Бывший президент КР Алмазбек Атамбаев

КДАМ Қирғизистон: Отамбоев мехост табаддулоти давлатӣ кунад

1185
Роҳбарони КДАМ, ВУД ва Додситонии Қирғизистон назди омма оиди руйдодҳои ахир дар Кой-Тош ҳисобот доданд

ДУШАНБЕ, 13 авг — Sputnik.  Отамбоев хост дар Қирғизистон табаддулоти давлатӣ доир кунад, хабар медиҳад Sputnik Қирғизистон аз қавли роҳбари Кумитаи давлатии амнияти миллии ин кишвар Орозбек Опумбоев.

Ба иттилои манбаъ, Опумбоев ин нуктаро зимни нишасти матбуотӣ дар Қирғизистон иброз доштааст.

"Отамбоев дар бошишгоҳи худ пиронсолон ва кӯдаконро нигоҳ дошта, ба онҳо пул медод ... Бовар дошт, ки ин даргириҳо печидатар мешаванд ва хуни мардуми зиёд рехта мешавад. Барои табаддулот, ба ӯ рехта шудани хуни мардум лозим буд, зеро бисёр мехост ҳукуматдоронро  дар қатли шаҳрвандон айбдор кунад. Ман расман ниятҳои Отамбоевро иброз медорам",- гуфтааст Опумбоев.

Зимнан роҳбари Кумитаи давлатии амнияти миллии Қирғизистон илова кард, ки Отамбоев пайваста аз собиқ ва кормандони феълии КДАМ ва Вазорати умури дохилаи Қирғизистон маълумотҳои охиринро дастрас мекард.

Аз ин рӯ тасмим гирифтем, ки воҳидҳои таъиноти махсусро бидуни огоҳӣ ва ғайричашмдошт ба бошишгоҳи ӯ сафарбар намоем, зикр намудаст Опумбоев.

Ёдовар мешавем, ки бегоҳи 7- уми  август дастаи таъиноти махсуси Қирғизистон ба хотири боздошт кардани собиқ раисҷумҳури Қирғизистон ба бошишгоҳи ӯ зада даромаданд, аммо ҳамлаи онҳо зуд ба нокомӣ анҷомид.

Тирпарронӣ, боздошт ва зиндон: ду рӯзи Отамбоев дар як Видео

Зеро ҷонибдорони Отамбоев барои боздошт нагардидани ӯ сахт муқобилият нишон доданд, ки дар натиҷа миёни тарафдорони собиқ президент ва низомиёни дастаи таъиноти махсус тирпарронӣ сар зад.

Бар асари ин даргириҳо 1 нафар аз низомиёни дастаи таъиноти махсус ҳалок ва беш аз 136 тани дигар ҷароҳатҳои гуногуни ҷисмонӣ бардоштанд.

Писари Отамбоев хабари боздошт шудани бародарашро шарҳ дод

Отамбоев танҳо дар рӯзи дуюми даргирӣ худро ба мақомоти амниятӣ таслим намуд ва феълан  ӯ дар боздоштгоҳ қарор дорад ва то 26 - уми моҳи равон дар ҳабс хоҳад монд.

1185
Барчаспҳо:
Алмосбек Отамбоев, Қирғизистон
Врач и пациенты в отделении реанимации и интенсивной терапии

Афзоиши мубталоён ба вируси корона дар Ӯзбекистон, Қазоқистон ва Қирғизистон

341
(Таҷдидшуда 12:14 05.08.2020)
Вазорати тандурустии Ӯзбекистон эълом кард, ки теъдоди мубталоён ба корона дар ин кишвар ба 25 ҳазору 828 нафар расид

ДУШАНБЕ, 5 авг — Sputnik.  Бар асоси гузориши Вазорати тандурустии Ӯзбккистон то кунун дар ин кишвар 16 ҳазору 507 нафар аз корона беҳбуд ёфтанд ва 161 нафар низ фавт кардан, иттилоъ додааст хабаргузории “Парстудей”.

Ҳамчунин бино бар эъломи Вазорати тандурустии Қазоқистон 8 ҳазору 518 нафар аз пизишкон ва кадри пизишкии ин кишвар мубтало ба корона шуданд.

Ажар Гиният, муовини вазири тандурустии Қазоқистон ахиран эълон доштааст, ки пизишкон ва коркунони муроқибатҳои беҳдоштӣ, ки мубтало ба вируси корона шудаанд, аз ҳаққи дарёфти кумаки молӣ ба мизони 2 миллион танга (баробар бо 4700 доллар) бархурдор ҳастанд.

Дар ҳоли ҳозир дар Қазоқистон 92 ҳазору 662 нафар мубтало ба корона шуданд ва 1058 нафар низ бар асари ин вирус фавт карданд.

Дар ҳамин ҳол, дар дигар кишвари ҳабӯмсоя бо Тоҷикистон, Қирғизистон шумори кулли ин беморони гирифтор ба вируси корона ба 37 ҳазору 541 нафар расид

Вазорати беҳдошти Қирғизистон эълом кард, ки 412 бемори нави КОВИД-19 дар ин кишвар шиносоӣ шуданд.

Дар баёнияи ахири Вазорати беҳдошти Қирғизистон омадааст, ки бо сабти ин теъдод аз мубталоён ба КОВИД-19, шумори кулли ин беморон дар ин кишвар ба 37 ҳазору 541 нафар расид.

Бино бар эъломи Вазорати беҳдошти Қирғизистон шумори фавтидагони корона дар ин кишвар низ бо марги ҳафт тани дигар дар 24 соати гузашта ба ҳазору 427 нафар расидааст.

Дар ҳоли ҳозир беш аз 18 миллиону 444 ҳазор нафар дар ҷаҳон ба КОВИД-19 мубтало шудаанд, ки ҳудуди 700 ҳазор нафар аз онон ҷон бохтаанд.

341
Барчаспҳо:
теъдод, афзоиш, вирус, Қирғизистон, Қазоқистон, Ӯзбекистон
Тестирование на коронавирус (COVID-19)

Нахустин дар Осиёи Миёна: оғози эмгузаронӣ аз COVID - 19 дар Қазоқистон

320
(Таҷдидшуда 12:02 03.08.2020)
Маркази байналмилалии эмгузаронии Қазоқистон нахустин бор аз коронавируси навъи COVID - 19 эмгузаронӣ кард

ДУШАНБЕ, 3 авг — Sputnik. Дар Қазоқистон нахустин довталабро аз Covid - 19 эм карданд, хабар медиҳад Sputnik Қазоқистон.

Ин довталаб раҳбари Маркази байналмилалии эмгузаронии назди Донишгоҳи кишоварзии Қазоқистон Кайсар Табинов шуд.

Дору, ки аз ҷониби коршиносони австралиягӣ омода шудааст, COVAX-19 ном гирифт.

"Худро бо COVAX-19 эм кардам. Феълан худро хуб ҳис мекунам. Ягон ҳолати номусоидӣ эҳсос намешавад", - гуфт Табинов.

Ба гуфти ӯ ин дору дар навбати аввал дар бадани 40 довталаб озмоиш мешавад. Пас аз се моҳ ба озмоиши оммавӣ оғоз хоҳанд кард, ки дар он 100 ҳазор нафар аз 10 кишвари дунё довталаб хоҳад шуд.

Дар ин миён, Вазорати беҳдошти Қазоқистон гуфт, барои баргузории озмоиши клиникӣ бояд ҳуҷҷатҳои вижа пешниҳод шавад.

Русия аз омода шудани нахустин ваксина алайҳи коронавирус хабар дод

Вале, то имрӯз аз ҷониби Маркази байналмиаллии эмгузаронӣ ҳуҷҷате пешниҳод нашудааст.

Ёдрас мешавем, ки пештар хабар дода шуд, ки дар Донишгоҳи ба номи Сеченови Русия озмоиши клиникии ваксинаи зидди коронавирус анҷом ёфт.

320
Барчаспҳо:
нахустин, эмгузаронӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон
Преступник за решеткой

Даҳшат: ҳоҷии дузана дар Душанбе духтарчаи 12 - соларо ба никоҳи худ даровард - видео

376
(Таҷдидшуда 13:57 06.08.2020)
Вазорати умури дохилии Тоҷикистон аз боздошти як сокини 46 - солаи пойтахт хабар медиҳад, ки болои дузанагӣ, ноболиғи 12 - соларо ба худ никоҳ карда гирифтааст

ДУШАНБЕ, 6 авг — Sputnik. Бино ба гузориши ин ниҳод, Касиров Давлатманд Саидович машҳур бо Ҳоҷидавлат, ки қаблан бо иттиҳоми қаллобӣ, алоқаи ҷинсӣ ва дигар ҳаракатҳои хусусияти шаҳвонидошта бо шахсе, ки ҳануз ба синни 16 нарасидааст ва дузанагӣ ба ҷавобгарии ҷиноӣ кашида шуда буд, боз такроран кирдорҳои ҷиноятии худро идома додааст.

Ба иттилои манбаъ, номбурда баробарии зиндагии якҷоя доштан бо ду зан дар як вақт, ки хилофи қонунгузорист, ин дафъа ноболиғи 12 -  соларо ба никоҳи худ даровардааст.

Навори кашола кардани арӯс дар Қирғизистон баҳси гармеро дар шабакаҳо барангехт

"Ноболиғи 12 - солаи аз худаш 34 сол хурдро, ки ҳамсоли фарзанди хурдияш аст, бар хилофи меъёрҳои дини Ислом бе ширкати волидайн ва наздикон ба никоҳи худ даровардааст" ,-афзудааст манбаъ.

Дар навори видеоӣ худи духтари ноболиғ мегӯяд, аз никоҳ хабар надошт.

 "Омад гуфт, ки маро мегирӣ? Не, шумо чени бобом мешавед гуфтам. Баъдан занаш гуфт, ки “ҳо бигу”. Ман нафаҳмида ҳо гуфтам. Баъдан гуфт, ки ба тамошо мебарад, майлаш гуфтам. Баъдан хостам ва қабулат кардам гуфт. Шаб омадем маҷбур кард, ки дар бари худ ва занаш хоб кунам, аммо ман не гуфтам, ки маро зад. ”

Манбаъ мегӯяд, ӯ аз ноболиғӣ ва ҳолати нотавонию оҷизии хурдсол истифода карда, бо  мақсади қонеъ намудани нафси шаҳвонии худ бо дағалона вайрон кардани дахлнопазирии ҷинсии хурдсол нисбаташ ҳаракатҳои бадахлоқонаро содир кардааст.

Модари духтар дар навор мегӯяд, Касиров Давлатмандро эҳтиром мекард ва намедонист, ки ӯ ба чунин кор даст мезанад ва аз никоҳ бо духтари ноболиғаш низ хабар надошту аз дигар кас шунид ва ба мақомот муроҷиат кард.

Дар Қирғизистон 118 арӯс танҳо дар шаш моҳ рабуда шуд

Вазорат мегӯяд, боздоштшуда ба соҳибкории ғайриқонунӣ машғул гашта, дар суроғаи шаҳри Душанбе, ноҳияи Сино хонаҳои 2016,  218 ва ҳудуди корхонаи харротии бекорхобида ба шаҳрвандони эҳтиёҷманд ба иҷора дода, аз ин ҳисоб фоида ба даст меовард, ки он ба ягон қоидаи санитарию бехатарӣ ҷавобгӯ нест.

"Номбурда бо истифода аз оҷизӣ ва эҳтиёҷмандии занони ба иҷора ниёздошта барои таъмин намудан бо ҷойи хоб дар баробари гирифтани маблағи пулӣ аз онҳо тақозо мекардааст, ки бо ӯ ҳамхобагӣ намоянд", - таъкид мешавад дар хабар.

Гуфта мешавад, нисбати Касиров Давлатманд аз ҷониби прокуратураи ноҳияи Сино парванда боз шуда, тафтишот идома дорад.

376
Барчаспҳо:
ноболиғ, никоҳ, боздошт, мард, ВКД, Тоҷикистон