Разбитое окно, архивное фото

Бераҳмӣ: фарзанди навзодашро ҳамроҳ бо як кӯдаки дигар аз тирезаи таваллудхона ҳаво дод

586
(Таҷдидшуда 13:28 11.09.2019)
Ҳодисаи мазкур дар яке аз зоишгоҳи вилояти Намангони Узбакистон рух додаст. Феълан алайҳи ҳодисаи мазкур нисбати гумонбаршуда ду парвандаи ҷиноӣ боз гардидаст

ДУШАНБЕ, 11 сен — Sputnik. Дар вилояти Намангон алайҳи як зан, ки ба якборагӣ ду кӯдаки навзодро аз тирезаи таваллудхона ҳаво додаст, парвандаи ҷиноятӣ оғоз гардидаст. Яке аз ин ду кӯдаки навзод, фарзанди худаш будаст.

Бар хабари Додситони кул, субҳи рӯзи 9 - уми сентябр аз назди  ҳавлии таваллудхонаи вилоят ду кӯдаки навзодро  зинда пайдо карданд.

Ба ман деҳ, напарто: муҳоҷири тоҷик тифли семоҳаеро наҷот дод

Пас аз пайдо шудани кӯдакони навзод, пизишкони беморхона онҳоро фавран ба шӯъбаи эҳёгарӣ интиқол доданд, вале наҷот додани ҷони тифлон ба пизишкон муяссар нашуд.

Зимнан маълум гардид, ки ҳар ду кӯдаки навзодро сокини  23– сола, модари яке аз ин ду тифли навзод аз тирезаи зоишгоҳ ба берун ҳаво додаст.

Ин зан ба далели он ки фарзандаш бо нуқси модарзод таваллуд шуд, хост аз ӯ халос шавад ва барои муайян нашудани ҷинояташ навзоди дигарро, ки дар ҳуҷраи онҳо хоб буд, гирифта ҳамроҳ бо духтарчаи худ ба берун партофтаст.

Муҳоҷири тоҷик навзоди семоҳаро, ки марди маст аз тиреза ҳаво дод, қапид - акс

Гуфта мешавад, модари бераҳм кӯдакони навзодро аз ошёнаи дуюми бинои таваллудхона аз тиреза ҳаво додаст ва онҳо зинда монданд, вале бо гузашти чанд муддат ҳар ду кӯдак фавтиданд.

Феълан алайҳи зани 23- сола, тибқи ду моддаи Кодекси ҷиноятии  Узбакистон парвандаи ҷиноӣ боз гардида ба зан маҳрумият аз озодӣ ба мӯҳлати аз 15 то 25 сол таҳдид мекунад.

586
Барчаспҳо:
модар, навзод, Ӯзбекистон

“Фасоди ахлоқӣ ва беғайратӣ”: чаро ронандаҳои афғон аз дарёфти рақами 39 худдорӣ мекунанд

1444
(Таҷдидшуда 12:58 16.01.2021)
Ривояте хурофотӣ аз иртибот доштани фасоди ахлоқӣ бо адади 39 боис шуд, ки давлати Афғонистон тасмим бигирад то ин ададро ба сурати комил аз раванди сабти рақами мошинҳо ҳазф кунад

ДУШАНБЕ, 16 январ - Sputnik. Тайи солҳои ахир хурофоте, ки адади 39 - ро намоди “фасоди ахлоқӣ ва беғайратӣ” унвон мекунад, сабаби мушкилоти фаровоне дар Афғонистон шудааст, иттилоъ додааст хабаргузории ИРНА.

Дар Афғонистон мошинҳои дорои рақами 39 афзун бар он ки ба ронандаҳо ба чашми афроди фосид нигоҳ мешавад, ҳангоми харидуфурӯш низ ба далели доштани ин адад дар пилок, як сеюми қиматро аз даст медиҳанд.

Худдории шаҳрвандон аз дарёфти рақами дорои адади 39 фурсатро барои фасод дар идораҳои ронандагӣ дар Афғонистон ба вуҷуд овард, ба тавре ки гоҳе маъмурони судҷӯ ва фосид ба муштариҳое, ки барои гирифтани рақам ба идораи ронандагӣ муроҷиа мекарданд, эълом мекарданд, ки навбати онҳо ба адади 39 расидаву онон маҷбур ҳастанд пилоке бо ин адад бигиранд.

Аммо муштариён аз гирифтани ин навъ рақам худдорӣ кардаву ба маъмурон пешниҳоди ришва мекарданд, ки боиси густариши фасод дар ин идора гардиду аз тарафи дигар осеби ҷиддӣ ба буҷети давлат низ ворид кард.

Акнун давлати Афғонистон тасмим гирифтааст, ки барои ҷилавгирӣ аз фасод ва гирифтани ришва аз муроҷиин дар идораи роҳнамоӣ - ронандагӣ аз рӯзи шанбеи 16 январ адади 39 - ро ба таври комил аз чархаи сабт дар пилокҳои худравҳо ҳазф ва заминаи ришваву фасодро аз байн бибарад.

1444
Барчаспҳо:
ронанда, мошин, рақам, Афғонистон
Юношеская сборная Таджикистана

Як сол инизорӣ: Чемпионати Осиё миёни наврасону ҷавонон лағв шуд

23
(Таҷдидшуда 12:46 16.01.2021)
КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст

ДУШАНБЕ, 16 янв – Sputnik. Имсол Чемпионати Осиё миёни наврасону ҷавонон лағв карда шуд, хабар медиҳад Федератсияи футболи Тоҷикистон.

Тибқи қарори Конфедератсияи футболи Осиё (КФО) чемпионатҳои Осиё оид ба футбол миёни наврасон (U-16), ҷавонон (U-19), ҳамчунин Чемпионати Осиё оид ба футзал имсол доир намешаванд. 

"КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст. Баҳрайн ва Ӯзбекистон ҳуқуқи мизбонии марҳилаҳои ниҳоии Ҷоми Осиёро байни наврасон (U-17) ва ҷавонон (U-20) дар соли 2023 ҳифз кардаанд", - менависад манбаъ.

Ҳаким Фузайлов сармураббии тими “Динамо”-и Самарқанд шуд

КФО, ҳамчунин Чемпионати Осиё оид ба футзалро, ки мебоист аз 23 март то 3 апрели соли равон дар Кувайт доир мешуд, барҳам дод. Тибқи қарори КФО, Кувайт низ ҳуқуқи баргузор кардани 16-ум Ҷоми Осиё оид ба футзалро дар соли 2022, ки мунтахаби Тоҷикистон низ ширкат мекунад, ҳифз кард.

Чемпионати Осиё-2021 оид ба футзал, ки бояд дар Тайланд доир мегардид, ба соли 2023 гузаронида шуд.

23
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон