Президент Афганистана Мохаммад Ашраф Гани, архивное фото

Ашраф Ғанӣ: Артиши Афғонистон бе ёриҳои Амрико 6 моҳ ҳам намепояд

115
(Таҷдидшуда 20:07 15.01.2018)
Раисҷумҳури Афғонистон Ашраф Ғанӣ гуфтааст, ки агар Амрико аз давлату артиши ин кишвар пуштибонӣ накунад, ҳукумати ваҳдати миллӣ низ фурӯ хоҳад пошид

ДУШАНБЕ, 15 янв — Sputnik. Раисҷумҳур Ашраф Ғанӣ дар гуфтугӯ бо шабакаи телевизюнии амрикоии CBS гуфтааст, ки Ҳукумати ваҳдати миллии Афғонистон бо пуштибонии Амрико пойдор аст.

Раисҷумҳур Ғанӣ ёдоварӣ кардааст, ки Афғонистон бо 21 созмони теруристӣ ҷанг дорад ва нерӯҳои низомӣ ва амниятии кишвар танҳо дар чаҳор моҳи ахир беш аз 2 500 кормандашонро аз даст дода ва беш аз 4 ҳазор нерӯҳояшон низ захмӣ шудаанд.

Вай дар посух ба ин пурсиш, ки оё дар сурати хуруҷи нерӯҳои Амрико аз Афғонистон Ҳукумати ваҳдати миллӣ низ фурӯ хоҳад пошид, гуфтааст: “Мо бе ёриҳои молии Амрико наметавонем аз артишамон ҳатто 6 моҳ ҳам пуштибонӣ кунем”.

Бино ба додаҳои шабакаи CBS, Амрико 90 дарсад аз ҳазинаҳои низомии Афғонистонро пардохт мекунад, яъне солиёна камобеш 4 милёрд дулор ба будҷаи низомии давлати Афғонистон ворез мекунад.

115
Барчаспҳо:
ҷанг бо теруризм дар Афғонистон, Ашраф Ғанӣ, Амрико, Афғонистон
Мавзуъ
КДАМ ҶТ: як қочоқбар дар марз бо Афғонистон кушта шуд
Гурҷистон ба Афғонистон сад сарбоз фиристод
Русия ва Амрико метавонанд дар Афғонистон ҳамкорӣ кунанд
Пирмарде аз Афғонистон ба Тоҷикистон беш аз 50 кг маводи мухаддирро қочоқ овард
Тоҷикистон аз роҳи Афғонистон ба халиҷи Форс мерасад
Путин: дар марзи Тоҷикистону Афғонистон ҷангҷӯёни бисёре ҷамъ омадаанд
Полицейские возле места взрыва в Кабуле, Афганистан. 7 августа 2019 года

Таркиши бомб дар Кобул: 16 кушта даҳҳо нафари дигар захмӣ

100
(Таҷдидшуда 18:19 14.07.2020)
Таркиши бомб дар шаҳристони Саробӣ наздикии Кобули пойтахти Афғонистон 16 нафарро кушта ва даҳҳо нафари дигарро захмӣ кард

ДУШАНБЕ, 14 июл – Sputnik. Ба гузориши радиои Садоии Хуросон, полиси шаҳристони Саробӣ дар шарқи шаҳри кобул эълом кард, ин инфиҷори зуҳри рӯзи сешанбе  замоне рӯй дод, ки минаи канори ҷодае дар масири убури мошини ҳомили ғайринизомиён мунфаҷир шуд.

Бино бар иттилои манбаъ, дар ин инфиҷор  панҷ  ғайринизомӣ ҷон бохтанду 11 нафари дигар захмӣ шуданд.

Бар асоси ин гузориш, шуморе аз кушта ва захмӣ шудагони ин инфиҷор  занону кӯдакон ҳастанд.

Фармондори шаҳристони Саробии Кобул  ин минагузориро кори гурӯҳи Толибон дониста аст.

Аммо масъулияти ҳодисаро то ҳол ҳеҷ гурӯҳе ба дӯш нагирифтааст. Гурӯҳи Толибон ҳам дар ин бора изҳороте накардаанд.  

Ёдрас мешавем, дар Афғонистон муҳорибаи шадиди толибон ва ҳукумат идома дорад. Гурӯҳи радикалӣ қисми калони деҳаҳои Афғонистонро таҳти нуфузи худ қарор дода, ба шаҳрҳои калон ҳуҷум мекунад.

Ҳамчунин, дар кишвар нуфузи гурӯҳи террористии "Давлати исломӣ" зиёд мешавад.

100
Барчаспҳо:
Толибон, захмӣ, кушта, таркиш, Кобул, Афғонистон

Рӯҳонӣ: Эрон бидуни вобастагӣ ба нефт идора мешавад

167
(Таҷдидшуда 17:41 14.07.2020)
Раисҷумҳури Эрон, идораи кишвар бо камтарин вобастагӣ ба нефтро қудратнамоии кишвараш дар ҷанги иқтисодӣ тавсиф кард

ДУШАНБЕ, 14 июл – Sputnik. Ҳасан Рӯҳонӣ ахиран дар ҷаласаи ситоди ҳамоҳангии иқтисоди давлати Эрон гуфт, амрикоиҳо интизор доштанд чанде пас аз оғози таҳримҳо, тавсеаи иқтисодии Эрон мутаваққиф шавад аммо имрӯз кишвар бо барномарезӣ ва такя бар иқтисод бидуни нафт идора мешавад, ки ин, қудратнамоӣ ва пирӯзии бузурге барои миллати Эрон дар ҷанги иқтисодӣ аст, иттилоъ додааст хабаргузории “Парстудей”.

Рӯҳонӣ ҳамчунин бо ишора ба асароти вируси корона бар вазъияти кунунии иқтисоди кишварҳои ҷаҳон гуфт, дар шароите, ки ҳатто бархе кишварҳои тавсеаёфта низ дар таъмин ва тавзеи ниёзҳои рӯзмарраи мардум бо мушкил мувоҷеҳ шуданд, Эрон бо тадобири вижа ва омодагии сохторҳо ва дастгоҳҳо ва бо ҳамкории мардум, аз мушкилот убур кард. 

Рӯҳонӣ таъмини ниёзҳои зарурии мардум ва тавлидкунандагонро аз авлавиятҳои давлати Эрон баршумурд ва гуфт, бо талоши ҳамаҷонибаи масъулон, токунун ниёзҳои асосӣ ва зарурии мардум ва тавлидкунандагон таъмин шудааст.

167
Барчаспҳо:
тавсиф, иқтисодӣ, иқтисод, қудрат, нафт, Раисҷумҳур, Эрон
Штартгина Лариса Вячесламовна учитель фортепиано

Аз забони қирғизӣ то суруду мусиқӣ: камбуди садҳо омӯзгор дар мактабҳои Тоҷикистон - омор

0
(Таҷдидшуда 09:15 15.07.2020)
Вазорати маориф ва илми Тоҷикистон аз камбуди ҳудуди 3 ҳазор омӯзгор дар мактабҳои таҳсилоти умумӣ хабар дод

ДУШАНБЕ, 15 июл — Sputnik. Бино ба оморе, ки маркази матбуоти вазорат дар ихтиёри Sputnik Тоҷикистон гузошт, мактабҳои Тоҷикистон ба 2 ҳазору 959 омӯзгор ниёз доранд.

Бино ба ин додаҳо, аз ҳама зиёд камбуди омӯзгорон дар мактабҳои вилоятҳои Хатлон (942), Суғд (882) ва навоҳии тобеи ҷумҳурӣ (857) мушоҳида мешавад.

Дар Вилояти мухтори Кӯҳистони Бадахшон ҳамагӣ 83 ва шаҳри Душанбе – 195 омӯзгор намерасад.

Аз рӯи таносуби фанҳои таълимӣ мактабҳои Тоҷикистон ба омӯзгорони фанҳои математика ва геометрия (357), забони русӣ (304) забони англисӣ (307), технологияи информатсионӣ (242), химия (243), физика ва астраномия (264), таърих ва ҳуқуқ (157), технология (таълими меҳнат, 144), синфҳои ибтидоӣ (120), тарбияи ҷисмонӣ (109), забон ва адабиёти тоҷик (105), биология (105), география (87), суруд ва мусиқӣ (83), омодагии дифои ҳарбӣ (81), методикаи томактабӣ (52), санъати тасвирӣ (51), равоншинос (38), забони арабӣ (37), забони давлатӣ (26) ва алифбои ниёгон (22) ниёз доранд.

Дар вилояти Суғд ба 3 омӯзгори забон ва адабиёти ӯзбек ва дар Кӯҳистони Бадахшон ба 2 омӯзгори забони қирғизӣ эҳтиёҷ доранд.

Тибқи иттилои вазорати маориф ва илм, ҳоло дар Тоҷикистон 3884 муассисаи таҳсилоти умумӣ вуҷуд дорад, ки дар онҳо 124 ҳазору 593 омӯзгор, ба шумули 74 ҳазору 046 зан дарс мегӯянд.

Аз ин шумора 92 ҳазору 224 нафар (50 ҳазору 708 зан) ё 74,1% маълумоти олӣ, 30 ҳазору 578 нафар (21 ҳазору 965 зан) ё 24,5% маълумоти миёнаи касбӣ ва 1 ҳазору 791 нафар (1 ҳазору 368 зан) ё 1,4% маълумоти миёнаи умумӣ доранд.

Бино ба ин манбаъ, дар муассисаҳои таҳсилоти умумии Тоҷикистон теъдоди хонандагон ба 2 миллиону 33 ҳазору 900, ба шумули 980 ҳазору 766 духтар расидааст.

Пешниҳоди омори норасоии омӯзгорон аз суи Вазорати маориф дар ҳолест, ки вазири собиқ Нуриддин Саид дар нишастҳои матбуотияш мегуфт, дар Тоҷикистон мушкили камбуди омӯзгорон қариб ҳал шудааст.

0