Гулнора Каримова, акс аз бойгонӣ

Ислом Каримов: нақшаи куштори модарам- Гулнора Каримоваро доранд

705
(Таҷдидшуда 16:36 01.12.2016)
Онҳо мақсади нест кардани модарамро доранд. Ин амалро чӣ гуна амалӣ карданашонро ман намедонам. Ба фикри ман ба вай заҳр додан мехоҳанд. Онҳо озод гаштани модарамро намехоҳанд, гуфт Ислом Каримов дар сӯҳбат бо сомонаи ВВС

ДУШАНБЕ, 30 ноя — Sputnik.Сомонаи ӯзбекии ВВС бо писари Гулнор Каримова, ки бо бобояш ҳамном мебошад- Ислом Каримов сӯҳбат намуда, дар бораи аҳволи модараш аз вай пурсон гардид.

Мувофиқи ахбори манбаъ Гулнора Каримова дар Тошканд дар нишонаи Яҳё Ғуломов дар ҳабси хонагӣ то ҳол  нигоҳ дошта мешавад.

Писари Гулнора дар сӯҳбат иброз доштааст, ки бо модараш имкони дидор намуданро касе надорад. Танҳо хоҳараш Имон дар як моҳ як маротиба  модарашро медидааст.

"Худи Имрон дар меҳмонхонаи "Туркистон" меистад ва моҳи феврал аз модарам ҷудо карда шуда ба меҳмонхона ҷой дода шудааст",- гуфт Ислом Каримов.

Ба гуфтаи набераи президент  хоҳарашро мехоҳанд аз Ӯзбакистон берун кунанд, аммо духтар ягона шахсест, ки бевосита бо модараш дидор мекунад.

Ба гуфтаи Ислом Каримов дар "тақдири" Гулнора Каримова атрофиёни "хайрхоҳаш" гунаҳкор мебошанд. Дар масъалаи аҳволи модараш вай гуфт:

"Онҳо мақсади нест кардани модарамро доранд. Ин амалро чӣ гуна амалӣ карданашонро ман намедонам. Ба фикри ман ба вай заҳр додан мехоҳанд. Онҳо озод гаштани модарамро намехоҳанд…"

Ба ғайр аз ин Ислом Каримов илова намуд, ки дар бораи зинда будани модараш, ҳатто наметавонад бо  боварӣ сухан кунад, зеро бевосита бо вай сӯҳбат карда наметавонад.

Вай мегӯяд, ки модараш ба ягон саҳифаи иҷтимоӣ дастрасӣ надорад, барои ҳамин ҳамаи аккаунтҳое, ки дар интернет аз номи вай баромад мекунанд, дурӯғин мебошанд.

День рождения основателя ювелирного дома De Grisogono
© Sputnik / Валерий Левитин
Гулнора Каримова, акс аз бойгонӣ

Ислом Каримов дар сӯҳбат иброз боштааст, ки ҳатто сабаби ҳозир нашуданаш ба маросими дафни бобояш тарс аз ҳаёти худаш ва хоҳару модараш будааст. "Агар ман ба он ҷо мерафтам, ҳар сеямонро ҳам нест мекарданд ва баъди 5-6 сол дар ин бора эълон мекарданд",- гуфт вай дар сӯҳбат бо ВВС.

Ғайр аз ин ба гуфтаи набераи Ислом Каримов- Ислом Каримов дар моҷарои оилавӣ ва рақобати байни хоҳарон маҳз бобояш- собиқ президенти Ӯзбакистон Ислом Каримов гунаҳкор аст.

Ба гуфтаи писари Гулнора ҳеҷ кас намедонад, ки барои чӣ Гулнора Каримоваро ба ҳабс гирифтаанд ва гуноҳи вай аслан дар чист.  Ба гуфтаи вай як версияи  ба ҳабс гирифта шудани Гулнора Каримова аризаи навиштаи овозхон Озодбек Назарбеков мебошад, ки гӯё Гулнора Каримова аз вай ришва талаб карда бошад.

Худи Озодбек Назарбеков дар мусоҳиба бо хабарнигори ВВС гуфтааст, ки байни вай ва духтари президент ҳеҷ вақт додугирифт набуд ва ариза ҳам нанавиштааст.

705
Барчаспҳо:
Гулнора Каримова, Ислом Каримов, Ӯзбакистон

Музокироти сулҳи Афғонистон мутаваққиф шуд

256
(Таҷдидшуда 13:36 28.09.2020)
Музокироти сулҳи Афғонистон, ки аз ду ҳафта пеш дар Давҳаи Қатар оғоз шуда буд, ба хотири ихтилофи назар дар барномаи кории музокирот миёни ду ҳайати музокиракунанда мутаваққиф шудааст

ДУШАНБЕ, 28 сен — Sputnik. Пойгоҳи хабарии Садои Афғонистон рӯзи якшанбе эълом кард, бо гузашти ду ҳафта аз оғози гуфтугӯҳои сулҳи ҳайатҳои гуфтугӯкунандаи давлати Афғонистон ва гурӯҳи Толибон (мамнуъ дар қаламрави Русия)  дар Давҳа, пойтахти Қатар манобе дар Қатар мегӯянд, ки барномаи кории музокирот таҳиянашуда ва рӯзи гузашта ҳеч дидоре миёни ду тараф баргузор нашудааст, иттилоъ додааст хабаргузории “Парстудей”.

Бино бар иттилои манбаъ, як узви ҳайати гуфтугӯкунандаи Толибон (мамнуъ дар қаламрави Русия) гуфтааст, ки аъзои ҳайати давлати Афғонистон ҳамоҳанг нестанд ва ба ҳамин далел гуфтугӯҳо мутаваққиф шудааст.

Ин узви Толибон(мамнуъ дар қаламрави Русия)  гуфтааст, ки аъзои ҳайати давлати Афғонистон аз ҷараёнҳо ва аҳзоби мухталиф намояндагӣ мекунанд ва замоне, ки ба нишаст меоянд, хости ҷадидеро матраҳ мекунанд ва бо наздик шудан ба натиҷаи ниҳоӣ аз нишаст мераванд ва пас аз бозгашташон ба маҷлис, таъбирашон тағйир мекунад.

Ин дар ҳоле аст, ки Нодир Нодирӣ, узви ҳайати музокиракунандаи давлати Афғонистон гуфтааст, Толибон (мамнуъ дар қаламрави Русия)  ба дунболи музокироти муҷаддад дар мавриди бархе ҷанбаҳои тавофуқе аст, ки онон дар 29 феврал дар Давҳа бо Амрико ба тавофуқ расиданд.

Нодирӣ гуфт, ки Толибон (мамнуъ дар қаламрави Русия)  бо ҳадаф қарор додан нерӯҳои амниятӣ ва ғайринизомиён дар талош аст то давлатро дар Кобул таҳти фишор қарор диҳад.

Ҳайати музокиракунандаи давлати Афғонистони ибрози умедворӣ кардааст, дар ин давр битавонанд бо Толибон дар бораи оташбас ба як тавофуқи матлуб даст ёбанд.

256
Барчаспҳо:
барнома, ихтилоф, мутаваққиф, сулҳ, музокирот, Афғонистон
Пассажирский самолет

Ҳушдори гурӯҳи Толибон ба ширкатҳои ҳавопаймоии Афғонистон

695
(Таҷдидшуда 13:34 28.09.2020)
Гурӯҳи Толибон (мамнӯъ дар қаламрави Русия) ба ширкатҳои ҳавопаймоии Афғонистон ҳушдор додааст, ки дар сурати бетаваҷҷӯҳии меҳмондорони ҳавопаймоҳо ба мавозини исломӣ дар пӯшиш ва ороиш, ба онҳо ҳамла хоҳад кард

ДУШАНБЕ, 28 сен — Sputnik. Гурӯҳи Толибон (мамнӯъ дар қаламрави Русия ва Тоҷикистон) бо интишори эъломияе ба ширкати ҳавоии “Kam Air” ҳушдор додааст, ки агар то як ҳафта меҳмондорони зан ҳиҷоби исломиро риоят накунанд ва даст аз ороиш бар надоранд, ҳавопаймоҳои ин ширкатро ҳадафи ҳамалот қарор хоҳанд дод ва масъуляти баъдӣ ба дӯши мудирияти “Kam Air” хоҳад буд на Толибон, иттилоъ додааст хабаргузории ИРНА.

Бино бар иттилои манбаъ, Толибон (мамнӯъ дар қаламрави Русия) ҳамчунин гуфтаанд, ки меҳмондорони зан ҳақ надоранд бидун маҳрами шаръӣ вориди ҳавопаймо шаванд.

Дар эъломияи Толибон (мамнӯъ дар қаламрави Русия ва Тоҷикистон) омадааст, ки тамоми ширкатҳои ҳавоӣ мукаллаф ба пайравии ин аҳком ҳастанд.

Гурӯҳи Толибон дар ҳоле ин эъломияро содир кардаанд, ки музокироти сулҳ дар Давҳаи Қатар мутаваққиф шудааст ва тарафайн то кунун ба тавофуқе даст наёфтаанд.

695
Барчаспҳо:
ширкат, исломӣ, ҳушдор, ҳавопаймо, Толибон, Афғонистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1338
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1338