Акси рӯзи тӯйи Ислом Каримов. Акс аз бойгонӣ

Ҳамсари Каримов: Ислом дар дидори якум пешниҳоди ҳамсарӣ кард

768
(Таҷдидшуда 17:47 29.01.2018)
Ҳамсари аввалин раисҷумҳури Узбакистон Ислом Каримов-Татяна Каримова гуфт,ки Каримовро ҳамагон чун шахси қавиирода ва ҳадафманд мешиносанд

ДУШАНБЕ, 29 янв — Sputnik. Дар остонаи 80-солагии Ислом Каримов ҳамсараш Татяна Каримова дар бораи зиндагии хонаводагӣ нақл кард.

Мусоҳибаи пурра бо ҳамсари раисҷумҳури пешин дар торномаи Бунёди ба номи Ислом Каримов мунташир шудааст.

Ҳамсари Каримов қайд карда, ки Ислом шахси қавиирода ва бисёр ҳадафманд буд ва маҳз бо ҳамин хусусияташ ба қуллаҳои баланд расид.

"Ман дарҳол миқёси шахсияти Каримовро эҳсос кардам, ман эҳсос кардам, ки ӯ дар пеш, роҳи ғайриоддӣ, вале муҳиме дорад", — нақл кард ӯ.

Татяна Каримова ҳамчунин нақл карда, ки солҳои кӯдакии Ислом дар ҳамон солҳои душвори баъди низомӣ гузашт.

"Ислом Абдуғаниевич замони ба мактаб рафтанаш забони русиро намедонист, вале бо шарофати ҳадафмандии худ мактабро бо медали тилло хатм кард", —мегӯяд ҳамсари Ислом Каримов.

Татяна бо ҳамсараш дар замони донишҷӯӣ дар Самарқанд ошно шудааст. Ӯ нақл кард, ки Каримов дар рӯзи аввалин дидор ӯро ба ҳамсарӣ хондааст. Татяна мегӯяд, ин пешниҳод барояш ногаҳонӣ буд, вале ӯ розӣ шуд.

Дар бораи солҳои аввали зиндагии хонаводагӣ Татяна мегӯяд, ки "дӯстона зиндагӣ мекардем, худамон таъмир мекардем, чун музди кор ба ҳамаи чиз намерасид".

Ба гуфти Татяна, Каримов падар ва пасон бобои бисёр меҳрубон ва бодиққат буд.

"Ислом Абдуғаниевич барфро бисёр дӯст медошт, ба вижа барфи аввалро. Ҳамеша кӯшиш мекард, ки вақт ёфта бо фарзандон ва бо набераҳояш рӯи барф сайру гашт кунад. Ӯ кӯдаконро шиноварӣ ва дучархаронӣ омӯхт", — нақл мекунад Татяна.

Бунёди ба номи Ислом Каримов чанде пеш маълумоти зиёдеро дар бораи зиндагии аввалин раисҷумҳури Узбакистон мунташир кард.

Дар сафҳаи расмии ин бунёд дар Facebook акси сафеду сиёҳи хонаводаи Ислом Каримов мунташир шудааст. Дар он падару модари раисҷумҳури аввалин ва чаҳор кӯдак дарҷ гардидааст-як духтару се писар. Дар хонаводаи Каримовҳо ҳашт фарзанд буд: як духтар Меҳриниссо ва ҳафт писар: Амонулло, Ибодулло, Арслан, Қуддус, Икром, Ислом ва Хуршед.

Падари аввалин раисҷумҳури Узбакистон коргар буд. Ӯ марди ҷиддӣ ва гоҳо сахтгир буд. Мардуми маҳалла ӯро бисёр ҳурмат мекарданд. Модараш Санобар хонашин буд. Падари Санобар аз рӯҳониёни он давр буд.

Чанде пеш пизишки шахсии Ислом Каримов ва ҳамсинфаш дар бораи аввалин раисҷумҳури Узбакистон нақл карда буд.

768
Барчаспҳо:
нақли ҳамсараш, Татяна Каримова, Ислом Каримов, Ӯзбекистон
Мавзуъ
Нақли ҳамсинфони Ислом Каримов дар бораи даврони кӯдакии раисҷумҳур
Асрори як аср: дар бораи хонаводаи Ислом Каримов далелҳои нав пайдо шуд
Расонаҳои Узбакистон аз фарзанди севуми Ислом Каримов хабар доданд

Пирӯзӣ бар вируси корона?: марзҳои Ӯзбекистон аз аввали моҳи октябр боз мешаванд

156
(Таҷдидшуда 14:16 19.09.2020)
Давлати Ӯзбекистон аз аввали октябр маҳдудиятҳои вуруд ва хурӯҷ ба ин кишварро дар бахшҳои ҳавоӣ, роҳи оҳан ва заминӣ бо риояти муқаррароти қарантина ва беҳдоштӣ лағв мекунад

ДУШАНБЕ, 19 сен — Sputnik. Бар асоси тасмими Комиссияи вижаи мубориза бо вируси корона дар Ӯзбекистон, маҳдудият барои тараддуди шаҳрвандон ва васоили нақлия аз тариқи гузаргоҳҳои марзӣ коҳиш меёбад, иттилоъ додааст хабаргузории Форс.

Бино бар иттилои манбаъ, афроде, ки аз тариқи гузаргоҳҳои заминӣ аз Тоҷикистон, Қазоқистон, Туркманистон ва Афғонистон ба ин кишвар ворид шаванд пас аз тести вируси корона барои қарантинаи 14 рӯза ба меҳмонхонаҳо эъзом хоҳанд шуд.

Парвозҳо низ ба дараҷаҳои “қирмиз”, “зард” ва “сабз” тақсимбандӣ шудааст ва афроди ворид шуда бо парвоз аз тариқи кишварҳои “сабз” шомили Чин, Таиланд, Малайзия, Кореяи Ҷанубӣ, Гурҷистон, Венгрия, Финляндия, Латвия, Утриш ва Япония метавонанд бидуни маҳдудият вориди Ӯзбекистон шаванд.

Афрод муқими кишварҳои “зард” монанди Озарбойҷон, Беларус, Имороти Муттаҳидаи Арабӣ ва кишварҳои Иттиҳоди Аврупо ғайр аз Англия ва Испания ва низ манотиқи қирмиз, ки соири кишварҳои ҷаҳонро дар бар мегирад фақат дар сурати надоштани бемории вируси корона метавонанд вориди Ӯзбекистон шаванд.

156
Барчаспҳо:
лағв, беҳдоштӣ, роҳи оҳан, ҳавоӣ, марз, маҳдудият, Ӯзбекистон

Абдуллоҳ Абдуллоҳ музокироти сулҳ бо Толибонро душвор донист

262
(Таҷдидшуда 01:38 19.09.2020)
Раиси шӯрои мусолиҳаи миллии Афғонистон музокироти сулҳи байниафғонӣ бо Толибонро душвор хонд

ДУШАНБЕ, 18 сен — Sputnik. Ба нақл аз хабаргузории ОВО, Абдуллоҳ Абдуллоҳ рӯзи ҷумъа таъкид кард, ки музокироти Давҳаи Қатар содда нахоҳад буд ва давлати Афғонистон бо мавзӯъҳои бисёре рӯбарӯ хоҳад шуд, ки гирифтани тасмим дар бораи онҳо сахт аст.

Раиси шӯрои мусолиҳаи миллии Афғонистон дар идома итминон дод, ки ҳуқуқи шаҳрвандон, ҳуқуқи занон ва ҳуқуқи башар дар ин музокирот ҳифз ва озодиҳо ва адолати онҳо таъмин хоҳад шуд.

Дар ҳамин ҳол мавлавӣ Абдулҳаким-раиси ҳайати музокиракунандаи сулҳи Толибон дар Давҳа гуфт, ки рӯзи гузашта бори дигар ду ҳайати музокиракунанда бо ҳам бевосита дидор карданд.

Музокироти сулҳи байниафғонӣ бо ҳузури ҳайате аз давлати Афғонистон ва гурӯҳи Толибон ва намояндагоне аз чанд кишвари ҷаҳон, аз рӯзи 12 сентябр дар Давҳаи Қатар оғоз шудааст.

Низоми сиёсӣ, барқарории оташбас, ҳуқуқи ақаллиятҳо, озодии баён ва расонаҳо, ҳуқуқи занон ва дигар дастовардҳои ду даҳаи ахир дар Афғонистон, аз мавзӯъоти аслӣ дар музокироти Давҳа аст.

262
Барчаспҳо:
душворӣ, Толибон, Абдулло Абдулло, сулҳ, музокирот, Афғонистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон