Медицинские работники в защитных костюмах с термометрами

Шумори гирифторони коронавирус дар Қазоқистон ба се нафар расид

884
(Таҷдидшуда 18:46 13.03.2020)
Вазири беҳдошти Қазоқистон шумори сироятёфтагони маризии сироятии коронавирусро ба се нафар арзёбӣ кард

ДУШАНБЕ, 13 мар – Sputnik. Дар Қазоқистон ҳолати саввуми гирифторшавӣ ба маризии коронавирус сабт гардид, изҳор доштааст Вазири беҳдошти ин кишвар.

"Алъон хабари гирифторшавии як қазоқистонии дигар ба маризии коронавирусро дастрас намудем. Номбурда  ҷавонзан буда, рӯзи 12 - уми март аз шаҳри Милани Италия ба Нур - Султон ворид шудааст. Ӯро фавран аз дохили ҳавопаймо берун намуда, ба карантин фиристоданд". - афзудааст Елжан Биртанов.

Вазир илова намуд, ки феълан 90 мусофири ин ҳавопаймо мавриди санҷиши табибон қарор доранд.

Ҳавопаймои мусофирбар рӯзи 12 - уми март, тариқи хатсайри Италия - Москва - Нур - Султон бо 90 сарнишин, ки аз ин миён 37 шаҳрванди Қазоқистон, 42 рус ва 11 шаҳрванди дигар кишварҳо буданд, ворид шуданд.

Барои пешгирии коронавирус: Ҷопон ба Тоҷикистон таҷҳизоти тиббӣ мефиристад

Қаблан Вазорати тандурустии Қазоқистон аз ду ҳолати гирифторшавии шаҳрвандонаш ба маризии коронавирус хабар дод. Дардмандҳо аз Олмон вориди Қазоқистон шуда, феълан дар Алма - Ато дар карантин, зери назорати табибон қарор доранд.

884
Барчаспҳо:
афзоиш, маризон, Қазоқистон
Сотрудники МЧС РФ проводят дезинфекцию

Собянин гуфт, кай карантинаи Маскав қатъ мешавад

267
(Таҷдидшуда 13:20 05.06.2020)
Шаҳрдори Русия Сергей Собянин қатъ гардидани карантина дар ҳамаи бахшҳои зиндагии мардуми Маскавро шарҳ дод

ДУШАНБЕ, 5 июн — Sputnik. Мири шаҳри Маскав Сергей Собянин дар суҳбат бо шабакаи "Россия" гуфт, ҳамаи чораҳои маҳдудкунанда дар бахшҳои зиндагии бошандагони Маскав то 1 июли соли ҷорӣ бардошта хоҳад шуд.

"Марҳила ба марҳила то 1 июл ҳамагуна маҳдудиятҳое, ки имрӯз ҷорӣ аст, бардошта мешавад", - гуфт ӯ.

Ба гуфти Собянин реҷаи бардошта шудани маҳдудияти марҳилавӣ то рӯзи 8 июн маълум мешавад.

Шаҳрдори Маскав мегӯяд, тақрибан пас аз ду-се ҳафта, беморхонаҳои шаҳр ба реҷаи муқаррарии корӣ мегузаранд ва ба беморон хизмат мекунанд. 

Ӯ ҳамчунин иттилоъ дод, ки дар ояндаи наздик беморхонаҳои касбӣ маризони коронавирусро табобат хоҳанд кард. Дар баробари ин беморхонаҳои муваққатӣ фаъол хоҳанд буд.

Тибқи иттилои ситоди фаврӣ, то 4 июни соли равон дар Русия 441 ҳазор кас гирифтори коронавирус шудаанд.

Собянин: корхонаҳои саноатию сохтмонҳо кушода шаванду аҳолӣ дар хона монад

Теъдоди бештарини маризон дар Маскав - 190 ҳазор кас - сабт шудааст.

 

Дар баробари ин суръати афзоиши гирифторӣ ба ин беморӣ дар Маскав паст шудааст.

267
Барчаспҳо:
вируси нав, Сергей Собянин, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

132
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

132
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон

Омори тозаи гирифторони COVID - 19 дар Тоҷикистон

0
То 4 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд. То имрӯз дар мамлакат аз ин беморӣ 48 нафар фавтидаанд.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар мамлакат 1355 нафар зери назорати табибон қарор дошта, дар як шабонарӯзи охир 219 нафар пас аз шифо ёфтан ба хонаҳояшон рухсат дода шудаанд.

0
Барчаспҳо:
бемориҳои сироятӣ, сироят, вируси нав, Тоҷикистон