В Нарынском районе состоялось собрание актива

“Ман сагбача нестам”: имтиҳони сангине барои ҳукумати Мирзиёев

2989
(Таҷдидшуда 10:01 19.11.2019)
Kun.uz як пойгоҳи иттилоотии Узбакистон эълон кард, ки сӯитафоҳум бо ҳокими шаҳри Тошканд Ҷаҳонгир Ортиқхӯҷаев бо ҳусни тафоҳум поён ёфт.

ДУШАНБЕ, 19 ноя — Sputnik. Ду хабарнигори сомона, ки аз сӯи мири шаҳр таҳқир шуда буданд, аз кор рафтанд.

“Ман сагбача нестам” – навишт ҳар яке. Дар Тошканд чӣ иттифоқ афтод? Оё ҳукумати Шавкат Мирзиёев аз ин буҳрон ва ё имтиҳони озодии баён гузашт? 16 ноябр дар шабакаҳои интернетӣ сабти овозие пахш шуд, ки дар он ҳокими шаҳри Тошканд – пойтахти Узбакистон журналистонро таҳқир ва таҳдид ба марг мекунад.

Ӯ онҳоро “маҳлуқи пасттарин”, “бачаи саг”, “ифлос”, “қашшоқ”, “хурӯс” ва ғайра номида, таҳдид мекунад, ки агар хоҳад касе бо онҳо дар маҳалла ҳарф намезанад, волидайнашон сар боло карда наметавонанд, аз онҳо “гей” месозад ва ҳатто онҳоро нобуд хоҳад кард. “Агар ду – се рӯз аз хона ғайб занад, касе суроғаш намекунад.

Ин ҷову он ҷо менависанд, як ҳафта баъд фаромӯш мекунанд. Куҷое ғарқ шуда рафт, мегӯянд. Тамом! Ҳаёт чунин аст!” Аммо дар Узбакистон дигар ҳаёт чунин нест. Ин сабт ҷомиаи шаҳрвандӣ ва мақомоти ин кишварро ба по хезонд.

Расонаҳо ва аҳзоби сиёсӣ бархӯрди ҳокими Тошкандро хилофи сиёсати президент Шавкат Мирзиёев арзёбӣ карда, ин суолро матраҳ намуданд, ки ҳоло кӣ душмани сиёсати имрӯза аст – журналистон ё Ортиқхӯҷаев? Блогере ба номи Bakiroo чунин навишт: “Ҳокимият одамро вайрон мекунад. Ҳокимияти беандоза одамро беандоза вайрон мекунад”.

Қазия дар Твиттер, Фейсбук, Инстаграм ва Телеграм хештегҳоеро, назири #бизитниболасиэмасмиз (мо сагбача нестем), #журналиститниболасиэмас (рӯзноманигор бачаи саг нест), истеъфо ва ғайраро ба вуҷуд овард.

Ва он қадар доғ шуд, ки раҳбари маркази матбуоти ҳукумати шаҳри Тошканд дар сафҳаи Фейсбуки худ чунин нигошт: “Ба рӯзноманигороне, ки сабти ғайриқонунии кадом як номард, аблаҳро, ки ҳанӯз шарҳ дода ва “паҳнкунандагон” – и он пайдо нашудааст, дар сомонаи худ ҷой медиҳанд, чӣ метавонем бигӯем?” Ин баҳс дар шабакаҳои иҷтимоии интернети Узбакистон ба таври густарда баррасӣ шуд ва ҷонибдорону мухолифини худро дошт.

 Яке ҳокимро мазаммат мекард, дигарӣ рӯзноманигоронро. Аммо паллаи мунтақидони ҳокими Тошканд дар ин тарозуи баҳсҳо то охир вазнинӣ кард.

Аҳзоби сиёсии Узбакистон низ канорагирӣ накарданд. Ҳизби сотсиал – демократии “Адолат” ин суханони Ортиқхӯҷаевро хилофи усули ҷомеае арзёбӣ кард, ки “дар он ҳуқуқҳои инсон устуворанд”.

Ҳатто Ҳизби ҳокими халқӣ – демократии Узбакистон таҳдиди ҳокими Тошкандро “беҳурматӣ ба халқу давлат” арзёбӣ кард. Дар ин миён аҳзобе, назири “Миллий тикланиш” аз изҳори назар дар баробари ин қазия ба ин далел, ки “шарҳи ин мавзӯъ ба Ҷаҳонгир Ортиқхӯҷаев ва муаллифи хабар марбут аст», худдорӣ карданд.

Агентии иттилоот ва робита бо ҷомеаи дастгоҳи президенти Узбакистон дар оғоз расман эълом дошт, ки қазияро тариқи Иттиҳодияи эҷодии рӯзноманигорони Узбакистон пайгирӣ хоҳад кард.

 Аммо пас аз доғ шудани мавзӯъ дар шабакаҳои иҷтимоӣ рӯзи 17 ноябр зимни як иттилоияи расмӣ эълом дошт, ки барои таҳқиқи қазия ба вазорати адлия ва Сарпрокуратураи Узбакистон хаттӣ муроҷиат кардааст ва мунтазири таҳқиқи ин ниҳодҳо хоҳад шуд.

 “Бовар дорем, ниҳодҳои масъули таъмини устувории қонун ва ҳифзи ҳуқуқи мардуми кишвар ба ин масъала баҳои зарурии ҳуқуқӣ хоҳанд дод. Аз рӯзноманигорон ва блогерҳоямон хоҳиш мекунем, ки то додани баҳои ҳуқуқӣ ба вазъият ба ҳиссиётҳо дода нашаванд ва хулосаҳои саросемавор набароранд”, - омадааст дар иттилоияи Агентии иттилоот ва робита бо ҷомеаи дастгоҳи президенти Узбакистон.

Сарпрокуратураи Узбакистон низ дар сафҳаи “Телеграм” – и худ хабар дод: “...сабти 16 ноябри соли 2019 нашршуда дар интернет ва шабакаҳои иҷтимоӣ, ки таъкид мешавад ба ҳокими шаҳри Тошканд Ҷаҳонгир Ортиқхӯҷаев мансуб аст, аз рӯи ҳолатҳои ҳақиқӣ будан ё набудан, кай, дар куҷо ва дар кадом ҳолат рух додани ҳодиса омӯхта мешавад”.

Кор ба ин ҷо кашид, ки ҳатто ҳукумати шаҳри Тошканд дар сафҳаи “Телеграм” – и худ навишт: “Сабте, ки ба сифати овози ҳокими шаҳри Тошканд дар васоити ахбори умум ва шабакаҳои иҷтимоӣ 16 ноябри соли равон пахш шуд, сабаби муҳокимаҳо шудааст.

Дар робита ба рӯшанӣ андохтан ва ҳаматарафа омӯхтани он аз ҷумлаи идораҳои зирабт гурӯҳи корӣ ташкил карда шуд” Ҳам Сарпрокуратура ва ҳам ҳукумати шаҳри Тошканд ваъда супурданд, ки натиҷаҳои таҳқиқро эълон хоҳанд кард. Дар ҳамин ҳол, бегоҳи рӯзи 17 ноябр сомонаи “Кун.уз” хабар дод, ки кормандонаш бо ҳокими шаҳри Тошканд як мулоқот анҷом дода, сӯитафоҳумҳои онҳо аз миён рафт ва ҷонибҳо ба як ҳусни тафоҳум расиданд. Ин расона навишт, ки намехоҳанд аз қазияи пешомада нерӯҳои дигар истифодаи сӯ кунанд.

Ба назар мерасид, ки ихтилофи ҳокими Тошканд ва рӯзноманигорони “Кун.уз” фурӯкаш мешавад. Аммо пас аз зӯҳри 18 ноябр Баҳодур Аҳмадов ва Зафарбек Солиҷонов, хабарнигорони “Кун.уз”, ки аз сӯи ҳокими Тошканд таҳқиру тавҳин шуда буданд, аз тарки кор дар ин нашрия хабар доданд. Ҳар яке аз онҳо навишт: “Ман саг нестам ва “последний твар” (махлуқи пасттарин) ҳам нестам”.

Зафар Солиҷонов дар сафҳаи “Телеграм” –и худ ба ҳокими Тошканд гуфтааст: “Ғурурам аз падарам мерос мондааст. Он аз ҳама чиз болост. Ҳаққи поймол кардани онро надоред.

Аммо як нуктаро бояд фаҳмед: дар ин ҷанг касе пирӯз намеояд. Бахусус, шумо".

Баҳодур Аҳмедов низ дар сафҳаи “Телеграм” – и худ навишт: “Шумо пирӯз наомадаед, имиҷи давлатро барбод доданатонро фикр кунед”. Оё бо ин баҳси ҳокими Тошканд ва рӯзноманигорон ба анҷом мерасад? Мақомоти ҳифзи ҳуқуқ тафтиши худро ба анҷом нарасондаанд.

Агар расонанд ҳам, кӣ ба додгоҳ меравад – ҳокими Тошканд ё рӯзноманигорон? Замони Ислом Каримови сахтгир нест. Замони таҳаввулоти демократии Шавкат Мирзиёев аст. Маъмурияти ӯ ваъдаи расонидани ҳақ ба ҳақдорро додааст, аммо ҳоло ки миёни ду тараф сулҳ афтодааст, ин рафтори корманди ҳукумати худро чӣ гуна таъриф хоҳад кард? Офтобро ку ба доман пӯшидан натавон... Анҷоми ин қазия парда аз рӯи воқеиятҳои аслии Узбакистон хоҳад бардошт ва воқеан, як имтиҳони сангини озодии баён барои ҳукумати Шавкат Мирзиёев аст.

2989
Барчаспҳо:
Ҳукумат, Тошканд, ҳокими собиқ, муҳокима, пойгоҳ, Узбакистон

Афзоиши рекордии гирифторони COVID - 19 дар Ӯзбекистон

287
(Таҷдидшуда 14:54 12.07.2020)
Рӯзи панҷум мешавад, ки дар Ӯзбекистон шумораи рекордии сироятшудагон ба бемории коронавируси навъи COVID - 19 сабт мешавад

ДУШАНБЕ, 12 июл – Sputnik. Дар Ӯзбекистон шумораи рекордии гирифторони вабои аср ба қайд гирифта шуд, хабар медиҳад Вазорати беҳдошти ин кишвар.

Бар пояи омори ин ниҳод дар давоми 24 соати гузашта дар ҳудуди Ӯзбекистон 500 ҳолати нави гирифторӣ ба коронавруси навъи COVID - 19 ба қайд гирифта шуд. Шумораи умумии беморон аз 12,7 ҳазор кас бештар шуд.

"То 12 июли соли равон дар ҳудуди Ӯзбекистон 12 706 кас аз бемории коронавирус сироят шудааст", - омадааст дар хабарнома.

Қайд мешавад, ки давоми панҷ рӯзи охир теъдоди гирифторони ин маризӣ дар ҳоли афзоиш аст: 11 июл 483 ҳолат, 10 июл - 464, 9 июл - 421, ва 8 июл – 379.

Тибқи иттилои манбаъ, шумораи умумии шифоёфтагон дар Ӯзбекистон  7,7 ҳазор нафарро ташкил медиҳад. Дар ҳоли ҳозир 4,9 ҳазор маризи COVID-19 таҳти назорати пизишкон қарор доранд.

Духтурон мегӯянд, ҳоли 45 шаҳрванд вазнин буда, авзоъи боз ҳафт бемори дигар ваҳим арзёбӣ мешавад.

Дар баробари ин дар давоми шабонарӯзи гузашта дар Ӯзбекистон се нафар аз коронавирус фавтид.

Дар умум аз рӯзи аввали сабти ин беморӣ дар қарамрави Ӯзбекистон то кунун 58 нафар қурбони ин вабо шудааст.

 

Дар Ӯзбекистон дар робита ба дубора авҷ гирифтани бемории коронавирус то 1 август ҳаракати нақлиёт манъ карда шуда, барои ашхоси аз 65-сола боло ҳамарӯза ва барои дигар қисми аҳолӣ рӯзҳои истироҳат қарантина эълон шудааст.

287
Барчаспҳо:
афзоиш, гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
 Президент Туркменистана Гурбангулы Бердымухамедов

Президент дастур дод: доруи зидди вируси коронаро аз Русия харед

950
(Таҷдидшуда 01:50 12.07.2020)
Мақооти Туркманистон эълон кардааст, ки доруи зидди коронавирусро аз Русия харидоӣ хоҳад кард

ДУШАНБЕ, 12 июл – Sputnik.  Қурбонгулӣ Бердимуҳаммадов, раисҷумҳури Туркманистон ба Вазорати беҳдошти ин кишвар дастур дод, ки доруи зидди коронавирусро аз Русия харидорӣ кунад, иттилоъ додааст хабаргузории “Форс”.

Тибқи ииттилои манбаъ, Вазорати беҳдошт ва саноати пизишкии Туркманистон бояд доруҳои зиддивирусии мавриди ниёзи тавлиди Русияро харидорӣ кунад.

Тибқи ин фармони раисҷумҳур, маркази мудирияти дорухонаҳои Вазорати беҳдошти Туркманистон ин масъулиятро бар ӯҳда гирифтааст.

Бояд гуфт, ки дар ҳоли ҳозир саноати пизишкии Русия тавониста 2 доруи муассири зидди коронавирусро тавлид кунад.

Ахиран Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус ба Туркманистон мераванд.

Гуфта мешавад ин муддат, намояндагони СҶБ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст.

950
Барчаспҳо:
Русия, вирус, дору, Раисҷумҳур, Қурбонгулӣ Бердимуҳаммедов, Туркманистон
Доналд Трамп бо ниқоб

Трамп нахустин бор дар замони COVID - 19 ниқоб пӯшид

20
(Таҷдидшуда 15:58 12.07.2020)
Раисиҷумҳури Амрико Доналд Трамп зимни боздид аз маркази ҳарбӣ-тандурустӣ ниқоби тиббӣ пӯшид. Аз як тарафи ниқоб муҳри тиллоии президентӣ дарҷ гардидааст

ДУШАНБЕ, 12 июл – Sputnik. Президенти ИМА Доналд Трамп нахустин бор дар ҷои умумӣ бо ниқоби тиббӣ пайдо шуд, хабар медиҳад нашриёти СBC.

Раисиҷумҳури Амрико Доналд Трамп зимни боздид аз шифохонаи ба номи Walter Reed дар наздикии Вашингтон ниқоби тиббӣ пӯшид. Раисиҷумҳур бо низомиёни захмишуда ва пизишконе, ки парастории беморони корононавирусро бар ӯҳда доранд, дидору мулоқот кард.

Трамп ниқоби рангаш кабуди баланд пӯшидааст. Аз як тарафи ниқоб муҳри тиллоии президентӣ дарҷ гардидааст. Қайд мешавад, ҳайтае, ки президентро дар ин сафар ҳамроҳӣ мекард, низ ниқоб пӯшида буданд.

Амрикоиҳо Трампро раисҷумҳури заиф донистанд

"Ман фикр мекунам ин кори хуб аст - пӯшидани ниқоб. Ман ҳеҷ гоҳ мухолифи пӯшидани ниқоб набудам, вале ҳамаи чиз макон ва замони худро дорад". - гуфт Трамп дар суҳбат бо рӯзноманигорон Доналд Трамп.

То ин дам Доналд Трамп дар ҷое ҳам бо ниқоби тиббӣ пайдо нашуда буд, аммо гуфта буд, ки мумкин ниқоб ба ӯ зебанда бошад.

Бар пояи омори Донишгоҳи Ҷон Ҳопкинс, дар Иёлоти Муттаҳидаи Амрико то имрӯз беш аз 3 миллиону 240 ҳазор кас ба коронавируси нав мубтало шудаанд.

20
Барчаспҳо:
ниқоби сиёҳ, ИМА, Доналд Трамп
Мавзуҳо:
Пайомадҳои COVID-19 дар Тоҷикистон ва ҷаҳон