Свадебные кольца, архивное фото

Ӯзбекистон баргузории тӯйҳоро мамнӯъ кард

335
(Таҷдидшуда 18:48 22.08.2020)
Ҳукумати Ӯзбекистон ба хотири ҷилавгирӣ аз паҳншавии маризии сироятии коронавирус баргузории чорабиниҳои оммавӣ, аз ҷумла доир кардани маросими арӯсиро низ мамнӯъ кард

ДУШАНБЕ, 21 мар – Sputnik. Дар Ӯзбекистон сар аз 23 - юми март баргузории тӯйҳо манъ карда шуд. Далели ҷорӣ шудани чунин маҳдудиятро ҳукумати ин кишвар ба ҷилавгирӣ аз паҳншавии маризии коронавирус рабт медиҳад.

Котиботи ситоди фаврии назди дастгоҳи раисҷумҳур хабар медиҳад, ки дар ҳолатҳои зарурӣ баргузории тӯй бояд дар доираи маҳдуд на беш аз 10 - 15 нафар баргузор гардад.

Ёдовар мешавем, ки мавориди нахустини гирифторшавӣ ба маризии коронавирус дар вуҷуди як ҷавонзани ӯзбек, ки аз Фаронса озими ватани худ ошкор карда шуд.

Шумораи дардмандони коронавирус дар Русия ба 253 нафар расид

Зимнан, то санаи 21 - уми март теъдоди умумии дардмандони ин маризӣ дар Ӯзбекистон ба 37 нафар расидааст.

Қаблан мудири Агентии санитарӣ - эпидемиологии назди Вазорати беҳдошт хабар додааст, ки нахустин гирифторони ин маризӣ шифо ёфта истодаанд ва ҳамчунин вазъи саломатии нафарони дар карантин буда низ рӯ ба беҳбуд аст.

Ӯзбекистон маҳз ба хотири пешгирӣ намудан аз паҳншавии маризии сироятии коронавирус, баргузории Наврӯзи Аҷамро низ манъ намуд.

Гузашта аз ин равобити ҳавоӣ бо чандин кишварҳо баста буда, танҳо парвозҳои чартерӣ барои бозовардани шаҳрвандони ин кишвар аз давлатҳои дигар фаъол щастанд.

335
Барчаспҳо:
Ӯзбекистон
Самолет компании Сомон Эйр, архивное фото

Рӯзи барқароршавии парвозҳо байни Тоҷикистону Қазоқистон маълум шуд

619
(Таҷдидшуда 20:26 04.03.2021)
Қазоқистон санаи барқарор шудани парвозҳои мунтазам байни Душанбе ва Алмааторо эълон кард. Парвозҳоро ширкати "Эйр Астана" ва "Сомон Эйр" анҷом медиҳанд

ДУШАНБЕ, 4 мар — Sputnik. Қазоқистон санаи азсаргирии парвозҳои мунтазам аз Алмаато ба Душанберо эълон кард.

Тибқи иттилои хадамоти матбуоти Вазорати саноат ва рушди инфрасохтори ҷумҳурӣ, аз 14 марти соли 2021 ширкати "Эйр Астана" ба нақша гирифтааст, ки парвозҳои мунтазамро байни пойтахтҳои Қазоқистон ва Тоҷикистон оғоз кунад.

Ин тасмим бар асоси вазъи эпидемиологии коронавирус дар Тоҷикистон ва Қазоқистон гирифта шудааст. Парвозҳо дар масири Алмаато - Душанбе - Алмаато ҳафтае як маротиба анҷом меёбанд. Тибқи ҷадвал, парвоз рӯзҳои якшанбе сурат мегирад", - омадааст дар хабари вазорати Қазоқистон.

Қарор аст, аз ҷониби Тоҷикистон парвози аввал рӯзи 18 март сурат гирад. Парвозҳо ҳафтае як маротиба рӯзҳои панҷшанбе анҷом дода мешаванд. Ин масирро ширкати миллии "Сомон Эйр" иҷро мекунад.

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

Ёдовар мешавем, ки Тоҷикистон аз 20 марти соли гузашта бинобар пандемияи коронавирус парвози мунтазамро бо тамоми кишварҳо қатъ карда буд.

Истисноҳо парвозҳои махсус барои шаҳрвандони ҷумҳурӣ буданд.

619
Барчаспҳо:
парвоз, Қазоқистон, Тоҷикистон
Эмомали Рахмон и Шавкат Мирзиёев в Самарканде

Самарқанд ва Саратов бародаршаҳр шуданд

151
(Таҷдидшуда 12:00 04.03.2021)
Шаҳрдори Самарқанд ва муовини шаҳрдори Саратови Русия дар мавриди барқарории равобити бародаршаҳрӣ қарордоди ҳамкорӣ имзо карданд

ДУШАНБЕ, 4 мар — Sputnik. Ба гузориши хабаргузории “Форс”, Бобурмирзо Облоқулов, шаҳрдори Самарқанд ва Алексей Никитин, муовини иқтисодии шаҳрдори Саратови Русия дар мавриди барқарории равобити бародархондагӣ қарордоди ҳамкорӣ имзо карданд.

Гуфта шудааст, ки дар қарордоди мазкур ҷалби сармоягузор, иҷрои тарҳҳои муштараки сармоягузорӣ, ҳимоят аз ҳамкориҳои мутақобили байни созмонҳои омӯзишии шаҳрҳо ва ҳамчунин заминаҳои фарҳангиву гардишгарӣ мавриди тавваҷуҳ қарор гирифтааст.

Пешниҳоди Панҷакенту Самарқанд барои сабт дар феҳристи ЮНЕСКО

Дар ин қарордод ду тараф ҳамчунин барои рафъи муштараки паёмадҳои ҳамагирии корона низ ба тавофуқ расиданд.

Қайд карда шудааст, ки дар вилояти Саратови Русия беш аз 3 ҳазор нафар ва дар шаҳри Саратов беш аз 1100 шаҳрванди Ӯзбакистон иқомат мекунад.

151
Барчаспҳо:
шаҳрдор, равобит, бародаршаҳрӣ, бародаршаҳр, вилояти Саратови Русия, Самарқанд
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол