Бывший президент Кыргызстана Алмазбек Атамбаев

Роҳбандӣ, даргирии ҷадид ва талоши дигари боздошти Отамбоев - навор

1461
(Таҷдидшуда 16:56 08.08.2019)
Миёни ҷонибдорони собиқ раисҷумҳур Қирғизистон ва намояндагони Хадамоти амнияти ин кишвар даргирии ҷадид сар задааст.

ДУШАНБЕ, 8 авг — Sputnik. Феълан ҳаракати нақлиёт дар роҳ ба суйи деҳаи Кой-Тош- мокони бошишгоҳи Отамбоев масдуд аст, хабар медиҳад сомонаи Sputnik Қирғизистон.

Бар хабари манбаъ, айни замон ба самти ин роҳ се адад нақлиёти КамАз, ранҷ автобус ва ду микроавтобуси ҳомили милитсионерон ҳаракат дорад.

Манбаъ тавзеҳ медиҳад, ки неруҳои амниятӣ иборат аз 200 нафар дар наздикии манзили собиқ раисҷумҳур мустақар ҳастанд.

Гуфта мешавад, шумораи ҷонибдорони отамбоев аз низомиёни амниятӣ даҳчанд бештар аст.

Қатъи рухсатии Жээнбеков ва изҳороти Кремл дар бораи амалиёти боздошти Отамбоев

Қаблан хабар дода шуд, ки неруҳои амниятӣ дигарбора ба бошишгоҳи собиқ президент наздик омаданд.

Давоми як шабонарӯз мешавад, ки мақомоти амниятии Қирғизистон кӯшиш доранд то собиқ раисҷумҳурро боздошт намоянд.

Аммо ҷонибдорони Отамбоев аз амалиёти боздошти ӯ муқобилият нишон дода, монеи амалиёти неруои амниятӣ мешаванд.

Зимнан хабар дода мешавад, ки аксари ҷонибдорони Отамбоев, ки дар маркази Қирғизистон даст ба тазоҳурот заданд, алъон аз майдони эътироз берун шуда ба манзили зисти ӯ раҳсипоранд.

Ёдовар мешавем, ки ҳамла ба бошишгоҳи Отамбоев шоми 7- уми август шурӯъ шуда дар натиҷаи нишон додани муқобилият аз ҷониби тарафдорони собиқ раисҷумҳур, бар асари тирпаррони дасти кам 1 нафар ҳалок ва 57 тани дигар ҷароҳат бардоштанд.

1461
Барчаспҳо:
Отамбоев, боздошт, роҳбандӣ, Қирғизистон
Полицейские возле места взрыва в Кабуле, Афганистан. 7 августа 2019 года

Таркиши бомб дар Кобул: 16 кушта даҳҳо нафари дигар захмӣ

116
(Таҷдидшуда 18:19 14.07.2020)
Таркиши бомб дар шаҳристони Саробӣ наздикии Кобули пойтахти Афғонистон 16 нафарро кушта ва даҳҳо нафари дигарро захмӣ кард

ДУШАНБЕ, 14 июл – Sputnik. Ба гузориши радиои Садоии Хуросон, полиси шаҳристони Саробӣ дар шарқи шаҳри кобул эълом кард, ин инфиҷори зуҳри рӯзи сешанбе  замоне рӯй дод, ки минаи канори ҷодае дар масири убури мошини ҳомили ғайринизомиён мунфаҷир шуд.

Бино бар иттилои манбаъ, дар ин инфиҷор  панҷ  ғайринизомӣ ҷон бохтанду 11 нафари дигар захмӣ шуданд.

Бар асоси ин гузориш, шуморе аз кушта ва захмӣ шудагони ин инфиҷор  занону кӯдакон ҳастанд.

Фармондори шаҳристони Саробии Кобул  ин минагузориро кори гурӯҳи Толибон дониста аст.

Аммо масъулияти ҳодисаро то ҳол ҳеҷ гурӯҳе ба дӯш нагирифтааст. Гурӯҳи Толибон ҳам дар ин бора изҳороте накардаанд.  

Ёдрас мешавем, дар Афғонистон муҳорибаи шадиди толибон ва ҳукумат идома дорад. Гурӯҳи радикалӣ қисми калони деҳаҳои Афғонистонро таҳти нуфузи худ қарор дода, ба шаҳрҳои калон ҳуҷум мекунад.

Ҳамчунин, дар кишвар нуфузи гурӯҳи террористии "Давлати исломӣ" зиёд мешавад.

116
Барчаспҳо:
Толибон, захмӣ, кушта, таркиш, Кобул, Афғонистон

Рӯҳонӣ: Эрон бидуни вобастагӣ ба нефт идора мешавад

194
(Таҷдидшуда 17:41 14.07.2020)
Раисҷумҳури Эрон, идораи кишвар бо камтарин вобастагӣ ба нефтро қудратнамоии кишвараш дар ҷанги иқтисодӣ тавсиф кард

ДУШАНБЕ, 14 июл – Sputnik. Ҳасан Рӯҳонӣ ахиран дар ҷаласаи ситоди ҳамоҳангии иқтисоди давлати Эрон гуфт, амрикоиҳо интизор доштанд чанде пас аз оғози таҳримҳо, тавсеаи иқтисодии Эрон мутаваққиф шавад аммо имрӯз кишвар бо барномарезӣ ва такя бар иқтисод бидуни нафт идора мешавад, ки ин, қудратнамоӣ ва пирӯзии бузурге барои миллати Эрон дар ҷанги иқтисодӣ аст, иттилоъ додааст хабаргузории “Парстудей”.

Рӯҳонӣ ҳамчунин бо ишора ба асароти вируси корона бар вазъияти кунунии иқтисоди кишварҳои ҷаҳон гуфт, дар шароите, ки ҳатто бархе кишварҳои тавсеаёфта низ дар таъмин ва тавзеи ниёзҳои рӯзмарраи мардум бо мушкил мувоҷеҳ шуданд, Эрон бо тадобири вижа ва омодагии сохторҳо ва дастгоҳҳо ва бо ҳамкории мардум, аз мушкилот убур кард. 

Рӯҳонӣ таъмини ниёзҳои зарурии мардум ва тавлидкунандагонро аз авлавиятҳои давлати Эрон баршумурд ва гуфт, бо талоши ҳамаҷонибаи масъулон, токунун ниёзҳои асосӣ ва зарурии мардум ва тавлидкунандагон таъмин шудааст.

194
Барчаспҳо:
тавсиф, иқтисодӣ, иқтисод, қудрат, нафт, Раисҷумҳур, Эрон
Тонущий человек, архивное фото

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

0
Кумитаи ҳолатҳои фавқулода аз як ҳодисаи нохуш дар ноҳияи Ванҷ хабар медиҳад, ки ду ноболиғи 12 - сола бидуни калонсолон дар ҳавз оббозӣ намуда ғарқ шуданд

ДУШАНБЕ, 15 июл – Sputnik.  Ду нафар сокини 12 - солаи ноҳияи Ванҷ бе роҳбаладии калонсолон дар ҳавз оббозӣ карданд, ки дар натиҷа ҳар ду зери об рафтанд.

Бар хабари Кумитаи ҳолатҳои фавқулодаи, ҳодисаи мазкур рӯзи 14 - уми июл дар ҳавзи деҳаи Пайшанбеобод рух дод.

Ба кумаки ду ноболиғ чанд сокини ноҳия шитофта онҳоро аз об берун оварданд ва ба бемористони ноҳиявӣ интиқол доданд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Манбаъ меафзояд, яке аз ноболиғон дар роҳ ба бемористон фавтид ва кудаки дигар ҳоло таҳти назорати табибон қарор дорад.

Кумитаи ҳолатҳои фавқулодаи Тоҷикистон мегӯяд, зарфи 6 моҳи сипаришуда дар Тоҷикитсон 34 нафар ҳангоми оббозӣ дар нукоти мухталифи кишвар ғарқи об шуданд, ки 10 нафари онҳо аз 4 то 16 сол дошанд.

0
Барчаспҳо:
ғарқ, ноболиғ, оббозӣ, Ванҷ