Путин озими Қирғизистон шуд: барои пешвози ӯ Жээнбеков омад - акс

314
(Таҷдидшуда 12:34 28.11.2019)
Имрӯз мулоқоти дуҷонибаи раисҷумҳурони Русия Владимир Путин ва Сооронбой Жээнбеков дар доираи ҳамоиши СААД баргузор мешавад

ДУШАНБЕ, 28 ноя — Sputnik. Раисҷумҳури Русия Владимир Путин озими Ҷумҳурии Қирғизистон гардид, хабар медиҳад котиботи раисҷумҳури ин кишвар. Дар фурудгоҳи байналмилалии "Манас"  раисҷумҳури Русияро худи  Сооронбой Жээнбеков пешвоз гирифт.

  • Владимир Путин озими Қирғизистон шуд
    акс аз дафтари матбуоти раисҷумҳури Қирғизистон
  • Владимир Путин озими Қирғизистон шуд
    акс аз дафтари матбуоти раисҷумҳури Қирғизистон
  • Владимир Путин озими Қирғизистон шуд
    акс аз саҳифаи раисҷумҳури Қирғизистон
1 / 3
акс аз дафтари матбуоти раисҷумҳури Қирғизистон
Владимир Путин озими Қирғизистон шуд

Владимир Путин дар ҷаласаи навбатии Шӯрои амнияти дастаҷамъии Созмони Аҳдномаи Амнияти Дастаҷамъӣ ширкат хоҳад кард.

Ҳамчунин дар доираи ин нишаст мулоқоти дуҷонибаи сарони Қирғизистон ва Русия дар назар аст.

Ёдовар мешавем, ки раисҷумҳури Тоҷикистон Эмомалӣ Раҳмон низ бегоҳи рӯзи 27 - уми ноябр  ба хотири иштирок дар иҷлосияи  навбатии Шӯрои амнияти дастаҷамъии СААД озими Қирғизистон шуд ва аллакай бо раисҷумҳури ин кишвар Сооронбой Жээнбеков  дидору мулоқот гузаронд.

Раҳмонро дар фурудгоҳи Манас бо орзуқ пешвоз гирифтанд

Гуфта мешавад, дар рафти вохӯрӣ татбиқи тавофуқоти дуҷониба оид ба масъалаҳои марбут ба сарҳади давлатии байни ду кишвар муҳокима гардид.

Зимнан, раисиҷумҳури Тоҷикистон, баъди мулоқоти сарони кишварҳои узви Созмони аҳдномаи амнияти дастаҷамъӣ дар Бишкек озими шаҳри Тошканд хоҳад шуд.

314
Барчаспҳо:
Сооронбой Жээнбеков, Қирғизистон, Владимир Путин