НАТО мехоҳад ба Афғонистон боз 1,5 ҳазор низомӣ фиристад

© Pixabay.comCолдат НАТО в Афганистане, архивное фото
Cолдат НАТО в Афганистане, архивное фото - Sputnik Тоҷикистон
Обуна шудан
Дар ҳоли ҳозир, теъдоди маъмурияти ғайринизомии НАТО дар Афғонистон 16 ҳазор низомиро ташкил медиҳад

ДУШАНБЕ, 28 апр — Sputnik. Кишварҳои узви НАТО пешниҳод карданд, ки ба Афғонистон боз 1,5 ҳазор низомии дигар фиристода шавад, эълом дошт дабири кулли Созмони Аҳдномаи Атлантикаи Шимолӣ (НАТО) Йенс Столтенберг.

"Кишварҳои узви НАТО пешниҳод карданд, ки ба Афғонистон боз 1,5 ҳазор нафар низомии дигар фиристода шавад", —  гуфт Столтенберг ба рӯзноманигорон ҳангоми ба итмом расидани шӯрои сарони ВКХ 29 кишвари узви НАТО.

Тибқи гуфтаҳои дабири кулл, дар ҳоли ҳозир, теъдоди маъмурияти ғайринизомии НАТО дар Афғонистон 16 ҳазор нафар ҳарбиро ташкил медиҳад.

Пештар вазири мудофиаи Русия Сергей Шойгу гуфта буд, ки вазъ дар Афғонистон рӯз аз рӯз бадтар мешавад, сиёсати пешгирифтаи Вашингтон ба фаъолсозии аъмоли террористӣ дар шимоли кишвар, мусоидат мекунад.

"Боз як нуқтаи доғ дар Шарқи Наздик — ин Афғонистон аст. Вазъ дар он ҷо рӯз ба рӯз бадтар мешавад. Ҳузури беш аз понздаҳсолаи ИМА ва НАТО дар ин кишвари исломӣ, натавонист ба муътадилии вазъ оварда расонад. Дар асл онҳо кӯшиш мекунанд, ки дар ҳама шароит мавқеашонро дар кишварҳои Осиёи Марказӣ мустаҳкам намоянд. Мақсадашон афзоиш додани таъсири сиёсати худ ба авзои давлатҳои минтақа аст. Дар айни замон, сиёсати пешгирифтаи Вашингтон ба фаъолсозии аъмоли террористӣ дар шимоли кишвар, мусоидат мекунад", — шарҳ дод Шойгу.

Лентаи хабарҳо
0