Гузаргоҳи марзӣ. Акс аз бойгонӣ

Тошканд ва Душанбе масъалаи марзи давлатиро дубора баррасӣ мекунад

180
(Таҷдидшуда 20:25 19.01.2017)
Ӯзбакистон дар робита бо баррасии масъалаи бақайдгирии марзи давлатӣ бори дигар бо Тоҷикистон ба сари мизи баррасии ин масъала менишинад

ДУШАНБЕ, 19 янв — Sputnik.Ӯзбакистон мехоҳад, ки дар соли 2017 бо ҳамсоякишварҳо мусоҳиба намуда, бори дигар масъалаи марзи давлатиро баррасӣ кунад, омадааст дар лоиҳаи фармони президенти ҷумҳурӣ Шавкат Мирзиёев.

Фармони президент дар бораи  амалӣ намудани стратегияи рушди Ӯзбакистон дар тӯли панҷ сол равона карда шудааст. Мувофиқи фармон самти асосии рушди кишвар ин замонавӣ намудани раёсати давлаӣ, низоми судиву ҳуқуқӣ, либеризатсияи иқтисод, ислоҳот дар соҳаҳои иҷтимоӣ ва принсипҳои сиёсати хориҷӣ мебошад.

Ҳамин тавр идораҳои дахлдори Ӯзбакистон дар семоҳаи аввали соли 2017 нақшаи  нишонагузории сарҳади давлатиро бояд тартиб диҳанд.

Аз ҷумла ба нақша гирифта шудааст, ки раванди барасмиятдарории ҳуқуқии сарҳадҳои мувофиқанашудаи Ӯзбакистон ва Қирғизистон тезонида шавад ва байни ин ду кишвар созишномаи байниҳукуматӣ дар бораи сарҳадҳо ба имзо расад.

Ҳамчунин дар чорчӯбаи амалӣ намудани стратегия ба нақша гирифта шудааст, ки раванди баррасии гуфтушунид бо Тоҷикистон ва Туркманистон барои баррасии масъалаҳои барасмиятдарории ҳуқуқии сарҳадҳои мувофиқанашуда барқарор карда шавад.

Интизор меравад, ки ба ғайр аз ин, ки гуфтушунидҳо оид ба сарҳадҳои наздик бо Қазоқистон ҳам давом меёбад.

Вобаста бо низоъҳои сарҳадии доимӣ, Мирзиёев баъд аз ба сари ҳукумат омадан ба тоза намуданм муносибатҳо оғоз кард ва бо ҳамсоякишварҳои Ӯзбакистон дубора муносибатро барқарор кард.

180
Барчаспҳо:
гуфтушунид, фармон, марз, Шавкат Мирзиёев, Тоҷикистон-Ӯзбакистон
Полицейские возле места взрыва в Кабуле, Афганистан. 7 августа 2019 года

Таркиши бомб дар Кобул: 16 кушта даҳҳо нафари дигар захмӣ

69
(Таҷдидшуда 18:19 14.07.2020)
Таркиши бомб дар шаҳристони Саробӣ наздикии Кобули пойтахти Афғонистон 16 нафарро кушта ва даҳҳо нафари дигарро захмӣ кард

ДУШАНБЕ, 14 июл – Sputnik. Ба гузориши радиои Садоии Хуросон, полиси шаҳристони Саробӣ дар шарқи шаҳри кобул эълом кард, ин инфиҷори зуҳри рӯзи сешанбе  замоне рӯй дод, ки минаи канори ҷодае дар масири убури мошини ҳомили ғайринизомиён мунфаҷир шуд.

Бино бар иттилои манбаъ, дар ин инфиҷор  панҷ  ғайринизомӣ ҷон бохтанду 11 нафари дигар захмӣ шуданд.

Бар асоси ин гузориш, шуморе аз кушта ва захмӣ шудагони ин инфиҷор  занону кӯдакон ҳастанд.

Фармондори шаҳристони Саробии Кобул  ин минагузориро кори гурӯҳи Толибон дониста аст.

Аммо масъулияти ҳодисаро то ҳол ҳеҷ гурӯҳе ба дӯш нагирифтааст. Гурӯҳи Толибон ҳам дар ин бора изҳороте накардаанд.  

Ёдрас мешавем, дар Афғонистон муҳорибаи шадиди толибон ва ҳукумат идома дорад. Гурӯҳи радикалӣ қисми калони деҳаҳои Афғонистонро таҳти нуфузи худ қарор дода, ба шаҳрҳои калон ҳуҷум мекунад.

Ҳамчунин, дар кишвар нуфузи гурӯҳи террористии "Давлати исломӣ" зиёд мешавад.

69
Барчаспҳо:
Толибон, захмӣ, кушта, таркиш, Кобул, Афғонистон

Рӯҳонӣ: Эрон бидуни вобастагӣ ба нефт идора мешавад

152
(Таҷдидшуда 17:41 14.07.2020)
Раисҷумҳури Эрон, идораи кишвар бо камтарин вобастагӣ ба нефтро қудратнамоии кишвараш дар ҷанги иқтисодӣ тавсиф кард

ДУШАНБЕ, 14 июл – Sputnik. Ҳасан Рӯҳонӣ ахиран дар ҷаласаи ситоди ҳамоҳангии иқтисоди давлати Эрон гуфт, амрикоиҳо интизор доштанд чанде пас аз оғози таҳримҳо, тавсеаи иқтисодии Эрон мутаваққиф шавад аммо имрӯз кишвар бо барномарезӣ ва такя бар иқтисод бидуни нафт идора мешавад, ки ин, қудратнамоӣ ва пирӯзии бузурге барои миллати Эрон дар ҷанги иқтисодӣ аст, иттилоъ додааст хабаргузории “Парстудей”.

Рӯҳонӣ ҳамчунин бо ишора ба асароти вируси корона бар вазъияти кунунии иқтисоди кишварҳои ҷаҳон гуфт, дар шароите, ки ҳатто бархе кишварҳои тавсеаёфта низ дар таъмин ва тавзеи ниёзҳои рӯзмарраи мардум бо мушкил мувоҷеҳ шуданд, Эрон бо тадобири вижа ва омодагии сохторҳо ва дастгоҳҳо ва бо ҳамкории мардум, аз мушкилот убур кард. 

Рӯҳонӣ таъмини ниёзҳои зарурии мардум ва тавлидкунандагонро аз авлавиятҳои давлати Эрон баршумурд ва гуфт, бо талоши ҳамаҷонибаи масъулон, токунун ниёзҳои асосӣ ва зарурии мардум ва тавлидкунандагон таъмин шудааст.

152
Барчаспҳо:
тавсиф, иқтисодӣ, иқтисод, қудрат, нафт, Раисҷумҳур, Эрон
День 15 июля

Ҷашнҳои рӯзи 15 июл дар Тоҷикистон ва ҷаҳон

0
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

0
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон