Сатторов: ФР ва Тоҷикистон парвозҳои иловагӣ барои мусофирони дармондаро баррасӣ доранд

576
(Таҷдидшуда 09:30 21.03.2020)
Сафири Тоҷикистон дар Русия Имомуддин Сатторов аз шаҳрвандони Тоҷикистон даъват кард, то дар вазъияти вазнин, ки имрӯз дар робита ба паҳншавии коронавирус дар ҷаҳон ҳукмфармост, оромиро аз даст надиҳанд

ДУШАНБЕ, 21 мар - Sputnik. Вазъи шаҳрвандони Тоҷикистон, ки дар фурудгоҳҳои Маскав дармондаанд, таҳти назорат аст, изҳор дошт дар суҳбат бо Sputnik Тоҷикистон сафири Тоҷикистон дар Русия, Имомуддин Сатторов.

Дар робита ба қарори Ҳукумати Тоҷикистон аз шаби 20 март, қатъ кардани ҳамагуна парвозҳои байналмилалӣ, аз ҷумла аз Русия ба Тоҷикистон ба далели пешгирӣ аз интиқоли коронавирус, садҳо шаҳрвандони Тоҷикистон дар фурудгоҳҳои Маскав дармонданд.

Тоҷикистон фурудгоҳҳоро ба рӯи парвозҳои байналмилалӣ баст: маслиҳати мақомот ба мардум

"Ин дурӯғ аст, ки гуиё касе чизе нашунида ва касе кумак намекунад. Сафорати Тоҷикистон аз вазъият бохабар аст ва дар ин самт чораҳои заруриро роҳандозӣ мекунад. Мо бо ҳамаи шаҳрвандонамон дар фурудгоҳҳои гуногун дар тамос ҳастем ва кӯшиш дорем ба онҳо кумак расонем", - гуфт сафир.

Дипломат қайд кард, ки барои шаҳрвандони Тоҷикистон кумак расонида шуд: қисме аз шаҳрвандони Тоҷикистон бо ду хатсайри вижа аз ҷониби ширкатҳои ҳавопаймоии "Сомон Эйр" ва "Тоҷик Эйр" аз фурудгоҳи "Домодедово" ба Тоҷикистон интиқол дода шуданд. Феълан, мушкил сари мусофирони ширкаҳои ҳаопаймоии "ЮТейр" аз фурудгоҳи "Внуково" ва "Уральские авиалинии" аз "Жуковский" аст.

Хориҷиҳоро мебаранду худиҳоро меоранд: парвозҳои махсуси “Somon Air”-у “Tajik Air”

"Чун роҳи ҳавоӣ баста шуд, мусоифрон натавонистанд парвоз кунанд. Кормандони Сафорат ва дигар ниҳодҳои дахлдор дирӯз дар фурудгоҳ қарор доштанд ва бо намояндагони ширкати "ЮТэйр" мулоқот карданд. Ба мо кафолат доданд, ки маблағи ҳамаи мусофирон аз хариди чипта баргардонида мешавад, ё парвози онҳо ба моҳҳои дигар, замони аз сар гирифтани парвозҳо, гузаронида мешавад", - шарҳ дод сафир.

Дар робита ба мусофирон аз фурудгоҳи "Жуковский" низ вазъият чунин аст.

"Мусофирон ҳоло дар фурудгоҳ қарор доранд, Қисме чиптаҳояшонро бозгардониданду рафтанд, қисме ҳоло ҳамонҷоянд. Мо барои ба Ватан баргардонидани онҳо ҳамагуна имкониятро истифода мекунем. Ман дастур додам, ки ба онҳо хӯрок ва об оранд. Кормандони Сафорат онҳоро бо ҷои хоб таъмин мекунанд. Агар, фардо қарор қабул нашавад, онҳо бояд фурудгоҳро тарк кунанд. Муттаассифона илоҷи дигар нест", - илова кард Сатторов.

Ба гуфти ӯ ҳоло номаълум аст, чӣ гуна мушкил ҳал мешавад, вале гуфтушунид идома дорад.

"Мо бо ширкатҳои ҳавопаймоии "ЮТэйр" ва "Уральские авиалинии" ҳамешагӣ дар тамос ҳастем. Агар даст диҳад, ширкаҳо як парвозӣ ташкил хоҳанд кард. Ҳоло ин масъала ҳал нашудааст", - шарҳ дод Сатторов.

Ба вазъияти мушкил нигоҳ накарда сафир аз шаҳрвандони Тоҷикистон даъват кард, ки оромиро нигоҳ доранд.

"Мардум бояд дарк кунанд, ки ба чунин ҳолатҳои изтирорӣ бояд бо оромӣ бе воҳима назар кард. Ин вазъите нест, ки ҳамопаймо умуман парвоз намекунад. Ин ҷораҳои иҷборӣ аст, мардум бояд инро дарк кунанд. Роҳи дигари пешгирӣ аз коронавирусро инсоният ҳоло фикр накардааст. Ҳар як нафар бояд натанҳо дар фикри худ, балки дар бораи дигар инсонҳо низ фикр кунад. Набояд чунин вазъияти ногуворро муракабтар кард. Ин ҷо фаҳмиши оддӣ ва ҳиисси худмуҳофизаткунӣ лозим аст", - ёдоварӣ кард сафир.

Сатторов қайд кард, ки қарорҳои қабулшуда бояд шаҳрвандони ду кишварро аз коронавирус эмин нигоҳ доранд.

"Вазъият фавқуллода аст. Бояд роҳҳои ҳавоӣ ва заминиро баст ва ҳаракати мардумро маҳдуд кард. Шаҳрвандони мо бояд ин чизро дарк кунанд. Масъалаи будубош дар Русия ба нафъи муҳоҷирон ҳал шуд: Ҳукумат ва ВКД Русия эълом карданд, ки шаҳварндони хориҷӣ бе убури марз қонунан метавонанд патент ва иҷозаи иқоматашонро тамдид кунанд", - илова кард сафири Тоҷикистон дар Русия Имомуддин Сатторов.

576
Барчаспҳо:
ФР, баррасӣ, парвозҳо, Душанбе, Маскав

Ҳамлаи террористии даҳшатбор дар Ғазнии Афғонистон: 30 сарбоз кушта шуд

131
(Таҷдидшуда 15:40 29.11.2020)
Эҳтимол дорад амали террористӣ аз сӯи маргталаб анҷом гирифт. Таркиши мошини маргталаб дар наздикии пойгоҳи низомиёни Афғонистон сурат гирифтааст

ДУШАНБЕ, 29 ноя — Sputnik. Дар вилояти Ғазнии Афғонистон дар натиҷаи як амали террористӣ дасти кам 30 нафар ба ҳалокат расид ва 24 нафари дигар маҷруҳ шуданд, иттилоъ додааст Ariana News дар истинод ба роҳбари беморхонаи маҳаллӣ.

Ба иттилои пизишкони вилояти Ғазни ҳамаи нафарони ҳалокшуда низомӣ мебошанд.

Тибқи иттилои расонаҳои маҳалӣ бомбе, ки дар дохилӣ мошин насб шуда буд, дар наздикии пойгоҳи низомиёни Афғонистон таркидааст. Пеш ва баъд аз таркиш садои тирандозӣ низ шунида мешуд.

Боздошти 13 полис дар Афғонистон вобаста парвандаи ҳамлаи террористӣ ба Донишгоҳи Кобул

Мақомот бар онаст, ки амали террористӣ аз сӯи як маргталаб сурат гирифтааст.

Баъд аз таркиш ба осмон дуди сиёҳ баромад ва мардуми маҳалли Қалаи Ҷозро нигарон кард. Дар ҳоли ҳозир, ба ҷои ҳодиса нирӯҳои иловагии артиши Афғонистон равон шуданд.

Зимнан, то ҳол ҳеҷ як гурӯҳи террористӣ, ки дар қаламрави Афғонистон фаъоланд, ин амалро бар дӯш нагирифтанд.

131
Барчаспҳо:
низомиён, кушта, сарбоз, пойгоҳ, маргталаб, таркиш, Афғонистон
Флаг с эмблемой саммита ШОС

Эрон аз СҲШ хостори муҳокимаву муҷозоти муртакибони террори Муҳсини Фахризода шуд

140
(Таҷдидшуда 12:41 29.11.2020)
Сафири Эрон дар Чин дар номае ба дабири кули Созмони Ҳамкории Шанхай аз вай хост, аз тамоми зарфиятҳои дипломатӣ ва қонунии ин созмон ба манзури кумак ба шиносоӣ ва муҳокимаву муҷозоти муртакибони террори шаҳид Муҳсини Фахризода истифода кунад

ДУШАНБЕ, 29 ноя — Sputnik. Ба нақл аз хабаргузории ИРНА, дар остонаи баргузории нишасти сарони созмони Шанхай, Муҳаммади Кишоварззода, сафири Эрон дар Чин дар номае хитоб ба Владимир Норов, дабири кули Созмони Ҳамкории Шанхай бо ишора ба террори яке аз барҷастатарин донишмандони эронӣ дар сояи сукӯт ва беамалии ҷомеаи байналмилалӣ таъкид кардааст: "ин ҷиноят аввалин маврид аз ин дасти набуда ва дар идомаи сиёсатҳо ва иқдомоти ғайриқонӯнӣ ва хасмонаи бархе давлатҳо алайҳи Ҷумҳурии Исломии Эрон дар террори донишмандон ва нухбагони эронӣ аст".

Дар идомаи ин нома омадааст: яке аз аҳдофи аслӣ аз ташкили Созмони Ҳамкории Шанхай, ки Эрон низ ба унвони узви нозир дар он ҳузур дорад, талоши ҷамъии мутааҳҳидонаи кишварҳои узв барои таъмини амният ва субот дар минтақаи Авруосиёва муқобила бо таҳдидоти ношӣ аз тероризм, ҷудоиталабӣ ва ифротгароӣ аст.

Сафири Эрон дар Чин таъкид кардааст, акнун дар шароите, ки бархе кишварҳои минтақаӣ ва фароминтақаӣ бо иртикоби ҷиноёти мухталиф саъй дар афзоиши танишҳо ва моҷароҷӯиҳои хатарнок дар ғарби Осиё доранд, шоиста аст Созмони Шанхай зимни маҳкумияти иқдоми террористии ахир, аз тамоми зарфиятҳои дипломатӣ ва қонунии дар ихтиёри худ ба унвони як созмони байналмилалӣ барои кумак ба шиносоиува муҳокимаи муртакибон ва омирону ҳомиёни давлатӣ ва ғайридавлатии ин амали муҷримона ва ҷилавгирӣ аз такрори он дар оянда истифода кунад.

19- умин нишасти сарони кишварҳои узви Созмони Ҳамкории Шанхай рӯзи душанбе дар Деҳлии Нав баргузор ме‌шавад.

140
Барчаспҳо:
донишмандон, муҷозот, муҳокима, хостор, СҲШ, Эрон

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон