Бывший президент Кыргызстана Алмазбек Атамбаев и его сторонники присутствуют на встрече с журналистами в селе Кой-Таш близ Бишкека. 27 июня 2019 года

Вакил гуфт, Отамбоев ба далели ҷавобгӯ набудани толори суд қаҳр карда рафт

712
(Таҷдидшуда 15:02 24.12.2019)
Дар бинои Кумитаи давлатии амнияти Қирғизистон имрӯз бояд баррасии парвандае, ки собиқ раисҷумҳури ин кишвар низ дар он муттаҳм мешавад баргузор мегардид

ДУШАНБЕ, 24 дек — Sputnik. Собиқ раисҷумҳури Қирғизистон Алмосбек Отамбоев имрӯз бо нигаронии зиёд толори суди сайёрро тарк кард, гуфт вакили мудофеи ӯ Сергей Слесарев.

Ба изҳори Слесарев, имрӯз дар бинои КДАМ суди сайёр баргузор гардид, ки Отамбоев бо изҳори нигаронӣ толори онро тарк кард.

Вакили мудофеи Отамбоев шарҳ додаст, ки дархости онҳо бобати иваз кардани макони баргузории суд ва ҳамчунин бе ҳузури Алмосбек Отамбоев доир гардидани мурофиа комилан рад гардид, ки боиси нигаронии собиқ раисҷумҳури Қирғизистон гашт.

"Утоқе, ки дар он ҷо мурофиаи судӣ баргузор мегардад, на ба талаботи санитарӣ ва на ҳуқуқӣ ҷавобгӯ аст. Тасаввур кунед, масоҳати утоқ ҳамагӣ 12- 15 метр мукааб ташкил медиҳад, ки дохили он 18 нафар қарор доранд. Мо ҳарчанд дархост кардем, ки макони баргузории мурофиа иваз карда шавад, аммо талаби моро ба инобат нагирифтанд. Аз ин рӯ Алмос Шаршенович толори суди сайёрро тарк кард, - гуфт Слесарев.

Қаблан низ баррасии парвандаи ҷинояткори ашадӣ Азиз Батукаев, ки Отамбоев низ дар ин парванда муттаҳам дониста мешавад, бинобар мариз будани собиқ раисҷумҳур ба таъхир гузошта шуд.

Қаблан парлумони Қирғизистон қарори комиссиюни давлатиро дар гунаҳкор кардани президенти пешини Қирғизистон Алмосбек Отамбоев дар бетартибии моҳи август дастгирӣ карда буд.

Отамбоев гузаштан аз муоинаи равониро рад кард

Аъзоёни ин  комиссия бар ин назаранд, ки собиқ президенти кишвар бо роҳи зӯроварӣ нияти сари қудрат омаданро дошт.

"Аз 120 нафар вакилон 87 нафар ба ҷонибдорӣ аз ин тасмим раъй доданд.Тибқи ин изҳорот роҳбарияти Кумитаи давлатии амнияти миллӣ ва Вазорати корҳои дохилии кишвар, "сарфи назар аз хатогиҳо ва иштибоҳҳо, тибқи меъёрҳои конститутсионӣ ва қонунгузории Қирғизистон амал намуданд", - омадааст дар хабар.

Ёдовар мешавем, ки моҳи августи соли равон мақомоти амниятии ин кишвар собиқ раисҷумҳури Қирғизистон Алмосбек Отамбоевро дастгир намуд.

712
Барчаспҳо:
вакил, суд, Алмосбек Отамбоев
Врач и пациенты в отделении реанимации и интенсивной терапии

Афзоиши мубталоён ба вируси корона дар Ӯзбекистон, Қазоқистон ва Қирғизистон

334
(Таҷдидшуда 12:14 05.08.2020)
Вазорати тандурустии Ӯзбекистон эълом кард, ки теъдоди мубталоён ба корона дар ин кишвар ба 25 ҳазору 828 нафар расид

ДУШАНБЕ, 5 авг — Sputnik.  Бар асоси гузориши Вазорати тандурустии Ӯзбккистон то кунун дар ин кишвар 16 ҳазору 507 нафар аз корона беҳбуд ёфтанд ва 161 нафар низ фавт кардан, иттилоъ додааст хабаргузории “Парстудей”.

Ҳамчунин бино бар эъломи Вазорати тандурустии Қазоқистон 8 ҳазору 518 нафар аз пизишкон ва кадри пизишкии ин кишвар мубтало ба корона шуданд.

Ажар Гиният, муовини вазири тандурустии Қазоқистон ахиран эълон доштааст, ки пизишкон ва коркунони муроқибатҳои беҳдоштӣ, ки мубтало ба вируси корона шудаанд, аз ҳаққи дарёфти кумаки молӣ ба мизони 2 миллион танга (баробар бо 4700 доллар) бархурдор ҳастанд.

Дар ҳоли ҳозир дар Қазоқистон 92 ҳазору 662 нафар мубтало ба корона шуданд ва 1058 нафар низ бар асари ин вирус фавт карданд.

Дар ҳамин ҳол, дар дигар кишвари ҳабӯмсоя бо Тоҷикистон, Қирғизистон шумори кулли ин беморони гирифтор ба вируси корона ба 37 ҳазору 541 нафар расид

Вазорати беҳдошти Қирғизистон эълом кард, ки 412 бемори нави КОВИД-19 дар ин кишвар шиносоӣ шуданд.

Дар баёнияи ахири Вазорати беҳдошти Қирғизистон омадааст, ки бо сабти ин теъдод аз мубталоён ба КОВИД-19, шумори кулли ин беморон дар ин кишвар ба 37 ҳазору 541 нафар расид.

Бино бар эъломи Вазорати беҳдошти Қирғизистон шумори фавтидагони корона дар ин кишвар низ бо марги ҳафт тани дигар дар 24 соати гузашта ба ҳазору 427 нафар расидааст.

Дар ҳоли ҳозир беш аз 18 миллиону 444 ҳазор нафар дар ҷаҳон ба КОВИД-19 мубтало шудаанд, ки ҳудуди 700 ҳазор нафар аз онон ҷон бохтаанд.

334
Барчаспҳо:
теъдод, афзоиш, вирус, Қирғизистон, Қазоқистон, Ӯзбекистон
Тестирование на коронавирус (COVID-19)

Нахустин дар Осиёи Миёна: оғози эмгузаронӣ аз COVID - 19 дар Қазоқистон

318
(Таҷдидшуда 12:02 03.08.2020)
Маркази байналмилалии эмгузаронии Қазоқистон нахустин бор аз коронавируси навъи COVID - 19 эмгузаронӣ кард

ДУШАНБЕ, 3 авг — Sputnik. Дар Қазоқистон нахустин довталабро аз Covid - 19 эм карданд, хабар медиҳад Sputnik Қазоқистон.

Ин довталаб раҳбари Маркази байналмилалии эмгузаронии назди Донишгоҳи кишоварзии Қазоқистон Кайсар Табинов шуд.

Дору, ки аз ҷониби коршиносони австралиягӣ омода шудааст, COVAX-19 ном гирифт.

"Худро бо COVAX-19 эм кардам. Феълан худро хуб ҳис мекунам. Ягон ҳолати номусоидӣ эҳсос намешавад", - гуфт Табинов.

Ба гуфти ӯ ин дору дар навбати аввал дар бадани 40 довталаб озмоиш мешавад. Пас аз се моҳ ба озмоиши оммавӣ оғоз хоҳанд кард, ки дар он 100 ҳазор нафар аз 10 кишвари дунё довталаб хоҳад шуд.

Дар ин миён, Вазорати беҳдошти Қазоқистон гуфт, барои баргузории озмоиши клиникӣ бояд ҳуҷҷатҳои вижа пешниҳод шавад.

Русия аз омода шудани нахустин ваксина алайҳи коронавирус хабар дод

Вале, то имрӯз аз ҷониби Маркази байналмиаллии эмгузаронӣ ҳуҷҷате пешниҳод нашудааст.

Ёдрас мешавем, ки пештар хабар дода шуд, ки дар Донишгоҳи ба номи Сеченови Русия озмоиши клиникии ваксинаи зидди коронавирус анҷом ёфт.

318
Барчаспҳо:
нахустин, эмгузаронӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

0
Замони баргузории интихоботи президентӣ дар тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Як Қарори баргузории интихоботи президентӣ дар Тоҷикистон  дар иҷлосияи муштараки ҳар ду палатаи парлумони Тоҷикистон қабул гардид.

Бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд.

Дар пайи қабули қарори баргузории интихоботи президентӣ аҳзоби сиёсӣ, иттифоқҳои касаба, вилоятҳои Суғду Хатлон, ВМКБ ва шаҳри Душанбе метавонанд номзадҳои худ ба курсии президенти Тоҷикистон пешниҳод кунанд.

 

0