Атомухаммад Нур, архивное фото

Вопасин ҳушдори Атомуҳаммад Нур ба Ҳукумати Афғонистон

194
(Таҷдидшуда 21:35 29.01.2018)
Атомуҳаммад Нур, раиси иҷроии ҳизби “Ҷамъияти исломии Афғонистон” барои вопасин бор ба ҳукумат ҳушдор дода, ки агар ба зудӣ бо Ҷамъият ба тафоҳум нарасад, ҳаводоронашро ба хиёбонҳо хоҳад кашонд

ДУШАНБЕ, 29 янв — Sputnik. Зоҳиран гуфтугӯҳо миёни Ҷамъияти исломӣ ва ҳукумати Афғонистон барои поён додан ба танишҳо ба бунбаст расидаанд, эҳтимол медиҳад Sputnik Афғонистон.

Атомуҳаммад Нур ба раисҷумҳури Афғонистон гуфтааст: “Имрӯз ё фардо мо ба роҳ меуфтем ва онгоҳ шумо бисёр пушаймон мешавед. Нашавад, ки Худо нахоста, ҳамачиз аз даст биравад”.

Вай дар вокуниш ба суханҳои Залмай Халилзод, сафири пешини Амрико дар Афғонистон, гуфтааст, ки тарафи гуфтугӯҳои Ҷамъияти исломӣ танҳо Арк ва Кохи Сафед ҳастанд ва гуфтаҳои Халилзод барояш арзише надоранд.

“Тарафи мо Арк аст ва агар миёнҷие дар кор бошад, танҳо Кохи Сафед аст. Мо аз он поинтар дигар касеро намепазирем”, — гуфтааст Ато.

Вай аз ҳукумати Афғонистон хостааст гуфтугӯҳо бо Ҷамъияти исломиро ҷиддӣ бигирад то ба тафоҳум бирасанд, вагарна ҳаводоронашро ба хиёбонҳо хоҳад кашонд.

194
Барчаспҳо:
Атомуҳаммад Нур, Афғонистон
Мавзуъ
Атомуҳаммад Нур: зӯрро бо зӯр посух хоҳам дод
Ҷои Атомуҳаммад Нурро Муҳаммад Довуд гирифт
Атомуҳаммад Нур: Гулбиддин Ҳикматёр бо ДОИШ байъат карда аст