Духовный лидер Ирана аятолла Сейед Али Хаменеи

Хоманаӣ: Ғарб дар озмуни ҷаҳонии муқобила бо вируси корона шикаст хурдааст

1051
(Таҷдидшуда 13:06 12.05.2020)
Оятуллоҳ Сейид Алӣ Хоманаӣ, раҳбари Эрон гуфт, ки Ғарб дар озмуни ҷаҳонии муқобила бо вируси корона шикаст хурдааст

ДУШАНБЕ, 12 май – Sputnik. Вай ин матлабро рӯзи гузашта дар иртиботи тасвирӣ (видеоӣ) бо ситоди миллии мубориза бо вируси корона, ки бо ҳузури Раиси ҷумҳур, вазирон, аъзои ситод ва 31 устондори кишвар баргузор шуд, баён кард, иттилоъ додааст хабаргузории Форс.

Дар Эрон шумори мубталоён ба коронавирус боз афзоиш ёфт

Хоманаӣ бо ишора ба нокомӣ ва шикасти Ғарб дар озмуни ҷаҳонии муқобила бо вируси корона гуфт, ғарб ва ғарбзадагон намехоҳанд ин шикаст дида шавад, аммо лозим аст то андозаву мизони ин нотавонӣ баррасӣ ва баён шавад, зеро интихоб сарнавишти муҳимми миллатҳо ба ин огоҳиҳо бастагӣ дорад.

“Вируси корона дар Амрикову Аврупо дар муқоиса бо дигар кишварҳо дертар паҳн шуд, яъне ин кишварҳо имкон доштанд худро барои муқобила бо ин вирус омода кунанд, аммо ба таври бояду шояд аз анҷоми ин кор набаромаданд. Омори болои мубталоён ва фавтшудагон дар Амрико ва баъзе кишварҳои аврупоӣ ва мушкилоти гуногуни мардуми ин кишварҳо, аз ҷумла бекорӣ, нотавонии онҳоро исбот мекунад”, - таъкид дошт раҳбари Эрон дар робита ба “нокомии тавоноиҳои мудириятии Ғарб.

Оятуллоҳ Хоманӣ инчунин "фалсафаи иҷтимоии Ғарб" - ро шикастхурда хонд.

Вай афзуд, рӯҳ ва муҳтавои фалсафаи иҷтимоӣ дар Ғарб бар пояи моддиёт ва пул устувор аст. Ба ин далел аст, ки онҳо ба солмандон, афроди мариз ва бепул, ки ба бемории корона гирифтор шудаанд, беэътиноӣ карданд. Чаро ки онҳо имкони ба даст овардани пул ва эҷоди моддиётро надорад ва бо ин сабаб шумораи зиёде аз онҳо дар хонаҳои пиронсолон ҷон бохтанд, ки ин воқеият шикасти фалсафаи иҷтимоии Ғарбро низ ошкор мекунад.

Раҳбари Эрон бо ишора ба ҳуҷуми мардум ба мағозаҳо ва бархе иқдомоти манфии дигар, таъкид кард, ки “Буҳрони вируси корона нокомии ахлоқи иҷтимоии Ғарбро низ ба намоиш гузошт”.

Хоманаӣ амалкарди миллати Эронро дар мубориза бо вируси корона ҳаракати азим ва ифтихоромез хонд ва аз заҳматҳои шабонарӯзии бахши пизишкӣ, ниҳодҳои мухталиф ва гурӯҳҳои довталаб ташаккур кард.

Раҳбари Эрон талошҳои илмӣ ва таҳқиқотии марказҳои донишгоҳӣ ва бархе ширкатҳои донишбунёни кишварро дар робита ба муайян кардани хусусиятҳои ин вирус, пайдо намудани ваксин ва доруи зидди он, боиси ифтихор тавсиф кард.

Вай барномарезӣ ва мудирияти Ситоди миллии мубориза бо вируси корона ва Вазорати беҳдошти Эронро хеле хуб хонд ва таъкид кард, ки “ин ифтихори миллӣ бояд сабт шавад”.

1051
Барчаспҳо:
Оятуллоҳ Хоманаӣ, шикаст, шикаст хурд, вирус, Ғарб, Аврупо, Эрон

Кохи сафед эълон кардааст, ки тавофуқи Трамп бо Толибонро бознигарӣ хоҳад кард

264
(Таҷдидшуда 13:46 23.01.2021)
Кохи сафед дар баёнияе эълом кард, ки мушовири амнияти миллии Ҷо Байден, раисҷумҳурии Амрико ба ҳамтоии афғонистонии худ итилоъ дода аст, ки Амрико тавофуқи Трамп бо Толибонро бознигарӣ хоҳад кард

ДУШАНБЕ, 23 янв — Sputnik. Ҷек Соливон, мушовири амнияти миллии раиси ҷумҳурии Амрико ба ҳамтоии афғонистонии худ эълом кардааст, ки Иёлоти Муттаҳида тавофуқ бо Толибонро бознигарӣ хоҳад кард, иттилоъ додааст радиои тоҷикии Садои Хуросон ба нақл аз ИРНА.

Пеш‌тар Антони Блинкин, ки аз сӯи Байден номзади ҳидояти вазорати хориҷа шуд, дар ҷаласаи пурсишу посух бо намояндагон дар маҷлиси Сенати ин кишвар гуфта буд, ки тавофуқи давлати Трамп бо Толибонро баррасӣ ва бознигарӣ хоҳад кард.

Ин дар ҳоле аст, ки манобее аз давлати Афғонистону Толибон пештар гуфта буданд, ки ду тараф барои тавофуқи давлати Трамп бо Толибон, мунтазири вуруди Ҷо Байден ба Кохи сафед ҳастанд, то аз мавозеъи ӯ дар қиболи ин тавофуқ ва иқдомоти ӯ огоҳ шаванд.

Рӯзи 20 феврали соли гузашта мақомҳои Амрико ва Афғонистон эълом карданд, ки Амрико ва муттаҳидонаш дар НАТО нерӯҳояшонро дар муддати 14 моҳ аз Афғонистони хориҷ хоҳанд кард, дар сурате ки Толибон ба таъаҳҳудоташ бар асоси тавофуқе, ки дар Давҳа имзо карданд, пойбанд бошад.

Панҷ ҳазор зиндонии гурӯҳи Толибон низ бар асоси ҳамин тавофуқнома аз зиндонҳои давлати Афғонистон озод шуданд, ки акнун давлат муддаӣ аст шумори зиёде аз онҳо ба майдони ҷанг баргаштаанд.

Тавофуқномаи сулҳи Амрико ва ниманизомиёни Толибон баъд аз 11 даври музокирот дар ҳоле ба имзо расид, ки бо вуҷуди давлати қонунии Афғонистон, Амрико ба гурӯҳи Толибон дар умури дохилии ин кишвар иҷозаи мудохила додааст.

264
Барчаспҳо:
тавофуқ, бознигарӣ, Толибон, Трамп, Афғонистон, Амрико
Президент Кыргызстана Сооронбай Жээнбеков прибыл с официальным визитом в Таджикистан

Савгандёдкунии хоксорона: Ҷабборов барои масрафоти зиёд аз кортежу банкет даст кашид

2092
Содир Ҷабборов мегӯяд, маросими савгандёдкунии ӯ бидуни кортежу банкет доир мешавад, зеро намехоҳад беҳуда пули зиёд сарф шавад

ДУШАНБЕ, 22 янв — Sputnik. Кишвардори тозаинтихоби Қирғизистон Содир Ҷабборов тасмим гирифт аз кортежи махсус даст кашад ва мехоҳад маросими савгандёдкунӣ хоксорона доир шавад, хабар медиҳад, котиботи президент.

Чанде пеш дар шаҳри Бишкек, хиёбони Чингиз Айтматовро бинобар тамрини баргузории маросими савгандёдкунӣ бастанд.

Ҳамчунин маълум гардид, ки маблағи умумии масрафи маросими адои савганди президенти феълӣ 15 миллион сомро ташкил медиҳад, ки аз ин миён 10 миллион сом сарф мешавад.

Пас аз ифшои ҳаҷми маблағ, дар шабакаҳои иҷтимоӣ мардум аз сарфи зиёди маблағ ва роҳбандиҳо изҳори нигаронӣ намуданд.

Раҳмон ба Ҷабборов барқия фиристоду ба мардуми қирғиз сулҳу субот таманно кард

Содир Ҷабборов шояд нигаронии мардумро пай бурда, аз кортежу банкет ва дигар чорабиниҳо даст кашид.

"Ман фикр мекунам, ки мардум моро мефаҳманд ва дастгирӣ мекунанд. Ман қарор додам, ки аз кортежи махсус, зиёфат ва дигар чорабиниҳои ташкилӣ, ки хароҷоти калони молиявиро талаб мекунанд, даст кашам.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири он кишвар таъйин гардид.

Зимнан, дар маракаи интихоботи президентӣ низ ширкат намуда, дастболо шуд. Ҳоло маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

2092
Барчаспҳо:
президент, маросими савгандёдкунӣ, Қирғизистон
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

0
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

0
Барчаспҳо:
таъйин, вазир, Ӯзбекистон