Мужчины с портфелем в руке. Архивное фото

Хоҷаев узви Шӯрои таҳлилгарони ёдгориҳои фарҳангии ИДМ интихоб гардид

149
(Таҷдидшуда 18:10 06.12.2019)
Намояндаи Тоҷикистон Шералӣ Хоҷаев сардори шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон узви ин Шӯрои таҳлилгарони ёдгориҳои мероси манқул ва ғайриманқули таърихию фарҳангӣ ва табиии ИДМ

ДУШАНБЕ, 7 дек - Sputnik. Дар шаҳри Маскав Конгресси байналмилалӣ зери унвони "Мероси умумиҷаҳонии давлатҳои ИДМ: фарҳанги моддӣ ҳамчун манбаи тараққиёт, тақвияти ҳамкорӣ ва гуфтушунид" баргузор гардид.

Тавре Вазорати фарҳанги Тоҷикистон хабар медиҳад, ҳамоиш бо ташаббуси Вазорати фарҳанги Русия ва Пажӯҳишгоҳи илмӣ – тадқиқотии фарҳангӣ ва осори табиии ба номи Д.Лихачев доир гардидааст.

Мулоқоти Қоҳир Расулзода, сарвазири Тоҷикистон бо Одри Азуле, мудири кулли ЮНЕСКО дар Ню-Йорк
сомонаи Вазорати умури хориҷии Тоҷикистон

Дар Конгресси мазкур намояндагон аз Тоҷикистон, Қазоқистон, Озарбойҷон, Арманистон, Беларус, Молдова, Русия ва Дафтари ЮНЕСКО дар Русия ширкат доштанд.

Тоҷикистонро дар конгресс сардори шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон Шералӣ Хоҷаев намояндагӣ намудааст.

Бино ба иттилои манбаъ, зимни Конгресси мазкур ҷаласаи интихобӣ гузаронида шуда, аъзои Шӯрои таҳлилгарони ёдгориҳои мероси манқул ва ғайриманқули таърихию фарҳангӣ ва табиии ИДМ интихоб гардидаанд.

"Аз миёни иштироккунандагони узви ИДМ намояндаи Тоҷикистон - сардори шуъбаи ҳифз ва истифодаи мероси таърихию фарҳангии Вазорати фарҳанги ҷумҳурӣ Шералӣ Хоҷаев узви ин Шӯро интихоб гардид", - омадааст дар хабарнома.
Хоҷаев Шералӣ избран членом Совета аналитиков по наследию и культурным, природным памятникам государств СНГ
Хоҷаев Шералӣ избран членом Совета аналитиков по наследию и культурным, природным памятникам государств СНГ

Ба андешаи иштирокдорон, дар Тоҷикистон 3413 адад ёдгории таърихию фарҳангӣ мавҷуд буда, аз аслият ва қадимияти миллати куҳанбунёди тоҷик шаҳодат медиҳанд.

Ҳамчунин дар идомаи кори Конгресс мизи мудаввар оид ба «Ҳамкории байналмилалӣ бо давлатҳои ИДМ дар самти ҳифзи мероси таърихию фарҳангӣ ва табиӣ» баргузор гардид.

Сардори шуъбаи ҳифз ва истифодаи мероси таърихию фарҳангии Вазорати фарҳанг Шералӣ Хоҷаев доир ба масъалаи зикргардида ҷиҳати ҳифзу нигоҳдошт ва оммавигардонии ёдгориҳои таърихию фарҳангӣ ва табиӣ дар давраи соҳибистиқлолии мамлакат, инчунин ҷиҳати таҷлили ҷашни 5500-солагии Саразми бостонӣ, ки тибқи дастури Эмомалӣ Раҳмон дар соли 2020 пешбинӣ гардидаанд ва шуҳрати давлатамонро дар ҷаҳон афзун менамояд, маърӯза пешниҳод намудааст.

149
Барчаспҳо:
ИДМ, интихоб, узв

Кобул шикаста шудани бунбасти музокироти сулҳро рад кард

88
(Таҷдидшуда 10:17 27.11.2020)
Мақомоти Афғонистон эълом кард, ки гузоришҳо дар бораи шикаста шудани бунбаст дар музокироти сулҳ дар Давҳа, ҳақиқат надорад ва музокироти Давҳа пешрафт накардааст

ДУШАНБЕ, 27 ноя – Sputnik. Сиддиқ Сиддиқӣ, сухангӯи раисҷумҳури Афғонистон ахиран дар як нишасти хабарӣ дар Кобул афзудааст, ки далели бунбасти музокироти Давҳа, баҳонаҷӯиҳои Толибон аст, иттилоъ додааст хабаргузории “Парстудей”.

“Толибон хостаҳои хилофи қонунро матраҳ мекунанд, ки на раисиҷумҳур, на ҳукумат ва на мардуми Афғонистон онро мепазиранд”, - гуфт Сиддиқӣ.

Пеш аз ин бархе манобеъ эълом карда буданд, ки бунбаст дар музокирот миёни ҳайатҳои Ҷумҳурии Исломии Афғонистон ва Толибон дар Давҳа шикастааст ва тарафҳо ба тавофуқҳое даст ёфтаанд.

Абдуллоҳ Абдуллоҳ: музокироти сулҳи Афғонистон ба кундӣ пеш меравад

Музокироти сулҳи байналафғонӣ 12 сентябри 2020 дар Давҳа оғоз шуд, аммо токунун ду тараф рӯи дастури кори музокирот низ ба тавофуқ нарасидаанд.

88
Барчаспҳо:
музокирот, сулҳ, шикаст, мақомот, Афғонистон
Микрофон, архивное фото

Интишори албоми сурудҳои ошиқона бар ашъори Камоли Хуҷандӣ дар Теҳрон

125
(Таҷдидшуда 14:24 26.11.2020)
Ба муносибати 700 - солагии Камоли Хуҷандӣ – шоири маъруфи ғазалсарои тоҷик Муассисаи фарҳангии ЭКО дар ҳамкорӣ бо Сафорати Ҷумҳурии Тоҷикистон дар Эрон лавҳи фишурда (CD) - и сурудҳо бар ашъори Камоли Хуҷандиро мунташир кард

ДУШАНБЕ, 26 ноя — Sputnik.  Бино бар иттилои хабаргузории “Парстудей” дар истинод ба пойгоҳи итилоърасонии Муассисаи фарҳангии ЭКО, дар ин албоми навоҳову сурудҳои устодони мусиқии тоҷик ҳамчун Боймуҳаммад Ниёзов, Ҷӯра‎бек Муродов, Абдуллоҳ Султон, Муродбек Насриддин, Ҷӯра‎бек Набиев, Ҷамшед Эргашов, Абдувалӣ Ҷалолов, Баҳрулло Абдуллоев, Маҳмадулло Қурбон, Маҳмадсаид Аҳмадов, Субҳони Саид ва Ғуломҷон Мирдадоев ба сурати савтӣ фароҳам омадаанд.

Ёдовар мешавем Муассисаи фарҳангии ЭКО ба ифтихори ҷашни 700- солагии Хоҷа Камол чанде пеш китобҳои "Рӯзгор ва осори Камоли Хуҷандӣ", асари доктор Бадриддин Мақсудзода ва "Чиҳил дарси Камол" - 40 мухаммаси Сурайё Ҳасансултон - шоири тоҷик бар ғазалиёти Камолро бо хати форсӣ чоп намуд.

Нашри 50 ашъори Камоли Хуҷандӣ ба забони олмонӣ

Камоли Хуҷандӣ, шоири баландовозаи форсизабони тоҷикистонӣ, ки бо ғазалҳои шӯрангезаш шуҳраи офоқ аст, дар Хуҷанд мутаваллид ва дар Табрез ба хок супурда шудааст.

125
Барчаспҳо:
Теҳрон, суруд, Тоҷикистон, сафорат, "Маркази илмии Камоли Хуҷандӣ, Эрон
Мужчина совершает молитву на кладбище

Даргузашти Гев Лоҳутӣ - писари Абулқосим Лоҳутӣ дар Маскав

668
(Таҷдидшуда 21:37 27.11.2020)
Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав аст

ДУШАНБЕ, 27 ноя — Sputnik. Гев Лоҳутӣ - писари Абулқосим Лоҳутӣ даргузашт, хабар медиҳад рӯзномаи "Тоҷикистон" дар истинод ба Феликс Лоҳутӣ, писари Гев.

Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав буд.

Аз Абулқосим Лоҳутӣ ва Ситсилия –Бону чор фарзанд – Далер, Гев, Ҳотия ва Лайло тавлид шудаанд, ки як умр дар Маскав зистанд.

Гев Лоҳутӣ солҳои охир бемор буд ва дар садади навиштани китоби ёддоштҳо дар бораи падараш ба бемористон интиқол ёфт.

Гев, ки соли равон 83- сола шуд, нигаҳдорандаи бойгонии падар буд. Лайло Лоҳутӣ дар як суҳбат гуфта буд, ки сурудҳои дар асоси эҷодиёти падараш эҷодшуда дар хонаи Гев нигаҳдорӣ мешавад ва онҳо ҳар вақт онро мешунаванд.

Дар меҳмонии Лоҳутӣ ва Н. Махсум: сирҳои нуҳуфтаи тоҷикон аз “Хонаи назди соҳил”-и Маскав

Фелекс қаблан хабар дода буд, ки "Чанде пеш падарам баъзе матлабҳои солҳои пеш дар бораи бобоям дар рӯзномаҳо чоп кардаашро ҷамъ овард ва аз ман хост, ки аз онҳо нусха бигирам. Ӯ мехост, ки онҳоро дар китобе гирдиҳам оварад ва дар саҳифааш дар Фейсбук ҷой диҳад".

668