Медицинская каталка в больнице, архивное фото

Маълум шуд, дар Ӯзбекистон барои табобати як бемори COVID - 19 чанд млн сарф мешавад

1910
(Таҷдидшуда 16:04 24.04.2020)
Дар Ӯзбекистон барои табобати як бемори гирифтори коронавирус, бо вазъи миёна, 32 миллион сум ( беш аз 32 ҳазор сомонӣ ) масраф мешавад

ДУШАНБЕ, 24 апр – Sputnik. Вазири тандурустии Ӯзбекистон Алишер Шодмонов ба рӯзноманигорон гуфт, табобати як бемори гирифтори коронавирус чанд пул меистад.

Ӯ қайд кард, ки дар Ӯзбекистон барои табобати як бемори гирифтори коронавирус, бо вазъи миёна, 32 миллион сум ( 3 ҳазору 156 доллари амрикоӣ) масраф мешавад.

Агар бемор дар ҳолати вазнин қарор дошта бошад, ин рақам ду баробар зиёд мешавад - 64 миллион сум ( 6 ҳазору 312 доллари амрикоӣ).

Дар ҳамин ҳол, ҳукумат барои қарантинаи ду ҳафтаинаи як нафар 2,4 миллион сум ( тақрибан 236 доллар ) сарф мекунад.

Ҳайати коршиносони Созмони ҷаҳонии беҳдошт ба Тоҷикистон ва Туркманистон меоянд

Дар баробари ин барои табобати 14 рӯзаи ҳар бемори аз коронавирус шифоёфта 2,8 миллион сум ( тақрибан 276 доллар ) масраф мешавад.

Бояд гуфт, ки шумораи умумии гирифторони коронавирус то рӯзи 24 апрел дар Ӯзбекистон 1778 касро ташкил медиҳад ва аз ин теъдод 561 кас шифо ёфтанд.

1910
Барчаспҳо:
миллион, ҳазина, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (870)
Премьер-министр Афганистана Абдулла Абдулла

Абдуллоҳ Абдуллоҳ: мардум хоҳони барқарории оташбас ва аз байн рафтани душманиҳо ҳастанд

135
(Таҷдидшуда 20:24 05.12.2020)
Раиси Шӯрои олии мусолиҳаи миллии Афғонистон, иттиҳоди ҳамаи гурӯҳҳо ва ҳизбҳои ин кишварро барои Афғонистон зарурӣ донист

ДУШАНБЕ, 5 дек — Sputnik. Абдуллоҳ Абдуллоҳ рӯзи шанбе дар нишасти ифтитоҳияи Кумитаи раҳбарии Шӯрои олии мусолиҳаи миллии Афғонистон, ки рӯзи шанбе дар Кохи раёсати ҷумҳурии ин кишвар баргузор шуд, шурӯи кори ин кумитаро барои тақвияти гирдиҳамоии миллӣ дар Афғонистон гоме муассир донист ва гуфт: "барқарории сулҳ дар кишвар бояд омили иттиҳоди ҳамаи афғонҳо бошад ва ба сулҳ набояд нигоҳи манфиатталабона дошт", - иттилоъ додааст хабаргузории "Парстудей" дар истинод ба гузориши Ово.

Абдуллоҳ афзудааст, ки имрӯза ҳамаи мардуми кишвар хоҳони барқарории оташбаси саросарӣ ва аз байн рафтани душманиҳо ҳастанд.

Раиси Шӯрои олии мусолиҳаи миллии Афғонистон ҳамчунин зимни таъкид бар зарурати ҳифзи дастовардҳои мардуми Афғонистон дар тавофуқномаи сулҳ бо гурӯҳи Толибон хотирнишон кард, идомаи ҷанг дар Афғонистон ба нафъи касе нест ва танҳо нобудии кишварро ба дунбол хоҳад дошт.

Нишасти ифтитоҳияи Кумитаи раҳбарии Шӯрои олии мусолиҳаи миллии Афғонистон рӯзи шанбе ба раёсати Муҳаммад Ашраф Ғанӣ ва Абдуллоҳ Абдуллоҳ ба сурати муштарак ифтитоҳ шуд.

Музокироти сулҳи Афғонистон байни давлат ва гурӯҳи Толибон аз 12 сентябри 2020 дар Давҳаи Қатар оғоз шуда ва чанд рӯзи пеш саранҷом ду тараф бар сари дастури кори музокирот тавофуқ карданд.

135
Барчаспҳо:
сулҳ, оташбас, Абдуллоҳ Абдуллоҳ, Абдуллоҳ, Афғонистон
Вакцина

Нахустин ваксинаи эронӣ бар зидди вируси корона муҷаввизи озмоиши инсонӣ гирифт

327
(Таҷдидшуда 13:38 05.12.2020)
Раиси маркази равобити умумӣ ва иттилорасонии вазорати беҳдошт, дармон ва омӯзиши пизишкии Эрон аз эътои коди ахлоқ дар пажӯҳиш ба аввалин ваксинаи эронии корона ва вурӯди ин ваксина ба марҳалаи озмоиши инсонӣ хабар дод

ДУШАНБЕ, 5 дек – Sputnik. Киёнӯши Ҷаҳонпур,  ахиран дар саҳифаи "Твиттир" -и худ навиштааст, ки ваксинаи ғайрифаъоли ширкати "Шифо Формад" ба унвони аввалин ваксинаи эронии Ковид-19 бо дарёфт коди ахлоқ, вориди марҳалаи мутолиаи болинӣ шудааст.

Ба гузориши хабаргузории Эрон Пресс, пажӯҳишгари аслии ин тарҳ доктор Минӯ Муҳраз, устоди донишгоҳ ва узви Ситоди миллии муқобила бо корона дар Эрон аст.

Саъиди Намакӣ, вазири беҳдошт, дармон ва омӯзиши пизишкии Ҷумҳурии Исломии Эрон ахиран эълом карда буд, ба зудди Эрон ба унвони яке аз кишварҳои пешрав дар сохти ваксинаи корона дар ҷаҳон шинохта хоҳад шуд.

Christoph Hamelmann, намояндаи Созмони ҷаҳонии беҳдошт дар Эрон, 16 ноябр дар нишасти баррасии пешрафти тавлиди ваксинаи корона дар Эрон аз пешрафтҳои илмӣ ва доруӣ дар Эрон ибрози хушҳолӣ карду гуфт, истифодаи муҳаққиқони Эрон аз ҳамаи равишҳо барои сохти ваксинаи корона, нишонаи он аст, ки эҷоди маҳдудиятҳои сиёсӣ таъсир дар масири пешрафти илмии Эрон надоштааст.

327
Барчаспҳо:
дармон, беҳдошт, вазорат, Эрон
Девушка держит в руках флаг Китая

Парчами Чин рӯи кураи моҳ

0
(Таҷдидшуда 19:30 05.12.2020)
Чин ба унвони дувумин кишвари ҷаҳон ва ҳудуди 50 сол баъд аз Амрико, парчами худро рӯи кураи моҳ ба замин зад

ДУШАНБЕ, 5 дек — Sputnik. Созмони Миллии Фазоии Чин (CNSA) рӯзи шанбе тасовире мунташир кард, ки нишон медиҳад, парчами ин кишвар тавассути ковушгари “Chang'e 5”, рӯи кураи моҳ насб шудааст, иттлоъ додааст хабаргузории “Парстудей” дар истинод ба гузориши Синхуа.

Чин ин фазопаймои бидуни сарнишинро бо ин ҳадаф партоб карда, ки намунае аз сангҳои моҳро ба замин мунтақил кунад.

Ин аввалин талоши як кишвар барои овардани намуна аз моҳ аз даҳаи 1970 то кунун аст.

Ин ковушгар ба зуддӣ амалиёти ҳаффории худро оғоз мекунад ва агар ҳама чиз бо муваффақият пеш равад, авохири моҳи ҷорӣ намунаҳоро ба замин хоҳад овард.

Мутахассисон мегӯянд, баррасии намунаҳои хоки кураи моҳ, ки ин ковушгар ҷамъоварӣ мекунад, барои ошноӣ бо таърихи хоки кураи моҳ ва ҳатто фаъолиятҳои офтоб кумаки зиёде хоҳад кард.

0
Барчаспҳо:
Амрико, моҳ, парчам, Чин