Дар марз, акс аз бойгонӣ

Протокол имзо шуд: Тоҷикистону Узбакистон масъалаи марзро баррасӣ карданд

411
(Таҷдидшуда 13:52 29.10.2019)
Вазорати умури хориҷии Тоҷикистон мегӯяд, гуфтушунид бо мақомоти кишвари ҳамсоя дар масоили марзӣ дар фазои дӯстию ҳамдигарфаҳмӣ баргузор гардид

ДУШАНБЕ, 29 окт — Sputnik. ВУХ Тоҷикистон бо нашри як иттилоия гуфт, мулоқоти навбатӣ бо ҳайати Узбакистон дар масоили аломатгузории марз рӯзҳои 24 – 27 октябр дар шаҳри Душанбе баргузор шуд.

"Зимни гуфтушунид лоиҳаи санадҳои ҳуқуқӣ ва техникии аломатгузории марзи Тоҷикистону Узбакистон мувофиқа шуда, ҳамчунин барномаи мулоқотҳо дар масоили марз барои соли 2020-ум ба тасвиб расид", - омадааст дар иттилоия.

Созиш шудааст, ки лоиҳаҳо барои тасвиб ба Комиссияи муштарак оид ба аломатгузории марз пешниҳод хоҳанд шуд.

Ноамнӣ дар марз: ин навбат сокинони қирғиз бо низомиёни узбак вориди даргирӣ шуданд

Дар пайи гуфтушунид Азизмамад Каримзода, ноиби раиси Кумитаи идораи замин ва геодезии Тоҷикистон ҳамроҳ бо Тулқин Абдуллоев, ноиби раиси Кумитаи давлатии захоири замин, геодезия ва картографияи Узбакистон суратҷаласаи мулоқотро имзо кардааст.

Марзи Туркманистон ҳамоно барои мошинҳои Тоҷикистон баста аст

ВУХ Тоҷикистон фазои дӯстии ин мулоқотро махсусан таъкид карда, афзудааст, ки нахустин ҷаласаи Комиссияи муштараки аломатгузории марз дар қаламрави Узбакистон баргузор хоҳад шуд.

411
Барчаспҳо:
қарордоди марзӣ, марзӣ, имзо, Узбакистон, Тоҷикистон, протоколи марзӣ