Шавкат Мирзиёед дар ҳаққи Ислом Каримов дуо мехонад

Мирзиёев дар рӯзи ид дар назди ҳайкали Ислом Каримов дуохонӣ кард

214
Раисҷумҳури Узбакистон Шавкат Мирзиёев ба қароргоҳи "Оқсарой" рафта, раисҷумҳури пешини Узбакистон Ислом Каримовро ёд кард

ДУШАНБЕ, 15 июн — Sputnik. Президенти Узбакистон Шавкат Мирзиёев зери пои ҳайкали нахустин раисҷумҳури Узбакистон гулдаста монд.

Ӯ дар қароргоҳи "Оқсарой" бо ҳамроҳонаш аз Ислом Каримов ёд кард ва дар ҳаққи раисҷумҳури пешин дуо карда, аз Қуръон сураҳо хонд.

Ёдрас мешавем, пас аз марги раисҷумҳури Узбакистон Ислом Каримов ҳайкали вайро дар қароргоҳаш "Оқсарой" (Қасри сафед) гузоштанд.

Аввалин раисҷумҳури Узбакистон 2 сентябри соли 2016 дар пайи бемории сактаи майнаи сар вафот кард. Ӯро дар шаҳри Самарқанд, дар маҷмааи Ҳазрати Хизр ба хок супориданд.

Пештар, шаҳрдори Маскав Сергей Собянин дастур дод, ки дар Маскав ба нахустин раисҷумҳури Узбакистон Ислом Каримов ҳайкал гузошта шавад.
Тибқи фармони раиси шаҳр муҷассамаи Ислом Каримов бояд  дар ноҳияи Якиманкаи Маскав то соли 2019 бунёд шавад.

Узви Ҳизби либераливу демократии Русия, сиёсатшинос, ҷонибдори низоми раводид байни кишварҳои Осиёи Марказӣ бо Русия, Георгий Городетский дар интернет арзномае мунташир карда, аз дастури Сергей Собянин дар мавриди муҷассамаи Ислом Каримов изҳори норозигӣ баён кардааст. Ба фикри вай, Каримов ба гузоштани муҷассама дар пойтахти Русия намеарзад, зеро "на барои Маскав ва на барои маскавиҳо амале анҷом додааст". Городетский арзашро ба раисҷумҳури Русия Владимир Путин ирсол кардааст.

Ба фикри сиёсатшинос, ин фармони Собянин сӯистифода аз мансаб унвон карда мешавад, ки асос барои баланд бардоштани савияи эътимод мебошад. Ҳоло ин арзномаро наздикӣ 1 500 кас имзо кардаанд.

Ёдовар мешавем, ки соле пеш гулгаштеро дар ноҳияи Якиманкаи Маскав номи Ислом Каримовро доданд. Гулгашт дар наздикии Кунсулӣ ва Меҳмонхонаи Узбакистон дар Маскав ҷойгир шудааст.

Думаи шаҳрии Маскав қарори гузоштани муҷассамаи Ислом Каримовро дар Маскав моҳи декабри  соли 2016 қабул карда буд.

214
Барчаспҳо:
ёдбуд, дуо, ҳайкал, Ислом Каримов, Шавкат Мирзиёев, Ӯзбекистон
Вакцина

Тасмими ширкатҳои эронӣ барои тавлиди 25,5 миллион воя воксинаи зидди вируси корона

78
(Таҷдидшуда 15:15 21.01.2021)
Раиси Кумитаи илмии Ситоди миллии муқобила бо корона дар Эрон гуфт, ки ин кишвар барномаи тавлиди 25,5 миллион воя воксинаи зидди вируси коронаро дар ширкатҳои воксинасозии дохилӣ иҷро мекунад

ДУШАНБЕ, 21 янв— Sputnik.  Мустафо Қонеӣ, раиси Кумитаи илмии Ситоди миллии муқобила бо корона дар Эрон ахиран афзуд, ки дар пойгоҳи ЮНИСЕФ Эрон ба унвони яке аз кишварҳои тавлидкунандаи воксинаи корона муаррифӣ шудааст, иттилоъ додааст хабаргузории “Парстудей”.

Қонеӣ изҳор дошт, ки аз 9 ширкати эронии дар ҳоли тавлиди ваксинаи корона, се воксина дар марҳалаи болинӣ қарор дорад ва ҳамчунин сохти ваксинаи муштараки Куба ва Институти Пастери Эрон низ дар дастури кор аст.

Раиси Кумитаи илмии Ситоди миллии муқобила бо корона дар Эрон дар бораи далели ҳамкории Эрон бо Куба барои тавлиди воксинаи корона низ изофа кард: Низоми саломати Куба аз ҷиҳати адолат рутбаи аввали ҷаҳонро дорост ва ин кишвар дар ҳавзаи пизишкӣ яке аз кишварҳои матраҳи ҷаҳон ба шумор меравад.

Ҳамчунин Қонеӣ гуфт, ки дар гузашта низ Куба бо Эрон барои тавлиди ваксинаи "Гипатити Б" ҳамкорӣ доштааст.

78
Барчаспҳо:
вируси корона, вирус, барнома, Эрон
Самолет компании Сомон Эйр, архивное фото

"Сомон Эйр" парвозҳоро бо Тошканд барқарор мекунад

61
(Таҷдидшуда 16:03 21.01.2021)
Ширкати ҳавопаймоии “Сомон Эйр” иҷрои парвозҳоро дар хатсайри Душанбе-Тошканд-Душанбе аз нав оғоз менамояд. Парвозҳо ҳафтае як маротиба, рӯзҳои ҷумъа иҷро мешаванд

ДУШАНБЕ, 21 янв— Sputnik. Парвози нахустин санаи 29-уми январ ба нақша гирифта шудааст. Вақти парвоз аз Душанбе 10:30, аз Тошканд 13:00 ба вақти маҳаллӣ мебошад, хабар дод ширкати ҳавоӣ ба Sputnik Тоҷикистон.

Бино ба иттилои манбаъ, шаҳрвандони Тоҷикистон, ки хоҳиши парвоз ба Тошкандро доранд, бояд бо худ маълумотномаи эмин будан аз COVID-19 (PCR-тест), ки давоми 72 соат пеш аз вуруд дода шудааст, дошта бошанд.

"Маълумотнома бояд аслӣ бошад, ҳатман ҳама навиштаҷоти он дар компютер ҳуруфчинӣ шуда бошанд (дастхат набошад) ва аз ҷониби лабораторияе, ки дар давлати хуруҷ акредитатсия дорад, бо забони русӣ ё англисӣ пешниҳод карда шавад", - таъкид мекунад манбаъ.

Кӯдакони то 12-сола аз пешниҳоди маълумотномаи мазкур озод мебошанд. Шахсоне, ки нишонаҳои COVID-19-ро доранд ва ашхосе, ки натиҷаи санҷиши ПСР-тесташон мусбат мебошад ба парвоз роҳ дода намешаванд, меаязояд "Сомон Эйр".

Тибқи қарори Комиссияи махсуси ҷумҳуриявии Ӯзбекистон то 1-уми феврали соли 2021 парвозҳои байналмилалӣ бо Бритониёи Кабир, Италия, Олмон, Дания, Австрия, Австралия, Ҳолланд ва Ҷумҳурии Африқои Ҷанубӣ қатъ карда шуданд.

Шаҳрвандони муқими ин кишварҳо, инчунин шахсони бешаҳрвандӣ ва шаҳрвандони кишварҳои сеюм, ки дар тӯли 14 рӯзи охир дар ин кишварҳо буданд, иҷозаи вуруд ба Ӯзбекистонро надоранд.

Шаҳрвандони Ӯзбекистон ва шахсони бешаҳрвандӣ, ки тавассути кишварҳои сеюм ба Ӯзбекистон ворид мешаванду дар давоми 14 рӯзи охир дар Бритониёи Кабир, Италия, Олмон, Дания, Австрия, Австралия, Ҳолланд ва Африқои Ҷанубӣ буданд, пас аз вуруд ба Ӯзбекистон дар маҷмааи муваққатии карантинӣ ё меҳмонхонаи марбута давоми 14 рӯз ба карантин гирифта мешаванд.

Ҳамаи мусофироне, ки ба Ӯзбекистон ворид мешаванд, бояд барои муайян кардани сирояти коронавирус тавассути экспресс-тест аз ташхис гузаранд.

Экспресс-тест дар фурудгоҳи Тошканд аз ҳисоби мусофирон гузаронида мешавад. Мусофироне, ки натиҷаи тесташон мусбат аст, барои табобат ба беморхона равона карда мешаванд.

Ӯзбекистон ҷадвали парвозҳо миёни Тошканд – Душанберо дақиқ кард

Кулли мусофироне, ки вориди Душанбе мешаванд, бояд бо худ маълумотнома дар бораи мубтало набудан ба коронавирус (COVID-19) - натиҷаи манфии ПСР-тестро, ки давоми 72 соат пеш аз вуруд ба Тоҷикистон гирифта шудааст, дошта бошанд.

Кӯдакони то 3-сола аз пешниҳоди маълумотномаи мазкур озод мебошанд. Барои шаҳрвандони хориҷӣ, ки азми сафар ба Душанбе доранд, доштани иҷозатномаи мақомоти ваколатдори ҶТ бобати вуруд ба қаламрави Тоҷикистон, раводид (агар лозим бошад) ва маълумотномаи эмин будан аз COVID-19 (натиҷаи манфии ПСР-тест), ки давоми 72 соат қабл аз вуруд ба Тоҷикистон пешниҳод гардидааст, зарур мебошад.

Ба шаҳрвандони Ӯзбекистон барои вуруд ба қаламрави Тоҷикистон иҷозатномаи мақомоти ваколатдори ҶТ лозим нест.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Мусофироне, ки таби баланд ё аломатҳои гирифторӣ ба коронавирусро доранд, ба дохили ҳавопаймо роҳ дода намешаванд.

Давоми парвоз мусофирон бояд ниқоб ва дастпӯши ҳифозатӣ дошта бошанд. Барои гирифтани маълумоти иловагӣ ва хариди чипта лутфан ба маркази маълумотдиҳии ширкати ҳавопаймоӣ, намояндагии ширкат дар Тошканд – ширкати "APG UZBEKISTAN" ва Агентии алоқаи ҳавоӣ муроҷиат намоед.

61
 Председатель Демократической партии  Саидджафар Усмонзода

Роҳбари ҳизби демократи Тоҷикистон дар ноҳияи Панҷ маълум шуд

0
(Таҷдидшуда 21:07 21.01.2021)
Мақсуд Нуруллоев раиси бахши Ҳизби демократи Тоҷикистон дар ноҳияи Панҷ интихоб шудааст

ДУШАНБЕ, 21 янв — Sputnik. Ба нақл аз сомонаи рӯзномаи “Фараж” интихоби Мақсуд Нуруллоев дар ҳолест, ки моҳи апрели соли гузашта раиси собиқи бахши ҲДТ дар ноҳияи Панҷ Шариф Назаров, бинобар сабаби гирифторӣ бемории ҳамагири коронавирус аз олам даргузашт.

Дар ҳамин ҳол, раиси ҲДТ Саидҷаъфар Усмонзода таъкид доштааст, ки  Мақсуд Нуруллоев аз соли 2013 инҷониб узви ҳизб аст. Вай қайд кардааст, ки ҲДТ дар ноҳияи Панҷ 227 аъзо дорад.

Усмонзода сабаби интихоби шудани Нуруллоевро ба раисии бахши ҳизб дар ин ноҳия ба “фаъолу дилсӯз” будани ӯ рабт дод.

Манбаъ зикр кардааст, ки Мақсуд Нуруллоев соли гузашта дар баробари раиси феълии ноҳияи Панҷ Шоҳиён З. дар интихобот ба вакили маҷлиси вакилони халқи вилояти Хатлон дар ҳавзаи интихоботии Панҷ-54, тариқи худпешбарӣ, номзад буд, аммо мутаасифона интихоб нагардид.

Нуруллоев Мақсуд Бекмуродович 26-уми июли соли 1977 дар деҳаи ба номи Ҳасан Шерови ҷамоати Озодагони ноҳияи Панҷ, дар оилаи ронанда ба дунё омада, солҳои 1983-1993 дар муассисаи таҳсилоти миёнаи умумии рақами 12-и деҳааш таҳсил кардааст. Ихтисосаш ронанда аст. Ӯ то чанд соли охир раисии кумитаи маҳаллаи деҳаи ба номи Ҳасан Шеровро ба уҳда дошт.

0
Барчаспҳо:
интихоб, Панҷ, раис, Ҳизби демократи Тоҷикистон