В Уртачирчикском районе Ташкентской области появится карантинная зона для прилетающих из зарубежа

То 10 май: дар Ӯзбекистон қарантинро тамдид намуданд

465
(Таҷдидшуда 16:35 19.04.2020)
Мӯҳлати қарантин дар Ӯзбекистон мебоси фардо, 20 - уми апрел ба анҷом расад. Вале дар бастагӣ ба афзоиш ёфтани ҳолатҳои нави сироятшавӣ ба маризии коронавирус, қарантин акнун то 10 - уми май тамдид мешавад

ДУШАНБЕ, 19 апр — Sputnik. Қарантин дар Ӯзбекистон тамдид мешавад, хабар медиҳад Sputnik Ӯзбекистон бо истинод ба маълумоти Комиссияи махсуси ҷумҳуриявӣ.

Ба иттилои манбаъ, қарор дар мавриди тамдид кардани мӯҳлати қарантин рӯзи 18 - уми апрел гирифта шуд.

СҶБ: Ноҳияи Ҷаббор Расулов аз сабаби коронавирус қарантин нашудааст

Қаблан, бар тибқи гузоришҳо, мӯҳлати қарантини эълонгардида, фардо рӯзи 20 - уми апрел бояд ба анҷом мерасид.

Намояндагони Комиссияи махсус бар ин назаранд, ки танҳо риояи режими хонашинӣ ва тамдиди қарантин, роҳи ягонаи пешгирӣ аз паҳншавии коронавирус мебошад.

Коронавирус дар Ӯзбекистон

Дар Ӯзбекистон ахиран 19 ҳолати нави дигари мубталоёни коронавирус ба қайд гирифта шуд, хабар медиҳад Вазорати тандурусстии ин икшвар.Тибқи омор, шумораи умумии мубталоён ба коронавирус ба 1490 нафар расидааст.

"То 18 апрели соли 2020, соати 19-и шаб дар Ӯзбекистон шумораи ҳодисаҳои сирояти коронавирус 1469 нафар баробар шуд", - гуфт Вазорати тандурустии ин кишвар.

Ҳамчунин аз ин беморӣ дар ин кишвар панҷ нафар ҳалок ва 194 тани дигар шифо ёфтаанд.

Ба иттилои манбаъ, дар ҳоли ҳозир беш аз 90 ҳазор дар қарантина қарор доранд. Дар хориҷи Ӯзбекистон бошад 73 шаҳрванди ин кишвар ба коронавирус гирифтор шудааст, ки бештараш дар Русия буда ба 42 ҳолат мерасад.

Барои табобат ва маслиҳат барои пешгирии ин беморӣ рӯзи гузашта ба ин кишвар як гурӯҳи 15 нафарии табибони чинӣ омаданд.

465
Барчаспҳо:
Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон (485)
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

126
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

126
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон
Сотрудники погранслужбы на контрольно-пропускном пункте на границе Кыргызстана и Казахстана

Таниш дар марзи Ӯзбекистону Қирғизистон: мақомот гуфтушунид мекунанд

175
Рӯзи гузашта сокинони манотиқи марзии ду кишвар бо якдигар даргир шуданд. Мақомот мегӯянд, вазъият таҳти назари онҳост

ДУШАНБЕ, 1 июн – Sputnik. Кубатбек Боронов муовини вазири Қирғизистон ва Абдулло Орипов нахуст вазири Ӯзбекистон ба далели даргирӣ дар манотиқи марзии байни сокинони Боткенти Қирғизистон ва минтақаи Сухи Ӯзбекистон бо якдигар музокара мекунанд, гузориш медиҳад "Парс тудэй" .

Бино бар иттилои манбаъ, баррасии иллати даргирии ахир дар манотиқи марзии Ӯзбекистон ва ва Қирғизистон меҳвари дидори масъулони ду кишвар хоҳад буд.

Илова бир ин, тарафайн бо сокинони манотиқи мазкур дидор ва иттилооте дар бораи вазъияти марзҳои муштарак ва иқдомот барои ҳифзи субот ироа хоҳанд кард. 

Рӯзи гузашта сокинони манотиқи марзии ду кишвар бо якдигар даргир шуданд.

Бино бар иттилои расмӣ, феълан вазъият таҳти контрол аст ва мақомоти расмӣ дар ҷиҳати оддисозии вазъият иқдом мекунанд.   

Таниш дар марзи ин ду кишвар дар ҳолест, ки чанде пеш, дар рӯзи таҷлили Иди Рамазон, 24 май дар марзи Тоҷикистону Қирғизистон низ як баҳси шадид ба миён омад. Намояндагони марзбонии ҳарду кишвар гуфтанд, ба сари мизи гуфтушунид менишинанд.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

 

175

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0