Душанбе. Акс аз богйгонӣ

Сарони ҳукуматҳои кишварҳои ҳамсуд дар Душанбе чиро баррасӣ мекунанд?

42
(Таҷдидшуда 12:09 01.06.2018)
Қарор аст, дар ҷаласаи мазкур 14 масоили мущиме баррасӣ шавад, ки ба васеъ ва тақвияти ҳамкориҳои иқтисодӣ, гуманитарӣ равона шудааст

ДУШАНБЕ, 1 июн — Sputnik. Имрӯз дар Душанбе таҳти раёсати сарвазири Тоҷикистон Қоҳир Расулзода ҷаласаи шӯрои сарони ҳукуматҳои узви кишварҳои ҳамсуд доир мегардад.

Дар ҷаласаи мазкур баррасии 14 масоил доир ба густариш ва тақвияти ҳамкорӣ дар соҳаҳои иқтисодӣ, гуманитарӣ ва дигар самтҳо баррасӣ хоҳад шуд.

Одатан ҷаласа дар ду шакл сурат мегирад. Дар мулоқоти хосса роҳбарони ҳайатҳо дар атрофи масоили муҳими ҳамкории иқтисодӣ табодули назар карда, ҷараёни мулоқоти Созишнома дар бораи  савдои озоди хизматрасониҳоро баррасӣ мекунанд.

Дар ҷаласаи шакли васеъ имзои санадҳои муҳим ба монанди консепсияи ҳамкорӣ дар соҳаи рушди навоварии энержӣ ва таҳияи технологияҳои пешрафтаи энержӣ ва нақшаи тадбирҳои афзалиятнок дар бораи татбиқи он, созишнома дар бораи ташаккул ва рушди бозори моликияти зеҳнии кишварҳои ҳамсуд дар назар аст.

Инчунин, ширкаткунандагони ҷаласа санадҳои марбут ба созишнома дар бораи ҳамкории кишварҳои ҳамсуд дар самти идораи партовҳои электронӣ ва таҷҳизоти электротехникиро баррасӣ мекунанд.

Қаблан мудири шӯъбаи Осиёи Миёна ва Қазоқистони Донишкадаи кишварҳои ИДМ Андрей Грозин дар бораи аҳамияти ҷаласа суханронӣ карда буд.

"Аз як тараф, барои минтақа он даъватҳое боқӣ мондаанд, ки қаблан мо онҳоро мушоҳида карда будем. Аз тарафи дигар, вазъият дар Афғонистон ҳар моҳ сангинтар шуда истодааст, ин ҳам бошад дар ҳолест, ки дурнамои интихоботи парлумонии тирамоҳӣ дар Афғонистон тафсида истодааст. Он чӣ тавр мегузарад, ҳеҷ кас гуфта наметавонад, вале бисёре аз коршиносон бар онанд, ки ҳамаи ин метавонад ба амнияти Афғонистон ва минтақаҳои ҳаммарз бо он таъсири манфӣ расонад", — шарҳ дод Грозин ба Sputnik Тоҷикистон.

Ба андешаи вай, маҳз рӯзномаи ҷаласаи ҷорӣ фаъолияти сиёсатмадоронро дар атрофи мавзӯи Осиёи Марказӣ тавзеҳ медиҳад.

"Дар худи минтақа равандҳои шавқовар ва гуногунсоҳа мегузаранд, ки моро маҷбур месозанд то ба вазъ нигоҳи дигар кунем — фаъолии роҳбари нави Узбакистон дар робита ба барқарор кардани муносиботи хуб бо ҳамсоягони наздиктарин ва бартараф намудани потенсиалҳои муноқишавии ҷамъшуда. Ҳоло дар ҳудуди минтақа як тасвири нави аҷоиб ба назар мерасад. Ин як сабабе мешавад, ки ба вазъ, имкониятҳои иқтисодӣ, амният, суботи иҷтимоиву сиёсӣ ба таври нав назар афканем", — илова кард Грозин.

42
Барчаспҳо:
ҷаласаи ИДМ, Душанбе, Тоҷикистон
Президент Кыргызстана Сооронбай Жээнбеков прибыл с официальным визитом в Таджикистан

Савгандёдкунии хоксорона: Ҷабборов барои масрафоти зиёд аз кортежу банкет даст кашид

1622
Содир Ҷабборов мегӯяд, маросими савгандёдкунии ӯ бидуни кортежу банкет доир мешавад, зеро намехоҳад беҳуда пули зиёд сарф шавад

ДУШАНБЕ, 22 янв — Sputnik. Кишвардори тозаинтихоби Қирғизистон Содир Ҷабборов тасмим гирифт аз кортежи махсус даст кашад ва мехоҳад маросими савгандёдкунӣ хоксорона доир шавад, хабар медиҳад, котиботи президент.

Чанде пеш дар шаҳри Бишкек, хиёбони Чингиз Айтматовро бинобар тамрини баргузории маросими савгандёдкунӣ бастанд.

Ҳамчунин маълум гардид, ки маблағи умумии масрафи маросими адои савганди президенти феълӣ 15 миллион сомро ташкил медиҳад, ки аз ин миён 10 миллион сом сарф мешавад.

Пас аз ифшои ҳаҷми маблағ, дар шабакаҳои иҷтимоӣ мардум аз сарфи зиёди маблағ ва роҳбандиҳо изҳори нигаронӣ намуданд.

Раҳмон ба Ҷабборов барқия фиристоду ба мардуми қирғиз сулҳу субот таманно кард

Содир Ҷабборов шояд нигаронии мардумро пай бурда, аз кортежу банкет ва дигар чорабиниҳо даст кашид.

"Ман фикр мекунам, ки мардум моро мефаҳманд ва дастгирӣ мекунанд. Ман қарор додам, ки аз кортежи махсус, зиёфат ва дигар чорабиниҳои ташкилӣ, ки хароҷоти калони молиявиро талаб мекунанд, даст кашам.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири он кишвар таъйин гардид.

Зимнан, дар маракаи интихоботи президентӣ низ ширкат намуда, дастболо шуд. Ҳоло маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

1622
Барчаспҳо:
президент, маросими савгандёдкунӣ, Қирғизистон
Вакцина

Тасмими ширкатҳои эронӣ барои тавлиди 25,5 миллион воя воксинаи зидди вируси корона

118
(Таҷдидшуда 15:15 21.01.2021)
Раиси Кумитаи илмии Ситоди миллии муқобила бо корона дар Эрон гуфт, ки ин кишвар барномаи тавлиди 25,5 миллион воя воксинаи зидди вируси коронаро дар ширкатҳои воксинасозии дохилӣ иҷро мекунад

ДУШАНБЕ, 21 янв— Sputnik.  Мустафо Қонеӣ, раиси Кумитаи илмии Ситоди миллии муқобила бо корона дар Эрон ахиран афзуд, ки дар пойгоҳи ЮНИСЕФ Эрон ба унвони яке аз кишварҳои тавлидкунандаи воксинаи корона муаррифӣ шудааст, иттилоъ додааст хабаргузории “Парстудей”.

Қонеӣ изҳор дошт, ки аз 9 ширкати эронии дар ҳоли тавлиди ваксинаи корона, се воксина дар марҳалаи болинӣ қарор дорад ва ҳамчунин сохти ваксинаи муштараки Куба ва Институти Пастери Эрон низ дар дастури кор аст.

Раиси Кумитаи илмии Ситоди миллии муқобила бо корона дар Эрон дар бораи далели ҳамкории Эрон бо Куба барои тавлиди воксинаи корона низ изофа кард: Низоми саломати Куба аз ҷиҳати адолат рутбаи аввали ҷаҳонро дорост ва ин кишвар дар ҳавзаи пизишкӣ яке аз кишварҳои матраҳи ҷаҳон ба шумор меравад.

Ҳамчунин Қонеӣ гуфт, ки дар гузашта низ Куба бо Эрон барои тавлиди ваксинаи "Гипатити Б" ҳамкорӣ доштааст.

118
Барчаспҳо:
вируси корона, вирус, барнома, Эрон

Мулоқоти сафири Тоҷикистон дар Эрон бо дабири кулли Созмони Ҳамкории Иқтисодӣ

0
(Таҷдидшуда 02:10 23.01.2021)
Низомиддин Зоҳидӣ, сафири Тоҷикистон дар Эрон ва Ҳодии Сулаймонпур, дабири кулли Созмони Ҳамкории Иқтисодӣ (ЭКО) дидор карданд

ДУШАНБЕ, 23 янв — Sputnik. Сафири Тоҷикистон дар Ҷумҳурии исломии Эрон ва дабири кулли Созмони Ҳамкории Иқтисодӣ (ЭКО) дидору гуфтугӯ карданд, иттилоъ додааст хабаргузории “Парстудей”.

Низомиддин Зоҳидӣ, сафири Тоҷикистон дар Эрон ва Ҳодии Сулаймонпур, дабири кулли Созмони Ҳамкории Иқтисодӣ (ЭКО) дар ин дидор, ки дар маҳалли дабирхонаи ин созмон дар Теҳрон анҷом шуд, масоили марбут ба ҳамкории Тоҷикистон бо ЭКО - ро дар соли 2021 мавриди баҳсу баррасӣ қарор доданд.

Низомиддин Зоҳидӣ: маснавихонӣ ва ҳофизхонӣ дар Тоҷикистон ривоҷ дорад

Роҳандозии иқдомоти муштарак ба муносибати эъломи шаҳри Душанбе ба унвони пойтахти гардишгарии минтақаи Созмони Ҳамкории Иқтисодӣ (ЭКО) аз дигар мавзӯҳое буд, ки дар ин мулоқот дар бораи он гуфтугӯ шуд.

10 кишвари Эрон, Тоҷикистон, Туркия, Покистон, ҷумҳурии Озарбойҷон, Қазоқистон, Туркманистон, Қирғизистон, Узбакистон ва Афғонистон узви Созмони Ҳамкории Иқтисодӣ ҳастанд.

0
Барчаспҳо:
сафири Тоҷикистон, дидор, Созмони ҳамкории иқтисодӣ (ЭКО), Эрон, Тоҷикистон