Крушение пассажирского самолета в Казахстане

Ҳалокати раҳбари Шӯрои генералҳои Қазоқистон дар суқути ҳавопаймо

368
(Таҷдидшуда 14:17 27.12.2019)
Дар Қазоқистон ҳалокати раҳбари Шӯрои генералҳо - Рустам Кайдаровро зимни суқути ҳавопаймо дар Алмаато, тасдиқ карданд

ДУШАНБЕ, 27 дек — Sputnik. Дар паи суқути ҳавопаймои ширкати "Бек Эйр" дар наздикии Алмаато раҳбари Шӯрои генералҳои Қазоқистон Рустам Кайдаров вафот кард, хабар медиҳад Sputnik Қирғизистон.

Дар Шӯрои генералҳо марги раҳбари 79-солаашонро тасдиқ карданд. Феълан Шӯрои нишасти вижае баргузор мекунад, ки дар он маросими дафни раҳбарашон баррасӣ мешавад.

Ёдрас мешавем, ки ҳавопаймои мусофирбари хатсайри Алмаато - Нур-Султон пас аз парвоз суқут кард. 
Бино ба гузориши манбаъ, тақрибан 30 каси дигар дар беморхона бистарӣ шуданд. 

Гуфта мешавад, ки ҳавопаймо пас аз парвоз дигар ба баландӣ баромада натавониста, девори бетониро шикаста ва ба бинои дуошёна бархӯрд.

"Имрӯз ҳавопаймои ширкати "Бек эйр", ки тариқи хатсайри 2100 Алмаато-Нурсултон, соати 7:05 парвоз кард, аз радар ғайб зад. Дар дохили ҳавопаймо 95 мусофир ва 5 сарнишин воқеъ буданд", - омадааст дар хабарнома аз фурудгоҳи Алмаато.

Суқути ҳавопаймои мусофирбар дар Алмаато: 14 кас ҳалок шуд

Бо супориши сарвазири кишвар барои таҳқиқи ин ҳодиса комиссияи вижаи ҳукуматӣ ташкил шудааст. Комиссия аллакай ба ҷои ҳодиса парвоз кардааст.

Президенти Қазоқистон Қосим Ҷомарт Тоқаев ба хешону пайвандони қурбоншудагон ҳамдардӣ кардааст.

"Ҳамаи он нафароне, ки дар ин қазия айбдоранд, тибқи қонун ҷазо хоҳанд гирифт", - гуфт раисиҷумҳур.

Тибқи иттилои охирин то ин дам дар паи суқути ҳавопаймо, 15 кас ҷон бохт.

Миёни қурбониён шаҳрвандони Тоҷикистон ба қайд гирифта нашудааст.

368
Барчаспҳо:
раҳбар, ҳалокат, суқут, Қазоқистон
Учения спецслужб аэропорта по подготовке возможному прибытию инфицированных коронавирусом, в аэропорту Алматы, архивное фото

Афзоиши мубталоёни коронавирус дар Қирғизистон: аз 52 ҳазор гузашт

74
(Таҷдидшуда 15:37 18.10.2020)
Дар ин ҳафта дар Қирғизистон шумораи беморони коронавируси навъи COVID - 19 афзоиш кард. Аз замони ҳамагирии коронавирус то имрӯз дар кишвар 52 044 нафар гирифтори коронаврус шудааст

ДУШАНБЕ, 18 окт — Sputnik. Шабонарӯзи гузашта дар Қирғизистон 554 ҳолати нави гирифторӣ ба коронавируси навъи  COVID - 19 ба қайд гирифта шудааст.

Вирусро паҳн мекунад: пизишк номи "ашёи хатарноктарин" - и ҳифозатӣ аз COVID -19 - ро гуфт

Шумораи бештарини сироятшудагон дар вилояти Ҷалолобод ба қайд гирифта шудааст. Ин ҷо дар муддати 24 соати гузашта — 143 кас мубталои коронавирус шудааст. Омори дигар манотиқ чунин аст: вилояти Ӯш — 105, Ботканд - 90, Бишкек — 88, Ӯш — 38, вилояти Чуй - 46, вилояти Иссиқкӯл — 26, вилояти Норин — 6 ва вилояти Таласс — 12.

Давоми як моҳи гузашта теъдоди гирифторон дар Қирғизистон кам шуда буд, вале ин моҳ боз дубора авҷ гирифт. Сабаби дигари афзоиш ёфтани маризон ин гирдиҳамоиҳо ва тазоҳурот буд, ки дар паи норозигии мардум аз натоиҷи интихоботи парлумонӣ, сар зада буд.

Вазорат марги як тоҷикистонии дигар аз коронавирусро тасдиқ кард: 40 маризи нав

Аз замони ҳамагирии коронавирус то имрӯз дар Қирғизистон 52 044 нафар гирифтори коронаврус шудааст. 

Аз саршавии беморӣ то кунун 45 736 нафар ин бемориро ба хубӣ паси сар карданд.

Аз аввали ҳамагирӣ бошад дар Қирғизистон 1 111 кас қурбони ин вабои аср шудааст.

74
Барчаспҳо:
вируси нав, омор, Қирғизистон
Профилактические меры против распространения коронавируса, архивное фото

Афзоиши теъдоди маризони коронавирус дар Ӯзбекистон: аз 63 ҳазор гузашт

155
(Таҷдидшуда 14:18 18.10.2020)
Вазорати тандурустии Ӯзбекистон омори нави гирифторӣ, шифо ва фавт аз коронавируси навъи COVID - 19 - ро нашр кард

ДУШАНБЕ, 18 окт — Sputnik. Дар Ӯзбекистон теъдоди гирифторони бемории коронавирус ҳамоно дар ҳоли афзоиш аст, хабар медиҳад Вазорати тандурустии ин кишвар.

Тибқи иттилои ин ниҳод, давоми 24 соати гузашта 315 шаҳрванди кишвар мубталои COVID - 19 шудааст. Дар умум аз аввали ҳамагирии коронавирус то кунун беш аз 63 ҳазор кас гирифтори ин беморӣ шудааст.

"То 18 октябр дар Ӯзбекистон шумораи гирифторони коронавирус  63 124 нафарро ташкил медиҳад", - омадааст дар гузориш.

Вазорат қайд карда, ки давоми шабонарӯзи гузашта дар кишвар се тан аз ин беморӣ ҷон бохтааст. Шумораи умумии фавтидагон аз COVID - 19 - 525 нафарро ташкил медиҳад.

Гап сари "корона": коҳиши 62 дар садии сафари хориҷиҳо ба Тоҷикистон

Тибқи додаҳои Вазорати тандурустии Ӯзбекистон, шумораи нафарони аз коронавирус шифоёфта дар кишвар ба 60 080 баробар шудааст.

Олимон гуфтанд, кадом омил хавфи марг аз коронавирусро дучанд мекунад

Дар ҳоли ҳозир 2519 бемори COVID-19, таҳти назорати пизишкон қарор дошта, аҳволи 95 бемор вазнин арзёбӣ мешавад.

155
Барчаспҳо:
гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
Медики транспортируют пациента с подозрением на коронавирусную инфекцию

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

0
(Таҷдидшуда 13:08 20.10.2020)
Теъдоди дардмандони нави коронавирус дар Русия давоми як шабонарӯзи ахир наздик ба 16 ҳазор расидааст

ДУШАНБЕ, 20 окт — Sputnik. Шабонарӯзи гузашта дар Русия 15 982 мавриди нави гирифторшавии шаҳрвандон ба маризии коронавирус сабт гардид, хабар медиҳад Ситоди фаврии коронавирус дар ин кишвар.

Ба ҳамин минвол, ҳоло теъдоди умумии мубталоёни ин дард дар Русия ба 1 415 316 нафар баробар шудааст. Аз ин миён 1 075 904 нафар шифо ёфта, 24 366 мариз ҷон аз даст доданд.

Манбаъ меафзояд, шаҳри Маскав аз лиҳози шумораи бештари маризон дар ҷойи аввал қарор дошта, дар як рӯз ахир 5 376 нафар тоза ба коронавирус мубтало гардиданд.

Зимнан, давоми як шабонарӯзи ахир дар Русия 179 бемор ба ҳалокат расиданд.

Омори нави коронавирус дар Тоҷикистон: 80 қурбонӣ ва бештар аз 10 ҳазор мубталошуда

Дар робита ба авҷ гирифтани ин беморӣ, ҳукумати Русия аз тамоми сокинони кишвар даъват мекунанд, ки ба риояи чораҳои пешгирикунанда, аз ҷумла пӯшидани ниқобу дастпӯш, бодиққат бошанд.

Гузашта аз ин, дар аксар манотиқҳои Русия маҳдудиятҳо ҷорӣ гардиданд. Аз ҷумла дар вилояти Тулский баргузории тамоми чорабиниҳо танҳо бо ҳузури 20 нафар иҷозат дода шудааст. Дар Курган бошад, кӯдакони ноболиғ бидуни калонсолон наметавонанд савори нақлиёти ҷамъиятӣ шаванд.

Бо қарори раиси шаҳри Маскав, ҳудуди 30 дарсади кормандони идораҳо ба реҷаи дуркорӣ фиристода шуданд.

Дар макотибҳо бошад хонандагони синфҳои миёна ва боло низ ба таҳсили фосилавӣ фаро гирифта шуда, танҳо толибилмони аз синфи 1 то 5 таҳсилашро дар синфхонаҳо идома ммедиҳанд.

0
Барчаспҳо:
маризӣ, омор, Русия
Мавзуҳо:
Пайомадҳои COVID-19 дар Тоҷикистон ва ҷаҳон