Дети, архивное фото

Безор карданд: дар Тошканд марде фарзандони худро аз тиреза ҳаво дод

483
(Таҷдидшуда 13:01 30.07.2019)
Мард ба хотири интиқод гирифтан аз ҳамсари худ, фарзандонашро аз тирезаи ошёнаи чаҳоруми бинои зисташ ба берун партофтаст

ДУШАНБЕ, 30 июл — Sputnik. Бар хабари сомонаи UPL, дар шаҳри Тошканд падаре ду фарзанди ноболиғи худро аз тиреза ба берун ҳаво додаст.

Манбаъ тавзеҳ медиҳад, ки ин мард ба хотири интиқод гирифтан аз ҳамсари худ, ки тасмим гирифтааст аз шавҳараш ҷудо шавад, ба ин кор даст задаст.

Падари ҷинояткор  аз  касалии рӯҳӣ низ азият мекашидаст, мегӯяд манбаъ.

Гуфта мешавад, кӯдакҳо агар чи пас аз ҳодисаи мазкур ҷон ба саломат бурданд, вале як умр акнун маъюб хоҳанд монд.

Бар хабари манобеъ, падари кӯдакони маъюбмонда дастгир гардида феълан дар боздоштгоҳ қарор дорад.

Маскав: Дилшод - падари серфарзанд аз Тоҷикистон Настяи хурдсолро аз марг наҷот дод

Ба гуфтаи ҳаммаҳалони ин оила, ҳамсояҳо борҳо кӯшиданд то аз пош хӯрдани хонаводаашон ҷилавгирӣ намоянд, вале муваффақ нашуданд

Ёдовар мешавем, ки қаблан як муҳоҷири тоҷик дар шаҳри Североуралски вилояти Свердловский кӯдаки семоҳаеро наҷот дода буд. Тифлро, ки аз тиреза ҳаво дода буданд, Фахриддин Юсупов ном шаҳрванди Тоҷикистон доштааст.

Ба ман деҳ, напарто: муҳоҷири тоҷик тифли семоҳаеро наҷот дод

Кумитаи тафтишотии вилояти мазкур  он замон изҳор дошта буданд, ки Фахриддин Юсупов барои наҷоти кӯдаки навзод қадрдонӣ карда мешавад.

483
Барчаспҳо:
фарзанд, падар, Тошканд
Вакцина

Эрон ҳам ба зудӣ эмгузарониро оғоз мекунад

107
(Таҷдидшуда 12:15 25.01.2021)
Вазири беҳдошт, дармон ва омӯзиши пизишкии Эрон гуфт, эмгузаронӣ бо ваксини зидди вируси корона дар Эрон ба зудӣ оғоз мешавад

ДУШАНБЕ, 25 янв— Sputnik.  Саиди Намакӣ, вазири беҳдошт, дармон ва омӯзиши пизишкии Эрон ахиран  бо ишора ба талош барои сохти ваксинаи коронаии Эрон афзуд, ки воридоти ваксинаи зидди корона ба кишвар ба зудӣ оғоз мешавад, иттилоъ додааст радиои тоҷикии Садои Хуросон.

Намакӣ афзуд, ки бо воридоти ваксинаи зииди вируси корона, эмгузаронӣ барои гурӯҳҳои ҳассосу пурхатар оғоз мешавад.

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

Ҳамчунин Ҳуҷҷатуллоҳи Некии Маликӣ, раиси маркази итилоърасонии ситоди иҷроии фармони ҳазрати Имом (р) гуфт: “Пас аз баррасии саломати 21 довталабе, ки ваксинаи корони тавлидшуда дар Эрон ба онҳо тазриқ шуда аст,  муҷаввизи тазриқ барои 14 довталаби дигар содир шуд”.

Марҳилаи аввали тазриқи инсонии мутолиъоти болинии нахустин ваксинаи коронаи сохти муҳаққиқони эронӣ бо номи  "Кув Эрон баракат" 29 декабри 2020 рӯй довталабон оғоз шуд.

107
Барчаспҳо:
беҳдошт, вазир, вируси корона, эмгузаронӣ, Эрон

Кохи сафед эълон кардааст, ки тавофуқи Трамп бо Толибонро бознигарӣ хоҳад кард

283
(Таҷдидшуда 13:46 23.01.2021)
Кохи сафед дар баёнияе эълом кард, ки мушовири амнияти миллии Ҷо Байден, раисҷумҳурии Амрико ба ҳамтоии афғонистонии худ итилоъ дода аст, ки Амрико тавофуқи Трамп бо Толибонро бознигарӣ хоҳад кард

ДУШАНБЕ, 23 янв — Sputnik. Ҷек Соливон, мушовири амнияти миллии раиси ҷумҳурии Амрико ба ҳамтоии афғонистонии худ эълом кардааст, ки Иёлоти Муттаҳида тавофуқ бо Толибонро бознигарӣ хоҳад кард, иттилоъ додааст радиои тоҷикии Садои Хуросон ба нақл аз ИРНА.

Пеш‌тар Антони Блинкин, ки аз сӯи Байден номзади ҳидояти вазорати хориҷа шуд, дар ҷаласаи пурсишу посух бо намояндагон дар маҷлиси Сенати ин кишвар гуфта буд, ки тавофуқи давлати Трамп бо Толибонро баррасӣ ва бознигарӣ хоҳад кард.

Ин дар ҳоле аст, ки манобее аз давлати Афғонистону Толибон пештар гуфта буданд, ки ду тараф барои тавофуқи давлати Трамп бо Толибон, мунтазири вуруди Ҷо Байден ба Кохи сафед ҳастанд, то аз мавозеъи ӯ дар қиболи ин тавофуқ ва иқдомоти ӯ огоҳ шаванд.

Рӯзи 20 феврали соли гузашта мақомҳои Амрико ва Афғонистон эълом карданд, ки Амрико ва муттаҳидонаш дар НАТО нерӯҳояшонро дар муддати 14 моҳ аз Афғонистони хориҷ хоҳанд кард, дар сурате ки Толибон ба таъаҳҳудоташ бар асоси тавофуқе, ки дар Давҳа имзо карданд, пойбанд бошад.

Панҷ ҳазор зиндонии гурӯҳи Толибон низ бар асоси ҳамин тавофуқнома аз зиндонҳои давлати Афғонистон озод шуданд, ки акнун давлат муддаӣ аст шумори зиёде аз онҳо ба майдони ҷанг баргаштаанд.

Тавофуқномаи сулҳи Амрико ва ниманизомиёни Толибон баъд аз 11 даври музокирот дар ҳоле ба имзо расид, ки бо вуҷуди давлати қонунии Афғонистон, Амрико ба гурӯҳи Толибон дар умури дохилии ин кишвар иҷозаи мудохила додааст.

283
Барчаспҳо:
тавофуқ, бознигарӣ, Толибон, Трамп, Афғонистон, Амрико
Генеральный секретарь Организации Объединенных Наций Антониу Гутерриш

Дабири кулли СММ: ҷаҳон бо сангинтарин буҳрон дар 100 соли охир рӯ ба рӯ шуд

0
Дабири куллии СММ мегӯяд, ҳамагирӣ чунин мушкилоти ҷаҳон, ба монанди нобаробарӣ дар ҷомеа ва кишварҳо, ноустуворӣ "буҳрони иқлим ва биологӣ" -ро ошкор кард

ДУШАНБЕ, 26 январ - Sputnik. Ҷаҳон дар паи пандемияи коронавирус ба бадтарин буҳрони иқтисодӣ дар сад соли охир рӯ ба рӯ шуд. Дар ин бора дабири кулли СММ Антонио Гутерриш дар чорабинии "Рӯзномаи Давос" изҳор дошт.

Роҳбари СММ таъкид кард, ки ҷаҳони имрӯзро бо сабаби ҳамагирӣ метавон бо як калима - "осебпазир" тасвир кард.

"Беш аз 2 миллион нафар ҳалок шуданд ва мо дар бадтарин буҳрони иқтисодии аср қарор дорем" - гуфт Гутерриш.

Вай бовар дорад, ки пандемия чунин мушкилоти ҷаҳон, ба монанди нобаробарӣ дар ҷомеа ва кишварҳо, ноустуворӣ "буҳрони иқлим ва биологӣ" -ро ошкор кардааст.

Ба гуфтаи ӯ, "ҷанг бо табиат" ба он оварда мерасонад, ки "табиат ҷавоб мегардонад". Гутерриш ҷаҳонро ба муколама ва ҳамкорӣ даъват мекунад.

"Ҳукуматҳо, созмонҳои байналмилалӣ, бахши хусусӣ ва ҷомеаи шаҳрвандӣ - ҳама бояд якҷоя кор кунанд" - гуфт раиси СММ.

Гутерриш қайд кард, ки дар соли 2021 ҷаҳон имконияти беназири истифодаи барқароршавӣ аз пандемияро барои "гузаштан аз осебпазирӣ ба устуворӣ", дорад.

Ёдрас мешавем, ки президенти Тоҷикистон Эмомалӣ Раҳмон низ имрӯз зимни ироаи паёми худ ба парлумони кишвар аз буҳрони бесобиқа гуфт.

Ба гуфти президент, имрӯз дар дунё амалан давлат ва соҳае нест, ки аз таъсири буҳрон эмин монда бошад.

0
Барчаспҳо:
Ҷаҳон, иқтисод, бӯҳрон, Антониу Гуттериш, Дабири кулли СММ