Антипакистанская демонстрация в Кабуле

Мардуми Кобул ба Покистон: ҳамсояи дағалкор, маргат бод!

80
(Таҷдидшуда 17:52 01.02.2018)
Шуморе аз мардуми шаҳри Кобул дар тазоҳуроте бар пуштибонии Покистон аз гурӯҳҳои ҳаросафкан эътироз карданд

ДУШАНБЕ, 1 фев — Sputnik. Тазоҳуркунандагон рӯбарӯи сафорати Покистон дар Кобул гирд омада ва пуштибонии Исломобод аз гурӯҳҳои теруристиро шадидан маҳкум карданд.

Мардуми Кобул дар эътироз аз сиёсатҳои Исломобод Покистонро “падари теруристон” хонданд ва шиъор доданд “ҳамсояи дағалкор, маргат бод, маргат бод!”.

Тазоҳуркунандаҳо интизор доранд, ки шаҳрвандони Афғонистон аз дигар гӯшаву канорҳои кишвар низ ба ин эътирозҳо ҳамроҳ шаванд.

Ин тазоҳурот дар вокуниш ба амалиёти интиҳорие баргузор мешавад, ки чанд рӯз пеш садҳо шаҳрвандро куштаву захмӣ карда буд.

Қарор аст, ки рӯзи шанбе, 3 феврал дар Кобул ва дигар шаҳрҳои Афғонистон тазоҳуроти густардае дар вокуниш ба амалиёти ҳаросафкании гурӯҳҳои теруристии Толибон ва “Давлати исломӣ” ё ДОИШ баргузор шавад.

  • Антипакистанская демонстрация в Кабуле
    Антипакистанская демонстрация в Кабуле
    © SPUTNIK / JAK
  • Антипакистанская демонстрация в Кабуле
    Антипакистанская демонстрация в Кабуле
    © SPUTNIK / JAK
1 / 2
© SPUTNIK / JAK
Антипакистанская демонстрация в Кабуле
80
Барчаспҳо:
ҳаросафканӣ, тазоҳурот, ДОИШ, Толибон, Покистон, Афғонистон
Мавзуъ
Амнияти миллии Афғонистон коршиноси умури сиёсӣ Аҳмад Саъидиро боздошт кардааст
Вопасин ҳушдори Атомуҳаммад Нур ба Ҳукумати Афғонистон
Инфиҷори бомба дар шаҳри Ҷалолободи Афғонистон
Мигранты в аэропорту

161 ҳолат дар як рӯз: бад шудани вазъи коронавирус дар Қирғизистон

33
(Таҷдидшуда 14:31 27.09.2020)
Дар Қирғизистон пас аз як моҳи ба эътидол омадани вазъи коронавирус, боз мавориди олуда шудани сокинон ба ин маризӣ афзоиш ёфта истодааст

ДУШАНБЕ, 27 сен — Sputnik. Танҳо дар як шабонарӯзи ахир дар ин кишвар дасти кам 161 нафар тоза дардманди коронавирус шуданд.

Ситоди ҷумҳуриявӣ оиди мубориза бо коронавирус хабар дод, ки аз ҳама беш шумораи гирифторон дар вилояти Ботканд ба қайд гирифта шудааст.

Шабонарӯзи ахир дар ин вилоят 45 ҳолати ҷадиди гирифторшавӣ ба маризии коронавирус сабт гардид. Ҳамчунин дар шаҳри Бишкек 29 ҳолат, Ҷалолобод 23 ва Ош 33 мавриди тоза мубтало шудани сокинон ба қайд гирифта шуд.

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

Дар минтақаҳои дигари ин ҷумҳурӣ, сатҳи сироятёбии сокинон нисбатан камтар сурат гирифтааст.

Ба ҳамин минвол, дар Қирғизистон шумораи умумии гирифторони коронавирус 46 251 нафар буда, ҳамчунин 1063 нафар аз замони авҷ гирифани ин маризӣ то ҳол ҷон аз даст доданд.

33
Барчаспҳо:
омор, маризӣ, Қирғизистон
Президент Узбекистана Шавкат Мирзиёев

Раисҷумҳур: ҳоқимони шаҳру вилоятҳоро бояд халқ интихоб кунад

816
(Таҷдидшуда 21:03 26.09.2020)
Шавкат Мирзиёев, раисҷумҳури Ӯзбекистон пешниҳод кард, ки ҳоқимони шаҳру вилоятҳоро халқ интихоб кунад

ДУШАНБЕ, 26 сен - Sputnik. Шавкат Мирзиёев, президенти Ӯзбекистон бори дигар хостори он шуд, ки ҳоқимони шаҳру вилоятҳоро халқ интихоб кунад, хабар медиҳанд расонаҳои ин кишвар.

“Ҳокимонро бояд халқ интихоб кунад. Мо ҳатман ин корро мекунем”, — таъкид дошт раисҷумҳури Ӯзбекистон.

Манбаъ қайд кард, ки Шавкат Мирзиёев ҳануз моҳи декабри соли 2016 пешниҳод карда буд, ки ҳокимон дар кишвар бояд интихобӣ шаванд.

“Агар ҳар минтақа роҳбари худро интихоб кунад, афзоиши якбораи масъулияти роҳбарон дар назди мардум ва ҷомеаро чашмдор шудан мумкин аст”, — гуфт президенти Ӯзбекистон.

Бояд қайд кард, ки айни замон, ҳокимони вилоятҳо ва шаҳри Тошкандро президент таъйин ва озод мекунад.

Номзадҳои ҳоким барои тасдиқ аз ҷониби маҷлисҳои вакилони халқи вилоят ва шаҳри Тошканд пас аз машварат бо ҳар кадоме аз гурӯҳҳои ҳизбии маҷлиси дахлдор пешниҳод карда мешаванд.

 Дар айни замон, ҳокими ноҳия ва шаҳрҳоро ҳокимони вилоятҳо, ҳокими шаҳри Тошканд таъйин ва озод мекунанд ва аз ҷониби кенгаши (маҷлис) дахлдор тасдиқ карда мешаванд.

816
Барчаспҳо:
Раисҷумҳур, шаҳр, интихоб, вилоят, Шавкат Мирзиёев, Ӯзбекистон
Мэр города Душанбе Рустам Эмомали

Дастури Рустам ба масъулини пойтахт аз танзими нарх то захираи ғизо ва омодагӣ ба зимистон

0
(Таҷдидшуда 15:54 27.09.2020)
Рустами Эмомалӣ, шаҳрдори Душанбе ба масъулини пойтахт дастур додааст, ки ба мавсими тирамоҳу зимистон омодагии ҷидди бигиранд

ДУШАНБЕ, 27 сен — Sputnik. Тибқи иттилои дафтари матбуотии раиси шаҳр, зимни баргузории иҷлосияи сеюми Маҷлиси вакилони халқи шаҳри Душанбе, Рустами эмомалӣ ба раисони ноҳияҳои пойтахт, дастур додааст, ки дар ҳама соҳаҳо омодагии ҷидди гирифта, фаъолияти сохторҳоро дар ин самт зери назорати қатъӣ қарор диҳанд.

Ҳамзамон роҳбарони соҳаҳои маорифу тандурустӣ ва ҳифзи иҷтимоии аҳолӣ вазифадор шудаанд, ки ҷиҳати захираи маводи озуқаворӣ, сӯзишворӣ, ангишт ва ҳезум, омодагии генераторҳои барқӣ, бехатарии зиддисӯхтор дар мавсими тирамоҳу зимистон ва омода намудани бинои иншоотҳои соҳа барои қабули гармӣ чораҳои бетаъхир андешанд.

Рустами Эмомалӣ барои бо нархҳои дастрас таъмин намудани сокинони пойтахт бо маҳсулоти ниёзи аввалия, захира ва ғанӣ гардонидани бозори истеъмолӣ, иҷрои аз меъёри асосӣ зиёди нақшаҳои захираи картошка, пиёз, сабзӣ, орд, равған, шакар, мониторинги нарху наво ба масъули пойтахт супоришҳо додааст.

Масъулини соҳаҳои дахлдори шаҳриву ноҳиявӣ уҳдадор гардиданд, ки кори муътадили марказҳои барқу гармидиҳӣ захираи ангишту мазутро таъмин намуда, оид ба пайвастшавии бинову иншоот ба шабакаи гармидиҳӣ, таъмир ва сохтмони истгоҳҳои трансформаторӣ, пешгирии худсаронаи пайвасти ноқилҳо ба симчӯбҳо ва қонунвайронкуниҳо дар истифодаи қувваи барқ,  тадбирҳои мушаххасро амалӣ намоянд.

0
Барчаспҳо:
дастур, Рустами Эмомалӣ, Душанбе, Тоҷикистон