Ҷасурбек Иброҳимов

Модари донишҷӯи кушташудаи узбак вопасин суханҳои ӯро бозгӯ кард

325
(Таҷдидшуда 18:09 27.09.2017)
Дар Тошканд баррасии парвандаи куштори донишҷӯи Колеҷи тиббии шаҳри Тошканд оғоз шуд

ДУШАНБЕ, 27 сен — Sputnik. Ба гузориши Sputnik Узбакистон, модари ин донишҷӯи кушташуда вопасин суханҳои фарзандашро бозгӯӣ кардааст.

"Писарам аввал иқрор намекард, ки лату кӯбаш кардаанд. Мегуфт, ки худаш афтидааст. Аммо дертар пас аз ташхис пизишкон иллати захмӣ шуданашро ошкор кардаву милисаро огоҳ карданд. Ман ҳам Ҷасурро пурсуҷӯ кардам, ки росташро бигӯяд чӣ бар сараш омад ва кӣ ӯро чунин лату кӯб кардааст? Саранҷом ӯ иқрор шуд ва ҳама номҳоро гуфт", — гувоҳӣ додааст ин зан дар додгоҳ.

Вай ҳамчунин афзуда, ки писараш пеш аз марг мепурсида: "Модарҷон, чаро онҳо бо ман ин корро карданд?"

Чанде пеш дар Додгоҳи ноҳияи Миробод дар пойтахти Узбакистон нахустин ҷаласаи баррасии парвандаи куштори донишҷӯи Коллеҷи пизишкии Тошканд Ҷасурбек Иброҳимов баргузор шуд. Дар ин муҳокима, ки 3 соат давом кард, хабарнигорони бархе аз расонаҳо низ ширкат карданд. Дар курсии муттаҳамон Исломбек Тӯлаганови 18-сола нишаста буд, ки бо моддаи 104, қисми 3 Қонуни кайфарии Узбакистон "Осебрасонии шадиди ҷисмонӣ, ки марги осебдидаро дар пай доштааст" муттаҳам мешавад.

Дар ин ҷаласа додгоҳ арзи падару модари Ҷасурбекро расидагӣ кард.

Донишҷӯи Коллеҷи пизишкии Тошканд Ҷасурбек Иброҳимов аввоили моҳи июли имсол аз захмҳое, ки аз лату кӯб аз дасти ҷавони дигаре бардошта буд, ҷонашро аз даст дода буд. Ин рухдод дар Узбакистон зуд расонаӣ шуд ва вазири тандурустӣ раёсати ин коллеҷро аз симат барканор кард.

Модари Ҷасурбек ба раисҷумҳури Узбакистон Шавкат Мирзиёев шикоят бурд, ки мақомоти интизомӣ дар пайгирии ин куштор камкорӣ мекунанд. Мардуми Тошканд дар паи ин куштор даст ба тазоҳуроти худҷӯш заданд ва аз мақомот талаб карданд, ки гунаҳкорони ин ҳодисаро муҷозот кунанд.

325
Барчаспҳо:
гунаҳкор, додгоҳ, муҳокима, куштор, Ҷасурбек Иброҳимов, Ӯзбекистон
Шота Арвеладзе

Сармураббии "Пахтакор" мубталои коронавирус шуд: ӯ дар Қатар аз ташхис гузашт

120
(Таҷдидшуда 18:27 23.09.2020)
Ташхиси Шот Арвеладзе барои ошкор кардани вируси COVID-19, ки рӯзи сешанбе гирифта шуд, натиҷаи мусбат дод

ТАШКЕНТ, 23 сен — Sputnik.  Сармураббии тими "Пахтакор" Шот Арвеладзе мубталои коронавирус шуд, хабар медиҳад котиботи бошгоҳи футболи Тошканд.

Ба иттилои манбаъ, тими "Пахтакор" ҳоло барои иштирок дар лигаи қаҳрамонии Осиё дар Қатар қарор дорад.

"Бегоҳи дирӯз натоиҷи ташхиси сармураббии дастаи "Пахтакор" дмақиқ шуд. Маълум гардид, ки Арвеладзе гирифтори коронавирус аст, - таъкид мешавад дар хабар.

Манбаъ меафзояд, феълан сармурабии тими мазкур дар инзиво қарор дорад.

Зикр мегардад, ки ҳайати дигари дастаи "Пахтакор" сиҳат буда, ба ин навъ маризӣ мубтало нестанд.

Ёдовар мешавем, моҳи июл панҷ бозингари ин даста якбора мубталои коронавирус шуданд.

120
Барчаспҳо:
маризӣ, Сармураббӣ, футбол, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон

Нигаронии СММ аз авҷи хушунатҳои бесобиқа дар Афғонистон

99
(Таҷдидшуда 19:28 22.09.2020)
Созмони Милали Муттаҳид аз ташдиди ҳамалот ва афзоиши кушторҳо дар Афғонистон ибрози нигаронӣ кард

ДУШАНБЕ, 22 сен — Sputnik. Миссияи кӯмаки Созмони Милал дар Афғонистон (UNAMA) ахиран дар як изҳорот гуфт, афзоиши куштор ва хушунат дар Афғонистон дар панҷ ҳафтаи охир дар панҷ соли охир бесобиқа буд, иттилоъ додааст хабаргузории “Парстудей”.

Афзоиши хушунатҳо дар Афғонистон дар ҳоле аст, ки гуфтугӯҳои сулҳи байни афғонҳо дар Қатар идома дорад.

Намояндагии Созмони Милал дар Афғонистон таъкид кардааст, ки бояд иқдомоти фаврӣ барои муҳофизат аз ғайринизомиён ва эҷоди фазои мусоид барои гуфтугӯҳои сулҳ дар Дуҳа фароҳам шавад.

Ин баёния аз тарафҳои дахил дар раванди сулҳи Афғонистон хостааст ба хушунатҳо ва ҷанг поён диҳанд ва барои барқарории оташбас талош кунанд.

Бо афзоиши хушунатҳо дар саросари Афғонистон ҳар рӯз даҳҳо нафар кушта ва захмӣ мешванд.

99
Барчаспҳо:
ҳамалоти террористӣ, афзоиш, нигаронӣ, куштор, СММ, хушунат, Афғонистон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия