Медицинский работник в защитных очках, архивное фото

Мубтало шудани 2 пизишк ва 10 ҳамшира ба коронавирус дар Алма - Ато

987
(Таҷдидшуда 14:42 11.04.2020)
Дар Алма-Ато 14 ҳолати нави сироятшавӣ ба маризии коронавирус сабт гардид. дар маҷмӯъ дар ин шаҳр 137 нафар ба коронавирус мубтало гардидаанд

ДУШАНБЕ, 11 апр — Sputnik. Дар бузургтарин шаҳри Қазоқистон - Алма-Ато ду табиб ва 10 ҳамшира ба маризии коронавирус мубтало гардиданд, хабар медиҳад Вазорати беҳдошти ин кишвар.

Ба иттилои манбаъ, дар умум дар қаламрави Қазоқистон 859 мавориди гирифторшавӣ ба коронавирус сабт гардидааст. Ҳамчунин бар асари ин маризӣ 10 бемор ба ҳалокат расидааст.

Дар ҳамин робита рӯзи ҷумъа, раисҷумҳури Қазоқистон Қосим Жомарт Тоқаев то авохири моҳи ҷорӣ вазъи фавқулода эълон кард.

Зимнан, дар бастагӣ ба мариз шудани кормандони тиб, сардори раёсати тандурустии ҷамъиятии шаҳр Тлеухан Абилдаев аз тамоми сокинон даъват намуд, ки ба воҳима наафтанд.

Теъдоди мубталоёни коронавирус дар Ӯзбекистон ба 700 нафар наздик шуд

Ба изҳори ӯ табибон новобаста аз карантин вазифаи худро иҷро намуданд ва онҳо аз аввалинҳоянд, ки дар зери хатар қарор доранд.

Қобили зикр аст, ки раванди мубталошавӣ ба маризии сироятии коронавирус дар ҷаҳон ҳамарӯза рӯ ба афзоиш аст. Алъон миёни кишварҳои Осиёи Марказӣ ва ИДМ, Тоҷикистон ва Туркманистон ягона давлатҳое мебошанд, ки аз ин маризӣ дар амон ҳастанд.

 

987
Барчаспҳо:
ҳамшираи шафқат, табибон, Қазоқистон
Сотрудники МЧС РФ проводят дезинфекцию

Собянин гуфт, кай карантинаи Маскав қатъ мешавад

71
(Таҷдидшуда 13:20 05.06.2020)
Шаҳрдори Русия Сергей Собянин қатъ гардидани карантина дар ҳамаи бахшҳои зиндагии мардуми Маскавро шарҳ дод

ДУШАНБЕ, 5 июн — Sputnik. Мири шаҳри Маскав Сергей Собянин дар суҳбат бо шабакаи "Россия" гуфт, ҳамаи чораҳои маҳдудкунанда дар бахшҳои зиндагии бошандагони Маскав то 1 июли соли ҷорӣ бардошта хоҳад шуд.

"Марҳила ба марҳила то 1 июл ҳамагуна маҳдудиятҳое, ки имрӯз ҷорӣ аст, бардошта мешавад", - гуфт ӯ.

Ба гуфти Собянин реҷаи бардошта шудани маҳдудияти марҳилавӣ то рӯзи 8 июн маълум мешавад.

Шаҳрдори Маскав мегӯяд, тақрибан пас аз ду-се ҳафта, беморхонаҳои шаҳр ба реҷаи муқаррарии корӣ мегузаранд ва ба беморон хизмат мекунанд. 

Ӯ ҳамчунин иттилоъ дод, ки дар ояндаи наздик беморхонаҳои касбӣ маризони коронавирусро табобат хоҳанд кард. Дар баробари ин беморхонаҳои муваққатӣ фаъол хоҳанд буд.

Тибқи иттилои ситоди фаврӣ, то 4 июни соли равон дар Русия 441 ҳазор кас гирифтори коронавирус шудаанд.

Собянин: корхонаҳои саноатию сохтмонҳо кушода шаванду аҳолӣ дар хона монад

Теъдоди бештарини маризон дар Маскав - 190 ҳазор кас - сабт шудааст.

 

Дар баробари ин суръати афзоиши гирифторӣ ба ин беморӣ дар Маскав паст шудааст.

71
Барчаспҳо:
вируси нав, Сергей Собянин, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

130
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

130
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон
(NaN:NaN / NaNMb / )

Намози ҷумъа дар масҷиди Ал-Ақсо аз сар гирифта шуд: пахши мустақим

0
(Таҷдидшуда 13:59 05.06.2020)
Дар масҷиди Ал-Ақсои Иерусалим аз имрӯз 5 июн, расман мусалмонон ба хондани намози ҷумъа оғоз карданд

Мусалмонони кишварҳои гуногуни олам бо тадриҷ ба зиндагии маъмулӣ бармегарданд. 

Ҳамин тавр, рӯзи ҷумъа масҷиди Ал-Ақсои Иерусалим пас аз чанд муддати таваққуф барои пешгирӣ аз паҳншавии коронавирус, аз сар ба рӯи намозгузорон боз шуд.

Ёдрас мешавем, ки масҷиди Ал-Ақсо 22 марти соли равон ба хотири пешгирӣ аз паҳншавии коронавирус баста шуда буд.

Бояд гуфт дар масҷиди ҷомеъи Маскав имрӯз намози ҷумъаро танҳо имомхатибон бидуни ҳузури намозгузорон хоҳанд хонд. Ва намозгузории имомон тариқи пахши мустақим нашр карда мешавад.

0
Барчаспҳо:
намози ҷумъа, Иерусалим
Мавзуҳо:
Пайомадҳои COVID-19 дар Тоҷикистон ва ҷаҳон