Бывший президент Кыргызстана Алмазбек Атамбаев

Парлумони Қирғизистон расман Отамбоев ва ҷонибдоронашро гунаҳкор эълон кард

331
Қаблан Комиссияи давлатӣ оид ба тафтиши ошӯбҳо дар Бишкек собиқ раисҷумҳури Қирғизистон Алмосбек Отамбоевро гунаҳгор намуда буд

ДУШАНБЕ, 12 дек — Sputnik. Парлумони Қирғизистон қарори комиссиюни давлатиро дар гунаҳкор кардани президенти пешини Қирғизистон Алмосбек Отамбоев дар бетартибии моҳи август дастгирӣ кард, хабар медиҳад РИА Новости.

Қаблан, Комиссияи давлатӣ оид ба тафтиши ошӯбҳо дар Бишкек Отамбоевро айбдор карда буд. Инчунин, аъзои комиссия бар ин назаранд, ки собиқ президенти кишвар бо роҳи зӯроварӣ нияти сари қудрат омаданро дошт.

Парвандаи нав: Отамбоев барои содир кардани боз як ҷинояти дигар гумонбар дониста мешавад

"Аз 120 нафар вакилон 87 нафар ба ҷонибдорӣ аз ин тасмим раъй доданд.Тибқи ин изҳорот роҳбарияти Кумитаи давлатии амнияти миллӣ ва Вазорати корҳои дохилии кишвар, "сарфи назар аз хатогиҳо ва иштибоҳҳо, тибқи меъёрҳои конститутсионӣ ва қонунгузории Қирғизистон амал намуданд", - омадааст дар хабар.

Ёдовар мешавем, ки моҳи августи соли равон мақомоти амниятии ин кишвар собиқ раисҷумҳури Қирғизистон Алмосбек отамбоевро дастгир намуд.

Боздошт гардидани Отамбоев 

Раисҷумҳури собиқи Қирғизистон  Алмосбек Отамбоев боздошт гардида, ӯро зери назорати маъмурини мақомоти интизомӣ ба Бишкек бурданд.

Гуфта мешуд, Отамбоев худаш ба маъмурини милитсия ба хотири он ки сокинони осоишта осеб наёбанд, таслим шудааст.  

Қаблан раисҷумҳури Қирғизистон Сооронбой Жээнбеков зимни ҷаласаи Жогурку Кенеш изҳор дошт, ки агар то ин дам Отамбоев барои бозпурсӣ ба ҳайси шоҳид даъват мешуд, ҳоло ба ӯ ҳамчун ба гумонбар дар содир намудани ҷинояти вазнин муносибат хоҳанд кард.

Шарти Отамбоев ва ваъдаи генерал – видеои музокироту таслимшавӣ

Зимнан Сооронбой илова намуд, ки дастандаркорони ноамниҳои ахир дар Қирғизистон ҳатман боздошт ва ҷазо дода мешаванд.

Ёдовар мешавем, ки амалиёти боздошти собиқ раисҷумҳури Қирғизистон давоми як шабонарӯз тӯл кашид.

Воҳидҳои таъиноти махсус ба бошишгоҳи собиқ раисҷумҳури Қирғизистон Алмосбек Отамбоев зада даромаданд.

Жээнбеков гуфт: Отамбоев дигар на ҳамчун шоҳид, балки гумонбар аст

Онҳо хостанд Отамбоевро боздошт кунанд, аммо тарафдорони собиқ президент монеъӣ амалиёти онҳо шуда, дар натиҷа миёни ҳар ду ҷониб тирпарронӣ сар зад, ки як нафар кушта барҷой гузошт ва  85 тани дигар ҷароҳат бардоштанд.

Феълан Отамбоев дар боздошт қарор дорад ва ӯро дар содир намудани чандин ҷиноятҳо гумонар медонанд.

331
Барчаспҳо:
Алмосбек Отамбоев, Қирғизистон
Врач и пациенты в отделении реанимации и интенсивной терапии

Афзоиши мубталоён ба вируси корона дар Ӯзбекистон, Қазоқистон ва Қирғизистон

333
(Таҷдидшуда 12:14 05.08.2020)
Вазорати тандурустии Ӯзбекистон эълом кард, ки теъдоди мубталоён ба корона дар ин кишвар ба 25 ҳазору 828 нафар расид

ДУШАНБЕ, 5 авг — Sputnik.  Бар асоси гузориши Вазорати тандурустии Ӯзбккистон то кунун дар ин кишвар 16 ҳазору 507 нафар аз корона беҳбуд ёфтанд ва 161 нафар низ фавт кардан, иттилоъ додааст хабаргузории “Парстудей”.

Ҳамчунин бино бар эъломи Вазорати тандурустии Қазоқистон 8 ҳазору 518 нафар аз пизишкон ва кадри пизишкии ин кишвар мубтало ба корона шуданд.

Ажар Гиният, муовини вазири тандурустии Қазоқистон ахиран эълон доштааст, ки пизишкон ва коркунони муроқибатҳои беҳдоштӣ, ки мубтало ба вируси корона шудаанд, аз ҳаққи дарёфти кумаки молӣ ба мизони 2 миллион танга (баробар бо 4700 доллар) бархурдор ҳастанд.

Дар ҳоли ҳозир дар Қазоқистон 92 ҳазору 662 нафар мубтало ба корона шуданд ва 1058 нафар низ бар асари ин вирус фавт карданд.

Дар ҳамин ҳол, дар дигар кишвари ҳабӯмсоя бо Тоҷикистон, Қирғизистон шумори кулли ин беморони гирифтор ба вируси корона ба 37 ҳазору 541 нафар расид

Вазорати беҳдошти Қирғизистон эълом кард, ки 412 бемори нави КОВИД-19 дар ин кишвар шиносоӣ шуданд.

Дар баёнияи ахири Вазорати беҳдошти Қирғизистон омадааст, ки бо сабти ин теъдод аз мубталоён ба КОВИД-19, шумори кулли ин беморон дар ин кишвар ба 37 ҳазору 541 нафар расид.

Бино бар эъломи Вазорати беҳдошти Қирғизистон шумори фавтидагони корона дар ин кишвар низ бо марги ҳафт тани дигар дар 24 соати гузашта ба ҳазору 427 нафар расидааст.

Дар ҳоли ҳозир беш аз 18 миллиону 444 ҳазор нафар дар ҷаҳон ба КОВИД-19 мубтало шудаанд, ки ҳудуди 700 ҳазор нафар аз онон ҷон бохтаанд.

333
Барчаспҳо:
теъдод, афзоиш, вирус, Қирғизистон, Қазоқистон, Ӯзбекистон
Тестирование на коронавирус (COVID-19)

Нахустин дар Осиёи Миёна: оғози эмгузаронӣ аз COVID - 19 дар Қазоқистон

318
(Таҷдидшуда 12:02 03.08.2020)
Маркази байналмилалии эмгузаронии Қазоқистон нахустин бор аз коронавируси навъи COVID - 19 эмгузаронӣ кард

ДУШАНБЕ, 3 авг — Sputnik. Дар Қазоқистон нахустин довталабро аз Covid - 19 эм карданд, хабар медиҳад Sputnik Қазоқистон.

Ин довталаб раҳбари Маркази байналмилалии эмгузаронии назди Донишгоҳи кишоварзии Қазоқистон Кайсар Табинов шуд.

Дору, ки аз ҷониби коршиносони австралиягӣ омода шудааст, COVAX-19 ном гирифт.

"Худро бо COVAX-19 эм кардам. Феълан худро хуб ҳис мекунам. Ягон ҳолати номусоидӣ эҳсос намешавад", - гуфт Табинов.

Ба гуфти ӯ ин дору дар навбати аввал дар бадани 40 довталаб озмоиш мешавад. Пас аз се моҳ ба озмоиши оммавӣ оғоз хоҳанд кард, ки дар он 100 ҳазор нафар аз 10 кишвари дунё довталаб хоҳад шуд.

Дар ин миён, Вазорати беҳдошти Қазоқистон гуфт, барои баргузории озмоиши клиникӣ бояд ҳуҷҷатҳои вижа пешниҳод шавад.

Русия аз омода шудани нахустин ваксина алайҳи коронавирус хабар дод

Вале, то имрӯз аз ҷониби Маркази байналмиаллии эмгузаронӣ ҳуҷҷате пешниҳод нашудааст.

Ёдрас мешавем, ки пештар хабар дода шуд, ки дар Донишгоҳи ба номи Сеченови Русия озмоиши клиникии ваксинаи зидди коронавирус анҷом ёфт.

318
Барчаспҳо:
нахустин, эмгузаронӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон
Олег Пантелеев

Пантелеев гуфт, чаро нархи чиптаи парвозҳои чартерӣ миёни Тоҷикистону Русия гарон аст

0
(Таҷдидшуда 11:41 06.08.2020)
Директори иҷроияи агентии “АвиаПорт” Олег Пантелеев гарон будани чиптаҳои ҳавопаймо барои парвозҳои чартерӣ байни Русия ва Тоҷикистонро шарҳ дод

ДУШАНБЕ, 6 авг — Sputnik. Тоҷикистон то лаҳзаи барқарор шудани парвозҳо хатсайрҳои чартеро идома медиҳад. Мусофирон аз он шикоят мекунанд, ки чиптаҳои ҳавопаймо ба 300-500 доллар мерасад, аз ин рӯ онҳо наметавонанд онҳоро харанд.

Директори иҷроияи агентии “АвиаПорт” Олег Пантелеев вазъро дар бораи нархи чиптаҳои ҳавопаймо комилан номаълум мешуморад, ки муштариён қаблан бо онҳо дучор наомада буданд.

Коршинос қайд кард, ки дар нархи чипта як қатор омилҳо ҳастанд.

"Ин ҳам арзиши сӯзишвории авиатсионӣ ва ҳам нархи хидматрасонии парвозҳо дар фурудгоҳҳои муайян мебошад. Ин масъалаи бениҳоят муҳим аст. Аз ин рӯ, метавон ба назар гирифт, ки хароҷоти ширкатҳои ҳавопаймо ҳангоми парвозҳо дар масофаи нисбатан кӯтоҳ нисбат ба парвозҳои тӯлонии баландтар хоҳад буд", гуфт, Пантелеев дар суҳбат бо Sputnik Тоҷикистон.

Вай қайд кард, ки парвозҳои содиротӣ нисбат ба парвозҳои муқаррарӣ кам аз кам иҷро мешаванд.

"Камбудии табиии таъминот мавҷуд аст. Хуб, тамоми қонунҳои иқтисодиёт нишон медиҳанд, ки агар нарасидани таъминот вуҷуд дошта бошад, таъминкунандаи ин хидмат барзиёд пардохт хоҳад шуд. Ҳеҷ чизи дигарро интизор шудан мумкин нест: рақобат дар бозор кам шуд, талабот ҳам кам шуд", - шарҳ дод директори агентӣ.

Пантелеев таъкид кард, ки нархи чиптаҳои ҳавопаймо танҳо пас аз лағви ҳама маҳдудиятҳо дар самти парвози ҳавоӣ ба эътидол меоянд, бозигарон ба бозор бармегарданд ва гардиши мусофирон зиёд мешавад, ки муҳити рақобатро бармегардонад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

"Ширкатҳои ҳавопаймоӣ дар семоҳаи дуюми соли 2020 талафоти калон ва қарзи зиёдро ҷамъ оварданд, бинобар ин тааҷҷубовар нест, ки онҳо кӯшиш мекунанд, ки ҳадди аққал баъзе аз талафҳоро ҷуброн кунанд. Сарзаниш кардани онҳо, ки мехоҳанд каме кор кунанд душвор аст, аммо барои мусофирон низ ин ҳолат хуб нест” , - хулоса кард ӯ.

0