Медицинский работник в аэропорту в защитном костюме

Нахустин қурбонии коронавирус дар Ӯзбекистон

2081
(Таҷдидшуда 14:09 27.03.2020)
Пиразане, ки дар Ӯзбекистон ба сабаби коронавирус даргузашт, солҳои тӯлони аз марзии қанд, бемории қалб ва дигар бемориҳо табобат мегирифтааст

ДУШАНБЕ, 27 мар— Sputnik. Дар Ӯзбекистон як зани солхурда, ки мубтало ба коронавирус буд, дар бемористон даргузашт, дар ин бора ба Sputnik Ӯзбекистон дафтари матбуоти Вазорати тандурустии ин кишвар хабар дод.

“Санаи 26 март зани 72-сола аз Намангон ба бемористон оварда шуд. Тақрибан соати 23:00 ҳамон рӯз ташхиси лабороторӣ муйян кард, ки ин пиразан ба коронавирус гирифтор шудааст”, - таъкид доштанд дар вазорати тандурустӣ.

Зани солхӯрда гирифтори коронавирус аз духтари худ, ки аз Туркия 12 март баргашта буд, гирифтор шудааст. Духтари ин зан баъд аз бозгашт аз Туркия ба карантин гирифта шуд ва баъд аз ташхис, мубтало будани вай ба коронавирус тасдиқ шуд.

Тибқи итттилои вазоратитандурустии Ӯзбекистон зани солхӯрда солҳои тӯлони аз марзии қанд, бемории қалб ва дигар бемориҳо табобат мегирифтааст.

“Ҳарчанд пизикон кӯшиш карданд ӯро наҷот диҳанд, номбурда соати 4.30  ба сабаби сактаи қалб аз олам чашм пӯшид”, - гуфта шудааст дар хабари интишоркардаи вазорат

Аввалин ҳолати мубталошудан ба коронавирус дар Ӯзбекистон санаи 15 марти соли равон аз шаҳрванди ин кишвар, ки аз Фаронса баргашта буд, ошкор шуда буд. То имрӯз шумори гирифторон ба ин вирус ба 83 нафар расидааст.

Беш аз 28 ҳазор нафар зери карантин қарор гирифтаанд. Аз ҷумла 9,1 ҳазор нафар дар бемористонҳо ва марказҳои махсус нигаҳдорӣ мешаванд ва 18 ҳазор нафари дигар худҷудоӣ карда шудаанд.

2081
Барчаспҳо:
табобат, беморхона, пиразан, даргузашт, вирус, Ӯзбекистон
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

569
(Таҷдидшуда 11:44 28.10.2020)
Парвозҳо миёни Тоҷикистон ва Ӯзбекистон аз рўзи 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

569
Новоизбранный премьер-министр Садыр Жапаров

Танҳо бо роҳи осоишта ҳал мекунем: роҳбари нави Қирғизистон ба қазияи марзӣ вокуниш кард

765
(Таҷдидшуда 16:47 26.10.2020)
Дирӯз КДАМ Тоҷикистон изҳор дошт, ки марзбонони қирғиз сокинони ноҳияи Исфараро зери ҳадафи тирашон қарор доданд

ДУШАНБЕ, 26 октября — Sputnik. Иҷрокунандаи вазифаи президенти Қирғизистон Содир Ҷапаров дастур додааст, ки ҳалли масоили марзӣ бо Тоҷикистон тезонида шавад, хабар медиҳад дафтари матбуоти роҳбари кишвар.

Ҷапаров рӯзи душанбе бо роҳбари Хадамоти марзбонии кишвар Улуғбек Шаршеев мулоқот карда, масоили ба эътидол овардани вазъро дар марзи давлатии Тоҷикистону Қирғизистон баррасӣ кардааст.

"Содир Ҷапаров таъкид кард, ки бояд масоили мавҷудаи марзиро бо кишварҳои ҳамсоя ҳарчи бештар ҳал кард. Вай таъкид кард, ки ба наздикӣ бо сафари чандрӯза ба вилоятҳои Бодканд, Ӯш ва Ҷалилобод меравад, то дар ҷойи қазия бо мушкилии мавҷуда ошно шавад", - гуфтааст намояндаи котиботи роҳбари кишвар.

Раиси хадамоти марзбонӣ ба иҷрокунандаи вазифаи раёсати ҷумҳурӣ гуфтааст, ки дирӯз дар вилояти Ботканд қазияи дигаре бо истифодаи яроқи оташфишон рух дод.

Раҳбари ВУХ Қирғизистон бо сафири тоҷик масъалаи марзро баррасӣ кард

Ба гуфтаи вай, шаҳрвандони Тоҷикистон дар мавзеи баҳснок бо таъмири қубури обгузар машғул буданд ва ба талаби марзбонони қирғиз вокуниш накарданд ва бо ҳамин далел ду тир ба ҳаво кушода шудааст.

Пештар дафтари матбуоти Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд. 

КДАМ таъкид кардааст, ки ин қитъа қаламрави Ҷумҳурии Тоҷикистон буда, марзбонон ба ҷониби сокинон тир кушодаанд, ки иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Ҷапаров аҳамияти ҳалли масъалаи муайянсозӣ ва аломатгузории марзро танҳо бо роҳи гуфтушуниди осоишта қайд кардааст.

"Мушкилие нест, ки ҳал нашавад. Ҳамагуна масъаларо метавон бо роҳи гуфтушуниди осоишта ҳал кард", - таъкид кардаст Ҷапаров.

Ба гуфтаи вай, "ҳалли ин гуна масъалаҳоро бояд тӯл накашид, то дар оянда аз ин гуна қазияҳо пешгирӣ шавад, сокинони минтақаҳои марзӣ бояд дар фазои осоишта ба сар баранд".

Ҳодисаи 25-уми октябор дар марзи Тоҷикистону Қирғизистон нахустин нест. Пештар низ танишҳои марзӣ буданд ва дар натиҷа чанд нафар қурбон низ гаштанд.

Сабаби асосии ин ҳодисаҳо - ин минтақаи муайянношудаи марзист. Тӯли марзи Тоҷикистону Қирғизистон 980 километрро ташкил медиҳад, ки аз он 450 километраш муайян ношуда аст.

 

765

Ба халқ содиқона хизмат мекунам: Президент савганд ёд кард

0
Раисҷумҳури Тоҷикистон Эмомалӣ Раҳмон имрӯз расман ба иҷрои вазифаи президенти кишвар шурӯъ кард ва савганд ёд намуд

ДУШАНБЕ, 30 окт – Sputnik. Имрӯз 30 октябр дар Тоҷикистон маросими савгандёдкунии президенти азнавинтихобшуда Эмомалӣ Раҳмон баргузор шуд.

Ин маросим нахуст аз Қасри миллат оғоз гардид ва дар он ҷо ба раисҷумҳур шаҳодатнома, орден ва нишони президентӣ супорида шуд.

Сипас Эмомалӣ Раҳмон рӯй ба Қасри Сомон овард ва дар назди ҳайъати калони ҳукумати Тоҷикистон, вакилони парлумон ва намояндагони ҷомеаи кишвар савганд ёд кард.

Президент даст ба болои Сарқаонуни Тоҷикистон гузошт ва ваъда дод, ки ба мардумаш содиқона хизмат мекунад.

"Ман ҳамчун президент савганд ёд мекунам, ки сарзамин, истиқлолияти сиёсӣ ва фарҳангии Тоҷикистонро ҳифз мекунам ва ба халқ содиқона хидмат менамоям", - таъкид кард раисҷумҳур.

Ӯ дар идомаи суханронӣ бори дигар ба мардуме, ки дар интихоботи 11 октябр ӯро ҷонибдорӣ кардаанд, изҳори сипос кард.

Феълан Эмомалӣ Раҳмон аз дастовардҳои кишвар дар 7 соли сипаришуда ёдовар мешавад ва пас аз суханронӣ барои иштирок дар гузашти низомӣ ба майдони Дӯстӣ меравад.

0