Масъалаи истифодаи об байни Тоҷикистону Узбакистон дар Тошканд
(Таҷдидшуда 13:53 17.11.2016)
Ихтилофоти ҳукумати Ӯзбакистон боис мегардид, ки тайи солҳои зиёд сохтмони нерӯгоҳи Роғун ба таъхир гузошта шавад. Аммо дар Тоҷикистон ҳароси Тошкандро барои фаъолияти нерӯгоҳҳои барқӣ дар кишвар, ки чунин сарбанди баланд доранд, беасос хондандДУШАНБЕ, 17 ноя — Sputnik.Муовини аввали вазири энергетика ва захираҳои обии Тоҷикистон Султон Раҳимзода ва Вазири корҳои хориҷии Ӯзбакистон Абдулазиз Комилов масъалаҳои истифодаи захираҳои обиву энергетикиро дар минтақаъ муҳокима карданд, хабар медиҳад ВКХ Ӯзбакистон.
"Санаи шонздаҳуми ноябр вазири корҳои хориҷии Ӯзбакистон Абдулазиз Комилов ба ҳузури хеш муовини аввали вазири энергетика ва захираҳои обии Тоҷикистон Султон Раҳимзодаро пазируфт",- омадааст дар хабар.
Мувофиқи маълумотҳои хадамоти матбуот ҷонибҳо муносибатҳои Тоҷикистон ва Ӯзбакистонро дар доираи истифодаи оқилонаи захираҳои обиву энергетикӣ дар минтақаи Осиёи Миёна баррасӣ намуданд.
Дар охири октябр Тоҷикистон ба сохтмони сарбанди НБО Роғун оғоз бахшид, ки мувофиқи нақша НБО Роғун бузургтарин нерӯгоҳи обӣ дар Осиёи Миёна мебошад. Президенти Тоҷикистон Эмомалӣ Раҳмон дар бастани ҷараёни дарёи Вахш шахсан иштирок намуда, ба сохтмони сарбанди НБО оғоз бахшид.
Ихтилофоти ҳукумати Ӯзбакистон боис мегардид, ки тайи солҳои зиёд сохтмони нерӯгоҳи Роғун ба таъхир гузошта шавад. Аммо дар Тоҷикистон ҳароси Тошкандро барои фаъолияти нерӯгоҳҳои барқӣ дар кишвар, ки чунин сарбанди баланд доранд, беасос хонданд.
Афзоиши рекордии гирифторони COVID - 19 дар Ӯзбекистон
(Таҷдидшуда 14:54 12.07.2020)
Рӯзи панҷум мешавад, ки дар Ӯзбекистон шумораи рекордии сироятшудагон ба бемории коронавируси навъи COVID - 19 сабт мешавадДУШАНБЕ, 12 июл – Sputnik. Дар Ӯзбекистон шумораи рекордии гирифторони вабои аср ба қайд гирифта шуд, хабар медиҳад Вазорати беҳдошти ин кишвар.
Бар пояи омори ин ниҳод дар давоми 24 соати гузашта дар ҳудуди Ӯзбекистон 500 ҳолати нави гирифторӣ ба коронавруси навъи COVID - 19 ба қайд гирифта шуд. Шумораи умумии беморон аз 12,7 ҳазор кас бештар шуд.
"То 12 июли соли равон дар ҳудуди Ӯзбекистон 12 706 кас аз бемории коронавирус сироят шудааст", - омадааст дар хабарнома.
Қайд мешавад, ки давоми панҷ рӯзи охир теъдоди гирифторони ин маризӣ дар ҳоли афзоиш аст: 11 июл 483 ҳолат, 10 июл - 464, 9 июл - 421, ва 8 июл – 379.
Тибқи иттилои манбаъ, шумораи умумии шифоёфтагон дар Ӯзбекистон 7,7 ҳазор нафарро ташкил медиҳад. Дар ҳоли ҳозир 4,9 ҳазор маризи COVID-19 таҳти назорати пизишкон қарор доранд.
Духтурон мегӯянд, ҳоли 45 шаҳрванд вазнин буда, авзоъи боз ҳафт бемори дигар ваҳим арзёбӣ мешавад.
Дар баробари ин дар давоми шабонарӯзи гузашта дар Ӯзбекистон се нафар аз коронавирус фавтид.
Дар умум аз рӯзи аввали сабти ин беморӣ дар қарамрави Ӯзбекистон то кунун 58 нафар қурбони ин вабо шудааст.
Дар Ӯзбекистон дар робита ба дубора авҷ гирифтани бемории коронавирус то 1 август ҳаракати нақлиёт манъ карда шуда, барои ашхоси аз 65-сола боло ҳамарӯза ва барои дигар қисми аҳолӣ рӯзҳои истироҳат қарантина эълон шудааст.
Барчаспҳо:
Президент дастур дод: доруи зидди вируси коронаро аз Русия харед
(Таҷдидшуда 01:50 12.07.2020)
Мақооти Туркманистон эълон кардааст, ки доруи зидди коронавирусро аз Русия харидоӣ хоҳад кард ДУШАНБЕ, 12 июл – Sputnik. Қурбонгулӣ Бердимуҳаммадов, раисҷумҳури Туркманистон ба Вазорати беҳдошти ин кишвар дастур дод, ки доруи зидди коронавирусро аз Русия харидорӣ кунад, иттилоъ додааст хабаргузории “Форс”.
©
Sputnik / Алексей Витвицкий
Тибқи ииттилои манбаъ, Вазорати беҳдошт ва саноати пизишкии Туркманистон бояд доруҳои зиддивирусии мавриди ниёзи тавлиди Русияро харидорӣ кунад.
Тибқи ин фармони раисҷумҳур, маркази мудирияти дорухонаҳои Вазорати беҳдошти Туркманистон ин масъулиятро бар ӯҳда гирифтааст.
Бояд гуфт, ки дар ҳоли ҳозир саноати пизишкии Русия тавониста 2 доруи муассири зидди коронавирусро тавлид кунад.
Ахиран Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус ба Туркманистон мераванд.
Гуфта мешавад ин муддат, намояндагони СҶБ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.
Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.
Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.
Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.
Ӯ далоили набудани коронаро на саривақт бастани марз, балки рушди низоми тандурустӣ гуфтааст.
Барчаспҳо:
Кӯчаву хиёбонҳои шаҳри Хуҷанд дубора безарар гардонида мешаванд
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавадДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.
© Sputnik / Амир Исаев
Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.
Ёдгор Файзов гуфт, ки чигуна Тоҷикистон тавонист коронавирусро пешгирӣ кунад
Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.
"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.
Манбаъ афзуда, ки корҳои безараргардонӣ дар вилояти Суғд идома доранд.
Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.
Дар кишвар 5176 нафар ё худ 79,5 дарсади гирифторони COVID-19 шифо ёфтаанд.
Барчаспҳо: