Нахуствазири Тоҷикистон Қоҳир Расулзода, акс аз бойгонӣ

Қоҳир Расулзода барои ҳалли масъалаи марзӣ ба Узбакистон рафт

402
(Таҷдидшуда 13:49 24.02.2018)
Дар нишасти комиссияи байниҳукуматии Тоҷикистону Узбакистон оид ба масоили делимитатси ва демаркатсияи сарҳади давлатӣ намояндагони ҳукумат ва роҳбарони ниҳодҳои иқтисодӣ ширкат меварзанд

ДУШАНБЕ, 23 фев — Sputnik. Тавре дафтари матбуотии Вазорати умури хориҷаи Узбакистон хабар медиҳад, имрӯз нахуствазири Тоҷикистон барои ширкат дар кори комиссияи байниҳукуматии Тоҷикистону Узбакистон оид ба масоили делимитатсия ва демаркатсияи сарҳади давлатӣ ба Фарғона сафар кард.

"Имрӯз ба Фарғона ҳайъати намояндагони ҳукуматии Тоҷикистон бо сардории Қоҳир Расулзода омаданд",- гуфта мешавад дар хабари манбаъ.

Дар нишасти комиссияи байниҳукуматии Тоҷикистону Узбакистон оид ба масоили делимитатси ва демаркатсияи сарҳади давлатӣ намояндагони ҳукумат ва роҳбарони ниҳодҳои иқтисодӣ ширкат меварзанд.

Чанде пеш ҳангоми сафари нахуствазири Узбакистон Абдулло Орипов ба Тоҷикистон ин масъала баррасӣ гардида буд.  Пас аз чанд дидору мулоқотҳои намояндагони Тоҷикистон ва Узбакистон, ба наздики ду гузаргоҳи марзии байни кишварҳо дубора боз шуданд.

Дар Узбакистон пас аз ба сари қудрат омадани Шавкат Мирзиёев дар муносибатҳои кишвар бо Тоҷикистон як қатор беҳбудиҳо ворид карда шуданд. Соли гузашта, пас аз 25 сол бори аввал дар масири Тошканд-Душанбе ҳаракатҳои ҳавоӣ ҷорӣ карда шуданд.

Чанде пеш сарвазири Узбакистон Абдулло Орипов ба Тоҷикистон сафар кард ва бо раисҷумҳури Тоҷикистон Эмомалӣ Раҳмон мулоқот кард. Пеш аз сафари Орипов ба Тоҷикистон Шавкат Мирзиёев дар маҷлисе дар Тошканд гуфт, "бо ҳамсояҳо дубора дӯстӣ хоҳем кард". Раисҷумҳури Тоҷикистон Эмомалӣ Раҳмон ҳангоми мулоқот бо нахуствазири Узбакистон гуфт, "Тоҷикистон ба кишвари ҳамсояе ҳеҷ гоҳ монеа эҷод накардааст.

Ба нақша гирифта шудааст, ки аввалҳои баҳор раисҷумҳури Узбакистон Шавкат Мирзиёев ба Тоҷикистон меояд.

402
Барчаспҳо:
нишонагузорӣ, марз, сафар, Қоҳир Расулзода, Тоҷикистон
Мавзуҳо:
То кай?: танишҳои марзӣ миёни Тоҷикистону Қирғизистон (91)
Террористы в Афганистане. Архивное фото

"Ҷазира барои Толибон": ҳамла аз Туркманистон бар Афғонистон буд ё не?

262
(Таҷдидшуда 15:30 04.07.2020)
Мақомот ва неруҳои амниятии Афғонистон хабари ҳамлаи Толибон аз қаламрави Туркманистонро таъйид ё такзиб накарданд. Коршиносон мегӯянд, Туркманистон бар аъмоли Толибон чашмпӯшӣ мекунад

ДУШАНБЕ, 4 июл – Sputnik. Муҳандис Аҳмад, вулусволи Хумоби вилояти Ҷузҷон, ки дар марз бо Туркманистон ҷойгир аст, ба Sputnik Тоҷикистон ҳамлаи сангини Толибонро таъйид кард, аммо аз ин суол, ки оё ин ҳамла аз қаламрави Туркманистон анҷом шудааст, турфа рафт.

"Ду рӯз ҷангҳои шадид дар вулусволии Хумоб идома дошт. Толибон аз неруҳои давлатӣ ва хезиши мардумӣ шикасти сангин дида, ба ҷониби вулусволии Оқча ақибнишинӣ карданд. Ҳоло дар вулусволии Хумоб, ки бо Туркманистон марзи муштарак дорад, ягон толиб ҳузур надорад", - гуфт Муҳандис Аҳмад.

Қаблан Мавлавӣ Абдулҳай Ҳаёт, раиси Шӯрои вилоятӣ, ҳамзамон волии ҳанӯз таъйиднашудаи Ҷузҷон, ки аз сӯи Абдуллоҳ Абдуллоҳ таъйин шудааст, ба расонаҳо гуфта буд, ки шаби панҷшанбеи гузашта, 25 июн, толибҳои мусаллаҳ аз тариқи дарёи Ому аз кишвари Туркманистон худашонро ба вилояти Ҷузҷон расонида, бар пойгоҳи Урдуи миллӣ дар соҳаи Чуплитеппаи вулусволии Хумоб ҳамла намуданд.

"Бино ба иттилое, ки ба мо расидааст, дар ҷараёни даргириҳо 7 сарбози артиш шаҳид, 10 сарбози дигар, ҳамчунин Ҳайвод-паҳлавон, як фармондеҳи хезишҳои мардумии маҳал захмӣ шудаанд”, - гуфт Абдулҳай Ҳаёт. Дар тафсири ин хабар Муҳаммад Ҳаниф Ризоӣ, сухангӯи корпуси 209 – и "Шоҳин", нерӯҳои хоси вазорати дифоъи Афғонистон низ ба Sputnik Тоҷикистон маҳз ин нуктаро, ки Толибон аз Туркманистон ҳамла кардаанд, шарҳ надод.

Вай гуфт, воқеан, дар рустои Чуплитеппаи вулусволии Хумоби вилояти Ҷузҷон миёни нируҳои дифоъӣ – амниятӣ ва ҳаросафганони толиб як бархӯрд ба миён омада, талафоте ҳам ба миён гузошт. “Дар ин даргирӣ 4 толиб кушта ва 3 тан дигар аз аъзои Толибон ҳамроҳ бо таҷҳизот ҷангиашон асири нируҳои амниятӣ амниятӣ гардиданд”, - гуфт Муҳаммад Ҳаниф Ризоӣ.

Корпуси 209 – и “Шоҳин”, нерӯҳои хос ё коммандои вазорати дифоъи Афғонистон аст, ки бори аслии ҷангҳо бо созмонҳои мамнӯъи Толибон, ДОИШ ва дигар гуруҳҳои террористӣ дар панҷ вилояти Шимоли Афғонистон – Балх, Самангон, Сарипул, Форёб ва Ҷузҷонро ба зимма дорад. Арзиши хабар Дар ҳамин ҳол, худдории мақомот шакку гумонро дар ин бора, ки Толибон аз қаламрави Туркманистон ҳамла кардаанд, меафзояд, зеро ин аввалин мавриди ҳамлаи онҳо аз марзҳои Осиёи Марказӣ ба хоки Афғонистон тайи беш аз 25 соли ҳузури онҳо дар саҳнаи сиёсиву низомии минтақа буда метавонад.

Тайи ин ҳама солҳо ҳукуматҳо ва нерӯҳои зиддитолиб ҳамеша ангушти иттиҳом ба сӯи Покистон, ҳамсояи ҷанубии худ мекарданд, ки Толибонро омода карда, аз марзҳои худ барои анҷоми амалиёт ба Афғонистон мефиристад. Мурод Шарифӣ, коршиносе, ки худ зодаи Ҷузҷон аст, ба Sputnik Тоҷикистон гуфт, аслан Толибон аз ҷазираҳои дарёие ҳамла кардаанд, ки маълум нест ба Афғонистон тааллуқ доранд, ё Туркманистон.

"Ин ҷазираҳо дар пайи тағйири маҷро кардани дарёи Ому ба вуҷуд омадаанд ва маълум аст, ки Туркманистон дар онҳо тасаллут надорад. Ҳамчунин ҷазираҳо дар марзи Тоҷикистону Афғонистон низ вуҷуд доранд. Аммо убур ба онҳо танҳо аз соҳаи таҳти назорати давлати Афғонистон имкон дорад. Ҳоло суол ҳам ин аст, ки онҳо бо 200 – 300 ҷангӣ чӣ тавр худро ба ин ҷазираҳо расондаанд?", - гуфт Мурод Шарифӣ.

Ин коршинос мегӯяд, эҳтимолан мақомоти Афғонистон дар ин мавзӯъ хомӯшӣ ихтиёр кардаанд, чун дар гузашта борҳо шуда, ки сарбозони ҳукуматӣ дар ҷангҳо аз дасти Толибон ба танг омада, дар марзи Туркманистон паноҳ бурдаанд ва аз сӯи дигар, намехоҳанд як ҷанҷоли байнулмилалиро доман зананд.

Аммо Раззоқи Момун, коршиноси муқими Австралия, мегӯяд, Толибон ва Туркманистон ҳанӯз аз солҳои 90 – ум робитаи танготанг доранд.

"Туркманистон ягона кишвари шимол буд, ки амалан ҳукумати Толибонро пазируфта, бо он, қабл аз ҳама, ба хотири лӯлаи гази ТАПИ (Туркманистон – Афғонистон – Покистон – Ҳинд) ҳамкорӣ мекард. Аз сӯи дигар, Толибон пас аз имзои созишнома бо Амрико машрӯъият пайдо карданд ва кишварҳои минтақа онҳоро як шарики ояндаи худ арзёбӣ мекунанд. Аз ин хотир, барои наранҷонидани Туркманистон, ки бо ҳукумати Кобул дар заминаи барқу маводи сӯхт ва дигар соҳаҳо ҳамкорӣ дорад, ба ин ҳаводиси хурд чашм мепӯшад. Дар умум, Туркманистон ҳам ҳеҷ гоҳ бо ҳукуматҳои Кобул хусумат надошт ва ин қабил ҳаводис ҳеҷ гоҳ равобити ду кишварро тира намекунанд”, - гуфт Раззоқи Момун.

Расонаҳои расмии Туркманистон то ба ҳол дар мавриди ин воқеа сукут карданд. Онҳо низ иддаоҳои мақомоти маҳаллӣ дар Афғонистонро нодида мегиранд. Ба назар мерасад, ҳама бар инанд, ки салоҳи кор барои ҳама ҳамин аст.

262
Барчаспҳо:
ҳуҷум, Туркманистон, Афғонистон
Президент Кыргызской Республики Сооронбай Жээнбеков

Санаи баргузории интихоботи парлумонӣ дар Қирғизистон маълум шуд

44
(Таҷдидшуда 13:06 04.07.2020)
Раисҷумҳури Қирғизистон бо судури ҳукме, аз замони баргузории интихоботи парлумонӣ дар ин кишвар дар таърихи чаҳоруми октябри соли 2020 хабар дод

ДУШАНБЕ, 4 июл — Sputnik. Бар асоси ҳукми Соронбой Жеенбеков, комиссияи марказии интихобот бояд тибқи қавонини ҷумҳурии Қирғизистон барои иҷрои интихобот омодагӣ дошта бошад, иттилоъ додааст хабаргузории “Форс”.

Бар асоси ин гузориш, давлати Қирғизистон бояд зимни анҷоми иқдомоти лозим барои таъмини амнияти шаҳрвандон дар тарҳи раъйгирӣ, ҳамроҳ бо риояти усули беҳдоштӣ, бо таваҷҷуҳ ба густариши вируси корона дар ин кишвар, ба комиссияи марказии интихобот дар заминаи таъмини амнияти киберии сомонаҳои диҷитали, ироаи каналҳои иртиботии қобили эътимод ва таомул байни дигар ниҳодҳои давлатӣ кумак кунад.

Интихоботи парлумонии пешини Қирғизистон дар соли 2015 баргузор шуд ва дар натиҷаи он намояндагони аҳзоби сотсиал - демократ, республика Отажурт, Қирғизистон ва дигар аҳзоби сиёсӣ вориди маҷлис шуданд.

Парлумони Қирғизистон 120 намоянда дорад ва олитарин ниҳоди тасмимгирӣ дар он кишвар аст. 

44
Барчаспҳо:
Сооронбой Жээнбеков, Раисҷумҳур, таърих, интихобот, парлумон, Қирғизистон
Линии электропередачи

Барқхомӯшкунӣ дар тобистон: сокинон мегӯянд, бо равшании телефон таъоми шом мехӯрем

0
(Таҷдидшуда 18:21 04.07.2020)
Сокинони деҳоти ноҳияи Деваштичи Суғд аз мушкили қатъ шудани нерӯи интиқоли барқ ба манзилҳояшон таъкид мекунанд. Онҳо мегуянд, ин вазъ беш аз як моҳ ба ин тарф дар фасли тобистон давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

0
Барчаспҳо:
маводи хӯрока, барқ, Суғд