Рӯнамоии китоби маззаи асал-и Зулфия Миршакар

Ҳама “Маззаи асал”-ро чашиданд: шоми эҷодии Зулфия Миршакар дар Маскав

108
(Таҷдидшуда 20:23 22.05.2017)
Дар Максав шоми эҷодии Зулфия Миршакар ва Валерий Аҳадов баргузор шуд

ДУШАНБЕ, 22 май — Sputnik. Дар ин шоми эҷодӣ китоби Зулфия Миршакар "Маззаи асал" рӯнамоӣ гардид.

Дар ҷорабинии фарҳангӣ намояндагони аҳлу ҳунар, фарҳангиён, донишҷӯёни тоҷик ва намояндагони расонаҳо ширкат карданд.

Бино ба иттилоъи равобити умумии сафорат, маросими рӯнамоӣ бо сухани сафири Тоҷикистон дар Русия Имомуддин Сатторов шурӯъ шуд.

Сафир Зулфияро ба муносибати нашри китобаш муборакбод гуфта ба нависанда мувафаққият таманно кард.

Бино ба иттилоъи манбаъ дар назди ҳозирин аъзои Иттифоқи нависандагони Русия Михаил Синелников, коргардони машҳур, ҳунарманд ва муҷрии барномаҳои телевизионӣ Александр Гордон, доктори илмҳои филологӣ Ҳалима Хушқадамова дар бораи бардошти худ аз мутолиаи китоби Зулфия нақл карданд.

Асарҳое, ки ба китоби "Маззаи асал" ворид шудаанд, дар асоси ҳодисоти воқеъӣ навишта шудаанд. Романи "Роҳ ба сӯи хона" ва повести "Маззаи асал" хонандаро ба замонҳои баъди низомии Тоҷикистон мебарад.

  • Телеведущий, киноактёр, кинорежиссёр Александр Гордон
    Телеведущий, киноактёр, кинорежиссёр Александр Гордон
    © Sputnik Стас Этвеш
  • Зулфия Миршакар
    Зулфия Миршакар
    © Sputnik Стас Этвеш
  • Имомуддин Сатторов бо Зулфия Миршакар ва Валерий Аҳадов
    Имомуддин Сатторов бо Зулфия Миршакар ва Валерий Аҳадов
1 / 3
© Sputnik Стас Этвеш
Телеведущий, киноактёр, кинорежиссёр Александр Гордон

Худи Зулфия Миршакар дар бораи таърихи навиштани китоб ва ёддоштҳои худ нақл карда, чанд порчаро барои тамошобинон хонд.

Дар чорабинии фарҳангӣ филми кӯтоҳ "Талоқ", ки аз рӯи сенарияи Зулфия Миршакар наворбардорӣ шудааст, ба меҳмонон пешниҳод гардид.

Меҳмонон ҳамчунин филмҳои коргардони машҳури рус Валерий Аҳадов —  "Дарвеши ланг", "Сирри оилавӣ" — ро тамошо карданд.

Зулфия Миршакар ба ҳамаи меҳмонони шоми эҷодӣ китоби "Маззаи асал"-ро бо соядасти худ тақдим кард.

Шоми эҷодии Зулфия Миршакар ва Валерий Аҳадов ба муносибати 25 — солагии равобити сиёсии Тоҷикистону Русия гузаронида шуд.

108
Барчаспҳо:
сафорати Тоҷикистон дар Русия, Зулфия Миршакар, Имомуддин Сатторов, Маскав
Мавзуъ
“Халқи тоҷики ман”: Раисҷумҳури Доғистон дар бораи тоҷикон китоб навишт
Абдураҳмон Қодирӣ ба китобхонаҳои вилояти Суғд 600 адад китоб тақдим кард
Нашри китоб дар васфи қаҳрамони варзиши тоҷик Дилшод Назаров
Президент Узбекистана Шавкат Мирзиёев

Мақомоти Ӯзбекистон боз қарантина эълон кард: маҳдудиятҳо шадидтар шуданд

837
(Таҷдидшуда 02:30 10.07.2020)
Аз 10-уми июл тамоми қаламрави Ӯзбекистон ба минтақаи “сурх” шомил ва ҳаракати нақлиёт дубора ба таври оммавӣ мамнӯъ эълон шуд

ДУШАНБЕ, 10 июл – Sputnik. Шоҳрух Ғиёсов,  сухангӯи Вазорати корҳои дохилии Ӯзбекистон қайд кардааст, ки дар рӯзҳои қарантин фақат фаъолияти мағозаҳои хӯрокворӣ ва дорухонаҳо мутаваққиф сохта намешавад. Ҳамаи нуқтаҳои хӯрокворӣ, ки қаблан иҷозаи фаъолият дода шуда буд, танҳо мувофиқи фармоиш кор мекунанд ва хӯроквориро барои супоришдиҳандагон ба манзилашон мерасонанд, иттилоъ додааст сомонаи рӯзномаи “Фараж”.

“Агар то ҷорӣ шудани қоидаи нави қарантин миёни шаҳри Тошканд ва вилояти Тошканд равуо бидуни монеа сурат мегирифт ва одамон метавонистанд худро ба ҷои корашон расонанд, акнун дар равуои озоди онҳо низ маҳдудиятҳо ҷорӣ мешаванд”, – гуфтааст  Шоҳрух Ғиёсов.

Вай афзудааст, ки мошинҳои дорои иҷозанома метавонанд, дар шаҳри Тошканд ва соири ноҳияҳои он бидуни монеа ҳаракат кунанд.

Дар ҳамин ҳол Комиссияи махсуси ҳукуматии мубориза бо пахши коронавирус эълом дошт, ки дубора як қатор маҳдудиятҳо ҷорӣ карда шуданд. Аз ҷумла, мувофиқи қонунгузориҳо ниҳодҳо ва ташкилотҳои давлатӣ кормандони худро ба рухсатӣ мефиристанд ва қисмати боқимонда фаъолияти худро бар тариқи фосилавӣ идома медиҳанд.

Дар корхонаву муассисаҳо аз баргузор намудани ҷамъомадҳо ҷилавгирӣ мешавад ва чорабиниҳо аз тариқи видеоӣ баргузор мегарданд.

Ҳпмзамон Шавкат Мирзиёев, раисҷумҳури Ӯзбекистон зимни як ҷаласаи видеоӣ изҳор кард, ки кишвараш як давраи хеле мураккабу вазнинро паси сар мекунад. Вай аз роҳбарони тамоми идораҳо ва мардум даъват кард, ки ин санҷишро бо сарбаландӣ сипарӣ намоянд.

Бояд қайд кард, ки то санаи 9 июл дар Ӯзбекистон 42 нафар бар асари сирояти коронавирус вафот карданд.

837
Барчаспҳо:
мақомот, маҳдудият, мамнуъ, нақлиёт, ҳаракат, Ӯзбекистон
Президент Узбекистана Шавкат Мирзиёев

Дархости Мирзиёев: ба худдавоӣ аз коронавирус машғул нашавед, ки оқибати хуб надорад

531
(Таҷдидшуда 15:37 09.07.2020)
Шавкат Мирзиёев аз шаҳрвандони Ӯзбекистон даъват намуд, ки ба ҳаёти худ ва наздиконашон беаҳамият набошанд. Ӯ мегӯяд дар сурати пайдо шудани нахустин нишонаҳои ин беморӣ фавран ба табибон муроҷиат намоянд

ДУШАНБЕ, 9 июл – Sputnik. Раисҷумҳури Ӯзбекистон Шавкат Мирзиёев дар як муроҷиати видео ба шаҳрвандони ин кишвар аз хусуси мубориза бурдан бо маризии коронавирус ҳарф зад.

"Имрӯз ҳамаи мо шоҳиди идома ёфтани пандемияи коронавирус ҳастем. Мавҷи дуюми ин беморӣ дар аксар кишварҳои ҷаҳон сар задааст, ки бисёр нигаронкунанда аст", - афзудааст Мирзиёев.

Ба гуфтаи вай, мутаассифона, ҳеҷ гуна "доруи сеҳрноке" вуҷуд надорад, ки барои зуд бартараф кардани пандемия кӯмак кунад.

Раисҷумҳур зикр намуд, ки Ӯзбекистон барои пешгирӣ аз паҳншавии ин маризӣ кӯшишҳои зиёд ба харҷ дода истодааст.

Ӯ таъкид намуд, ки маҳз талоши пизишкон ва кормандони ҳифзи ҳуқуқ аст, ки вазъи нисбатан мӯътадили эпидемиологӣ дар ҷумҳурӣ нигоҳ дошта мешавад.

Дуои Мирзиёев дар ҳаққи Назарбоев: "дар ин айёми душвор ман бо шумоям"

Аммо кишвардори Ӯзбекистон аз бад шудани вазъият дар ҳафтаи охир изҳори нигаронӣ кард.

Баргузор гардидани тӯю маъракаҳо, риоя накардани фосилаи иҷтимоӣ ва гашту гузор бидуни ниқобро, раисҷумҳур аз омилҳои асосии бад шудани вазъият дар ҳафтаи охир арзёбӣ кард.

"Дар ҳафтаи аввали моҳи июл шумораи шахсони мубталои коронавирус 2167 нафар афзоиш ёфт. Аз он ҷумла, 1,267 (58%) ҳодиса дар байни аҳолӣ ошкор карда шудааст. Ин баландтарин нишондиҳанда дар давраи карантин мебошад. Мутаассифона, шумораи фавтҳо низ афзоиш меёбад, ки ин ҳолат бояд ҳамаи моро нигарон кунад", - таъкид намуд президент.

Гузашта аз ин Мирзиёев ба бепарвогии шаҳрвандон нисбати ин маризӣ таъкид намуда, дархост кард ,ки ба худдавоӣ дар хона машғул нашаванд, чун оқибати ин кор ба хубӣ намеанҷомад.

"Бори дигар ба ҳамватанони мо муроҷиат мекунам: набояд ба ин бемории хатарноке, ки ҳаёти ҳазорон нафарро рабуд беэътиноӣ кунед. Агар нишонаи ночизе аз ин бемориро дар вуҷуди худ эҳсос намудед, пас фавран ба духтур муроҷиат кунед. Дар хона худмуолиҷаигӣ накунед, ки оқибати нохуб, ҳатто боиси марг шуда метавонад. Ба ҳаёти худ ва аъзои оилаатон бепарво набошед", - даъват намуд Шавкат Мирзиёев.
531
Барчаспҳо:
мардум, дархост, Шавкат Мирзоев

Гузашти худравҳо аз эстакадаи нави Душанбе, ки имрӯз ифтитоҳ шуд - 15 акс

0
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
Дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид

Эстакада дар доираи лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” бунёд гардидааст

Субҳи имрӯз Эмомалӣ Раҳмон, раисҷумҳури Тоҷикистон  ҳамроҳ бо раиси шаҳри Душанбе Рустами Эмомалӣ дар ноҳияи Синои пойтахт эстакадаи навро ифтитоҳ карданд.

Бино бар иттилои дафтари матбуоти раисҷумҳури Тоҷикистон, дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

Манбаъ иттилоъ додааст, ки дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

Дар доираи корҳои сохтмонӣ ҳамчунин навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус, сабзазоркунии гулгашту роҳравҳо ва як қатор тадбирҳои дигар амалӣ карда шудаанд.

Эстакадаи нав дар Душанбе ифтитоҳ ёфт: Раҳмон лентаашро бурид - аксҳо

Ба Эмомалӣ Раҳмон, раисҷумҳури кишвар зимни ифтитоҳи иншоот иттилоъ дода шуд, ки барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид.

0
  • Новая эстакада в Душанбе
    © Sputnik / Амир Исаев

    Лоиҳаи мазкур аз ҷониби Ҳукумати Тоҷикистон, Бонки аврупоии таҷдид ва рушд ва Бонки осиёии сармоягузории инфрасохторӣ татбиқ шуд

  • Новая эстакада в Душанбе
    © Sputnik / Амир Исаев

    Эмомалӣ Раҳмон, зимни ифтитоҳи иншоот бо таъкид гуфт ин роҳҳо бояд солҳои дароз ба мардум хизмат расонанд

  • Новая эстакада в Душанбе
    © Sputnik / Амир Исаев

    Барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид

  • Новая эстакада в Душанбе
    © Sputnik / Амир Исаев

    Дар доираи корҳои сохтмонӣ навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус амалӣ карда шудаанд

  • Новая эстакада в Душанбе
    © Sputnik / Амир Исаев

    Дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

  • Новая эстакада в Душанбе
    © Sputnik / Амир Исаев

    Дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

  • Новая эстакада в Душанбе
    © Sputnik / Амир Исаев

    Дар маросими ифтитоҳи лоиҳа раисҷумҳур ва раиси шаҳри Душанбе иштирок доштанд

  • Новая эстакада в Душанбе
    © Sputnik / Амир Исаев

    Қаблан низ қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” дар маҳаллаи 82-юми пойтахт низ чунин як эстакада ифтитоҳ шуда буд

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

    Сохтмони ин эстакада 22 июли соли 2016 оғоз гардида буд.

  • Новая эстакада в Душанбе
    © Sputnik / Амир Исаев


    Иншоот дар муддати ду сол бо сатҳу сифати баланд дар рӯзҳои таҷлил аз 27-умин солгарди Истиқлолияти давлатии Тоҷикистон ифтитоҳ шуда буд.