Таджикский фотограф Шухратджон Ёров в Узбекистане

Намоиши аксҳои Шуҳратҷон Ёров дар Бухоро

104
(Таҷдидшуда 15:35 09.07.2019)
Беш аз 120 аксҳои суратгири тоҷик Шуҳратҷон Ёров, дар шаҳри Бухоро ба маърази тамошо гузошта шуданд

ДУШАНБЕ, 9 июл — Sputnik. Дар шаҳри Бухоро маросими ифтитоҳи намоишгоҳи аксбардори тоҷик Шуҳратҷон Ёров баргузор шуд.

Рӯзи 8 июл дар шаҳри Бухоро намоишгоҳи ду рӯзаи аксбардори тоҷик Шуҳратҷон Ёров таҳти унвони "Дӯстии ду халқи бародар" ифтитоҳ шуд.

Дар ин намоишгоҳ беш аз 120 аксҳои суратгири маъруф Шуҳратҷон Ёров, ба маърази тамошо гузошта шудаанд.

Аксҳои Шуҳратҷон Ёров бошандагони Самарқандро бо урфу одот, фарҳанг, иҷтимоъ ва ҳаёти сиёсии Тоҷикистони кунунӣ ошно хоҳад кард.

Сафарҳои намоишии аксбардори тоҷик дар шаҳрҳои Русия

Ёдовар мешавем, ки пештар рӯзҳои 4-6 июли соли ҷорӣ аксҳои Шуҳратҷон Ёров дар толори намоишии Чорсӯ дар Регистони Самарқанд ба намоиш гузошта шуда буд.

Шухратҷон Ёров соли 1960 дар деҳаи Такфони ноҳияи Айнии Тоҷикистон ба дунё омадааст.

Ӯ соли 1982 донишгоҳи ҳунарҳои зеборо хатм кардааст. Оғоз аз соли 1999 инҷониб узви Шӯрои рӯзноманигорони Тоҷикистон ва Русия мебошад.

Аксҳои Шуҳратҷон Ёров дар Исроил,  Ишқобод, Исломобод, Белорус, Олмону Эрон, Покистону Қувайт ва дигар кишварҳои дунё ба маърази тамошо гузошта шудаанд.

104
Барчаспҳо:
Самарқанд, Бухоро, Тоҷикистон, намоишгоҳ, аксбардор, Шуҳратҷон Ёров
Чрезвычайный и Полномочный псол Таджикистана Сатторов Имомуддин

Сатторов издиҳоми назди сафорат дар Маскавро шарҳ дод

30
Теъдоди хоҳишмандон ба парвозҳои чартерӣ аз шумораи парвозҳои ҳамоҳангшуда 3-4 маротиба бештар аст, аз ин рӯ сафорат барӯйхатгириро қатъ кард

ДУШАНБЕ, 8 июл — Sputnik. Даҳҳо шаҳрвандони Тоҷикистон рӯзи 7 июл дар назди бинои Сафорати Тоҷикистон дар Русия, дар шаҳри Маскав ҷамъ омаданд, то масъалаи парвозҳои чартериро мушаххас кунанд. 

Аксари онҳо борҳо барои дарёфти чипта ва парвоз ба Ватан, дархост фиристодаанд, вале бе натиҷа.

Ин масъаларо сафири Тоҷикистон дар Русия Имомуддин Сатторов дар суҳбат бо Sputnik Тоҷикистон шарҳ дод.

Тоҷикистон шаҳрвандонашро аз АМА бозмегардонад: рӯзи парвоз дақиқ шуд

Ба гуфти Сатторов сабаби ягонаи ба таъхир афтодан - нарасидани ҷой дар ҳавопаймоҳо мебошад.

"Вақте шумораи дархостҳо чанд маротиба аз теъдоди ҷойҳо дар ҳавопаймо бештар шуд, мо қабули дархостҳоро қатъ кардем", - гуфт Имомуддин Сатторов дар суҳбат бо Sputnik Тоҷикистон.

Ба гуфти ӯ айни замон бояд масъалаи фиристодани ашхосе, ки дархосташон қабул шуд, ҳал кард.

"Шумораи одамон тамом намешавад. Як хел одамон ду се бор меоянд. Қабули дархостро дар сурате, ки медонем имкони фиристодан нест, ман нодуруст мешуморам. Мардум намехоҳад интизор шавад. Онҳо дар ҳаросанд, ки мавҷи дуюм сар мешавад ва боз карантин эълон мешаваду онҳо наметавонанд парвоз кунанд", - шарҳ дод Сатторов.

30
Барчаспҳо:
ҷадвали парвозҳо, парвозҳо, Тоҷикистон, Русия, Имомуддин Сатторов, издиҳом
Президент Афганистана Ашраф Гани, архивное фото

Раисҷумҳури Афғонистон аз тамоми кишварҳои минтақа ба ҷуз Тоҷикистон изҳори сипос кард

2274
(Таҷдидшуда 12:14 08.07.2020)
Раисҷумҳури Афғонистон аз Эрон ва чанд кишвари минтақа ба далели бознигаҳ доштани марзҳои транзитии худ, изҳори сипос кард

ДУШАНБЕ, 8 июл — Sputnik. Ашраф  Ғанӣ, раисҷумҳури Афғонистон дар маросими ифтитоҳи нишасти машваратии кишварҳои минтақа ва ҳамсоя, ки ба сурати видео-конференсия дар Кобул баргузор шуд, аз кишварҳои минтақа ба вижа Эрон, Покистон, Ӯзбекистон, Туркманистон, Озарбойҷон, Қазоқистон, Ҳинд ва Туркия ки марзҳои тиҷории худро барои транзиту вуруди коло ба Афғонистон дар замони шуюъи вируси корона боз нигаҳ дошта буданд, ташаккур кард, иттилоъ додааст хабаргузории “Парстудей”.

Бино бар иттилои манбаъ, раисҷумҳури Афғонистон зикр кардааст, ки иқдоми ин кишварҳо боис шуд Афғонистон бо камбуди маводи аввалия дар шароити корона рӯ ба рӯ нашавад, ки ин намуна ҳамкории хуби тиҷоратӣ аст. 

Ашрафи Ғанӣ ҳамчунин бо ишора ба таҳдидҳо ва хатарҳои пеши рӯи сулҳ дар Афғонистон гуфт, агар гурӯҳи Толибон ба ҷанг идома диҳад, раванди сулҳи Афғонистон бо чолишҳои ҷиддӣ рӯ ба рӯ хоҳад шуд. 

Нишасти машваратии бист кишвари минтақа, ҳамсоя ва созмонҳои ҷаҳонӣ бо ҳадафи кӯмак ба барқарории сулҳ дар Афғонистон ба сурати онлайнӣ асри душанбе дар Кобул баргузор шуд.

2274
Барчаспҳо:
Эрон, кишварҳо, изҳори сипос, минтақа, Тоҷикистон, Афғонистон