автобус, акс аз бойгонӣ

Дар Қазоқистон шахси номаълум автобусҳои мусофирбарро тирборон намуд- навор

182
(Таҷдидшуда 12:12 09.10.2019)
Бар асари ҳодисаи мазкур танҳо шишаи нақлиётҳои мусофирбар шикаста, ягон тан аз мусофирон осеби ҷиддӣ надиданд. Феълан кормандони милитсия дастандаркори ин ҳодисаро бозҷӯӣ доранд

ДУШАНБЕ, 9 окт – Sputnik. Дар Қарағандаи Қазоқистон нафари номаълум сӯйи автобусҳои мусофирбар оташ кушодаст, хабар медиҳад Sputnik Қазоқистон.

Бар хабари манбаъ, ҳодисаи мазкур рӯзи 8 октябри соли равон, тахминан соати 19:00 дақиқаи ба вақти маҳаллӣ рух додаст.

Гуфта мешавад, номбурда автобусҳои № 40 бо 40-45 мусофир, №45 бо 120 мусофир ва № 33 бо 60-70 мусофир ҳадафи ҳамла қарор дода, тирборон намудаст.

Ҷузъиёти бархӯрди қатора ба автобус бо 67 мусофир дар Қазоқистон - видео

Зимнан кормандони милитсия аснои аз назар гузаронидани дохили автобусҳо муайян намуданд, ки ҳамлагар аз силоҳи пневматикӣ истифода бурдаст.

Феълан алайҳи ҳодисаи мазкур тибқи моддаи 293 қисми 3 банди 2 (авбошӣ) парвандаи ҷиноятӣ оғоз ёфтаст, ки аз 3 то 7 соли маҳрумият аз озодиро дар бар мегирад.

182
Барчаспҳо:
тирборон, автобус, Қазоқистон

Афзоиши рекордии гирифторони COVID - 19 дар Ӯзбекистон

414
(Таҷдидшуда 14:54 12.07.2020)
Рӯзи панҷум мешавад, ки дар Ӯзбекистон шумораи рекордии сироятшудагон ба бемории коронавируси навъи COVID - 19 сабт мешавад

ДУШАНБЕ, 12 июл – Sputnik. Дар Ӯзбекистон шумораи рекордии гирифторони вабои аср ба қайд гирифта шуд, хабар медиҳад Вазорати беҳдошти ин кишвар.

Бар пояи омори ин ниҳод дар давоми 24 соати гузашта дар ҳудуди Ӯзбекистон 500 ҳолати нави гирифторӣ ба коронавруси навъи COVID - 19 ба қайд гирифта шуд. Шумораи умумии беморон аз 12,7 ҳазор кас бештар шуд.

"То 12 июли соли равон дар ҳудуди Ӯзбекистон 12 706 кас аз бемории коронавирус сироят шудааст", - омадааст дар хабарнома.

Қайд мешавад, ки давоми панҷ рӯзи охир теъдоди гирифторони ин маризӣ дар ҳоли афзоиш аст: 11 июл 483 ҳолат, 10 июл - 464, 9 июл - 421, ва 8 июл – 379.

Тибқи иттилои манбаъ, шумораи умумии шифоёфтагон дар Ӯзбекистон  7,7 ҳазор нафарро ташкил медиҳад. Дар ҳоли ҳозир 4,9 ҳазор маризи COVID-19 таҳти назорати пизишкон қарор доранд.

Духтурон мегӯянд, ҳоли 45 шаҳрванд вазнин буда, авзоъи боз ҳафт бемори дигар ваҳим арзёбӣ мешавад.

Дар баробари ин дар давоми шабонарӯзи гузашта дар Ӯзбекистон се нафар аз коронавирус фавтид.

Дар умум аз рӯзи аввали сабти ин беморӣ дар қарамрави Ӯзбекистон то кунун 58 нафар қурбони ин вабо шудааст.

 

Дар Ӯзбекистон дар робита ба дубора авҷ гирифтани бемории коронавирус то 1 август ҳаракати нақлиёт манъ карда шуда, барои ашхоси аз 65-сола боло ҳамарӯза ва барои дигар қисми аҳолӣ рӯзҳои истироҳат қарантина эълон шудааст.

414
Барчаспҳо:
афзоиш, гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
 Президент Туркменистана Гурбангулы Бердымухамедов

Президент дастур дод: доруи зидди вируси коронаро аз Русия харед

1002
(Таҷдидшуда 01:50 12.07.2020)
Мақооти Туркманистон эълон кардааст, ки доруи зидди коронавирусро аз Русия харидоӣ хоҳад кард

ДУШАНБЕ, 12 июл – Sputnik.  Қурбонгулӣ Бердимуҳаммадов, раисҷумҳури Туркманистон ба Вазорати беҳдошти ин кишвар дастур дод, ки доруи зидди коронавирусро аз Русия харидорӣ кунад, иттилоъ додааст хабаргузории “Форс”.

Тибқи ииттилои манбаъ, Вазорати беҳдошт ва саноати пизишкии Туркманистон бояд доруҳои зиддивирусии мавриди ниёзи тавлиди Русияро харидорӣ кунад.

Тибқи ин фармони раисҷумҳур, маркази мудирияти дорухонаҳои Вазорати беҳдошти Туркманистон ин масъулиятро бар ӯҳда гирифтааст.

Бояд гуфт, ки дар ҳоли ҳозир саноати пизишкии Русия тавониста 2 доруи муассири зидди коронавирусро тавлид кунад.

Ахиран Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус ба Туркманистон мераванд.

Гуфта мешавад ин муддат, намояндагони СҶБ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст.

1002
Барчаспҳо:
Русия, вирус, дору, Раисҷумҳур, Қурбонгулӣ Бердимуҳаммедов, Туркманистон
Жители Тегерана идут по одной из центральных улиц в медицинских масках

Охирон омори коронавирус дар Эрон: фавти 194 нафар дар як рӯз

0
(Таҷдидшуда 17:44 12.07.2020)
Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

ДУШАНБЕ, 12 июл — Sputnik. Сухангӯи Вазорати дармон, омӯзиш ва пизишкии Эрон аз шиносоии беш аз 2000 бемори ҷадиди мубтало ба коронавирус ва беҳбудии ҳудуди 220 000 нафар дар кишвар хабар дод.

Симо Содоти Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи якшанбе дар бораи охирин омори мубталоён ба коронавирус дар кишвар эълом кард.

Бар асоси меъёрҳои қатъии ташхисӣ, дар 24 соати гузашта, 2 186 бемори ҷадиди мубтало ба коронавирус дар Эрон шиносоӣ шуд, ки 1 499 маврид бистарӣ в шуданд ва ба бақия низ ба сурати сарпоӣ хадамоте ироа шуд.

Рӯҳонӣ: Эрон ба ғайр аз ду кишвар бо ҳамсоягони худ равобити хуб дорад

Лорӣ бо баёни ин, ки маҷмӯи беморони коронавирус дар Эрон ба 257 303 нафар расидаст, афзуд: Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

 

0