Президент Узбекистана Шавкат Мирзиёев

Мирзиёев ба қонун дар бораи даъвати наваскарон ба хизмати ҳарбӣ тағйирот ворид кард

1429
(Таҷдидшуда 18:43 06.09.2019)
Шавкат Мирзиёев қонун "Дар бораи ворид намудани тағйироту иловаҳо ба баъзе санадҳои қонунгузории Ҷумҳурияти Узбакистон дар робита бо такмили қонунгузорӣ дар соҳаи амният ва мудофиа" -ро имзо кард.

ДУШАНБЕ, 6 сен — Sputnik. Дар Узбакистон низоми нави даъвати наваскарон ба сафи артиш ҷорӣ карда шудаст, хабар медиҳад сомонаи расмии Telegram - и  Вазорати мудофиаи ин кишвар.

Бар хабари манбаъ, қонуни дахлдорро раисҷумҳури ин кишвар  Шавкат Мирзиёев  аллакай ба имзо расонидаст.

Гуфта мешавад, тағйирот аслан ба давомнокии хидмати ҳарбӣ равона гардидаст.

Фармони нави Раҳмон дар бораи даъвати ҷавонписарон ба хизмати ҳарбӣ

Агар қаблан мӯҳлати хизмат барои ҳайати қаторӣ ва ҳайати сержантҳо 12 моҳ ва барои афсароне, ки  тариқи даъват дар мақомҳои ҳайати афсарӣ хизмат мекунанд 9 моҳро ташкил медод, ҳамакнун бо ворид гардидани тағйиру иловаҳои нав хизмати ҳарбӣ дар сафи артиш  барои ҳама як солро ташкил медиҳад.

Ғайр аз ин, ҳоло дар макотиби таҳсилоти умумӣ ё муассисаи миёнаи умумӣ ба рӯйхатдаровардани ҷавонон синни даъват моҳҳои  апрел - майи охири соли хониш сурат мегирад.

Дар ҳоле, ки қаблан ин маросим моҳҳои апрел- май,  асное расидани синну соли ҷавонон ба 16 ба рӯйихат мегирифтанд.

1429
Барчаспҳо:
тағйирот, хизмати ҳарбӣ, Шавкат Мирзоев, Узбакистон