Тошканд. Акс аз бойгонӣ

Оё нишасти С5+1 дар Тошканд сулҳро ба Афғонистон меорад?

101
(Таҷдидшуда 13:55 26.03.2018)
Дар ин нишаст вазирони умури хориҷии Афғонистон, Қазоқистон, Қирғизистон, Тоҷикистон, Туркманистон ва Узбакистон ширкат мекунанд

ДУШАНБЕ, 26 мар — Sputnik. Вазирони умури хориҷии кишварҳои Осиёи Марказӣ ва Афғонистон имрӯз дар шаҳри Тошканд нахустин нишаст дар чорчӯби "С5+1" ё "кишварҳои Осиёи Марказӣ ва Афғонистон"-ро баргузор мекунанд.

Ин нишаст дар остонаи ҳамоиши байналмилалӣ дар масоили Афғонистон "Раванди сулҳ, ҳамкориҳои амниятӣ ва минтақаӣ" барпо мешавад.

Вазирони умури хориҷии кишварҳои Осиёи Марказӣ ва Афғонистон дар моҳи декабри соли 2017 дар Ишқобод аз баргузории ин нишаст дар чорчӯби нав пуштибонӣ карда буданд.

Вазорати умури хориҷии Узбакистон, ки мизбони ин нишаст аст, иттилоъ дода, ки дар он вазрони умури хориҷии Афғонистон, Қазоқистон, Қирғизистон, Тоҷикистон, Туркманистон, Узбакистон ва мудирони Маркази минтақаии СММ барои диплумосии пешгирона дар Осиёи Марказӣ (United Nations Regional Centre for Preventive Diplomacy in Central Asia) ва намояндагони Ҳайъати мусоидати Созмони милали муттаҳид барои Афғонистон (UNAMA) ширкат хоҳанд кард.

Қарор аст, ки вазирон дар ин нишаст масоили таъмини амният дар минтақа, густариши равобити сиёсӣ, иқтисодиву тиҷорӣ, сармоягузорӣ, фарҳангӣ ва ҳуманиторӣ, равандҳои ҳамгароии минтақаӣ, дурнамои роҳандозии роҳгузарҳои таробарии фаромиллӣ ва дигар мавзуъҳоро баррасӣ кунанд.

"Ин чорчӯб бояд заминаи муносибе барои баррасии ҳама масоили минтақаӣ ва чораҷӯӣ барои таъмини сулҳу рушди пойдор дар минтақа ва Афғонистон бо пуштибонии Созмони милали муттаҳид шавад", — гуфта мешавад дар иттилоъияи ВУХ Узбакистон.

Вазирони умури хориҷии кишварҳои ОМ ва Афғонистон дар назар доранд дар поёни ин нишаст баёнияи муштаракеро имзо кунанд, ки дар он тавофуқот барои баргузории нишасту дигар тамосҳо миёни давлатҳои ин кишварҳо дар сутуҳи гуногун дарҷ шудаанд.

Ҳамоиши байналмилалӣ дар масоили Афғонистон 27 март баргузор мешавад. Қарор аст, вазирони умури хориҷаи Туркия, Чин, Покистон, Русия, Олмон, Англия, Ҳинд, Эрон, Амрико, Итолиё, Фаронса, Қазоқистон, Қирғизистон, Тоҷикистон, Туркманистон, Имороти Муттаҳидаи Арабӣ ва Арабистони Саудӣ низ дар он ҳамоиш ҳузур ёбанд.

Дар ин ҳамоиш ҳамчунин Антониу Гутерреш, дабири кулли Созмони Милали Муттаҳид, Тадамичӣ Ямамото, фиристодаи вижаи ин созмон барои Афғонистон, масъули сиёсати хориҷии Иттиҳоди Урупо Федерико Могирини ва муовини сиёсии вазири хориҷаи Амрико Томас Шеннен  низ ширкат хоҳанд кард.

Ҳайъати расмии Русия дар нишаст бо раҳбарии вазири умури хориҷа Сергей Лавров ҳузур хоҳад дошт.

101
Барчаспҳо:
нишаст, Ӯзбекистон, Афғонистон
Фотография учеников школы №43 Андижана, которая распространилась по сети

Хонандагон дар берун бе либоси гарм: барканории раҳбарияти мактаб дар Андиҷон

408
(Таҷдидшуда 16:18 23.11.2020)
Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бе болопӯш дар берун қарор доштаанд

ДУШАНБЕ, 23 ноя — Sputnik. Директори мактаби рақами 43-юм Д. Насирдинов ва муовини директор оид ба корҳои маънавӣ ва тарбиявӣ С. Исмонов бо сабаби баромадани хонандагон дар сармо бе либоси гарм ба берун аз вазифаҳояшон барканор карда шуданд.

Дар ин бора Sputnik Ӯзбекистон бо такя ба Раёсати маорифи халқи вилояти Андиҷон хабар медиҳад.

Чанде пеш дар шабакаҳои иҷтимоӣ аксе паҳн шуд, ки дар он хонандагони мактаби рақами 43 бидуни пӯшоки гарм ба берун баромадаанд. Блогерон ин мавзӯъро даррав пайгирӣ карданд. Яке аз онҳо Нозим Сафаров гуфт, ки кӯдаконро дар доираи барномаи тарғиботӣ ба берун баровардаанд. 

Барои омӯзиши ин ҳодиса комиссияи вижа ташкил шудааст.

Дар Раёсат қайд карданд, ки ин акс рӯзи 19 ноябри соли равон дар доираи сафари расмии гурӯҳи тарғиботӣ, ки аз олимон, кормандони фарҳангу санъат ва ҳамчунин фаъолони ҷомеъа иборат буд, гирифта шудаст.

Қайд мешавад, ки хонандагон барои тамошои онҳо ба долони мактаб баромадаанд. 

Раисҷумҳури Узбакистон шеваи бархӯрди вазирон бо хабарнигоронро шадидан интиқод кард

Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бидуни либоси гарм дар берун қарор дошта ва баъдан муаллимон онҳоро ба синфхонаҳо даровардаанд.

Маъмурият аз роҳбарон, муаллимон ва кормандони маориф даъват кард, ки ба ҳар як донишомӯз ба мисли фарзанди худ муносибат кунанд ва нагузоранд, ки чунин ҳолатҳо ба саломатӣ ва амнияти онҳо таъсир расонанд.

408
Барчаспҳо:
раҳбар, барканорӣ, гармӣ, либос, Андиҷон
Американские войска увозят раненых, архивное фото

Деги ҷӯшони Афғонистон: аз ихроҷи нирӯҳои Амрико кӣ бурд мекунад

184
(Таҷдидшуда 16:41 23.11.2020)
Дар ҳошияи ихроҷи нерӯҳои Амрико аз Афғонистон, дар вилоятҳои шимол ва ҷануби Афғонистон задухӯрдҳо миёни нируҳои давлатӣ ва Толибон (мамнуъ дар Русия) идома дорад

ДУШАНБЕ, 23 ноя — Sputnik, Александр Хроленко. Дар ҳамин ҳол, гурӯҳи террористӣ сатҳи технологии силоҳи худро афзоиш додааст. Ин гурӯҳ ҳоло ба  паҳподҳо ва силоҳҳои снайперии муосир дастрасӣ пайдо кардааст ва онро дар амал истифода мекунад.

Амрико тибқи созишномаи ба имзо расонидааш бо ҷунбиши Толибон  (аз 29 феврали соли 2020) нирӯҳояшро оҳиста-оҳиста аз Афғонистон ихроҷ дорад. Иҷрокунандаи вазири дифои Амрико Кристофер Миллер рӯзи 17 ноябри соли равон эълон кард, ки то 15 январ дар ин кишвар танҳо 2500 сарбоз боқӣ мемонаду халос. Имрӯзҳо дар қаламрави Афғонистон 4500 сарбози Амрико ҳузур дорад. Дар ҳамин ҳол, Толибон дар кишвар фаъол шуданд ва ба Амрико ишора мекунанд, ки амалиёти низомӣ ва масрафи зиёди маблағ дар ин кишвар бефоида аст.  

Волии вилояти Фарёб дар шимоли Афғонистон Нақибулло Файк ахиран эълон кард, ки ҷангҷӯёни Толибон ба камонҳои снайперии муосир ва дурбини дидор дар шаб дастрасӣ пайдо кардаанд. Барои ҷосусӣ Толибон (маманӯъ дар Русия) аз паҳподҳои хориҷӣ истифода мекунанд. Ин гуна пешравиҳои Толибон нирӯҳои давлатиро нигарон кардааст. Ин раванд ҳамчунин кишварҳои ҳамсояро низ нигарон кардааст.

Ҷанги шаҳрвандӣ

Дар Афғонистон ҳамарӯза даҳҳо сарбоз ва кормандони пулис дар даргириҳо бо Толибон кушта мешаванд. Ин раванд барои Афғонистон чунон як одат шудааст, ки ҳоло ҷомеъаи ин кишвар танҳо ба ҳамлаҳои террористӣ бо талафоти садҳо нафар аҳамият медиҳад. Аммо раванди имрӯза ба мустақари сулҳ дар ин кишвар умед намебахшад.

Толибон 18 ноябри соли равон дар вилояти Бағлон ба нирӯҳои давлатӣ ҳамла карданд. Ду сарбози Афғонистон кушта шуд. Дар ҳамин рӯз дар вилояти Фарёб боз дар як инфиҷор панҷ нафар корманди мақомоти амниятии Афғонистон кушта шуд. Миёни кушташудагон раҳбари пулиси вилоят Сафар Муҳаммад Бедор буд. Дар минтақаи Қайса (дар ҳамон вилоят) нирӯҳои амниятии Афғонистон тавасути бомборон аз ҳавопайми ҷангӣ 39 Толибро ба қатл расонданд.

Қаблан Толибон ба нуқтаи назоратӣ дар шимол шарқи вилояти Бадахшон ҳамла карда буданд. Дар ин задухӯрд 12 афсари пулис кушта ва даҳҳо нафари дигар захмӣ шуданд. Ҷанг дар тақрибан дар тамоми вилоятҳо идома дорад. Вазорати дифои Афғонистон хабар дод, ки 37 толиб дар минтақаи Дашти-Арча дар вилояти Қундуз нобуд карда шуд. Боз шаш толиби дигар дар вилояти Ҳирот ва даҳ нафари дигар дар Зобул нобуд карда шуд.

Бояд қайд кард, ки мақомоти амниятии Афғонистон 96 дарсади амалиётро худаш бидуни кумаки нирӯҳои хориҷӣ анҷом медиҳад. Ҳузури нирӯҳои хориҷӣ дар Афғонистон як шакли рамзӣ гирифтааст ва ҳузури онҳо дар ин кишвар бефоида шудааст.

Ахиран маълум шуд, ки нирӯҳои Австралия 39 шаҳрванди Афғонистнро, ки асир гирифта буданд дар солҳои 2009-2013 ба қатл расонданд. Роҳбари артиши Австралия генерал Ангус Кэмпбелл аз мақомоти Афғонистон пузиш хост ва гуфт 25 нафаре, ки дар ин ҷиноят гумонбар дониста мешаванд, ҷазо мегиранд.

Австралия дар амалиёти НАТО дар Афғонистон дар соли 2001  иштирок дошт. Имрӯз нирӯҳои  амниятии Афғонистонро беш аз 300 сарбози австралягӣ омӯзиш медиҳад.  Тибқи иттилои СММ дар даҳсолаи гузашта дар Афғонистон беш аз 100 ҳазор сокинони осоишта  кушта шуданд.

Столтенберг бар зидди Вошингтон

Йенс Столтенберг дабири кулли НАТО мухолифи хуруҷи нирӯҳои Амрико ва шариконаш аз Афғонистон шудааст.

Ин иқдом аз он шаҳодат медиҳад, ки Аврупо намехоҳад танҳо ба ҷанги бузурги Афғонистон баргардад. Аҷиб он аст, ки Столтенберг ахиран мавзуъи ҳузури нирӯҳои НАТО дар Афғонистонро бо раисҷумҳури ин кишвар Ашраф Ғанӣ Баррасӣ кард. Зимни мулоқот ӯ ваъда дод, ки бар мубориза бо терроризми байналмилалӣ ба ин кишвар кумак хоҳад кард ва омӯзиши нирӯҳои амниятӣ идома меёбанд.

Дар ҳамин ҳол, кишварҳои Осиёи Марказӣ ва Иттиҳодияи Аврупо аз Афғонистон талаб доранд, ки зуд оташбас эълон кунад, чунки ин ягона роҳ барои пайвасти Афғонистонро ба ҷараёнҳои иқтисодӣ дар минтақа аст. Русия талоши Афғонистнро барои узви СҲШ шуданаш комилан дастгирӣ дорад. Кобул фаъолона ҳамкориҳои дуҷонибаи худро бо Душанбе, Минск, Тошканд ва дигар кишварҳо пеш бурда истодааст.

Ахиран дар пойтахти Афғонистон нахуствазири Покистон Умрон Хон бо Ашраф Ғанӣ, раисҷумҳури Афғонистон ҳамкориҳои дуҷониба ва музокироти сулҳ бо Толибонро (мамнӯъ дар Русия) баррасӣ кард. Ню-Деҳлӣ низ мақомоти Афғонистонро ҳаматарафа дастгирӣ дорад.

Афғонистону Покистон, ки ба як дигар рақиби шадид ҳастанд, кушиш доранд ҷойгоҳи Амрикоро баъд аз хуруҷи нирӯҳо ба даст бигиранд. Қаблан намояндаи артиши Покистон генерал Бабар Ифтихор эълон кард, ки дипломатҳои Ҳинд дар Афғонистон ҳамеша амалиёти террористие, ки дар ин кишвар сурат мегиранд мунтазам идора мекунанд ва ҷангҷӯёнро  барои  амалиёти террористӣ дар ин кишвар маблағгузорӣ мекунанд.

Вале Вазорати умури хориҷаи Афғонистон ин хаббаро рад кард.  

Бояд гуфт, ки деги ҷӯшони Афғонистон даҳсолаҳост, ки ба сиёсат, иқтисод, амният ва зиндагии миллиардҳо нафар дар кишварҳои ҳамсоя таъсир мерасонад.

184
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон