Пограничник. Архивное фото

"Нерӯи сеюм"? шарҳи бештари вазири корҳои хориҷӣ аз баҳси марзӣ

616
(Таҷдидшуда 17:29 18.02.2020)
Вазири корҳои хориҷии Тоҷикистон Сироҷиддин Муҳриддин зимни нишасти хабарӣ ба гурӯҳҳои машкук дар марзи Тоҷикистону Кирғизистон ишора кард

ДУШАНБЕ, 18 фев — Sputnik. Сироҷиддин Муҳриддин вазири умури хориҷаи Тоҷикистон рӯзи 18 феврал дар нишасти матбуотӣ гуфт, муносиботи Тоҷикистону Қирғизистон дар масоили марзӣ дар асоси татбиқи дурусти протоколҳои имзошуда, ҳал мешавад.

"Дар ин масъала пеш аз ҳама бояд татбиқи дурусти ҳамаи протоколҳоеро, ки мо дар 16 соли ахир баррасӣ кардем, ба назар гирифт, на ин, ки мо сарфи назар аз протоколҳо дар сатҳи поёнӣ сиёсати дигарро ба роҳ монем. Ин хел ҳеҷ вакт мо ба мақсад намерасем", - гуфт вазир.

Бино ба гуфти Муҳриддин, гарчанде дар музокироти байниҳукуматӣ ҳарду ҷониб протоколҳоро дуруст қабул мекунанд, лекин мутаассифона Қирғизистон аз бархеи протоколҳое даст кашид.

"Ҳатто мо як қисми сарҳадро мувофиқа карда будем, ин - 519,9 км  буд, ки ҷониби мо тайёр аст, ин протоколро имзо кунад, протоколҳое буданд, ки ба имзои ин протокол ишора мекарданд, ҷониби Қирғизистон имзо карда буд, лекин муттассифона аз имзои худ даст кашиданд", - гуфт Сироҷиддин Муҳриддин дар нишасти хабарӣ.

Ба фикри вазир, ин ҳама барои ҳалли минбаъдаи масъалаҳои сарҳадӣ мушкил эҷод мекунад. Вазир гуфт, барои ҳалли ин масъала пеш аз ҳама асосҳои ҳуқуқӣ лозим аст. Дар баробари ин вазир ба гурӯҳҳои машкук дар марзи Тоҷикистону Кирғизистон ишора кард. 

"Ба ҷои ки мо асосҳои ҳуқуқиро тезтар мувофиқа созем, гарчанде ки чандин маротиба мувофиқа ҳам шуда буд, лекин ҷониби Қирғизистон ба назар нагирифт, ба ҷо он ки мо инро дуруст татбиқ намоем рӯз аз рӯз инҳо ба назар гирифта намешаванду як гурӯҳ одамоне ҳастанд, аз ҷониби Қирғизистон, ки ба муташанниҷ шудани вазъ дар ҳамин минтақаҳо мусоидат мекунанд", - гуфт вазир.

616
Сотрудники погранслужбы на контрольно-пропускном пункте на границе Кыргызстана и Казахстана

Таниш дар марзи Ӯзбекистону Қирғизистон: мақомот гуфтушунид мекунанд

78
Рӯзи гузашта сокинони манотиқи марзии ду кишвар бо якдигар даргир шуданд. Мақомот мегӯянд, вазъият таҳти назари онҳост

ДУШАНБЕ, 1 июн – Sputnik. Кубатбек Боронов муовини вазири Қирғизистон ва Абдулло Орипов нахуст вазири Ӯзбекистон ба далели даргирӣ дар манотиқи марзии байни сокинони Боткенти Қирғизистон ва минтақаи Сухи Ӯзбекистон бо якдигар музокара мекунанд, гузориш медиҳад "Парс тудэй" .

Бино бар иттилои манбаъ, баррасии иллати даргирии ахир дар манотиқи марзии Ӯзбекистон ва ва Қирғизистон меҳвари дидори масъулони ду кишвар хоҳад буд.

Илова бир ин, тарафайн бо сокинони манотиқи мазкур дидор ва иттилооте дар бораи вазъияти марзҳои муштарак ва иқдомот барои ҳифзи субот ироа хоҳанд кард. 

Рӯзи гузашта сокинони манотиқи марзии ду кишвар бо якдигар даргир шуданд.

Бино бар иттилои расмӣ, феълан вазъият таҳти контрол аст ва мақомоти расмӣ дар ҷиҳати оддисозии вазъият иқдом мекунанд.   

Таниш дар марзи ин ду кишвар дар ҳолест, ки чанде пеш, дар рӯзи таҷлили Иди Рамазон, 24 май дар марзи Тоҷикистону Қирғизистон низ як баҳси шадид ба миён омад. Намояндагони марзбонии ҳарду кишвар гуфтанд, ба сари мизи гуфтушунид менишинанд.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

 

78
Церемония вручения российского паспорта

Путин рӯзи нави овоздиҳӣ барои ислоҳи конститутсияро эълон кард

164
(Таҷдидшуда 19:29 01.06.2020)
Пештар президенти Русия Владимир Путин рӯзи гузашти низомӣ ба муносибати Рӯзи Пирӯзиро 24 июн эълон карду имрӯз рӯзи овоздиҳиро ҳам дақиқ кард

ДУШАНБЕ, 1 июн — Sputnik. Президенти Русия Владимир Путин рӯзи овоздиҳӣ барои ислоҳи қонуни асосии кишвар - конститутсияро 1 июл эълом кард.

"Якуми июл рӯзи мувофиқ аст. Аз нуқтаи назари ҳуқуқӣ ин таърих бенуқсон аст", - гуфт Путин.

Рӯзи 1 июлро раиси Комиссияи марказии интихоботии Русия Элла Памфилова пешниҳод кардааст.

Ба гуфти ӯ рӯзи 1 июл мувофиқ аст, чун аз 3 июл имтиҳоноти сартосарии синфҳои 11 оғоз мешавад ва бештари марказҳои овоздиҳӣ дар макотибҳо ҷойгир шудааст.

Раҳбари Роспотребнадзора Анна Попова рӯзи 1 июлро тасдиқ карда гуфт, овоздиҳӣ дар рӯзи 1 июл барои шаҳрвандон бехатар хоҳад буд.

Пасон президенти кишвар Владимир Путин аз шаҳрвандони Русия даъват кард, ки дар маъракаи овоздиҳӣ фаъолона иштирок кунанд.

Кишвардор фармон дод, ки овоздиҳӣ аз 25 июн то 1 июл баргузор карда шавад.

Ӯ гуфт рӯзи асосии овоздиҳӣ- рӯзи 1 июл истироҳат эълон мешавад.

 

164
Барчаспҳо:
Конститутсия, овоздиҳӣ, Русия, Владимир Путин
Кобилчон Гиёев

Вазифаи баланд ё шикояти раис? Сабабҳои барканории Қобилҷон Гиёев

238
Мақомот барканории Қобилҷон Гиёев, акнун собиқ сардухтури ноҳияи Раштро шарҳи яксон намедиҳанд. Ба қавли яке, бар асоси шикояти раиси ноҳия барканор шудааст, дуввумӣ мегӯяд, ӯ вазифаи баландтар хоҳад гирифт

ДУШАНБЕ, 2 июн – Sputnik. Маркази матбуоти вазорати тандурустӣ ва ҳифзи иҷтимоии аҳолии Тоҷикистон дар як шарҳи кӯтоҳ ба Sputnik Тоҷикистон гуфт, ки барканории сардухтури ноҳияи Рашт ибтикори вазорат нест.

“Ӯ бар пояи шикояти раиси ноҳияи Рашт аз вазифа барканор шудааст. Шикоят ҳам ин аст, ки Қобилҷон Гиёев ба ҷуз сардухтур буданаш, муовини раиси Ситоди ноҳияи Рашт барои ҷилавгирӣ аз густариши “вируси корона” низ будааст ва дар ҷои кор ҳам ҳузур надоштаасту дар ҷаласаҳои ситод низ ширкат накардааст”, - гуфтанд дар Маркази матбуоти вазорати тандурустӣ ва ҳифзи иҷтимоии аҳолӣ.

Зимнан, рӯзи гузашта, 1 июн, Қобилҷон Гиёев ба Sputnik Тоҷикистон низ далели барканориашро шикояти Раҳимҷон Муқимӣ, раиси ноҳияи Рашт ба вазорати тандурустӣ ва ҳифзи иҷтимоии аҳолӣ гуфта буд.

Дар ҳамин ҳол, бегоҳи ҳамон рӯз дар як тамоси телефонӣ бо Sputnik Тоҷикистон Раҳимҷон Муқимӣ, раиси ноҳияи Рашт, ин иддаоро рад карда, гуфт, Қобилҷон Гиёев бо ариза, хоҳиш ва ихтиёри худ аз вазифа рафтааст.

“Он қадар ки мо хабар дорем, чанде пас ӯ бояд дар Душанбе ба вазифаи баландтар таъин шавад. Имрӯз ӯ назди ман омада буд. Суҳбат доштем. Ба хурсандӣ хайрухуш кардем. Ҳамаи гап ҳамин”, - гуфт Раҳимҷон Муқимӣ.

Рухсатӣ ё...?

Дар суҳбат бо Sputnik Тоҷикистон Қобилҷон Гиёев дар шарҳи гуфтаҳои вазорати тандурустӣ ва раиси ноҳияи Рашт гуфт, ӯ 27 май ба вазорат даъват шуда, аризаи аз кор рафтанашро навишт.

Вай афзуд, рӯзи дигар, 28 май, ӯро дигарбора ба вазорат даъват карда, гуфтанд, ки аризаи аз кор рафтан на, балки рухсатӣ рафтанро бинависам ва дар ҷои худ муовинамро иҷрокунандаи вазифа таъин кунам.

“Ҳоло ман дар ҳайрат уфтодаам. Ман 12 май ба Душанбе рафтам. 12 май дигарбора ба Рашт баргаштам. Ҳамон рӯз ҷаласаи ситодро баргузор кардам. Бегоҳ мустақим бо вазири тандурустӣ мулоқоти видеоӣ баргузор шуд. Субҳ боз ҷаласаи ситод буд. Пас аз он рафтам ба шифохонаҳои минтақаӣ - Ҳоит, Қалъаи Сурх, Навобод. Аз 13 то 15 пурра дар Рашт будам. Азбаски вазъи сиҳӣ дар ноҳия ба эътидол омада буд, дигарбора ба Душанбе омада, ин ҷо ба табобат машғул шудам”, - гуфт Қобилҷон Гиёев.

Бино ба иттилои ӯ, дар ноҳияи Рашт 174 нафареро, ки ҳарорат доштаанд, дар хонаҳо ва 60 нафарро бо ташхиси пневмония дар шифохонаҳо табобат кардаанду даҳҳо нафари дигар пас аз муроҷиату табобати кӯтоҳ зуд рухсат шудаанд. Вай афзуд, дар ин миён ду нафар мутаваллидони яке, соли 1940 ва дигаре, 1942 аз маризиҳои дил фавтидаанд, на пневмония ё “вируси корона”.

“Вақте вазъи сиҳӣ Рашт муътадил шуд, ман ба Душанбе рафтам. Дуюм ин, ки ман на бо хоҳиши худ, балки бо даъвати мақомот омада будам, ки дар вазорати тандурустӣ огаҳӣ доранд”, - гуфт Қобилҷон Гиёев.

Пизишки ҳайрат

Қобилҷон Гиёев пас аз он дар забони расонаҳо уфтод, ки дар оғози мубориза алайҳи “вируси корона” бо як доруи ғайримаъмулии зидди пневмонияи бузҳо дар ноҳияи Рашт, ба қавли худаш, ҳудуди 300 нафарро табобат кард.

Ин дору аз пенитсилин ва стрептамитсин иборат буда, кӯтоҳ “пенстреп” номида ва барои “вируси корона” – и ҳайвонот истифода мешавад. Баъдтар ӯ ба Душанбе омад ва дар пойтахту навоҳии атроф ва вилояти Хатлон бо табобати маризон машғул шуд.

Ӯ қаблан (23 май) дар як суҳбати ихтисосӣ ба Sputnik Тоҷикистон гуфта буд, ки дар умум беш аз 1000 нафарро табобат кардааст. Аммо ҳоло мегӯяд, теъдоди маризоне, ки ӯ табобат кардааст, аз ин ҳам бештар шудааст.

“Ҳоло бисёриҳо ба табобати ман шак доранд. Ҳақ ҳам доранд. Аммо шоҳидони ман ҳамон маризоне ҳастанд, ки шифо ёфтанд. Мегӯянд, ки ман барои рекламаи худ ва пулкоркунӣ Душанбе рафтам. Инҳоро ҳам ба Худо месупорам. Аммо ҳоло бо забони дароз мегӯям, ки ду моҳи ахир ман дар хизмати мардуму давлати худ будам ва ин корамро давом хоҳад дод”, - гуфт Қобилҷон Гиёев.

Ҳоло танҳо гуфтугузоре, ки сардухтури инак собиқи ноҳияи Раштро дар ҳайрат гузоштааст, вазифаи наваш аст. Вай мегӯяд, аз ин боб аслан хабаре ҳам надораду бо касе ҳам машварате нашудааст.

238
Барчаспҳо:
вазифа, табобат, бемор, табиб, Ғарм, Тоҷикистон