Эмомалӣ Раҳмон ва Ислом Каримов, акс аз бойгонӣ

“Узбакистон Тоҷикистон: дӯстие, ки аз озмуни замон гузаштааст”

307
(Таҷдидшуда 20:34 07.07.2017)
Вазорати умури хориҷаи Узбакистон филмеро дар вебгоҳи расмии худ мунташир карда, ки аз дӯстии кишварҳои Тоҷикистон ва Узбакистон нақл мекунад

ДУШАНБЕ, 7 июл — Sputnik. Вазорати умури хориҷаи Узбакистон дар вебгоҳаш филмеро дар бораи равобити Тоҷикистон ва Узбакистон мунташир кардааст.

Филм "Узбакистон ва Тоҷикистон: дӯстие, ки аз озмуни замон гузаштааст" ном дорад ва мустанадест, ки пештар дар шабакаҳои телевизюни Узбакистон намоиш дода шуда буд.

Ин филм дар оғоз аз "дӯстии тоҷикону узбакҳо, ки аз озмуни замон гузаштааст" ёд мекунад ва суханҳои нахустин раисҷумҳури Узбакистон Ислом Каримовро гуфтовард мекунад, ки "тоҷикону узбакҳо як мардум ҳастанд, ки ба ду забон ҳарф мезананд".

Филмсозон назари бархе аз шаҳрвандони Узбакистонро дар бораи тоҷикон пурсидаанд ва онҳо аз расму русуми мушатарк, дӯстии Алишер Навоиву Абдураҳмони Ҷомӣ, Шашмақом ва шеърҳои ширу шакару созу навоҳои муштарак чун намоде аз жарфову паҳнои равобити ду мардум ёд мекунанд. Аз ҷумла гуфта мешавад, ки "ҳамакнун дар Узбакистон камобеш 55 ҳазор донишомӯз дар 250 мактаб ба забони тоҷикӣ таҳсил мекунанд".

Дар ин филм ҳамчунин суханронии раисҷумҳури Тоҷикистон дар маросими хоксупории Ислом Каримов пурра оварда шуда ва дар идома аз мулоқоти Эмомалӣ Раҳмон ва Шавкат Мирзиёев дар Арабистони Саудӣ ёд мешавад ва суханҳои раисҷумҳури Узбакистонро гутфовард мекунанд: "Тақвияти ҳамкорӣ бо Тоҷикистон, Қирғизистон, Туркманистон ва Қазоқистон дар меҳвари сиёсати хориҷии Узбакистон қарор дорад".

Филм дар бораи  беҳбуди равобити Тоҷикистону Узбакистон, бавижа аз оғози давраи раёсатҷумҳурии Шавкат Мирзиёев — мулоқоти Раҳмон ва Мирзиёев, рӯзҳои фарҳангии Узбакистон дар Тоҷикистон, намоишгоҳи колоҳои Узбакистон дар Тоҷикистон ва додани шаҳрвандии Узбакистон ба касоне, ки дар Тоҷикистон зода шудаанд, гуфта мешавад. 

Дар ин филм ҳамчунин аз масоъили аломатгузории марз миёни Узбакистону Тоҷикистон ёд мешавад ва гуфта шуда, ки ду кишвар ахиран ин мавзуъро дар мулоқоте дар Душанбе баррасӣ карда, тасмим гирифтаанд, ки дар зудтарин фурсат коршиносон масоъили боқимондаро ҳалл кунанд. Дар ин росто аз Шавкат Мирзиёев гуфтовард шуда, ки мегӯяд: "Ҳамаи масъалаҳо бояд бар пояи баробарӣ, манфиатҳои ҷонибҳову муштарак ва дар сурати ниёз, гузаштҳо ҳал карда шаванд… Раҳбарон бояд иродаи сиёсиву таҳаммул дошта бошанд то хостҳои мардуми ду кишвар барои дӯстиро бароварда созанд".

Дар поёни ин филм ҳамчунин аз обанбор ва нерӯгоҳи "Фарҳод" низ ёд мешавад. Фиристодаи вижаи Вазорати умури хориҷаи Узбакистон Илҳомҷон Неъматов дар ин бахш аз филм мегӯяд:

"Обанбор ва нерӯгоҳи "Фарҳод" аз замони бунёдашон дар соли 1943 то кунун дар тавозуни Вазорати энержии Узбакистон қарор доранд. Ин созаҳо бо нерӯи беш аз 7 ҳазор коргари узбакистонӣ сохтаву роҳандозӣ шуда ва аз ин рӯ дороии Ҷумҳурии Узбакистон ҳастанд".

Дар поён созандагони ин филм натиҷагирӣ мекунанд, ки дӯстии Узбакистону Тоҷикистон аз озмуни замон гузашта ва ин ду кишвар ҷуз аз густариши ҳамкориҳо роҳи дигаре надоранд.

307
Барчаспҳо:
равобит, дӯстӣ, Шавкат Мирзиёев, Ислом Каримов, Эмомалӣ Раҳмон, Тоҷикистон-Узбакистон
Тестирование на коронавирус (COVID-19)

Нахустин дар Осиёи Миёна: оғози эмгузаронӣ аз COVID - 19 дар Қазоқистон

315
(Таҷдидшуда 12:02 03.08.2020)
Маркази байналмилалии эмгузаронии Қазоқистон нахустин бор аз коронавируси навъи COVID - 19 эмгузаронӣ кард

ДУШАНБЕ, 3 авг — Sputnik. Дар Қазоқистон нахустин довталабро аз Covid - 19 эм карданд, хабар медиҳад Sputnik Қазоқистон.

Ин довталаб раҳбари Маркази байналмилалии эмгузаронии назди Донишгоҳи кишоварзии Қазоқистон Кайсар Табинов шуд.

Дору, ки аз ҷониби коршиносони австралиягӣ омода шудааст, COVAX-19 ном гирифт.

"Худро бо COVAX-19 эм кардам. Феълан худро хуб ҳис мекунам. Ягон ҳолати номусоидӣ эҳсос намешавад", - гуфт Табинов.

Ба гуфти ӯ ин дору дар навбати аввал дар бадани 40 довталаб озмоиш мешавад. Пас аз се моҳ ба озмоиши оммавӣ оғоз хоҳанд кард, ки дар он 100 ҳазор нафар аз 10 кишвари дунё довталаб хоҳад шуд.

Дар ин миён, Вазорати беҳдошти Қазоқистон гуфт, барои баргузории озмоиши клиникӣ бояд ҳуҷҷатҳои вижа пешниҳод шавад.

Русия аз омода шудани нахустин ваксина алайҳи коронавирус хабар дод

Вале, то имрӯз аз ҷониби Маркази байналмиаллии эмгузаронӣ ҳуҷҷате пешниҳод нашудааст.

Ёдрас мешавем, ки пештар хабар дода шуд, ки дар Донишгоҳи ба номи Сеченови Русия озмоиши клиникии ваксинаи зидди коронавирус анҷом ёфт.

315
Барчаспҳо:
нахустин, эмгузаронӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон
Представители движения Талибан, архивное фото

Дар се рӯз дар Афғонистон беш аз 4 ҳазор нафар аз зиндонҳо озод шуданд

157
(Таҷдидшуда 02:21 03.08.2020)
Ахиран мақомоти Афғонистон эълон карданд, ки ахиран боз 317 зиндонии дигари гурӯҳи Толибон аз зиндонҳо озод карда шуд

ДУШАНБЕ, 3 авг — Sputnik. Дафтари Шӯрои амният милли Афғонистон хиран дар баёниае эълом кард, бо озодии  317 нафар аз зиндониёни гурӯҳи Толибон (мамнӯъ дар қаламрави Русия) дар се рӯзи таътилоти иди Қурбон теъдоди афроди озодшудаи ин гурӯҳ аз зиндон ба 4 ҳазору 917 нафар расид, иттилоъ додааст радиои тоҷикии Садои Хуросон.

Дар баёнияи дафтари Шӯрои амнияти миллии Афғонистон омадааст , раванди озодии зиндониёни Толибон то такмил шудани 5 ҳазору 100 зиндонӣ идома дорад. 

Дар ҳамин ҳол, Суҳайл Шоҳин, сухангӯи дафтари сиёсиии Толибон дар Қатар ҳам гуфт, ин гурӯҳ раванди озодии як ҳазор нафар аз зиндониёни давлати Афғонистонро такмил карда ва Кобул низ бояд боқимондаи зиндониёни Толибонро озод кунад.

Гуфта шудааст, ки озодии ин зиндонён яке аз пешшартҳои муҳимм барои аз саргирии музокироти байни давлати Афғонистон ва Толиибон барои поёни ҷанг ва даргирӣ дар ин кишвар аст. 

Ин дарҳолест, ки гурӯҳи Толибон ҳамчунон ба ҳамалоти худ ба манотиқи мухталифи Афғонистон идома медиҳад.

157
Барчаспҳо:
мақомот, озод, зиндон, Толибон, Афғонистон
Портфель с документами

Дар Тоҷикистон дар шаш моҳи ахир фаъолияти беш аз 12 ҳазор соҳибкор қатъ гардид

0
(Таҷдидшуда 02:16 05.08.2020)
Ожонсии омори Тоҷикистон ахиран эълон доштааст, ки дар шаш моҳи соли равон дар ҷумҳурӣ 12 ҳазору 600 фаоли бахши хусусӣ иҷозатномаи фаъолияти худро лағв кардаанд

ДУШАНБЕ, 5 авг — Sputnik.  Бино бар иттилои Ожонсии омори Тоҷикистон, аз ҷумла 460 шахсони ҳуқуқӣ ва ҳудуди 12,2 ҳазор соҳибкорони инфиродӣ фаъолияти худро қатъ қтӣ карданд.

Гуфта шудааст, ки аз ин шумор 463 соҳибкорони инфиродӣ тибқи гувоҳнома ва беш аз 10,3 ҳазор соҳибкорони ифниродӣ мувофиқи патент фаъолият мекарданд.

Дар ҳамин ҳол манбаъ зикр кардааст, ки дар ин давра инчунин 1357 хоҷагиҳои деҳқонӣ барҳам дода шуд.

Тибқи иттилои Ожонсии омор шумори субъектҳои хоҷагидории амалкунанда ба ҳолати 1 июли соли равон 333 ҳазор ададро ташкил дод, аз ҷумда 35,5 ҳазор - шахсони ҳуқуқӣ ва 298 ҳазор - соҳибкорони инфиродӣ.

Теъдоди умумии субъектҳои хоҷагидорӣ дар муқоиса бо ҳамин давраи соли гузашта ба андозаи 1,8% ё худ 6 ҳазор адад афзуд.

Шумори соҳибкорони инфиродии амалкунанда нисбат ба ҳамин давраи соли пешин 6,3 ҳазор адад зиёд шуд, аз ҷумла соҳибкорони ифиродии тибқи гувоҳнома фаъолиятдошта - 1,4 ҳазор адад ва хоҷагиҳои деҳқонӣ - 5,2 ҳазор адад афзуда, теъдоди соҳибкорони инфиродии мувофиқи патент амалкунанда 357 адад кам шуд.

0
Барчаспҳо:
фаъолият, Ожонси омор, иҷозатнома, соҳибкор, Тоҷикистон