Эмомалӣ Раҳомн ва Шавкат Мирзиёев

Тоҷикистону Узбакистон соли 2018 раводидро бекор мекунанд

734
(Таҷдидшуда 09:55 16.01.2018)
Тоҷикистону Узбакистон низоми раводидро ҳангоми сафари Мирзиёев ба Тоҷикистон бекор мекунанд

ДУШАНБЕ, 16 янв — Sputnik. Интизор меравад, ки созишномаи бекор кардани низоми раводиди миёни Тоҷикистону Узбакистон дар паи сафари расмии Шавкат Мирзиёев ба Тоҷикистон имзо шавад.

Дар ин бора раиси Кумитаи рушди гардишгарии Узбакистон Азиз Абдуҳакимов ба рӯзноманигорон хабар додааст.

"Чунин тафовуқот ҳаст ва интизор меравад, ки дар рафти сафари раҳбари давлат раводид бекор шавад", — хабар дод Азиз Абдуҳакимов.

Вай санаи дақиқи сафари Мирзиёевро нагуфтааст, вале қайд кардааст, ки ин сафар дар "замони наздик рух медиҳад".

Пештар хадамоти матбуотии раисҷумҳури Тоҷикистон Эмомалӣ Раҳмон хабар дода буд, ки Шавкат Мирзиёев дар авоили фасли баҳор ба Тоҷикистон меояд.

Раҳбари Кумитаи гардишгарии Узбакистон ёдрас шуд, ки дар масъалаи бекор кардани низоми раводид ҳангоми сафари нахуствазири Узбакистон Абдулло Орипов ба Душанбе тафовуқ ҳосил шуд.

"Ман фикр мекунам, ки ин бисёр қарори ҷиддӣ аст, ки шаҳрвандони Тоҷикистон ҳам ба он таваҷҷӯҳи хос доранд-ин сафари хешовандон ва гардишгарӣ аст", —гуфт Абдуҳакимов.

Пештар хабар дода шуд, ки Тоҷикистону Узбакистон барои ҳалли масъалаи раводид ва қитъаи баҳсбарангези марзӣ, аз ҷумла сарбанди нерӯгоҳи Фарҳод, ба тавофуқ расиданд.

Тараҳо ба зудӣ санаде барои рафтуомади шаҳрвандони ду кишварро имзо хоҳанд кард, ки бар асоси он тоҷикистониён ва узбакистониён ҳақ хоҳанд дошт то як моҳ дар қаламрави ду кишвар бе раводид бимонанд.

Тарафҳо ҳамчунин қарор доданд, ки дар наздиктарин замон роҳҳои оҳан ва заминиро ҳам боз кунанд. Ҳамчунин дар марзи Тоҷикистону Узбакистон гузаргоҳҳои нав бунёд карда мешаванд.

Тарафайн дар масъалаи нерӯгоҳи Фарҳод, ки дар минтақаи баҳсбарангези марзи Тоҷикистону Узбакистон қарор дорад, қарор доданд, ки замине, ки дар он нерӯгоҳ бунёд шудааст, аз они Тоҷикистон ва нерӯгоҳ аз они Узбакистон шинохта шавад.

734
Барчаспҳо:
лағви раводид, Узбакистон, Тоҷикистон
Полицейские возле места взрыва в Кабуле, Афганистан. 7 августа 2019 года

Таркиши бомб дар Кобул: 16 кушта даҳҳо нафари дигар захмӣ

116
(Таҷдидшуда 18:19 14.07.2020)
Таркиши бомб дар шаҳристони Саробӣ наздикии Кобули пойтахти Афғонистон 16 нафарро кушта ва даҳҳо нафари дигарро захмӣ кард

ДУШАНБЕ, 14 июл – Sputnik. Ба гузориши радиои Садоии Хуросон, полиси шаҳристони Саробӣ дар шарқи шаҳри кобул эълом кард, ин инфиҷори зуҳри рӯзи сешанбе  замоне рӯй дод, ки минаи канори ҷодае дар масири убури мошини ҳомили ғайринизомиён мунфаҷир шуд.

Бино бар иттилои манбаъ, дар ин инфиҷор  панҷ  ғайринизомӣ ҷон бохтанду 11 нафари дигар захмӣ шуданд.

Бар асоси ин гузориш, шуморе аз кушта ва захмӣ шудагони ин инфиҷор  занону кӯдакон ҳастанд.

Фармондори шаҳристони Саробии Кобул  ин минагузориро кори гурӯҳи Толибон дониста аст.

Аммо масъулияти ҳодисаро то ҳол ҳеҷ гурӯҳе ба дӯш нагирифтааст. Гурӯҳи Толибон ҳам дар ин бора изҳороте накардаанд.  

Ёдрас мешавем, дар Афғонистон муҳорибаи шадиди толибон ва ҳукумат идома дорад. Гурӯҳи радикалӣ қисми калони деҳаҳои Афғонистонро таҳти нуфузи худ қарор дода, ба шаҳрҳои калон ҳуҷум мекунад.

Ҳамчунин, дар кишвар нуфузи гурӯҳи террористии "Давлати исломӣ" зиёд мешавад.

116
Барчаспҳо:
Толибон, захмӣ, кушта, таркиш, Кобул, Афғонистон

Рӯҳонӣ: Эрон бидуни вобастагӣ ба нефт идора мешавад

192
(Таҷдидшуда 17:41 14.07.2020)
Раисҷумҳури Эрон, идораи кишвар бо камтарин вобастагӣ ба нефтро қудратнамоии кишвараш дар ҷанги иқтисодӣ тавсиф кард

ДУШАНБЕ, 14 июл – Sputnik. Ҳасан Рӯҳонӣ ахиран дар ҷаласаи ситоди ҳамоҳангии иқтисоди давлати Эрон гуфт, амрикоиҳо интизор доштанд чанде пас аз оғози таҳримҳо, тавсеаи иқтисодии Эрон мутаваққиф шавад аммо имрӯз кишвар бо барномарезӣ ва такя бар иқтисод бидуни нафт идора мешавад, ки ин, қудратнамоӣ ва пирӯзии бузурге барои миллати Эрон дар ҷанги иқтисодӣ аст, иттилоъ додааст хабаргузории “Парстудей”.

Рӯҳонӣ ҳамчунин бо ишора ба асароти вируси корона бар вазъияти кунунии иқтисоди кишварҳои ҷаҳон гуфт, дар шароите, ки ҳатто бархе кишварҳои тавсеаёфта низ дар таъмин ва тавзеи ниёзҳои рӯзмарраи мардум бо мушкил мувоҷеҳ шуданд, Эрон бо тадобири вижа ва омодагии сохторҳо ва дастгоҳҳо ва бо ҳамкории мардум, аз мушкилот убур кард. 

Рӯҳонӣ таъмини ниёзҳои зарурии мардум ва тавлидкунандагонро аз авлавиятҳои давлати Эрон баршумурд ва гуфт, бо талоши ҳамаҷонибаи масъулон, токунун ниёзҳои асосӣ ва зарурии мардум ва тавлидкунандагон таъмин шудааст.

192
Барчаспҳо:
тавсиф, иқтисодӣ, иқтисод, қудрат, нафт, Раисҷумҳур, Эрон
Доктор проверяет панель управления аппаратом искусственной вентиляции легких

Кумаки навбатии Қазоқистон ба Тоҷикистон: дастгоҳҳои нафасдиҳӣ медиҳад

0
Дастгоҳҳои нафсдиҳии сунъӣ, ки Қазоқистон ба Тоҷикистон медиҳад, дар вилояти Акмола истеҳсол карда мешаванд

ДУШАНБЕ, 15 июл – Sputnik. Қазоқистон ба Тоҷикистон дастгоҳҳои нафасдиҳии сунъӣ мефиристад, гуфт муовини вазири тандурустӣ Людмила Бюрабекова дар як брифинги онлайнӣ

Номбурда гуфт, ки таҷҳизоти нафасдиҳӣ ба Тоҷикистон ҳамчун кӯмаки башардӯстона то охири сол интиқол дода мешавад.

"Ҳама кишварҳо ба ҳамдигар кӯмак мерасонанд ва кишвари мо низ ба дигарон кӯмаки башардӯстона мерасонанд. Ҳукумати Қазоқистон дар назар дорад, ки то охири сол кӯмаки башардӯстона ба Тоҷикистонро дар шакли дастгоҳҳои нафасдиҳии сунъӣ фароҳам орад", гуфт Бюрабекова.

Муовини вазири Қазоқистон гуфт, ки дастгоҳҳо барои интиқоли беморон дар мошини ёрии таъҷилӣ метавон истифода бурд. Таҷҳизот дар вилояти Акмолаи кишвар истеҳсол карда мешавад.

Ёдовар мешавем, ин нахустин кумаки башардӯстонаи Қазоқистон ба Тоҷикистон набуда, моҳҳои апрел ва май маводи озуқа аз қабили орд ёрӣ дод.

0