными. - ‎قبح الله وجه هذا الأبتر وجميع تبعهم الذين يؤذون الشعور أكثر من نصف مليار مسلم تحت قناع الحرية ‎أذلهم الله في الدنيا والآخرة إن الله سريع الحساب ‎نحن مسلمون نحب رسولنا ونبينا محمد صلى الله عليه وسلم أكثر من أمهاتنا وآبائنا وأبنائنا وأزواجنا ومن جميع خلق الله سبحانه وتعالى ‎صدّقوني هذه الاستفزازات سوف تخرج من أعناقهم والعاقبة للمتقين - Holy Quran 33:57 ------------------ إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُّهِينًا Воистину, тех, которые поносят Аллаха и Его Посланника, Аллах проклял в этом мире и в Последней жизни и уготовил им унизительные мучения.

Публикация от Khabib Nurmagomedov (@khabib_nurmagomedov)

"Мо мусалмонон, Паёмбарамон Муҳаммад (с) -ро аз модарон, падарон, фарзандон, ҳамсарон ва ҳамаи одамони ба диламон наздик бештар дӯст медорем. Бовар кунед, ин иғвоҳо ба онҳо бармегарданд, оқибати хуб ҳамеша барои парҳезгорон аст", - навиштааст қаҳрамон.

Тазоҳурот дар Теҳрон пас аз шарҳи Макрон дар бораи Ислом - навор

Ёдовар мешавем, чанде пеш дар шаҳри Конфлан-Сент-Онорини Фаронса, ки дар 27-километрии Порис ҷойгир аст, сари омӯзгори коллеҷро аз тан ҷудо намуданд. 

Профессор матолибҳои нашркардаи Charlie Hebdo-ро бо донишҷӯён муҳокима кард ва инчунин ба онҳо карикатураҳои пайғамбар Муҳаммад (с) - ро нишон медод.

Қотили ӯ шаҳрванди 48 - солаи Алҷазоир буда, дар коллеҷи мазкур яке аз фарзандони ӯ таҳсил мекард.

Дар робита ба ин қазия, раисҷумҳури Фаронса Эммануэл Макрон ба тамоми фаронсавиҳо супориш дод, ки карикатураи пайғамбарро дар тамоми идораҳои давлатӣ овезон кунанд.

Ин амали Макрон боиси нигаронии ҷомеаи мусалмонон гардид.

0
Барчаспҳо:
Фаронса, маҳкум, Қуръон, Эммануэл Макрон, Ҳабиб Нурмуҳаммадов