Беженцы рохинджа покидают Мьянму

Аун Сан Су Чӣ: Миёнмор омода аст мусулмононро ба кишвар боз гардонад

98
(Таҷдидшуда 09:45 20.09.2017)
Раҳбари Миёнмор Аун Сан Су Чӣ омодагии давлаташро барои кумакрасонӣ ба бозгашти оворагони руҳинҷо аз Банглодеш ба Миёнмор эълом кард

ДУШАНБЕ, 19 сен — Sputnik. Аун Сан Су Чӣ имрӯз дар суханонӣ дар Маҷлиси қонунгузори Миёнмор хушунатеро, ки тарафҳои даргир дар иёлати Рохин бар якдигар мекунанд, маҳкум кард.

Ин нахустин бор аст, ки раҳбари Миёнбор аз замони оғози муноқишаи қавмиву динӣ дар иёлати Рохин дар соли 2012 дар ин бора сухане мегӯяд.

"Мо хушунатҳоеро, ки тарафҳои даргир дар иёлати Рохин бар якдигар раво медоранд, маҳкум мекунем. Ҳама касоне, ки дар раванди ин муноқиша қонуншиканӣ кардаанд, посухи рафторашонро дар додгоҳ хоҳанд дод", — эълом кард Аун Сан Су Чӣ ва бо осебдидагон дар ин муноқиша ҳамдардӣ кард.

Вай афзуд: "Чуноне, ки порсол дар нишасти Маҷмаъи умумии Созмони милали муттаҳид гуфтам, Миёнмор ба унвони як узви масъули ҷомеъаи ҷаҳонӣ ҳаросе аз таҳқиқоти байналмилалӣ дар ин бора надорад ва ба ёфтани роҳи ҳалле бодавом барои дастёбӣ ба субот ва тавсеъа барои ҳамаи ақвом дар иёлати Рохин мутааҳҳид аст".

Раҳбари Миёнмор ҳамчунин гуфт, ки давлат хостори барқарории оромишу амният ва суботу назм дар иёлати Рохин аст.

Аун Сан Су Чӣ аз аҳволи мусулмононе, ки ба Банглодеш мегурезанд, нигарон шудаву гуфт: Миёнмор барои кумак ба бозгашти оворагони руҳинҷоӣ ба кишвар омода аст.

98
Барчаспҳо:
муноқиша, будоиҳо, руҳинҷо, Аун Сан Су Чӣ, Руҳинҷо, Миёнмор
Мавзуъ
Кумаки башардӯстонаи Узбакистон ба 50 ҳазор паноҳҷӯи миёнморӣ
Нигаронии Назарбоев аз вазъи Миёнмор ва даъват ба муколама
Боздошти 60 мусулмони Петербург барои эътироз ба хотири Миёнмор
СММ барои кӯмаки паноҳҷӯёни Миёнмор 7 милюн ҷудо кард
Эмомалӣ Раҳмон афзоиши исломбадбиниро дар Миёнмор қотеъона маҳкум кард
Коршинос: Мехоҳанд дар Миёнмор парчами Амрикоро боло кунанд
Дар хонаҳоямон тирборонамон карданд: мусулмонон Миёнморро тарк мекунанд
Священный коран в мечети

Китоби Қуръонро барои TikTok пора - пора кард: боздошти шаҳрванди Ӯзбекистон

329
(Таҷдидшуда 18:24 30.10.2020)
Шахсияти марде, ки ин ҳодисаро ба навор гирифтааст муайян карда шуда ва ӯ ба тафтишоти пешакӣ ҷалб гардидааст

ДУШАНБЕ, 30 окт — Sputnik. Кормандони мақомоти ҳифзи ҳуқуқи Ӯзбекистон як шаҳрвандеро боздошт кардаанд, ки дар пеши чашми ҳазорон корбари интернет китоби Қуръонро пора кардааст, хабар медиҳад Sputnik Ӯзбекистон бо такя ба ВКД.

Рӯзи 29 октябр дар шабакаи иҷтимоии TikTok наворе паҳн шудааст, ки дар он марде, ки худро бедин мехонд, китоби муқаддаси мусалмонон Қуръонро пора кард. Ин навор  дар шабакаҳои иҷтимоӣ вокуниш ва баҳси зиёде ба бор овард.

Акси Макронро оташ заданд: эътирозҳои густурда назди сафорати Фаронса дар Эрон - акс

"Парванда таҳти назорати мақомоти ҳифзи ҳуқуқ қарор дорад. Дар натиҷаи тафтишот шахсияти марде, ки навор гирифтаву дар интернет паҳн кардааст, муайян карда шуда ӯ ба тафтишоти пешакӣ ҷалб карда шуд", - омадааст дар хабарнома.

Тибқи итилои манбаъ, нисбати ин мард бар асоси моддаи 156  қисми 2 Кодекси ҷиноӣ ("Барангехтани кинаву адовати миллӣ, нажодӣ, миллӣ ё динӣ") парвандаи ҷиноӣ оғоз карда шуда, тафтишот идома дорад.

Мусалмонони дунё барои тасвирҳои танзомези Муҳаммад дар Фаронса ба по хестанд - навор

Қаблан, аз мардуми Ӯзбекистон даъват шуд, ки ба хотири карикатураҳои пайғамбар Муҳаммад (с), ки дар аввали моҳи сентябр аз ҷониби маҷаллаи ҳаҷвии Charlie Hebdo нашр шуд, ба эҳсосот дода нашаванд.

329
Барчаспҳо:
ВКД, пора, Қуръон, китоб, Ӯзбекистон
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

576
(Таҷдидшуда 11:44 28.10.2020)
Парвозҳо миёни Тоҷикистон ва Ӯзбекистон аз рўзи 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

576
Пробирка с тестом на коронавирус

Эълони омори нави сироят, фавт ва шифоёбӣ аз COVID - 19 дар Тоҷикистон

33
(Таҷдидшуда 19:18 30.10.2020)
Аз оғози ҳамагирии коронавируси навъи COVID - 19 то кунун дар Тоҷикистон 10977 нафар мубталои ин вабои аср шудааст

ДУШАНБЕ, 30 окт — Sputnik. Вазорати тандурустии Тоҷикистон омори тозаи сироят, фавт ва шифоёбӣ аз коронавирусро дар Тоҷикистон эълон кард.

Тибқи иттилои ин ниҳод, шабонарӯзи охир дар ҷумҳурӣ 38 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  10977 нафар баробар гардид.

Ҳамзамон, дар 24 соати охир 54 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10182 (92,7%) баробар гардид.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Вазорат мегӯяд, хушбахтона дар давоми шабонарӯзи гузашта аз COVID - 19 касе ҷон набохтааст ва шумораи умумии қурбониёни ин вабои аср 82 нафарро ташкил медиҳад.

Манбаъ афзудааст, ки Ҳукумати Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод аз сокинони кишвар даъват карда, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

33
Барчаспҳо:
вируси корона, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон