Атамбаев — Мирзиёеву: я всегда считал вас своим братом

Мирзиёев ба Отамбоев: ҳеч мушкил нест, ки осон нашавад

98
(Таҷдидшуда 21:37 06.10.2017)
Узбакистону Қирғизистон чанд санади ҳамкорӣ дар заминаҳои низомиву иқтисодӣ ва протоколи пазириши қарордоди марзиро имзо карданд

ДУШАНБЕ, 6 окт — Sputnik. Дастоварди сафари расмии раисҷумҳури Қирғизистон Алмосбек Отмабоев ба Узбакистон имзои дувоздаҳ санади ҳамкорӣ дар заминаҳои гуногун бо раисҷумҳур Шавкат Мирзиёев шуд.

Здание парламента Кыргызстана. Архивное фото
Официальная страница пресс-центра парламента Кыргызстана в Facebook

Ҳеч мушкил нест, ки осон нашавад

"Дар воқеъ мушкил бисёр дорем, вале мо — раҳбарони ду кишвар, бо иродаи сиёсии худ роҳи ҳаллашонро пайдо кардем. Ҳеч мушкил нест, ки осон нашавад. Ин музокирот наздикӣ ва ҳамсонии рӯйкардҳои ду кишвар дар ҳаллу фасли мубрамтарин масоилро ошкор карданд", — гуфт Шавкат Мирзиёев дар нишасти расонаӣ пас аз дидору музокирот бо Алмосбек Отамбоев.

Раҳбари Узбакистон имзои Баёнияи ҳамкории раҳбурдӣ ва таҳкими дӯстиву ҳусни ҳамҷаворӣ ва эътимод миёни ду кишварро гоми бесобиқа дар торихи равобити Тошканду Бишкек хонд.

"Ин ки мегӯем, ки ҳама масоили марзиро аз миён бардоштаем ва набояд бар сари сохтусози нерӯгоҳи Қамбарота баҳс кунем, балки онро ҳамроҳ бисозем, манзурамон ин аст, ки инҳо ҳама аз баракати хадамоти Шумост", — гуфт раисҷумҳур Отамбоев дар посух ба Мирзиёев.

Раҳбари Қирғизистон афзуд, ки "агар дар наздиктарин замон битавонем мавзуъи баҳсҳои марзиро ҳалл кунему санадҳои ҳамкорӣ дар заминаи таробарӣ ва рафту омад имзо кунем, мардумони ду кишвар моро ба некӣ ёд хоҳанд кард".

Марз, амният, тиҷорат

Дар паи ин музокирот 12 санади ҳамкорӣ дар заминаҳои гуногун — низомӣ, иқтисодӣ, гардишгарӣ, ҳамкориҳои вилоятӣ, мубориза бо қочоқи маводи мухаддир ва дигар заминаҳо имзо шуд. Ҳамчунин сарони ду кишвар қарордоди пазириши 85 дарсад аз хатти марз миёни кишварҳоро имзо карданд.

Вазоратҳои умури дохила қарордоди ҳамкорӣ дар мубориза бо қочоқи маводи мухаддир ва равонгардону пешмоддаҳояшонро имзо карданд.

Вазоратҳои дифоъ низ қарордоди ҳамкорӣ дар заминаҳои низомӣ ва дифоъиро ба имзо расонданд.

Вазорати бозаргони хориҷии Узбакистон ва Вазорати роҳу таробарии Қирғизистон ёддошти тафоҳуми ҳамкорӣ имзо карда ва хостори густариши гардиши коло миёни ду кишвар ва роҳандозии корхонаҳои муштарак шуданд.

Ҷолиб аст, ки дар поёни ин музокирот ва дар ҳузури ҳайъатҳои расмии ду кишвар Шавкат Мирзиёев ба расми ёдгор як ҷилд аз ҳамосаи қирғизии "Манас"-ро тақдим кард, ки дар Тошканд ба забони узбакӣ мунташир шудааст.

Бояд гуфт, ки солҳои ахир равобит миёни ду кишвар чандон гарму дӯстона набуд. Ду кишвар ҳамвора бар сари хатти марз баҳс доштанд ва гоҳе низ задухӯрдҳое миёни марзнишинони узбаку қирғиз рух медод. Аз ҷумла дар оғози соли 2016 Узбакистону Қирғизистон барои чанд моҳ гузаргоҳҳои марзии худро баста буданд.

Аммо дар соли 2016 бо расидани Шавкат Мирзиёев ба қудрат дар Узбакистон ҷаҳише бесобиқа дар равобити ду кишвар рух дод. Чунончи, дар моҳи августи соли 2016 музокироти марзӣ миёни ду кишвар аз сар гирифта шуд. Сарони ду кишвар 5 сентябр пешнависи қарордоди марзиро имзо карданд, ки бар асоси он камобеш 85 дарсад аз хатти марз миёни Узбакистону Қирғизистон мушаххас ва аломатгузорӣ шуд. Бар асоси ин пешнавис ҳар ду кишвар қонунҳои пазириши 85 дарсад аз хатти марзро тасвиб карданд.

98
Барчаспҳо:
беҳбуди равобит, аломатгузорӣ, марзбандӣ, Шавкат Мирзиёев, Алмосбек Отамбоев, Узбакистон-Қирғизистон
Мавзуъ
Дидори Эмомалӣ Раҳмон бо Шавкат Мирзиёев ва Нурсултон Назарбоев
Вице-премьер Узбекистана Уктам Барноев

Вируси сархӯр: бар асари COVID-19 муовини сарвазири Ӯзбекистон даргузашт

1609
(Таҷдидшуда 17:24 20.09.2020)
Имрӯз дар шаҳри Тошканд бар асари вируси корона муовини сарвазири Ӯзбекистон Уктам Барноев даргузашт

ДУШАНБЕ, 20 сен — Sputnik. Имрӯз муовини сарвазири Ӯзбекистон оид ба масъалаҳои рушди аграрӣ ва ҳифзи амнияти ғизоӣ Уктам Барноев даргузашт, иттилоъ додааст хабаргузории UzNews.uz дар истинод ба наздикони ӯ.

Гуфта шудааст, ки муовини сарвазири Ӯзбекистон дар синни 56-солагӣ аз олам чашм пӯшид.

Тибқи иттилои расмӣ, Уктам Барноев бар асари вируси корона даргузаштааст.

Таъкид шудааст, ки муовини сарвазири Ӯзбекистон дер боз аз вируси корона дар Олмон табобат мегирифт. Як ҳафта пеш ӯро ба як бемористонҳои шахсӣ дар Осиёи Марказӣ Аkfa Medline, ки дар шаҳри Тошканд воқеъ аст, интиқол доданд.

Уктам Барноев соли 1964 ба дунё омадааст. Ӯ хатмкунандаи Донишкадаи муҳандиси обёрӣ ва механизатсияи хоҷагии қишлоқи Тошкандро хатм кардааст.

Оқои Барноев дар солҳои 2000 то соли 2002 дар вазорати кишоварзӣ ва захираҳои оби Ӯзбекистон дар вазифаҳои гуногуни роҳбарикунанда кору фаъолият кардааст.   

Солҳои 2007 то 2008 Барноев ба ҳайи муовини аввали вазири кишоварзӣ ва захираҳои обӣ Ӯзбекистон кор кард. Сипас дар давоми ду сол Ҳокими вилояти Самарқанд кор кардааст.  Ҳамзамон ӯ соли 2016 ба ҳайси Ҳокими вилояти Бухоро низ кор кардааст.

Аз 6 июли соли 2020 ба вазифаи раиси Федератсияи асппарварӣ ва варзиши аспии Ӯзбекистон таъйин шуда буд.

1609
Барчаспҳо:
Тошканд, муовини сарвазир, даргузашт, вируси корона, Ӯзбекистон
Таджикская птицефабрика

Шуюи зукоми парандагон дар Қазоқистон

94
(Таҷдидшуда 14:45 20.09.2020)
Вазорати кишоварзии Қазоқистон аз шуюи зуком(Influenza)-и парандагон дар манотиқи мухталифи устони Қазоқистони шимолии ин кишвар хабар дод

ДУШАНБЕ, 20 сен — Sputnik. Ба гузориши "Парс тудэй", вазорати кишоварзии Қазоқистон аз шуюи зукоми парандагон дар 7 минтақаи устони Қазоқистони Шимолӣ хабар дод.

Бар асоси ин гузориш, дар 7 минтақаи устони Қазоқистони Шимолӣ аз 9 то 16 сентябр марги анвои мухталифи парандагони хонагӣ сабт шуда, ки бар асоси таҳқиқоти Маркази миллии ташхис, иллати марги ин парандагон зукоми шадид будааст.

Қазоқистон мутобиқ бо қавонини тасвибшуда дар мавриди шуюи ин навъи беморӣ ба Созмони ҷаҳонии беҳдошти ҳайвонот хабар додааст.

Тибқи гузориши вазорати кишоварзии Қазоқистон, Кумитаи контрол ва назорат бар домпзишкии ин кишвар ба сурати муваққат содироти мурғи зинда ва тухми мурғ, пари мурғ, гӯшти мурғ ва анвои маҳсулоти омодашуда аз парандагон, маводи ғизоии парандагон ва ҳамчунин таҷҳизоти нигаҳдорӣ ва зибҳи ононро дар манотиқи олуда, мамнӯъ кардааст.

Қазоқистон парвозҳои мунтазамро бо Русия ва 6 кишвари дигар барқарор мекунад

Қазоқистон ҳамчунин ба далели зукоми парандагон маҳдудиятҳои марзӣ бо Русия эъмол кардааст, аммо ба гуфтаи коршиносон ва донишмандон, ин беморӣ натанҳо аз тариқи содироти колоҳои муртабит, балки аз тариқи парандагони муҳоҷири ваҳшӣ низ метавонад густариш ёбад.

 

94
Дучархаи шикаста, акс аз бойгонӣ

Ду садамаи маргбор дар як рӯз: дучархарон ва ноболиғ ҷон доданд

0
Вазорати умури дохилии Тоҷикистон аз ду садамаи маргбор дар ҷумҳурӣ хабар дод, ки 19 сентябр рух додаанд

ДУШАНБЕ, 21 сен — Sputnik. Тибқи иттилои ВУД, ронандаи “Мерседес-Бенс”, Саидов Воҳид, сокини 35-солаи  шаҳри Бохтар, ҳангоми ҳаракат аз самти ноҳияи Панҷ ба самти ноҳияи Ҷ.Балхӣ дучархарони 22-соларо зер кардааст.

Манбаъ афзуд, ки  дучархарон Маҳмадиев Фирӯз, зодаи соли 1998, сокини ҷамоати деҳоти Қумсангири ноҳияи Ҷайҳун, дар пайи ин садама ҷароҳатҳои вазнини ҷисмонӣ бардошта, дар беморхона ба ҳалокат расидааст.

Ба иттилои ВУД, ҳодисаи дигари маргбор 19-уми сентябри соли 2020, тахминан соати 20:00 рух дод.

“Ронандаи автомашинаи тамғаи “Мерседес-Бенс”, Ахмедов Абдуназар, сокини 38-солаи ҷамоати деҳоти Кулқанди ноҳияи Исфара, ҳангоми ҳаракат бо кӯчаи Гулистони ҷамоати деҳоти мазкур бехатарии ҳаракати роҳро таъмин карда натавониста, пиёдагарди ноболиғ, Шокиров Диловарҷон Дилшодович, соли таваллудаш 2008, сокини ҷамоати деҳоти Кулқандро, ки аз тарафи чап ба тарафи рости роҳ мегузашт, пахш намудааст”, - омадааст дар иттилоия.

Манбаъ таъкид кард, ки дар натиҷа пиёдагард Шокиров ҷароҳати вазнини ҷисмонӣ бардошта, дар беморхона ба ҳалокат расидааст.

0
Барчаспҳо:
садама, Тоҷикистон