Президент Республики Узбекистан Шавкат Мирзиёев на саммите ШОС в Китае

“Оинаи ҷомиа”: сипосгузории Мирзиёев аз ВАО-и Узбакистон

203
(Таҷдидшуда 11:46 10.12.2019)
Раисҷумҳури Узбакистон гуфт, ислоҳоти ӯ васоити ахбори Узбакистонро мустақилтар ва онро ба як “нерӯи воқеӣ” табдил кардааст

ДУШАНБЕ, 10 дек - Sputnik. Шавкат Мирзиёев ин эътирофотро дар суханронии худ бахшида ба 27 – солгарди қабули Қонуни асосӣ (конститутсия) – и Узбакистон ба забон овард.

Вай гуфт, озодии баён яке аз василаҳои расидан ба волоияти қонун аст ва ВАО бояд “оинаи ҷомиа” дар раванди риояи қонуният бошанд.

Вай афзуд, тайи се соли ахир дар Узбакистон ислоҳоте роҳандозӣ шудааст, ки ба озодсозӣ ё либерализатсияи ВАО нигаронида шудааст.

“Худи ҳозир матбуот ва шабакаҳои иҷтимоӣ ба як нерӯи боризи ҷамъиятӣ табдил ёфтаанд. Онҳо василаи назорат аз фаъолиятҳои кормандони давлатиянд”, - афзуд Шавкат Мирзиёев.

Раисҷумҳур мегӯяд, озодии баён дар ин баён мешавад, ки рӯзноманигорон ҷасурона мавзӯъоти аҳамияти ҷамъиятӣ доштаро матраҳ мекунанд ва матолиби пурсарусадоро ба нашр мерасонанд.

“Ташаккури зиёд ба васоити ахбори умум ва блогерҳо. Гапҳои зиёде дар Узбакистон озод гуфта мешаванд, ҳама инро мебинад. Аммо як нуктаро бояд бидонед, ин ошкорбаёнӣ ҳеҷ гоҳ ба қафо барнамегардад! Ҳар қадар ошкорбаёнӣ бештар шавад, васоити ахбори умум ба мардуми мо мушкилоти аслиро ҳар қадар бештар расонанд, ман минҳайси раҳбар аз онҳо миннатдор мешавам. Танқид, албатта, зарур аст. Ҳоло танқид ҳам шуда истодааст, хулоса ҳам. Аммо ҳамаи мо дар ҷустуҷӯ ва омӯзишем. Узбакистони навинро месозем, китф ба китфи ҳам гузошта, халқамонро бояд розӣ кунем. Бори дигар такрор мекунам, ҳама бояд донанд: дар Узбакистон ба ҳеҷ гуна фишор алайҳи ҳаққу ҳуқуқҳои намояндагони назорати ҷамъиятӣ ва васоити ахбори умум роҳ дода намешавад”, - гуфт раисҷумҳури Узбакистон.

Шавкат Мирзиёев ҳамчунин афзуд, мақомоти давлатии Узбакистон, тибқи урфи як ҷомиаи демократӣ, хадамоти матбуотии худро барои ба таври оҷил огоҳ кардани мардуми кишвар аз фаъолиятҳои худ таъсис додаанд ва иртиботашонро бо онҳо дар шабакаҳои иҷтимоӣ низ ба роҳ мондаанд.

 Таъкиди Шавкат Мирзиёев бар бебозгаштии раванди озодии баён дар кишвараш дар пайи бархӯрди рӯзноманигорони kun.uz, як пойгоҳи иттилоотӣ бо ҳокими шаҳри Тошканд Ҷаҳонгир Ортиқхӯҷаев садо медиҳад, ки чанде қабл ҷомиаи рӯзноманигорӣ ва маҳофили сиёсии Узбакистонро ба по хезонда буд.

16 ноябр дар шабакаҳои интернетӣ сабти овозие пахш шуд, ки дар он ҳокими шаҳри Тошканд журналистонро таҳқир ва таҳдид ба марг карда, онҳоро “маҳлуқи пасттарин”, “сагбача”, “ифлос”, “қашшоқ”, “хурӯс” ва ғайра меномад ва таҳдид мекунад, ки агар хоҳад аз онҳо “гей” месозад ва ҳатто онҳоро нобуд хоҳад кард.

Дар пайи ин баҳс ду хабарнигори kun.uz расонаро тарк карданд ва ҳар яке гуфт: “Ман сагбача нестам!” Иддае аз коршиносон ин иттифоқи ногуворро имтиҳони ҳукумати Шавкат Мирзиёев арзёбӣ карда, дар интизори вокуниши шахси ӯ нишаста буданд. Ҳоло ба назар мерасад, ки раисҷумҳури Узбакистон посухи худро гуфт.

203
Барчаспҳо:
ВАО, сипосгузорӣ, Мирзиёев, табдил, мустақил, Раисҷумҳур, Узбакистон
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

123
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

123
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон
Сотрудники погранслужбы на контрольно-пропускном пункте на границе Кыргызстана и Казахстана

Таниш дар марзи Ӯзбекистону Қирғизистон: мақомот гуфтушунид мекунанд

172
Рӯзи гузашта сокинони манотиқи марзии ду кишвар бо якдигар даргир шуданд. Мақомот мегӯянд, вазъият таҳти назари онҳост

ДУШАНБЕ, 1 июн – Sputnik. Кубатбек Боронов муовини вазири Қирғизистон ва Абдулло Орипов нахуст вазири Ӯзбекистон ба далели даргирӣ дар манотиқи марзии байни сокинони Боткенти Қирғизистон ва минтақаи Сухи Ӯзбекистон бо якдигар музокара мекунанд, гузориш медиҳад "Парс тудэй" .

Бино бар иттилои манбаъ, баррасии иллати даргирии ахир дар манотиқи марзии Ӯзбекистон ва ва Қирғизистон меҳвари дидори масъулони ду кишвар хоҳад буд.

Илова бир ин, тарафайн бо сокинони манотиқи мазкур дидор ва иттилооте дар бораи вазъияти марзҳои муштарак ва иқдомот барои ҳифзи субот ироа хоҳанд кард. 

Рӯзи гузашта сокинони манотиқи марзии ду кишвар бо якдигар даргир шуданд.

Бино бар иттилои расмӣ, феълан вазъият таҳти контрол аст ва мақомоти расмӣ дар ҷиҳати оддисозии вазъият иқдом мекунанд.   

Таниш дар марзи ин ду кишвар дар ҳолест, ки чанде пеш, дар рӯзи таҷлили Иди Рамазон, 24 май дар марзи Тоҷикистону Қирғизистон низ як баҳси шадид ба миён омад. Намояндагони марзбонии ҳарду кишвар гуфтанд, ба сари мизи гуфтушунид менишинанд.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

 

172
Хакимзода Курбон председатель Государственного комитета по земельному управлению и геодезии при правительстве Республики Таджикистан

Раиси вилояти Хатлон: дар вилоят шиддати сирояти коронавирус паст гардид

0
(Таҷдидшуда 12:07 03.06.2020)
Ахиран раиси вилоят Қурбон Ҳакимзода дар ҷаласаи ситоди вилоятӣ оид ба интиқолу паҳншавии сирояти коронавирус дар вилояти Хатлон гуфт, дар вилоят сироят ба вируси корона нисбати дигар шаҳру ноҳияҳои кишвар паст гардидааст

ДУШАНБЕ, 3 июн - Sputnik. Бино бар иттилои дафтари матбуоти мақомоти вилояти Хатлон, Қурбон Ҳакимзода, раиси вилояти Хатлон дар ҷаласаи ситоди вилояти қайд кардааст, ки тибқи таҳлилҳои кормандони соҳаи тандурустӣ, дар ҳудуди вилояти Хатлон шиддати бемории сирояти ба коронавирус нисбати дигар шаҳру ноҳияҳои кишвар паст гардида, вазъи бистари шудани сокинондар беморхонаҳои шаҳру ноҳияҳо камтар ба қайд гирифта шудааст.

Вай афзуд, ки то ин вақт наздик ба чор ҳазор нафар бо бемории илтиҳоби шуш ва бемориҳои сироятӣ табобат гирифта, феълан ҳудудан 180 нафари дигар таҳти назорати табибони дармонгоҳҳои вилоят қарор доранд.

Ҳамзамон раиси вилоят таъкид дошт, ки ба суратҳисоби махсус, ки барои маблағгузории барномаҳои пешгирӣ ва мубориза бо пандемияи COVID-19 дар вилоят кушода шудааст, то ин муддат 1,1 миллион сомонӣ ворид гардидаааст.

“Дар маҷмӯъ зиёда аз 11 миллион сомонӣ барои татбиқи тадбирҳои зиддиэпидемикӣ дар шаҳру навоҳии вилояти Хатлон ихтисос дода шудааст”, - гуфт  раиси вилоят Қурбон Ҳакимзода.

Инчунин вай афзудааст, ки барои хизматрасонии босифат ва баландихтисоси тиббию санитарӣ ба беморон, хусусан ба беморони мубталои бемориҳои сироятӣ, тибқи дастуру супоришҳои ситоди вилоятӣ мунтазам рейдҳои муштарак гузаронида шуда, ҳолати омодабошии муассисаҳои тандурустӣ мунтазам мавриди таҳлилу омӯзиш қарор дода мешавад.

0
Барчаспҳо:
ситод, вилоят, паст, паҳншавӣ, сироят, Хатлон, Тоҷикистон