Фурудгоҳи байналмилалии Тошканд, акс аз бойгонӣ

Узбакистон бо Афғонистон ҳам роҳҳои ҳавоиро боз мекунад

43
(Таҷдидшуда 17:43 28.11.2017)
Аввалин парвоз аз Кобул ба Тошканд 29-уми ноябр сурат мегирад. Интизор меравад, ки парвозҳоро ширкати афғонӣ анҷом диҳад. Аммо ҳануз басомади парвозҳо мушаххас нашудааст

ДУШАНБЕ, 28 ноя — Sputnik. Узбакистон ва Афғонистон бори аввал дар таърих робитаҳои ҳавоиро ба роҳ мемонанд, хабар медиҳад Sputnik Узбакистон.

Бино бар иттилои манбаъ, аввалин парвоз рӯзи чоршанбе, 29 ноябр соати 09:00 сурат хоҳад гирифт.

Гуфта мешавад, парвозҳои байни кишваҳоро ширкати афғонии "Kam Air" анҷом медиҳад.

Аммо манбаъ тавзеҳ надодааст, ки парвозҳо ҳафтае чанд маротиба амалӣ мешаванд.

Коршиносон гуфтаанд, ба роҳ мондани парвозҳо байни Афғонистон ва Узбакистон имкони рушди муносибатҳои ду кишварро бештар хоҳад кард. Илова бар ин, боз кардани робитаҳои ҳавоӣ бо Афғонистон ба Узбакистон имкон медиҳад, ки ҳамчун кишвари транзитӣ ба шаҳрвандони хориҷӣ хидмат кунад.

Пештар хабар дода шуд, ки ширкати миллии "Ӯзбекистон ҳаво юлларӣ" нархи билети парвози Тошканд — Душанбе — Тошкандро арзон кардааст.

43
Барчаспҳо:
хатсайр, парвоз, "Роҳҳои ҳавоии Узбакистон", Узбакистон, Афғонистон