Путин ва Медведев

Владимир Путин мардуми Русияро бо иди Пасха табрик гуфт

38
Ҳамчунин раисҷумҳури Русия Владимир Путин ба патриархи Маскав ва тамоми Русия Кирилл номаи табрикотӣ фиристод

ДУШАНБЕ, 8 апр — Sputnik. Раисыумҳури Русия Владимир Путин масеҳиёни православӣ ва тамоми шаҳрвандони Русияро, ки Иди Писҳоро (Пасха) таҷлил мекунанд, табрик кард, хабар медиҳад хадамоти матбуотии Кремл.

"Иди бузурги Писҳо, ки таҷассумгари тантанаи зиндагӣ, некӣ ва муҳаббат аст, аҳамияти бузурги ахлоқӣ дорад. Он имон, умед, кӯшиши эҷоди аъмоли нек ва кӯмак ба наздиконро бедор карда, одамонро дар атрофи арзишҳои ҷовидонаи маънавӣ ва рӯҳӣ муттаҳид месозад", — гуфта мешавад дар иттилоъия.

Инчунин раисҷумҳур ба патриархи Маскав ва тамоми Русия Кирилл номаи табрикотӣ фиристода, дар он вай қайд кардааст, ки калисои православӣ зери роҳбарии ӯ таҳкиму тақвият ёфта, анъанаҳои бисёрасраи маънавӣ, рӯҳӣ ва фарҳангии халқро ривоҷу равнаҷ медиҳад.

Писҳо — иди аслии масеҳиёни православӣ аст. Он дар рӯзи якшанбеи якум, пас аз итмоми комили моҳи аввали баҳор — байни 4-уми апрел ва 8-уми май (22-юми март ва 25-уми апрел тибқи услуби қадима), ва баъд аз иди Писҳои яҳӯдиён — Песаҳа, ҷашн гирифта мешавад. Дар соли 2018 таҳлили Писҳои православӣ 8 апрел (26 март тибқи услуби қадима) сурат мегирад.

38
Барчаспҳо:
табрикот, Пасха, Владимир Путин, Русия
Молодожены держатся за руки

Маросими арӯсӣ: танҳо дар хона ё ҳавлӣ ва бо ҳузури 30 меҳмон баргузор шавад

2600
Кишвардори Ӯзбекистон Шавкат Мирзиёев дар мавриди баргузории маросими издивоҷ қарори навбатӣ қабул кард

ДУШАНБЕ, 13 авг — Sputnik. Дар Ӯзбекистон ҳамакнун қарантин, ки дар робита ба авҷи маризии коронавирус эълон гардида буд, сабуктар мешавад. Сабук гардидани маҳдудиятҳо аз 15 - уми август шурӯъ мешаванд.

Гуфта мешавад, бо сабук шудани маҳдудиятҳо, фаъолияти корхонаву ташкилотҳо, кори боғча, лагерҳои кӯдакона, ҳаракати нақлиёти ҷамъиятӣ ва ҳамчунин пляжҳо аз сар гирифта мешавад.

Зимнан, бо қарори Мирзиёев ба баргузории маросими издивоҷ низ тағйироти нав шомил шуд.

Ҳамакнун, маросими арӯсӣ дар ин кишвар на дар тарабхона, балки дар хонаи издивоҷкунандаҳо ва ё дар ҳавлии онҳо баргузор мешавад.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

Инчунин, теъдоди меҳмонон низ набояд аз 30 нафар бештар бошад.

Қаблан, гузоришҳо дар мавриди мубтало шудани теъдоди зиёди одамон, ки дар маросими арӯсӣ дар Ӯзбекистон иштирок карданд, нашр гардида буд.

Ҳатто дар як маросими хонадоршавӣ, наварӯс пас аз маросими издивоҷ гирифтори коронавирус шуд.

Дар Тоҷикистон низ айнан чунин тартибот дар маросими хонадоршавӣ ҷорист. Агар қаблан баргузор кардани тӯй бо ҳузури 100 нафар иҷозат дода шуд, баъдан теъдоди меҳмононро то 40 нафар коҳиш доданд.

2600
Самолет на закате, архивное фото

Қазоқистон парвозҳои мунтазамро бо Русия ва 6 кишвари дигар барқарор мекунад

624
(Таҷдидшуда 20:02 12.08.2020)
Қазоқистон дар бораи барқарор кардани парвозҳои мунтазам бо шаш кишвари ҷаҳон аз 17 август эълон кард

ДУШАНБЕ, 12 авг — Sputnik. Парвозҳои байналмилалии Қазоқистон аз 17 август ботадриҷ барқарор карда мешавад, хабар медиҳад Кумитаи авиатсияи шаҳрвандӣ.

Рӯйхати мамлакатҳое, ки шаҳрвандони Қазоқистон метавонанд ба онҳо парвоз кунанд, зиёд нест - танҳо ҳафт кишвар: Русия, АМА, Белорус, Олмон, Недерланд, Миср ва Украина.

Сафорат дар бораи парвозҳои мунтазам миёни Русияву Тоҷикистон

"Вазорати тандурустӣ ҳамроҳ бо ҳукуматҳои авиатсионии кишварҳои дар боло зикршуда масъала барқарор кардани парвозҳои мунтазам пешакӣ баррасӣ кард", - омадааст дар хабарнома.

Парвозҳо мувофиқи созишномаи байналмиаллӣ оид ба алоқаи ҳавоӣ роҳандозӣ мешаванд.

Дар бораи барқарор кардани парвозҳои мунтазам бо Тоҷикистон чизе гуфта нушадааст.

624
Барчаспҳо:
парвозҳои мустақим, барқароршавӣ, барқарорӣ, Қазоқистон, Русия
Рустам Латифзода, раиси ҳизби аграрии Тоҷикистон

Аввалин номзад ба президентии Тоҷикистон маълум шуд

522
Ҳизби аграрии Тоҷикистон номзади худро ба интихоботи президентӣ пешниҳод кард

ДУШАНБЕ, 15 авг — Sputnik. Рустам Латифзода, раиси ҳизби аграрии кишвар аввалин номзад ба президентии Тоҷикистон эълон шуд.

Зайниддин Сафаров, муовини раиси ҳизби аграрии Тоҷикистон ва намояндаи Маҷлиси намояндагон дар анҷумани ғайринавбатии ҳизб номзадии Рустам Латифзода, раиси ин ҳизбро пешниҳод кард

Гуфта мешавад, ӯ бидуни алтернатива ва рақиб танҳо худашро пешниҳод ва бо як овоз дастгирӣ пайдо кард.

Ҳамин тавр Ҳизби аграрии Тоҷикистон номзади худро ба интихоботи президентӣ пешниход кард.

Рустам Латифзода - аввалин номзад ба президентии Точикистон дониста мешавад.

Дар ҳоли ҳозир, дигар ҳизбҳо сиёсии Тоҷикистон номзади худро барои курсии президенти Тоҷикистон пешниҳод накардаанд.

522
Барчаспҳо:
ҳизб, президент, номзад, интихобот, Тоҷикистон