Дар марзи Тоҷикистону Узбакистон. Акс аз бойгонӣ

Узбакистон минаҳояшро аз марз бо Тоҷикистон бар медорад

128
(Таҷдидшуда 13:19 12.03.2018)
Ҳукумати Узбакистон эълом кард, ки бар асоси тавофуқ бо Тоҷикистон марз бо кишвари ҳамсояро аз минаҳо поксозӣ хоҳад кард

ДУШАНБЕ, 12 мар — Sputnik. Дафтари иттилоърасонии Ҳукумати Узбакистон иттилоъ дода, ки сарони кишварҳои Узбакистон ва Тоҷикистон дар охирин дидорашон дар шаҳри Душанбе ба тавофуқ расиданд, ки манотиқи марзи муштараки ду кишварро аз мина поксозӣ кунанд.

"Сарони ду кишвар аз таъсиси коргурӯҳи муштараки узбакӣ-тоҷикӣ истиқбол карданд, ки қарор шуда манотиқи марзии ду кишварро аз минаҳо поксозӣ кунад ва таъкид карданд, ки ин минрӯбӣ дар ин минтақаҳо бояд дар солҳои 2018 – 2019 ба поён бирасад", — гуфта мешавад дар баёнияе, ки ин инҳод мунташир кардааст.

Сохтмони нерӯгоҳи Роғун. акс аз бойгонӣ
© Официальная страница пресс-службы президента РТ в Facebook.

Дар ин баёния ҳамчунин гуфта шуда, ки сарони Узбакистон ва Тоҷикистон бар омодагии худ барои густариши ҳамкориҳо дар заминаҳои низомӣ ва фаннӣ-низомӣ, аз ҷумла омӯзиши низомӣ, таъкид карданд. Кишвардорон ҳамчунин қарор доданд, ҳамкорӣ дар заминаи мубориза бо теруризмро жарфтар кунанд.

Ёдоварӣ мекунем, ки Узбакистон дар соли 2000 ба баҳонаи ҷилавгирӣ аз вуруди ҷангҷӯёни "Ҳаракати исломӣ" марз бо Тоҷикистонро мина кошта буд. Аз ин минаҳо то кунун даҳҳо шаҳрванди Тоҷикистон куштаву захмӣ шудаанд.

Дар нахустин сафари расмии раисҷумҳури Узбакистон ба Тоҷикистон, ки 9 – 10-уми март баргузор шуд, Шавкат Мирзиёев ва Эмомалӣ Раҳмон 27 санади ҳамкорӣ дар заминаҳои гуногунро имзо карданд.

128
Барчаспҳо:
бардошти минаҳо, Ӯзбекистон, Тоҷикистон

Толибон пешниҳоди оташбаси давлати Афғонистонро рад кард

148
(Таҷдидшуда 02:02 18.09.2020)
Сухангӯи дафтари сиёсии гурӯҳи Толибон дар Қатар дархости давлати Афғонистонро барои барқарории оташбас рад кард

ДУШАНБЕ, 18 сен — Sputnik.  Ба нақл аз хабаргузории Садо ва Симои Эрон, Муҳаммаднаим Вардак, сухангӯи дафтари сиёсии гурӯҳи Толибон гуфт, ки ин маъқул нест, ки ҷанги бистсоларо дар як соат ба поён бирасонем.

“Ба назари мо, бояд иллати ин ҷанг мавриди баҳс қарор гирад ва сипас оташбаси ниҳоӣ барқарор шавад”, - таъкид дошт Сухангӯи дафтари сиёсии гурӯҳи Толибон.

 Муҳаммаднаим Вардак дар Қатар зимни таъкид бар ҳалли ихтилофот бо давлати Афғонистон афзуд:Толибон хостори барқарории ҳукумати исломӣ дар кишвар аст.

 Ин дар ҳоле аст, ки Нодир Нодирӣ, сухангӯи ҳайати музокиракунандаи давлати Афғонистон бо ҳайати гурӯҳи Толибон рӯзи чаҳоршанбе дар панҷумин рӯзи ин музокирот дар Давҳаи Қатар гуфт,ки дастури кори музокирот дар ҳоли ниҳоӣ шудан аст ва ду ҳайат дар бештари мавридҳо тавофуқ доранд.

 Нодирӣ гуфт, ки музокироти Давҳа то расидан ба натиҷаи матлуб идома дорад.

 Давлати Афғонистон ва Толибон қарор аст дар ин музокирот дар бораи барқарории оташбас, низоми сиёсии ояндаи Афғонистон, тақсими қудрат ва шеваи  пайвастани Толибон ба нируҳои амниятии ин кишвар музокира кунанд.

148
Барчаспҳо:
дархост, Қатар, оташбас, Толибон, Афғонистон
Экс-президент президент Кыргызстана Алмазбек Атамбаев, архивное фото

Отамбоев 64 - сола шуд: ҳамсару ҷонибдоронаш ба муборакбодии ӯ рафтанд - навор

596
(Таҷдидшуда 14:40 17.09.2020)
Собиқ раисҷумҳури Қирғизистон Алмосбек Отамбоев соли дуюм солрӯзашро дар зиндон қайд мекунад. Ҳамсару пайвандон ва ҷонибдорони ӯ ҳарчанд ба муборакбодияш рафтанд, аммо ба ягон нафаре аз онҳо иҷозати мулоқот намудан ба Отамбоевро надоданд

ДУШАНБЕ, 17 сен — Sputnik. Раиса Отамбоева ҳамроҳ бо ҷонибдорони ҳамсараш - собиқ кишвардори Қирғизистон Алмосбек Отамбоев назди бинои КДАМ омаданд, то ӯро бо солрӯзаш табрик намоянд.

Отамбоев имрӯз 64 - сола шуд ва аллакай соли дуюм аст, ки мавлуди худро на дар ҳалқаи пайвандон, балки пушти панҷара қайд мекунад.

Ба изҳори Қундуз Жолдубоев собиқ мушовири Отамбоев, ба хонаводаи ӯ иҷозати мулоқот ва вохӯрӣ намуданро фароҳат наоварданд.

Талаби 15 соли зиндон ба собиқ президенти Қирғизистон Алмосбек Отамбоев

"Ҳамсари Отамбоев хост ба ҳайси ҳадя ба ӯ китоб ва хӯроки идона диҳад, вале ба ӯ имкон надоданд, то бевосита ҳамроҳи шавҳари худ вохӯрӣ кунад", - афзудааст Жолдубоев.

Аз ин рӯ, ҷонибдорони собиқ кишвардор дар назди бинои КДАМ бо овезаҳо Алмосбек Отамбоевро дастаҷамъона табрик намуданд.

Ёдовар мешавем, Отамбоев ҳанӯз соли 2019 пас аз задухӯрди шадиди низомиёни давлатӣ ва ҷонибдорони ӯ боздошт шуд.

Отамбоев барои мусоидат кардан дар парвандаи Азиз Батукаев ва ба озодӣ баромадани ӯ, ба 11 соли зиндон маҳкум шуд.

Гузашта аз ин, собиқ президентро дар ошӯби Кой - Тош низ муттаҳам медонанд.

596
Барчаспҳо:
рӯзи мавлуд, Алмосбек Отамбоев
Визит Эмомали Рахмона в Согдийскую область

Ширкати Президент дар маъракаи пахтачинӣ дар Ҳисор

0
Дар рафти сафари корӣ Эмомалӣ Раҳмон дар Ҳисор дар маъракаи ҷамъоварии пахта ва кишти тирамоҳии ғалладона ширкат кардааст

ДУШАНБЕ, 18 сен — Sputnik. Раисҷумҳур Эмомалӣ Раҳмон дар маъракаи пахтачинӣ дар Ҳисор иштирок кард, хабар медиҳад дафтари матбуоти президент.

"Дар идомаи сафари корӣ дар шаҳри Ҳисор Эмомалӣ Раҳмон дар Кооперативи тиҷоратии ба номи Латиф Муродов дар маъракаи ҷамъоварии пахта ва кишти тирамоҳии ғалладона иштирок кард", - менависад манбаъ.

Иттилоъ дода шуд, ки дар мавсими ҷорӣ хоҷагидорони ин Кооператив бо роҳандозии тадбирҳои иловагии коркарди агротехникии зироат, истифодаи тухмиҳои хушсифати маҳалливу хориҷӣ ба нишондиҳандаҳои баланди истеҳсолӣ, аз ҷумла дар самти ҷамъоварии ҳосили пахта ноил хоҳанд шуд.

Зеро ба тахмини хоҷагидорон, соли равон аз ҳар гектар ба ҳисоби миёна тахминан бештар аз 35-сентнерӣ ҳосил ба даст хоҳанд овард.

Хоҷагии мазкур серсоҳа буда, дорои 1147 гектар замини корами обӣ ва лалмӣ мебошад. Имсол аз масоҳати умумии заминҳои дар ихтиёрдошта, хоҷагидорон дар масоҳати 250 гектари он навъҳои пунбадонаи “Дӯстӣ”, “Флеш”, “Флора” ва “Хуҷанд-67” кишт карданд.

Ба иттилои мутахассисон, боду ҳаво ва заминҳои серҳосили ин минтақа барои парвариши ин навъҳои пахта мувофиқу муносиб буда, ҳосили дилхоҳ ба даст меояд.

Президент роҳбарияти хоҷагиро бобати бештар ҳавасманд сохтани чинакчиён ва дигар саҳмдорон вазифадор намуда, таъкид карданд, ки аз боду ҳавои мусоид самаранок истифода бурда шавад.

 Эмомалӣ Раҳмон инчунин дар маъракаи кишти тирамоҳии зироат иштирок кардааст.

“Бисёр вазнин мешавад”: Раҳмон мақсади сафарҳояш дар даври "короно"-ро гуфт-видео

Дар ҳамин рӯз дар майдони бештар аз 32 гектар замине, ки аз ҳосили кишти асосиву такрорӣ холӣ шуда буд, кишти тирамоҳии гандум гузаронида шуд.

0